Ka Wai Ola - Office of Hawaiian Affairs, Volume 30, Number 9, 1 September 2013 — ʻKAMIKIʻ [ARTICLE+ILLUSTRATION]

ʻKAMIKIʻ

By Kalani Akana, Ph.D. / A uhea 'oukou e nā * / \ kānaka puni heluhelu a me nā aloha 'āina. /^^^ Ua ho'opa'a 'ia mai / \na kākou nā mo'olelo he nui ma ka waihona pa'a o ka nūpepa 'ōlelo Hawai'i. Wāhi a Poepoe (1906): Aia maloko o ko lakou Moolelo Kahiko na Mele ame na Pule Wanana, na mele ha'i-kupuna a kuauhau hoi. Aia hoi maloko o na hana maa i ko kakou mau kupuna, he mau mahele ike i komo nui iloko o ke kupaianaha ame ke kamahao....he mea pono ke malamaia kekahi oia mau ike o ke au kahiko o na kupuna o kakou, elike me ka ike kalaiwaa, kilo-hoku, ame na ike e ae he nui (Ka Na'i Aupuni, Feb. 6, 1906). Pololei ho'i ka 'ōlelo a Poepoe

a eia nō mākou nā mamo aloha 'āina ke mahalo nei iā lākou kūpuna kū'auhau 'o 'Ī'I, Kamakau, Kepelino, Malo me Hale'ole, Kahiolo, Kalawai'a, Kalokuokamaile, Kānepu'u, Kekauluohi, Lili'uokalani, Manu, Nāku'ina, Emma Nākuina, Poepoe, Po'omaikelani, Puku'i, Uanuana, a nui wale aku nō. Eia kekahi, ua waiho 'ia ka 'ike hohonu i loko o ka mo'olelo e hiki ai iā mākou ke nanea, ke ho'oulu mana'o, a ke ho'onui 'ike. 'O wau kekahi o lākou mamo ke hui nei me nā hoa e heluhelu i ke "Ka'ao Ho'oniua Pu'uwai no Ka Miki." kekahi momi ma loko o ka nūpepa Ke Au Hou (1911). 'O ua Ka Miki nei o ke ka'ao, 'a'ohe lua e loa'a ai ma ke kolohe. No laila, ua lawe a 'ailolo 'ia 'o ia e kona kupunawahine 'o Kauluhenuihihikolo ma ke kākālā'au, ke alo pōhaku 'oe, ke alo lā'au 'oe, ka plkoi 'oe, ka ha'ikaha'i, ka mokomoko, ke kulakula'i, ke ku'ialua, ke kūkuni a me nā 'oihana hī aku. Ua heluhelu 'ia e mākou hui heluhelu mo'olelo

kekahi mahele e pili ana i ke a'oa'o 'ia 'ana e Kauluhenuihihikolo iā Ka Miki me Ma Ka'iole. I ka ho'ouna 'ia 'ana aku e ua kupuna nei iā Ka Miki, ua kū pololei 'o ia a "hou na lima imua me he A'u ala e kipoho ana e kiko i ka i'a" a 'o ko Ma Ka'iole kūlana ke kū pololei me ka "uwehe o na lima iwaho me he iwa ala" (Ke Au Hou,

18 Ianuali 1911). Ma hope o ka heluhelu 'ana i ia mahele 'o "Ka Miki" ua kama'ilio au me kekahi haumana o ka Pā Ku'i a Holo, a ua nīnau au iā ia i ke 'ano paha o ia mau kuhi lima i hō'ike 'ia ma "Ka Miki" a ua hō'ike koke mai 'o ia i kona mana'o he 'ai i'o nō lāua. Nani ke 'ike i ka hana maoli e hana 'ia nei. He hō'ike nō i ka 'ōlelo a Poepoe, "he mea pono ke malamaia kekahi oia mau ike o ke au kahiko o na kupuna o kakou." Eia kekahi la'ana o ka pono o ka mālama 'ana i ka 'ike o ke au kahiko. Ia'u e heluhelu pākākā ana i kēia ka'ao no Ka Miki, ua hei ku'u maka i ka inoa 'o Halekumuka'aha a me ke mele, "He Kanaka." Ua hō'ume'ume 'ia ku'u maka ma muli o ko'u hoihoi i ka hana hei a i ka manawa a'u i kākau ai i ka'u pepa nui ua no'ono'o au he pili

kēia ko kēia mele 'o "He Kanaka" i ka 'oihana ku'ialua. Ma Dickey (1928), ua kapa 'ia kēia hei 'o "Hale Pa'akai" nō ia a ua laha kēia inoa kapa hewa ma YouTube a pēlā aku akā 'ano 'ē nō kēlā inoa kapa ia'u no ka mea 'a'ohe hale pa'akai 0 ka Hawai'i. Ma ka heluhelu 'ana mai ma KeAu Hou ua kākau 'ia, na ke kupuna 'o Kauluhenuihihikolo 1 a'o i kēia hei 'o "Kanaka" iā Ka Miki. Kupanaha! Eia kekahi, ua hana a oli 'o Ka Miki i kēia hei 'o "Kanaka" i kona kupuna e wehe i ka hale no kekahi 'olohe āiwaiwa 0 ka mokomoko a me ka ha'iha'i (10 Mei 1911 & 17 Mei 1911) e komo. Ho'omaka ke mele peinei, "He kanaka, he kanaka. Eia a'e... Wehe 'ia, wehe 'ia ka puka." E hoihoi paha nā kānaka e a'o ana 1 ke ku'ialua a me nā kānaka hana hei e heluhelu i kēia ka'ao 'o "Ka

Miki" e a'o mai i 'ike hou. No laila, he kono a he paipai kēia iā 'oukou e nā kānaka heluhelu mo'olelo e huli a loa'a i kāu pū'olo pa'akai ma kāhi punaewele 'o www.nupepa. org. Ma laila e e'e ai a e 'imi ai i kekahi mo'olelo nūpepa. E huli iā "Ka Miki" ma ka nūpepa 'o Ke Au Hou e ho'omaka ana ma Ianuali 1 1, 1911. SUMMARY IN ENGLISH The article begins with a quote by Poepoe who said that the customs and wisdom of our kūpuna (ancestors) contain wondrous and amazing knowledge that should be cared for and retained. A vast number of history and story have been set to print in newspapers and form a corpus of traditional knowledge by a litany of

Hawaiian writers and historians. This repository is left for us descendants to enjoy, to be inspired and to learn from. One such story is "Ka Miki" from the newspaper Ke Au Hou, and is being read by a group of mo'olelo lovers. The first example describes a ready motion of Ka Miki and his older sibling, Ma Ka'iole. The description resembles moves and positions taken by ku'i a lua (a complex martial art) practitioners.

The second example of contemporary folk extracting and applying knowledge from this repository to modern day use is the making of a traditional string figure that has been mislabeled for decades as "Hale Pa'akai" or "Salt House." The author found a story recounting the use and making of this figure in Ke Au Hou. In "Ka Miki" it is called "Kanaka." Interested readers ean access the story through www.nupepa.org by looking: 1) for the newspaper, Ke Au Hou, and 2) selecting the date of publication, January 11, 1911. ■ Kalani. Akana is pou kukuna mo'omeheu, euhwal specialist, of Ke'ena Kuleana Hawai'i (OHA).

j 'ŌLELO PĀLUA ^ TW0 LANGUAGES /

www.oha.org/kwo | kwo@OHA.org NATIVE HAWAIIAN » NEWS | FEATURES | EVENTS

Kaiwi Nui and Ikaika Nakahashi demonstrate what Ka Miki's A'u/Swordfish move may have looked like. - Photo: LisaAsato

Tuhi Kanahele of Hilo making the figure "Kanaka," also known as "Hale Pa'akai." - Courtesy photo