Ka Wai Ola - Office of Hawaiian Affairs, Volume 26, Number 9, 1 Mei 2009 — Eo iā Kāne ka hoʻokūkū Miss Aloha Hula [ARTICLE+ILLUSTRATION]

Eo iā Kāne ka hoʻokūkū Miss Aloha Hula

Na ī. Ilihia Giunsun Luna Hū'upūnupūnū Palapala Cherissa Henoheanāpuaikawaokele Kāne, of Wailuku, Maui's Hālau Ke 'alaokamaile, is Miss Aloha Hula 2009. The Hawaiian immersion schooI teacher a!so won OHA's Hawaiian Language awanl at the Menie Monaneh Festival.

Ma kona oli a hula 'ana no ka nani o Ka'ala a me ka ho ' ohanohano ; i ke kupunawahine aloha i eo ai iā Cherissa Henoheanāpuaikawaokele Kāne ke kūlana ha'aheo 'o Miss Aloha Hula ma ka Mele Manaka o kēia makahik

ma Hilo, Hawai'i. Ua eo ka ho'okūkū iā Kāne me ka lanakila pū i ka makana 'ōlelo Hawai'i na ke Ke'ena Kuleana Hawai'i. "Hau'oli loa ko'u mokupuni ma muli 0 ka lō'ihi o ka lanakila 'ole o kekahi wahine no Maui," wahi a Kāne. 'O Jody Imehana Mitchell ka Miss Aloha Hula aku nei no Maui, mai Ka Pā'ū O Hi'iaka na kumu hula Hōkūlani Holt-Padilla. 'O ia 'o Miss Aloha Hula 1979. He pua 'o Kāne na nā kula kaiapuni Hawai'i ma Maui. He haumāna 'o ia ma ka papa puka mua o ke Kula Kaiapuni 'o Kekaulike ma Pukalani ma ka makahiki 200 1 . 1 kēia manawa, a'o aku 'o ia ma ia kula ho'okahi nō. Ua kani wawā ke anaina ma ka hale 'o Edith Kanaka'ole ma ko Kāne pi'i 'ana i ka āwai ma mua o kona mau hula 'elua, he ho'ohanohano ia iā Kāne a me kona kumu hula - a hoahānau kekahi - 'o Keali'i Reichel o Hālau Ke'alaokamaile no Wailuku, Maui. "I ia pō, 'o ka mea nui ka pili me ko'u 'ohana. No ia mau minuke, 'o ia wale ka'u i no'ono'o ai," wahi a Kāne. Aia kona makuakāne me kona hoahānau 1 hope ona ma ka ho'okani i ke mele ho'ohanohano i kona kupunawahine. A he ho'ohanohano ka hele 'ana o ka hālau i ka Mele Manaka i ko Kāne lāua 'o Reichel 'anakē, 'o Leona Stephens, i hala i kēlā makahiki aku nei. Ua eo iā Kāne ka makana 'Ōlelo Hawai'i na ke Ke'ena Kuleana Hawai'i no kona oli 'ana ma mua o ka hula kahiko. Loa'a mai ke oh 'o "Nani Ka'ala He Keiki

Na Kamauoha" mai loko mai o ka puke Nā Mele Welo, wahi a Kāne. Ua eo iā ia ka makana no kona walewaha ma ka 'ōlelo Hawai'i, a no kona hele a kama'āina me ia oli nō. "He mea nui ka heluhelu pono i nā hua'ōlelo. A ua kelepona aku au i nā hoa no ia 'ao'ao o O'ahu no ka holoholo, ka nānā i nā wahi pana," wahi a Kāne. "Inā 'a'ole 'oe i hele, pehea lā e 'ike pono ai i ka nani o ia wahi? He 'oko'a ke kama'āina i ke mele a me ka hele kino i ia wahi." No ka māhele hula kahiko, ua hula 'o Kāne i ke mele 'o "Maika'i Ka 'Ōiwi O Ka'ala", he mele ho'ohanohano no Kalākaua ma ka hō'ike 'ana

Hulū 'o Cherissū k Henoheonāpuūikowookele Kone ™ o Hālūu Ke'olookomoile i kōno k hulū kohiko mo ko ho'okūkū Miss Aloho Hulū. - Ki'i: Hichoias Masagatani i ka nani o Ka'ala, O'ahu.

Na Kuluwaimaka ia oli i haku, a na Kalena Silva i hakuloli iki a lilo i mele hula. "He mele ho'oipoipo, he mele ho'āeae nō ia. He nani lua 'ole ke kaila o ka 'ōlelo," wahi a Reichel. He mau mele 'ohana kā Kāne mele hula 'auana me kāna mele ka'i i hula ai, e ho'ohanohano ana i ko lāua 'o Reichel kupunawahine aloha 'o Kamaile Kāne. Ho'ohanohano ke mele ka'i 'o "He Lei No Kamaile" i ko tūtū Kamaile one hānau 'o Kohala, Hawai'i a i kona wahi noho 'o Pā'ia, Maui. "Hiki iā Tūtū ke pūliki i ke mele hula," wahi a Reichel. 'O "Ka Nohona Pihkai" kā Kāne mele hula 'auana. "He mele ho'omana'o, he mele aloha, he mele wahi pana, nui nā 'ano mele ma ke mele ho'okahi," wahi a Reichel. "He mele no nā hanauna i 'ike i ko mākou aloha i kēlā wahi," 'o ko ke kupunawahine home ma Pā'ia ho'i. Ua kama'āina mua paha 'oe, e ka mea heluhelu ē, i kēia mau mele - ua pa'a mua iā Reichel ma kāna mau sēdē. Aia 'o "Maika'i Ka 'Ōiwi O Ka'ala" ma Lei Hali'a, 'o "He Lei No Kamaile" ma E Ō Mai, a 'o "Ka Nohona Pilikai" ma Ke 'alaokamaile. Nui ka ha'aheo o kahi kumu iā Kāne. "He 'ōlapa 'o ia ma lalo o'u ma ka hālau no mau makahiki, i kona wā 'ōpio. He pilina koko nō ia kekahi. Nui ka ha'aheo, nui ke aloha. Pū'iwa nō ho'i māua - pū'iwa loa!," wahi a Reichel. " 'O ka hele 'ana me nā kūpuna ma hope o mākou, 'o ia ka mea nui. Ma hope o kēlā, he pai. Ka 'frosting' ho'i ma luna o ka mea momona. Ha'aheo loa." ■