Ka Wai Ola - Office of Hawaiian Affairs, Volume 22, Number 9, 1 September 2005 — He kanikau [ARTICLE+ILLUSTRATION]

He kanikau

I He kānaenae aloha nō iā Manuia, Kanikau lā he aloha, nou no iā ia, Ho'i mai ana i ka waena a ka honua I ka walewale ho'okumu honua ia Ho'i ē, ho'i lā, ho'i ke kama ē He Kama a Keawe ē Na kama a Pi'ilani lā Na 'li'i 'o Kalei Manuia ē Na kama a Kaalanikauikaalaneo ē He kama a Toma Kaleimanuia Maunupau lā e ō ē Ho'olono ka lo 'aikanaka I ke kani a ka 'eke'eke I ke kani a Ho'olonopahu I ka pahuwaka a Kaleimanuia Pahu māwae kanaka o Kākuihewa ē No laila i ka wahi a ka lehua Ka pua mamo a Kū-kaniloko Ma lalo o Hālonanui a Hālonaiki Aia i Wai'anae na kauna'oa E Kolo ē, e kō'ai ē, e pale uhi ē He pūkaua ali'i 'oe Nāna iā Kū a Imakakaloa ē Na Kū-ihewa ia nei Na Kū-ihewamakawalu ē Na kaihikahu a Manuia ke 'li'i ē Ha'alele 'oe i ka lā ka mea mahana Hala i ke ala polihua a Kāne Lele aku lā mai Ka'ena I ka lani, i ka ho'olewa ana ē Ho'i mai, ho'i lā, ho'i 'o Manuia ē Analū Kame'eiamoku Josephides Wai'anae, O'ahu

KA I FO Kaiāiii I)

[?]