Ka Wai Ola - Office of Hawaiian Affairs, Volume 17, Number 11, 1 November 2000 — ʻO "Ka ʻililauokekoa" ke kiʻi 'oniʻoni Hawaiʻi loloa mua loa o ke ao [ARTICLE+ILLUSTRATION]

ʻO "Ka ʻililauokekoa" ke kiʻi 'oniʻoni Hawaiʻi loloa mua loa o ke ao

Na ka Māhele Pāpaho Palapala 'Ole o ka 'Aha Pūnana Leo MAI KA waha mai nō o nā kūpuna a me nā nūpepa 'ōlelo Hawai'i pū kekahi, ua pa'a mai nei 'o " Ka'ililauokekoa " 'o ia ke ki'i 'oni'oni Hawai'i loloa mua loa o ke ao. He ka'ao Hawai'i walohia ia e pā like ai ka na'au o kēlā lāhui kēia lāhui kanaka. Mai waena mai o nā ki'i 'oni'oni 'ē a'e he mau haneli o ka honua nei, ua koho ka Hawai'i International Film Festival iā " Ka'ililauokekoa " 'o ia kekahi o nā 'ōnohi ki'i 'oni'oni e ho'olele 'ia ma ke Kikowaena 'Aha O Hawai'i (Hawai'i Convention Center) i ka ho'omaka 'ana o ka Ho'olaule'a i ka lā 3 o Nowemapa. Ua nui ka noi'i nowelo 'ana aku o Kala'i Ontai, 'o ia ka mea kākau me kaluna kuhikuhi pū o "Ka 'ililauokekoa',' no kona makemake e hō'ike pololei 'ia mai ka mo'olelo. Ua ho'omohala pū 'o ia i nā māhele mo'olelo a pau me ka ho'omana'o mau i ke kahua pa'a 'o ka mauli ola Hawai'i e ikaika ai ko ke ki'i 'oni'oni mau 'ao'ao pili 'uhane, 'ōlelo, 'ike ku'una a me ka lawena. Ma nā 'anu'u a pau o ka pa'a 'ana o ia ki'i 'oni'oni, ua ho'ohana 'ia ka 'ōlelo Hawai'i (a māhuahua a'ela ka papa hua'ōlelo 'enehana ki'i'oni'oni). 'A'ole loa kēia he ki'i 'oni'oni Hollywood. He 'a'e nā ki'i a GB Hajim, 'o ia ke kī ki'i 'oni'oni, ma luna o ka ma'amau ma ka ho'ohuihui 'ana i ke ao 'uhane me

ke ao kanaka e pōwehiwehi ai ka 'oko'a o lāua. Mai ke ki'i mua a ka hope, he unuhi 'o Hajim i nā mana'o Hawai'i a hō'ike 'ia maila a maka. Ua nui ke kāko'o 'ia o "Ka 'ililauokekoa " e ko ka Pūnana Leo e nā haumāna, nā limahana, nā mākua me nā 'ohana a me nā hoa kāko'o ho'i o ke kaiaulu. 'O Noelani Iokepa (Ka'ililauokekoa), 'o ia ke kumu alaka'i ma ka Pūnana Leo o Kawaiaha'o e 'imi pū nei i kona kēkelē kauka ma ka Ho'okele Ho'ona'auao. 'O

Kamakāneoaloha Hopkins (Keh'ikoa), 'o ia ke kumu alaka'i o ka Pūnana Leo o Ko'olauloa. 'O Pono Guerrero ho'i (Kauakahiali'i), he kanaka kīnai ahi Pekelala i ho'onoho 'ia ma Honolulu. Ua hana 'ia kēia ki'i 'oni'oni e ka 'Aha Pūnana Leo. He 'ahahui ho'ona'auao 'ōiwi Hawai'i 'auhau 'ole ka 'Aha Pūnana Leo i ho'okumu'ia i ka makahiki 1983. Ua ulu mai ke aukahi Pūnana Leo mai loko mai o ka 'i'ini e ho'okumu pa'a 'ia a puni 'o Hawai'i nei ke kūlana mana o ka 'ōlelo Hawai'i ola o kēlā me kēia lā. 'O ka 'Aha Pūnana Leo kekahi o nā alaka'i o ke ao ma ia hana he ho'ōla 'ōlelo 'ane halapohe. A he kūpa'a pono ma hope o kona mākia e kia mau nei, 'o ia ho'i "E Ola ka 'Ōlelo Hawai'i." Editor's Note: "Ka'ililauokekoa" is the jirst fulllengthfilm in the Hawaiian language, and will befeatured at the opening ofthe Hawai'i International Film Festival Nov. 3. Below is a schedule of other showings. Written and directed by Kala'i Ontai ofthe 'Aha Pūnana Leo in Hilo, thefilmfeatures Noelani Iokepa as the mythical princess Ka 'ililauokekoa, and Pono Guerrero as Kauakahiali'i, whose magical nose flute "kanikawī" attracted the princess to him. Several versions ofthe story were gatheredfrom elders, Hawaiian language newspapers and books, and assembled into a comprehensive film, complete with English subtitles. ■

11/3 Kikowaena 'Aha o Hawai'i hola 6 ahiahi 11/4 Dole Cannery hola 1 awakea Hawai'i (Hilo) 1 1/12 Hale Keaka 'o Palaee hola 6 ahiahi 11/13 Haie Keaka 'o Palaee hola 1 0:30 awakea Kaua'i 1 1/14 Kuianui Kaiaulu o Kaua'i hola 8:30 ahiahi Maui 11/15 Ke Kula 'o Seabury Hall hola 7 ahiahi 11/16 Hale Keaka 'o McCoy hola 5:30 ahiahi Hawai'i (Kona) 11/19 Kikowaena Hale Kū'ai o Keauhou hola6ahiahi

iinmi iiw iiiiiiiii

Noelani lokepa plays the role of the beautiful princess Ka'ililauokekoa, and Pono Guerrero, high chief Kauakahiali'i, creator of the magical nose flute, "Kanikawi."