Ka Wai Ola - Office of Hawaiian Affairs, Volume 17, Number 1, 1 January 2000 — He polokalamu kumu kula paepae Hawaiʻi hou ma ke Kulanui o Hawaiʻi ma Hilo [ARTICLE+ILLUSTRATION]

Help Learn more about this Article Text

He polokalamu kumu kula paepae Hawaiʻi hou ma ke Kulanui o Hawaiʻi ma Hilo

KA MAKAHIKI 1997, ua holo i ka 'Aha'ōlelo o Hawai'i nei he kānāwai e ho'okumu ana i Ka Haka 'Ula O Ke'elikōlani ma ke Kulanui O Hawai'i ma Hilo. 'O kekahi o nā hana e koi 'ia no ua koleke 'ōlelo Hawai'i nei. 'o ia ho'i kekahi polokalamu ho'omākaukau kumu i kapa 'ia 'o Kahuawaiola. Eia ke ho'olaha 'ia aku nei i nā haumāna puka kulanui i walewaha na'e ma ka 'ōlelo Hawai'i, ua hāmama kēia papahana na 'oukou. I mea e 'ano mōakāka ai ka hana o Kahuawaiola, he makepono ke maopopo no kē kūlana o ka 'ōlelo a mo'omeheu Hawai'i i loko o nā kula aupuni nona ka ho'okumu 'ia o Kahuawaiola. I ka 'Aha Kau Kumukānāwai o ka makahiki 1978, ua ho'okumu 'ia he mau māhele e 'ike ana i ka 'ōlelo Hawai'i he 'ōlelo kūhelu no Hawai'i nei a e koi ana e ho'oholomua 'ia ka 'ōlelo, mo'omeheu a mō'aukala Hawai'i i loko o nā kula aupuni. Ua ho'omaka ia ho'oholomua 'ana ma ka ho'okomo 'ana i kekahi mau a'o ha'awina Hawai'i a me nā kūpuna mānaleo Hawai'i (i kēia wā ma ke 'ano nui, he mau mākua mānaleo Hawai'i 'ole) i loko o nā kula ha'aha'a a i kekahi mau papa 'ōlelo a ha'awina Hawai'i ma nā kula ki'eki'e. I ka makahiki 1987, ua ho'okumu 'ia ka Papahana Ho'olu'u 'Olelo Hawai'i (Papahana Kaiapuni Hawai'i). I loko o kēia mau makahiki he iwakālua i ka'ahope a'ela, ua nui nā hemahema i 'ike 'ia i ka ho'olako 'ana i nā kula aupuni i nā kumu mākaukau ma nā 'ao'ao Hawai'i no nā kula mai ka mālaa'o a hiki i ke kula ki'eki'e. He papahana 'o Kahuawaiola i ho'okumu 'ia i mea kālele i ka ho'opau i ia mau hemahema. Kūkulu 'ia ka paepae ki'ina hana o Kahuawaiola ma luna o nā 'ōlelo a kahiko, 'o ia ho'i, "Ma ka hana ka 'ike" a me "Ma mua ka hana, ma hope ka wala'au" Ma ke kauwela, noho like nā moho Kahuawaiola a pau ma ka hale noho haumāna o ke Kula 'O Nāwahīokalani'ōpu'u a ka'a iā lākou nā papa 'īkoi o ka papahana ma ka ho'ohana 'ana i nā lumi papa, ka māla, ka hale ho'omākaukau ha'awina. nā pā holoholona a loko i'a, nā lumi kamepiula, nā hale ho'oulu meakanu 'ōiwi, a me ke kaiapuni ao kūlohelohe o ka Mokupuni 'o Hawai'i. I loko nā mea a pau o ka 'ōlelo Hawai'i mai ke ala 'ana i ke kakahiaka a hiki i ka ho'i 'ana e hiamoe i ke ahiahi. 'A'ole ma ka puke wale nō ke a'o, akā, he huli maoli iho nā lima o nā moho i lalo i ka 'āina ma nā hana e hiki ke ho'olilo 'ia i ha'awina kūwaho lumi papa. I nā kau hā'ulelau a me ke kupulau, ho'i nā moho Kahuawaiola i loko o ke a'oākumu 'ana ma lalo o kekahi kumu loea o kona kula. Hele pū ka papahana i nā moho ma ka 'ōnaehana a'o kīwī

(HITS) i nā ahiahi me nā hopenapule a pēlā pū me ka hele maoli 'ana o nā loea ho'okele a'oākumu o Kahuawaiola e kāko'o a loiloi i ka hana a nā moho i loko o ka lumi papa. E like me ka mea i koi 'ia i nā Papahana Ho'omākaukau Kumu a pau o Hawai'i nei, ua hana 'ia he palapala hikaloiloi lō'ihi no Kahuawaiola. Aia ia palapala ke heluhelu 'ia nei e ka 'Oihana Ho'ona'auao. Aia a 'āpono 'ia ia palapala, e piha pono kekahi o nā koina e laikini kumukula ai nā moho Kahuawaiola. Kāko'o 'ia 'o Kahuawaiola ma kona kānāwai moku'āina, kāko'o pū 'ia ma ka ho'olako kālā pekelala no ka ho'omohala a ho'okō papahana e pau ai he 80 pakeneka a 'oi o nā lilo o nā haumāna. 'O ka huapuka e 'imi 'ia ana ma Kahuawaiola, 'o ia ke kumu i hiki ke a'o i loko o kēia au hou ma luna o ke kahua ki'ina hana me ka 'ike ku'una o ka Hawai'i, i huawai ola e kanāho ai nā hanauna hou o kēia milenio hou ma nā kula Hawai'i me ka haole pū. No ka loa'a 'ana o ka 'ikepili hou a'e no Kahuawaiola, no kona kāko'o kālā na nā haumāna, no kona kūlana laikini, a no ke komo 'ana i ua papahana nei, e leka, kelepona, a leka uila paha iā Keiki Kawai'ae'a, ka luna ho'okele a i 'ole iā Ku'ulei Kepa'a, ke kāko'o papahana penei: Kahuawaiola, Ka Haka 'Ula O Ke'elikōlani, Kulanui O Hawai'i Ma Hilo, 200 W. Kāwili, Hilo, Hawai'i 96720; kelepona - (808) 974-7339; kelepa'i - (808) 9747686; leka uila - noi_kahuawaiola@leoki.uhh.hawaii.edu.

In 1997, a bill was passed in the Hawai'i State Legislature establishing Ka Haka 'Ula O Ke'elikōlani College at the University ofHawai'i at Hilo. One ofthe activities required ofthis Hawaiian language college is a teacher preparation program called Kahuawaiola. The college is now announcing to allfluent Hawaiian-speaking students with a baccalaureate degree, that the program is openfor applications. Before describing the details of Kahuawaiola, it is appropriate tofirst examine the status ofHawaiian language and culture in the public schools whieh the program is designed to serve. In the 1978 Constitutional Convention, provisions were established recognizing Hawaiian as an ojficial language and requiring Hawaiian language, culture and history to be promoted in state schools. Promotion began with Hawaiian studies units and the integration of kupuna into the elementary grades and with courses in Hawaiian language and Hawaiian studies in the high schools. In 1987, the Hawaiian Language Immersion Program was established. During the past 20 years, there have been numerous difficulties in obtaining teachers with skills in Hawaiian areas from kindergarten through high school. Kahuawaola has been designed to address these difficulties. The Kahuawaiola appwaeh to education is built upon the traditional sayings, "Ma ka hana ka 'ike" (knowledge comes from active work and involvement) and

"Ma mua ka hana, ma hope ka wala 'au " (active involvement comes before discussion). For the program's initial summer core courses, students live together in the dormitories of Ke Kula 'O Nāwahīokalani'ōpu'u using the school's classrooms, traditional agriculture field, curriculum development offices, animal husbandry and aquaculture facilities, computer room, native plant propagation area and the natural environment ofthe island ofHawai'i. All activities and course work are conducted entirely through the Hawaiian languagefrom the time students awake in the morning until they go to sleep at night. Furthermore, students are actively involved in working on the land, coordinating book learning with authentic activities that ean be reproduced in schools. During the fall and spring semester, Kahuawaiola students are placed in thefield experiences under the guidance ofan on-site teacher. Kahuawaiola comes to the students in theform of interactive television classes held in the evenings and on weekends, and also through external evaluations and support provided by university field service experts who visit them in their classrooms. As required for all Hawai'i Teacher Education Programs, Kahuawaiola eompleted an extensive self-study document whieh is currently under review by the Department of Education. When state approval is granted, candidates will meet one ofthe requirements for teacher licensure. Besides the state legislative mandatefor its initiation, Kahuawaiola has received federal support for program development and implementation whieh covers more than 80 percent ofactual student costs. The teacher product sought by Kahuawaiola is a teacher who ean provide instruction for the new millennium built upon solid, traditional Hawaiian approaches and knowledge to serve as a huawai or water gourd that will provide life and refreshment for the needs of our younger generations in both English and Hawaiian schools in this new millennium. For more information on Kahuawaiola, its specialfunding support, its licensing status, or to enwll in the program, contact Keiki Kawai 'ae 'a, program director, or Ku 'ulei Kepa 'a, program assistant, Kahuawaiola, ka haka 'Ula O Ke 'elikōlani, Kulanui O Hawai 'i Ma Hilo, 200 Kāwili, Hilo, Hl 96720-4091; telephone (808) 974-7339; fax (808) 974-7686; email noi_kahuawaiola @ leoki. uhh.hawaii.edu. Editor' note: This month's kolamu is presented with translation in order tō inform both the Hawaiian- and Englishspeaking communities ofthis innovative teacher training program. ■

' '' I ' — . —

Na Keikl Kawai'ae'a, luna ho'okele o Kahuawaiola

"Ma ka hana ka 'ike." 'O ia ka 'ōielo e ho'opaepae ana i ke a'o 'ana aku ma Kahuawaiola.