Ka Wai Ola - Office of Hawaiian Affairs, Volume 14, Number 4, 1 April 1997 — Hālau Hāloa, National Academy of Hawaiian Performing Arts [ARTICLE]

Hālau Hāloa, National Academy of Hawaiian Performing Arts

Na Kalani Akana Auhea 'oukou e nā Hawai'i, mai ka pi'ina a ka lā i ka lae o Kumukahi a hiki loa i ka mole 'olu 'o Lehua. Aloha kākou. E nā mamo a ka 'ī, ka Mahi, ka Palena me ka Luahine ho'i. Aloha, e nā mamo a Hāloa, ka iwi o ku'u iwi, me ke koko o ku'u koko. Aloha. 'O Wākea kaupoku hālau o Iuna. 'O Papa papahele hālau o lalo. Wahi a nā kūpuna pēlā i ho'okumu a i ho'okānaka ai 'o Hawai'i, ma o nā pūhaka kanawao ali'i 0 Wākea me Papa. No laila, aloha. A puka mua nō Hāloa, hala, ola hou i ke kalo. A puka mai nō Hāloa ke kanaka, ola a laha ka lāhui kānaka. Eia kākou ma ka hālau ho'okahi o Hawai'i nei. Ma muli o kēia pilina o kākou i kapa 'ia ai ka hālau huliāmahi o kākou, 'o ia ho'i ka Hālau Hāloa, ka National Academy of Hawaiian Performing Arts. 'O ka Hālau Hāloa he 'ahahui aupuni nō ia. A i mea aha kēia hui? He 'ahahui hou no ke aupuni Hawai'i nāna e ho'oholomua i ka po'okela o nā hō'ike, nā ku'una, me nā loina 'ōiwi. E la'a, inā hele kekahi i Lūkia, 'ike 'ia ka Bolshoi, kekahi pū'ulu hulahula pālē kaulana o ka honua nei. Inā hele ke ākahi i īapana, 'ike 'ia ke Kapuki ai 'ole ka Nō, nā 'ano hō'ike heona o kēlā aupuni iho. Ma muli o ke a'o me ka ho'oili o ia 'ano hulahula mai kēlā hanauna a 1 kēia hanauna ua ola a ua kū i ka hāweo o nā maka o kona 'āina pono'ī a i nā maka aloha o ke ao nei. Pēlā pū me ka hula. Ua ho'oili maika'i ia e nā kūpuna me na loea hula i kēlā me kēia hālau 'oiai ke loli nei ka 'ano o ka ili 'ana. He 'ike ho'i ko ke ao nei e pili ana i ka hula akā 'ano papa'u nō. 'O ka hula kohu Dorothy L'amour paha ko lākou 'ike. 'A'ole nui 'ino ko lākou 'ike e pili ana i ka hula 'āla'apapa, ka hula pahu, a pēlā aku. 'O ia paha, pēlā pū ka 'ike papa'u o ka 'ike kōli'u o ka hula o nēia aupuni. Na ka Hālau Hāloa e ho'ike i ka nani o ka hula,

ka ha'i 'ōlelo Hawai'i, ka ho'opāpā, ka nala lauhala, ka hana lei pūpū o Ni'ihau, a pēlā aku. No laila, 'o kekahi puhuhopu o kēia hui hou ka ho'okumu 'ana i kekahi pu'ulu hui hala nāna e hō'ike i nā hula kūikawā a me nā kaila huli i ili mai i o nā 'ohana hula ma Hawai'i. 'O kekahi pahuhopu a'e ke a'o a me ka 'ili kūpono o nā hula kūikawā i nā kumu hula me ka lākou po'e haumāna. 'O kekahi a'e ka ho'okumu 'ana i hālau ma nā mokupuni like 'ole kāhi e a'o ai ka hula a me nā 'ano pāheona a me nā 'ike ku'una like 'ole: 'o ke kuku kapa 'oe, ka nala lauhala 'oe, ka nana mea ho'okani 'oe, ka lapa'au 'oe, ka lomilomi 'oe a pēlā aku. Alaka'i 'ia kēia 'ahahui e nā kūpuna o ka 'Aha Kūpuna. 'O 'Anake Nona Beamer, Arline Eaton, Freda Gomes, George Holokai, Lani Kalama, Hoakalei Kamau'u, Elizabeth Kauahipaula a me Puluelo Park kekahi o nā kūpuna nāna i 'ae e noho, e paipai, e ho'okele a e kāko'o i ia hana nei. 'O ka papa alaka'i kēia: Kalani Akana (pelekikena); Ku'ulei Pūnua (hope pelekikena); Jan Yoneda (kākau mo'olelo); Mililani Allen (kākau 'ōlelo); Māpuana de Silva (pu'uku). 'O nā luna ho'okele 'o Manu Boyd, Bill Char, Paulie Jennings, Pua Kanahele, Richard Kennedy, Keola Lake, Lynn Martin, Hōkūlani Holt-Padilla a me Kaha'i Topolinski. Inā he hoihoi ko ka mea heluhelu e pili ana iā Hālau Hāloa, hiki ke leka aku iā Kalani Akana, 1060 Kamehameha Hwy#2,03A —— — Pearl City , He m„„° k°">0 ē /HaCmoo'oh Ono / 96782 /'OHowo nku.u- I ma'nōkū punama?"' / 1