Ka Wai Ola - Office of Hawaiian Affairs, Volume 10, Number 11, 1 Nowemapa 1993 — E kilohi au i ka nani, nā pua o Mauna ʻAla [ARTICLE]

E kilohi au i ka nani, nā pua o Mauna ʻAla

(I gaze at the heauty, the blooms of Mauna 'Ala)

na Manu Bovd Aloha mai kākou e nā hoa makamaka o Ka Wai Ola O OHA. E inu pū kākou a kena i ka 'ono a'o ia wai hu'ihu'i, 'eā! 'O ke kumu o kēia kākau 'ana, 'o ia nō ka mālama 'ana i nā ho'omana'o aloha i ka po'e i hala, nā kūpuna. No ke aha kākou e ho'ohanohano a hō'ihi iā lākou i ka ho'omana'o? No ka mea, wahi a nā Hawai'i, e ola nei nā kūpuna i hala i loko o kākou e ola nei, nā hanauna. Akā na'e, 'o nā kūpuna i ho'omana'o mau 'ia e ka lehulehu, 'o ia nō nā ali'i, nona ka mālama 'ana i ke ola o ka lāhui ma mua. I kēia mau lā, he nui nā hanana e ho'ohanohano ai i nā ali'i i hala, i ko lākou mau lā hānau paha, ma ka hale pule 'o Kawaiaha'o i nā "Lāpule Ali'i," a ma Mauna 'Ala, kahi a nā ali'i e waiho a mālama 'ia nei. Hiki iā 'oe ke hele i kēia mau wahi a e 'ike i nā 'ahahui ali'i, nā 'ahahui kiwila paha a me nā kupa e 'ākoakoa ana ma ia mau wahi no ka ho'omana'o 'ana iā lākou, nā ali'i.

Eia na'e, 'o Mauna 'Ala kahi a'u e ho'omāhele nei. Aia 'o Mauna 'Ala i ke awāwa o Nu'uanu ma uka ala o ke kulanakauhale 'o Honolulu nei. Ua ho'okumu 'ia ua ilina ma hope koke o ka hala 'ana 'o Kamehameha IV, 'o 'Iolani, i ka makahiki 1863. Me he hale pule lā ke 'ano o ka hale ilina ke 'ike. Ua ho'okomo 'ia nā pahu kino wailua a ka Lani 'Iolani, me kāna keikiali'i, 'o Ka Haku O Hawai'i, i mau mahina ma hope aku o ko 'Iolani hala 'ana, i ka pau 'ana o ho'okahi pāku'i o ka hale la'a. (I ka pau pono 'ana o ua hale holo'oko'a, he 'ehā pāku'i kona, me he ke'a lā ke 'ano, he mea ma'a mau i ke kūkulu hale pule 'ana.) Ua ho'one'e 'ia nā iwi ali'i mai ka pā ilina kapu 'o Pohukaina ma ka hale ali'i 'o 'Iolani, a hiki akula i Mauna 'AIa i uka. 'O ia paha ke kumu o ke kūkulu 'ana 'o Mauna 'Ala, no ka piha 'ana o ka pā ilina ma Pohukaina. I mau makahiki a'e, i ka nui hou 'ana o nā pahu kino wailua i

loko o ua hale ilina, ua kūkulu 'ia kekahi mau waihona ilina 'ē a'e ma Mauna 'Ala no nā 'ohana ali'i 'ēa'e. 'O ka mua, no ka 'ohana Kamehameha, na Pihopa Kāne i ho'okumu no kāna wahine i hala aku nei, 'o ke ali'i Pauahi, me kona mau 'ohana. I ka hala 'ana o Pihopa Kāne i 1915 i Kapalakiko, ua ho'ouna 'ia mai kona ipu lehu a ho'okomo 'ia aku i loko o ka waihona ilina Kamehameha, pili me kāna wahine, 'o Pauahi. Ma hope, ua sila 'ia kēlā ilina no ka wā pau 'ole. 'O ka waihona ilina nui loa ma Mauna 'Ala, 'o ia nō no ka 'ohana o ka Mō'I Kalākaua me kāna kuini 'o Kapi'olani. I ka makahiki 1910 i ka wā 'o Lili'uokalani e ola ai, ua pau ke kūkulu 'ana o ia ilina hou. a ua ho'okomo 'ia nā iwi ali'i i loko ala. 'A'ole kēia waihona ilina i sila 'ia a hiki i kēia lā. No laila, hiki iā 'oe ke hō'ihi i nā ali'i i hala i ka hele 'ana a ho'okupu 'ana i laila. Kamaha'o wale mai nō ke nānā aku. No ke kūkulu 'ana i nā waihona ilina 'ē a'e ma Mauna 'Ala, ua ho'ololi 'ia ka hale ilina mua, a lilo i hale pule, i hemo 'ia no ia mau hanana ho'omana'o ali'i i kēia mau lā. Ke puīa mai nei 'o Mauna 'Ala i ka pua mamo 'ala ho'oheno, 'o ia ho'i 'o Lydia Nāmahanaikaleleokalani Taylor Maioho, nāna nō e mālama i kēlā wahi la'a i kēia mau lā. Na kona pāpā, 'o William Kaihe'ekai TayIor, me kona māmā, 'o Emily Kekahaloa Nāmau'u Taylor, i mālama iā Mauna 'Ala ma mua ona, o Nāmahana Maioho. He wahine lokomaika'i a waipahē 'o Maioho Wahine, nona ku'u mahalo a me ke aloha piha.

Aia ana he mau lā ho'omana'o ali'i i nā mahina e hiki mai ana. Aia ka lā hānau o ka Mō'ī Kalākaua i ka lā 16 o Nowemapa, 'o ko ke ali'i Pauahi i ka lā 19 o Kekemapa, a 'o ko ke kuini Kapi'olani i ka lā hope loa o ka makahiki. E hele 'oukou a kilohi i ka nani o nā pua o Mauna 'Ala. E ola nā inoa o nā ali'i a kau i ka puaaneane. E ola kākou nā Hawai'i a mau loa aku!

by Manu Boyd Greetings to you, readers of Ka Wai Ola (the living water) O OHA. Let us drink until satisfied of this delicious, eool water. This month's writing deals with how we care for the memory of those who have passed on. Why is it that we honor and respect our kūpuna in memory? It is said by our people that our departed ancestors and relatives live on through us. However, the forebearers most often remembered by many are the nobility who had the responsibility of protecting the lives and well-being of our people. These days, many events commemorate our ali'i - perhaps on their birthdays, like at Kawaiaha'o Church on Ali'i Sundays, and at Mauna 'Ala, where the remains of the ali'i are placed. You will see royal societies, civic clubs and community members gathered at these and other places honoring the memory of the ali'i. Mauna 'Ala, however, is what I'd like to focus on today. Mauna 'Ala is located in Nu'uanu Valley, inland of the city of Honolulu. This mausoleum was established just after the death of King Kamehameha IV, known also as 'Iolani, in 1863. The original mausoleum building resembled a ehapel. The caskets of 'Iolani and his son Ka Haku O Hawai'i were placed in the building several months after the

king's death, after the completion of the first wing of the structure. (At the completion of the entire mausoleum, there were four wings, creating a shape like that of a cross, typical of church structures.) The remains of the ali'i that had previously been interred at Pohukaina on the grounds of 'Iolani Palaee were then moved to the new structure at Mauna 'Ala. Perhaps the main reason that Mauna 'Ala was established was because the mausoleum at Pohukaina was eompletely filled.

Years after Mauna 'Ala's establishment, and as that new structure became filled, other mausoleum structures were built on the grounds of Mauna 'Ala. The first of these was for the Kamehameha family, built by Charles Reed Bishop after the passing of his wife, Princess Bernice Pauahi. When Mr. Bishop passed away in 1915 in California, his urn was brought to Hawai'i and placed in the Kamehameha tomb near his wife. After that, the tomb was sealed, as it remains today. The largest crypt at Mauna 'Ala is for the family of King Kalākaua and his Queen Kapi'olani. In 1910 when Lili'uokalani was living, the remains of her family were entombed in the newly built Kalākaua crypt. This crypt remains unsealed today, enabling

you to visit and pay tributes there on special occasions. It is a wondrous site to behold. Because of the building of these other mausoleums, the original structure was converted into a ehapel where special commemorative services are held today. Mauna 'Ala is imbued with the fragrance of yet another royal descendant, Lydia Nāmahanaikaleleokalani Taylor Maioho, kahu and curator, who takes care of the sacred property of Mauna 'Ala today. Her parents, William Kaihe'ekai Taylor and Emily Kekahaloa Nāmau'u Taylor, both served as curator before her. Mrs. Maioho, known as Aunty Nāmahana to many, is a kind, gracious woman for whom we have mueh respect and aloha. Several occasions are approaching where you ean pay tribute to the ali'i. King Kalākaua's birthday is on Nov. 16, Princess Bernice Pauahi Bishop's on Dec. 19, and Queen Kapi'olani's on Dec. 31. Take some time to visit, and gaze at the beauty of the blooms of Mauna 'Ala. May the deeds of our ali'i live on in our memory. May our people prosper and endure. Editor's note: This article was written in the Hawaiian language. The English translation may appear awkward at times because of the differences in expression within these two languages.