Ka Oiaio, Volume I, Number 126, 24 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA

PUKA LA OIAIO

Hoopukaia i na la a pau koe ka la Sabati a me Lapule no 50 keneta o ka mahina.

BUKE I.                                 HONOLULU. IUNE 24, 1896.                                 HELU 126.

OIAIO PUKA LA

HOOWALEWALEIA O KARISTO E LIKE

ME KAKOU.

HAKUIA E MRS. E. G. WHITE.

            Ua haalele o Karisto i kona home ma ka lani a hele mai i keia honua pouli, e komo kino iloko o ka hohonu piha o na ehaeha kanaka, i mea e hiki ai ia ia ke hoopakele i ka poe i makaukau e lukuia. Ua waiho aku oia i kona nani ma na wahi lani maluna, hoaahu iho oia i kona anoakua me ke ano kanaka, a no kakou i hoilihune ai oia i lilo ai kakou ma kona nele ana he poe waiwai. Ua hele mai oia i ka honua nei i ania a i maioio i ka hewa, a oiai oia ua hana ia e like me ke kanaka, ua hoohaahaa ia ia, a ua hoolohe a ka hooko ana ma ka  make maluna o ke kea." Ua kuu oia iaia e hoino a e hooheneheneia i hiki ai ia ia ke waiho mai he ana hoohalike kinaole no kakou. E hoonuinui ana hoi kakou i na pilikia o kakou, e manao iho he piliaiku ko kakou noho ana: e pono e nana mai a kakou a ia Karisto, ko kakou Mea nana i hookamu a i hoomaemae i ko kakou manaoio, a no ka hauoli i waiho ia aku imua ona ua hoomanawanui hoi i ke kea, ua nana ole i ka hilahila, a ua hoonohoia hoi ma ka nohoalii o ke Akua. Ua hoomanawanui oia i keia mau mea a pau i hiki ai ia ia ke hoihoi ma i na keiki kane a me kaikamahine i ke Akua, @ hoike hoi imua o ka ao he mau haawina lakou o kona lanakila.

            I kumu e lanakila ai he mea kupono ia kakou e hoolohe i na aoana a ka a pokolo, e lawe i na manao no oukou e like me ia iloko o Iesu Karisto, Oia ka Hoohalike e kakou, na haumana, e hahai ai. Aole kakou e hooipo i na manao alunu a hiki ke hahai mahope o ka Karisto mau hana alakai, ka mea i make i lilo ai i hoolapanai no kakou. Aole loa e hiki ia kakou he hapai ae i ko kakou maikai, a hahai i ka Karisto hana; no ka mea aole oia i imi i kaulana nona, a ua lawe hoi i ke ano o ke kauwa. Aole e hiki ia kakou ke hoopunana i ka manao haakei a hahai ia Karisto, oiai ua hoohaa oia iaia a ka haahaa loa. E hoohauliia e ka Lani, a e hoohaohao ia e ka honua, i ko ke kanaka hewa hoolilo ana o kana makana i ka Haku oia ka hoihiihi a me ka hookiekie aku, ma na hana e hapai a e hoonani ana ia ia iho. oiai ua hoohaahaa o Karisto ia ia iho no ko kakou pomaikai, a kiki i ka make maewaewa o ke kea.

            Ua hele mai o Karisto e ao mai ia kakou i ke ola ana. Ua poloai mai e ao hoi ma ona la e akahele a e haahaa ka naau, i loaa ai he mamaha i ko kakou mau uhane. Aole o kakou kumu kala no ka hoohalike ole me kone ola ana a me kana mau hana. O ka poe a pau e lawe ana i kona inoa a hana ole i kana mau ao ana, ua kaupaona ia i ke ana ma ka lani, a ua ike ia ua mama. Aka i ka poe e hoike ana i kona ano e loaa ana no he wahi no lakou ma kahi a ka Haku i hoomakaukau mua ai no ka poe i aloha ia ia.

            O ka mea i lilo he keiki na ke Akua e nana iho ia ia mai ia wa aku he mahele oia no ke kea o Karisto, he apo iloko o ke kaulahao i kuu ia mai luna iho i pakele ai ko ke ao. he hookahi me Karisto ma ka hana lokomaikai, e nele pu ana me ia e imi e hoopakele i ka mea i haule. E hoomanao mau hoi ke Karistiano he mea oia i kuai @aku me ke kumukuai e ku hoi malalo o ka hai kohu i ke koko o ke Alii Imanuela, e paio hoi i ke kau. maikai o ka manaoio, a e apo a paa i ke ola mau loa. E hoike hoi ia Karisto i ko ke ao e like me Karisto i hoike ai hoi no kona Makua. O ka hoomanawanui, ka oluolu, ka lokomaikai, ke aloha i hoike ia ma ke ano o Karisto, oia na ano e pupuai mai ma o ka noho ana o kana mau haamana. I mea e hiki ai ia kakou ke hana i keia, e aahu kakou i ke kapa kaua o ke Akua, "no ka mea aole kakou e hakoko ana me ka mea io a me ka mea koko, aka me na lii a me na mea ikaika, na haku o ka pouli o keia ao, a me na uhane ino o ka lewa." Ina aole kakou e lanakila, e lilo ana ke kalaunu; a ina e lilo ke kalaunu, ua lilo aku na mea a pau mai ia kakou aku. E lilo a e loaa mau loa ana paha ia kakou. Ina e loaa ia kakou ke kalaunu, e loaa ho ia kakou na mea a pau; e lilo ana kakou he poe hooilina no ke Akua, a he hoa-ho-oilina pu me Karisto.

            E hiki hou mai ana o Karisto i ka wa pakele.

Oia ko kakou hoa iloko o ka ehaeha; a ina e lanakila mamuli o kona lokomaikai, e ike aku ana no kakou iaia e like me kona maoli. E ehaeha ana no kakou no kekahi mau la pokole i koe, alaila e komo aku hoi iloko o ke ola hauoli mau; no ka mea aia hoi ka noho oluolu iloko a ke aupuni o ke Akua. No ka poe e paio ana i ka paie maikai aia hoi he kalaunu o ka nani i hookaawale ia, he lau pama o ka lanakila, ha hooilina popoole, haumiaole, a i mae ole aku hoi. E lilo hoi ka manao hoopaa o na mea a pau "e holo au i ka hiehie; a e lanakila hoi au."

---------------------------------------------------------------------------------------------------------------

OI AKU KE INO I KA MAI.

            I ka wa kahiko ua oi aku hoi ka maikai ole o ka laau a n e ka lapaau ana mamua o ka ma'i i manaoia e hoola, ina he pololei na mea i paa ma ka moolelo. E kanu ia ana hoi na ma'i runikeke a hiki i ka auwae iloko o ka lepo i kawili wai ia; ua lawe ia mai hoi na bipi uwi waiu iloko o ka lumi hiamoe o ka poe ma'i akepau, oiai ua manaoia he ola ko ka bipi hanu. E ai ia ana hoi ke gula a me ka momi e ka poe i ma'i ia i hiki ke uku i na lilo. Ua hoike mai hoi kekahi haole kaulana, o Baxter kona inoa, i kona pakele mai make i ka mo@ ana i kekahi poka gula. Ua kuhihuhi mai o John Wesley ma kekahi o kana buke ao, he kupono "he eono mau huaale o ka punana nananana" no ka piva lia a me haukeke. He "iole liilii opio i hoomoa oma ia" ka lapaau a kekahi kauka o ka Moiwahine Elikapeka, no na ma'i o na pepe. Ua manao na kauka he oi aku ka waiwai o ke kopa maloko mamua o ke kope mawaho; ua haawiia hoi e kekahi kauka koikoi no kekahi ano ma'i. Me he la, o na mea oi aku o ka maikai ole, a e hooemi ana i ka ikaika kino, oia iho la na ano i manaoia he mau mea maikai no ka lapaau ana ia mau la. He nui no hoi ka hilinai ia he ola ko na mea pili kupapau. Ua manaoia he ola ko ke naha ma ka opu i na apohao keleawe i hanaia mai na apo lima paa pahu; na apana laau o ka amana li kanaka, he laau hoola i ka lia ke lei ia ma ka ai, a he nui aku, a he koana no koe oia mau ana hana e ka ike ale ia.