Ka Oiaio, Volume I, Number 125, 23 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.                     HONOLULU, IUNE 23, 1896.         HELU 125

 

OIAIO PUKA LA

HAAWINA HELUHELU BAIBALA

KE KAHUA O KA HOONOHONOHO UHANE

 

1  Heaha ka ke Akua i olelo ai no ko Adamu hopena ina oia e ai i ka hua o ka laau i papa ia? Kin: 2:17

"Aka, o ko ka laau i ikea ka pono a me ka kewa, mai ai iho oe ia mea; no ka mea, i kou la no e ai ai ia mea, he oiaio no emake oe."

2  Pehea hoi ka Haku i hoike mai ai i ke ano oia mea he make?  Kin. 3:19

"Me ka hou o kou maka e ai ai i ka ai, a hiki i kou wa e hoi hou aku ai i ka lepo; no ka mea malaila oe i lawe ia mai ai; no ka mea, he lepo no oe, a e hoi hou aku no oe i ka lepo"

3  Mai ola mau anei ke kanaka ina i hoomau oia i ka ai ana i ka hua o ka laau o ke ola? pauku 22 (pauku 23,24).

"I iho la o Iehova ke Akua, aia hoi, ua like ke kanaka me kekahi o kakou, ka ike i ka pono a me ka hewa; ano hoi, o lalau aku kona lima, a lawe hoi i ko ka laau ola, ai iho a ola mau loa aku."  Aole hoi ke akua i manao i hoomau i ka hewa, ano ia mea i hana ai oia i ke kanaka a hiki ole ke ai i ka hua o ka laau e loaa ai ke ola mau.

4 I ko ke Akua hooweliweli ana i ke kanaka e make no ka hana ana i k a hewa, pehea hoi o Satana i hoao ai e hoole i kana olelo? Kin 3:4.  "Olelo mai la ka nahesa i ka wahine, Aohe oiaio e make olua."

5 Ma keaha i lilo ai ka Satana olelo i mea pomaikai?

E ola mau loa ke kanaka ke mau  oia i ke kue i ke Akua,

6 He mea maa no anei ia Satana ka hoike i ka oaio?  Ioane 8:44 hapa hope.

"He pepehi kanaka oia mai ke kumu mai, aole oia i ku ma ka oiaio, no ka mea aole oiaio iloko ona.  Ina olelo ia i ka wahahee olelo no ia i kana iho; no ka mea, he wahahee oia, a o ka makua no hoi ia no ka wahahee."

7 Heaha la ka hana a Satana ma o kona mau agena la i o elo aku ai i ka mea hana hewa? Exek. 13:22.

"No ka mea, me ka wahahee ana ua hookaumaha oukou i ka naau o ka poe pono, i hookaumaha ole ia e a'u; a ua hooikaika oukou i na lima o ka mea hewa i huli ole ai oia mai kona aoao hewa mai, ma ka olelo hoopomaikai ana iaia i ke ola."

8 Ua olelo anei ke Akua e haawi ana oia i ke ola  i kekahi mea e aku mawaho ae o Karisto: Ioa. 3:36

"O ka mea manaoio i ke Keiki, he ola mau loa kona, aka o ka mea manaoio ole i ke Keiki, aole ia e ike i ke ola; e kau mai ana ka inaina o ke Akua maluna ona."

9 Ma owai la e loaa ai ke ola mau: 1 Ioa. 5:11, 12 (hapa mua.)

"Eia no ka olelo; ua haawi mai no ke Akua i ke ola mau loa no kakou.  O ka mea i loaa iaia ke Keiki he ola no kona."

10 E loaa ana no anei i ka mea hana hewa ke ola ma o Kaiisto la?  pauku 12 (hapa hope.)

"O ka mea i loaa ole iaia ke Keiki a ke Akua, aole ona ola."

11 I ko Satana olelo ana e loaa i ka mea hana hewa ke ola ua hiki anei aia ke hoopiha i kana olelo?

HAINA--Aole, no ka mea, o ka makapa o ke ola mau no ke Akua mai no ia (Rom. 6:23) ma o Karisto la, a aole hoi ke Akua e haawi ana i ke ola ma kahi ana i ao ai no ka make.

12 Heaha la ka manao o ka hapa nui o kanaka e pili ana i ka mea e hiki mai ana i ka poe hewa?

HAINA--E ola ana hoi oia he keiki na ke Akua, aka iloko o ka ehaeha a me ka hoomainoino ia.

 

OLAMAU MA O KARISTO

 

     Ua lilo wale hoi ko ke kanaka kuleana i ke ola mau mamuli o ka hookuli ana, i olelo ia aku ai ia ia ina oia e holohe.  Aole loa e hiki ia Aberehama ke hookomo iloko o kana pukana aku i ka mea aole iloko ona; a aole loa e loaa ana kekahi manaolana i ka lahuikanaka i haule i ka hewa, ina aole ke Akua, ma o kana Keiki i mohaiia, i lawe mai i ke olamau i hiki ai ia lakou ke lalau ako.  Oiai "ua kau ka make maluna o no kanaka a pau, no ka mea ua pau lakou i ka hana hewa," a na Karisto "ka mea i kinai i ka make, a i hoomoakaka mai hoi i ke ola a me ka make ole, ma ka enanelio."  (Rom 5:12; 2 Tim. 1:10)  A mamuli wale no o Karisto ka make ole e loaa ai.

     Wahi a Iesu, ma Ioane 3:36: "O ka mea manaoio i ke Keiki he ola mau loa kona: aka o ka mea manaoio ole i ke Keiki, aole ia e ike i ke ola."  Ua hiki i na kanaka a pau ke komo iloko o ka pomaikai nui o ka make ole ina e malama ia na kumu.  O na mea a pau "e imi ana i ka nani, a me ka mahalo, a me ka make ole,"  (Rom. 2:7) e loaa no ia ia ke ola mau.  O ka hoowalewale nui wale no ka mea hookahi i olelo aku ia Adamu e ola ana ia iloko o ka hookuli.  A o ka olelo a ka moo nahesa ma ka mahina o Edena ia Eva, --"Aole oiaio e  make olua"--oia ke poolelo i haiolelo ia aku ma ka make ole o ke kanaka.  Eia nae, o keia olelo, i hookahua ia maluna o ko Satana manao, ua pahola ia hoi mai na awai a pau o na Karistiano, a ua moni ia hoi e ka hapanui o ka lahuikanaka me ka eleu e like me ko kakou mau kupuna i kinohi.  O ka hooholo a ke Akua e i ana ma o Ezekiela, 18,20: "O ka uhane lawehala oia ke make," ua hoololi ia hoi e lilo e ano me keia: o ka uhane e hana hewa ana aole oia e make, aka e ola mau loa. Ua hiki ole ke ku pahaohao kakou i kei puni hei anoe e hoolilo ana i kanaka i mea puni wale i na olelo a Satana a hilinai ole hoi i ka ke Akua.  Ina ke kanaka, mahope o kona hewa ana, e kuu akea ia e kii aku e ai i na hua o ke kumulaau o ke ola, e ola mau loa ana oia, alaila e lili hoi he mea make ole ka hewa.  Aka ua paa hoi ka alanui i ke kerubina me ka pahi wakawaka e kiai ana i keia laau, a aole hoi he hookahi o ka ohaa o Adamu i ikeia ua ae aku ia palena a ua paina iho i ka hua o ua laau ia.  Nolaila aole he mea hewa make ole kekahi. Aka ua ao aku o Satana i kona mau anela, mahope o ka haule ana i ka hewa, e ao ikaika aku i nakanaka o ke ao nei he mea make ole maoli no ke kanaka; a mahope hoi o ka hoohuli ana iaia e puni i keia alakai hewa, alaila e alakai hou ia ia e puni i ka manao he hiki i ka mea hewa ke ala mau iloko o ka ehaeha.  Ano hoi eia ke alii o ka po ke hoohana nei, mao kona mau agena, e ao i ke kanaka he huhu hoomauhala ke ano o ke Akua, e kukala ana e kiloi poo ia na mea a pau i ku ole i kona makemake iloko o ke ahialoa, a e hoolilo ana hoi he mea ola mau lakou i ike mau ai i kona inaina; a ia lakou e kaanini ana iloko o ka ehaeha paumako a e kuwili ana iloko o ka lapa o ke ahi, e nana iho ana ka ke Mea non lakou i hana me ka hauoli nui.       E.H.G.