Ka Oiaio, Volume I, Number 123, 19 Iune 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA

PUKA LA OIAIO

Hoopukaia i na la a pau koe ka la Sabati a me Lapule no 50 keneta o ka mahina.

BUKE I.                                 HONOLULU, IUNE 19, 1896.                                 HELU 123

OIAIO PUKA LA

HOOWALEWALEIA O KARISTO E LIKE

ME KAKOU.

 

HAUIA E MRS. E. G. WHITE.

            I hoihou ai ka mana maluna o ka honua ai maluna o na kulu koko o ke alahele ma Geteaini a me Kaliveri : aka aole ka Haku i hoohala i kona manawa me ka mea hoowalewale. Huli ae la oia i kona hoa paonioni a i aku la, "E hele pela oe e Satana: no ka mea ua palapala ia, e hoomana aku oe i ka Haku i kou Akua, a e malama aku oe ia ia wale no."

            Me ka hoohaahaaia a me ka inaina nui, ua hoopahua ia a ua kupakuia oia mai ke alo kina ole o ko ke ao Hoola. Aole e hiki ia ia ke kua hoomau aku i ka mana o ka Karisto mau kauoha, a ua onou ia oia e hooiaio ae i ka lanakila piha o Karisto maluna ona e like me ka haulehia piha ana o Adamu. Amhope o ka haalele ana mai o ka enemi, aule paupauaho iho la o Iesu i ka honua me na ouli o ka make ma kona mau helehelena. Ua kiai mai hoi na anela o ka lani i keia paio ana, e ike ana hoi i ko lakou Pukau i aloha nui ia iaia e kaalo ana lalalo o na hoao ana a me ehaeha nui i wahi e hamama ai ke alal e pakele ai ke kanaka. Ua hoomanawanui hoi oia i keia haoa ia, i oi ae mamua o ka mea e hooilihia ia ana maluna o kekahi kanaka, i oi aku e like me ka oi aku o ko Karisto ano i ko ke kanaka. Ua hele aku hoi lakou e hoomama ae i na onawaliwali kino o ke Keiki a ke Akua. Mahope o ka ikaika hou ana o kona kino me ka ai, a hoolauleaia e ka hooia ana mai o kona lanakila aia no ke aloha o kona Makua me ia, ua hoopaa iho oia e hele aku e hoopau i ka hana ana i hoomaka ai, ma kaki a ke aloha o loko ona no ke kanaka e kono ana ia ia, a e hoomau maha ole aku a ka hooio loa ia ana o ka enemi, a hoola ia ae ka lahuikanaka.

            Ua kahea ia na mea a pau a uhai ana mahope o Karisto e komo pu me ia iloko o kona mau ehaeha ana. Ua ku mai na hui mana o ka hewa e kue mai i ka mea e huli aku ana mahope o na keehina o ka hoola. E kana pu ana kakou me ke alii ikaika o ka hewa; aka, ua olelo mai hoi ka Hoola aole e paio kokua ole ia ana ke kanaka. E hele mai ana na kokua mai ka lani mai. Iwaena o ka pouli o ke ao nei e apo aku hoi kakou ina kukuna o ka nani mai ko ke Akua noho alii, a e pahola aku i ka malamalama i na wahi a pau o ka honua nei.

            Ua hookomo ia hoi ke Karistiano iloko o ka puali e paio aku no ka hana a ke Akua, e lilo ana he koa no Karisto. Ua paio hoi o Karisto ma ko kakou aoao iloko o kona wa ma ka honua nei, a ma ia oia i hoowalewale ia ai, ua ike pono hoi oia i ke kokua ana i ka poe e hoowalewale ia ana. Aole o kakou ikaika e paio aku me na noho alii, a me na mana, a me na hana uhaue ole ma na wahi kiekie, koe aku e like me ko kakou lawe ana mai i ka ikaika mai a Karisto mai. Ua kahea mai ka leo alakai o Karisto i ike ai oe i na hui o ka pouli, e ike i ka hakoko ana ma kahi au e hele aku ai. E olelo mai ana oia e helu kakou i ka luhi a me ke poho, o ke ku ana malalo o ka hae i hooluuia me ke koko; aole oia i hoohoihoi mai ia kakou aole e hookui mai ana na pilikia ia kakou ma keia ola ana; aka, oiai e hookui aku ana kakou me na huina a pau o ka hewa a e hoao ia ana ma ia hui ana me na hana hoowalewale, aka hoi ua hooia mua mai no nae oia eia ma ko kakou aoao na kokua a pau o na ike kiekie o ka lani mai. Aka aole nae o na kokua ana mai a na anela, he hoopaa ana mai ia aole kakou e loohiaana i na luuluu kino a me naau a me ka nui hoao ia. Ua hele aku na anela e lawelawe aku ia Karisto; aka aole nae ko lakou kokoke ana he mea ia i hoomaona ia ae ai kona noho ana, a hookaawale ae mai na paio a me na hoowalewale ia ana. Oiai kakou iloko o ka hana a ke Kumu i hoonoho mai ai na kakou e hana aku, a oiai na hoao a me na pohihihi a me na hoowalewale e kapmi ana maluna iho o kakou, aole loa hoi kakou e hoonawaliwali ia; no ka mea, ua ike mua hoi kakou ua hoao ia ko kakou Kumu aloha mamua o kakou me ka haule ole i ka hewa.

            He paio ka kakou e paio aku ai me ka enemi i haulehia. E kupono kakou e komo iloko o ke kaua ma ka malamalama o ka Baibala, i loaa ai na lanakila maluna o kakou iho, a kinai i ka enemi iloko iho o kakou a nele oia i kahi e hoopunana ai.

 

Aole i pau.

 

NA HUNAHUNA MEA HOU.

 

            Ua kohoia o Churchill i Kanikela no Samoa.

            Ke hoaa la no Willis ma Wakinekona a me ha la e holo balota ana oia no ka noho Senata no kona apana noho.

            Ua hou ana na luna aupuni o Canada, Nu Zelani a me Austrlia e kuka no ka hoomoe ana i kekahi lama telegarapa mai Australia a Canada, ma Lanaba, a me ke aupuni Makua.

            Ua hooholo aku na hale elua i ka bila e hoolilo ana he $60,000,000 no na awa, a pela @aku, i vito ia e Peresidena Cleveland.

            Ua waiho aku o Generala Dimond i kona oihana he poo o ka puali koa pualu o Kaleponia.

            Nui ka poe make ma Mosco, i ka ahaaina poni moi ma Rusia. He 3133 ka poe i make maoli, a he 40,000 i poino.

            Ma kekahi la o Iuna nei, ua make aku o Jules Simon, kekahi poo o ka Aha Kuhina ma Farani mamua, i ke 32 o kona mau makahiki.

            Ma ka hihia mawaena o Berazila a me Beritania Nui, ua waiho aku o Potugala ia ia i Aha Hooponopono, no ka mokupuni Trinidada.

            Ua hooliolo iho ka Aha Kuhina o Farani e waiho aku i ka Ahaolelo i kekahi olelo hooholo e lilo o Madegaseka i panalaau nona. Like loa keia mk Hawaii.

­­­­­­­­­­­­­­­­­­­­­­­­­­­-----------------------------------------------------------------------------------------------------------------

L.B.KERR

 

            He 30 i-a Kalakoa no $1.

            Papale Ie Laiki 25 keneta pakahi.

            12 Ia Lole Huluhulu Pulupulu no $1

            Na Lipine 18 ia no 25 keneta.

            Na Lole Makalena Keokeo kikokiko a me pohaka, 15 ia no $1

            E hele a mai. a e makaala e lawe ae i ua kuai holopono ana.

                                                L. B. Kerr.

                                                            ALANUI MOIWAHINE