Ka Oiaio, Volume I, Number 122, 18 Iune 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E. BUSH, Luna Hooponopono a me Puuku

 

HONOLULU                         IUNE 18, 1896.

 

NU HOU O NA AINA E.

            Ma ka mokumahu Peru ua hiki mai i ke kakahiaka Poakolu nei, na nuhou hope loa malalo iho.  Ma keia mau itamu hou e ike ia ai ke kulana; na hana, a me ka oni o na aupuni me he la e hoeueu ia ana e kekahi kumu a lakou i ike ole ai.

 

HUNAHUMA O NA AINA E.

            Iloko o 19 makahiki o ko ka hooilina alii o Pelekane lilo ana he puni heihei @o, ua kaa iaia ka eo no ka manawa mua loa, oia hoi ka makana o $25,000.

            Ua hookuu ia aku e Presidena Kruger na alakai eha o ka aoao Reform, a ua hele lanakila hou lakou.

            No ka ona a me ka hooko ole ina kauoha, ua kapae ia aku o Kapena M. A. Healy o ka mokukaua Amerika Bear, no eha makahiki.

            Ua hiki aku i Amerika kekahi o ko Iapana kanaka waiwai, no ka noi ana e ae ia e hooholoia kekahi laina mokumahu, mai Iapana a me Amerika.  Ina e like ka emi o ke kapili ana i mau mokumahu ma Amerika, e like me Europa, alaila, e haawi ana lakou na ka poe Amerika e kukulu.  Ua makaukau na Iapana me elima miliona dala no na mokumahu.

            Ua kakau ae o Pohakuhauoli, o ke aupuni o Tureke ka oi ma ka hoomainoino ina kanaka, a me ka hoohaahaa i ka inoa hoomana.

            Ua make iho la maluna o kekahi kaaahi o Frank Mayo, kekahi o ko Amerika kanaka keaka kaulana.

            Ua holo ia e ka mokumahu St. Paulo he 6 la, 5 hora me 32 minute, mai Nu Ioka a Ladana.  O ke kiekie iho la keia o ka holo ma ia mau moana Atlantic.

            Ma Santa Cruz, ua luku hoomainoino ia iho la he 17 poe makaainana o ia kulanakauhale e kekahi poe koa o Sepania, no ko lakou ohohie ole mai i ka poe i hiki aku ma ia kulanakauhale.

            Ua launa aku o Senator Gray Sherman a me Lodge me ka Peresidena, e kamailio pu me ia e pili ana i ke kulana o ke aupuni no na hana a Sepania i ka poe filebusta i hopu ia e hoao ana e olua i ka poe kipi.

            Mai Havana i lohe ia ae ai ua like ole na Generala o ka poe kipi.  Ua hoole o @ i ka Garcia mau kauoha.  Ua hoao o @ e maki aku i ke komohana, aka ua ala@ oia e Gomez ma Puerto Principe, @ kauoha ia aku e hele e hookolokoloia imua @na no ka hoole kauoha.

            He nui ka poe lahui e e noi aku nei i ka hui Cuba ma Amerika e komo aku iloko o ka puali kaua o na kipi.

            Ua hiki mai ka lono mai Madarida i Havana ke kuka nei o Rusia me Sepania no ke kuai ana aku i kekahi awa ma ka mokupuni Pilepine.  Ua manaoia no hoi eia ka Aha Kuhina o Canovas ke mea nei e kuai i na mine waidala o ka mokuaina o Sepania i kekahi hui Rukini.

 

UA OLALAUIA PAHA.

            He mau olelo okoa loa ka Kuhina Willis e hoopuka la i Amerika e pili ana no Hawaii nei.  Wahi ana, ua ola ka aina, nui ka pomaikai e komo nei a e loaa nei i ka lehulehu, a ua pau ka pilikia makapehu dala o ke aupuni.  Ke holomuku la ka pono a me ka pomaikai, a ua ohohie a lokahi na lahui i ke aupuni repubalika Hawaii.  Ke hookukuia keia mau olelo me ke kulana o ka lehulehu, a me kona noho ana i hoike ia ae e ka nupepa aupuni Advataisa; ua opulepule ia keia Amerika, a i ole hoi ua hoopunipuni ka Advataisa, a ua pololei ole ko kakou ike i ke ano o ke aupuni Hawaii e noho nei.  Ua mokuahana maopopo ka noho ana o kakou i keia la.  Ke kue nei na Pukiki, a wahi a kekahi mau haole kaahele i hoi aku nei i ko lakou home, eia o Hawaii ke kunewanewa nei iluna o ka onene kipi.

 

KELA A ME KEIA.

 

NA MOKU LAWE LETA.

 

O. S. S. Australia................... Iune 22.

O. & O. S. S. Coptic.............. Iune 22.

O. S. S. Mariposa................... Iune 22.

O. & O. S. S. City of Pekin....            Iune 29.

 

            Lanakila na koa o Enelani ma na wahi a pau.  Kona mau.

            Ua hoole aku ka Papa Ola i ke noi a kekahi Iapana e wehe i halekuai laau lapaau nona.  O ka lawa ole o keia Iapana i ka ike i na olelo kumu ka mea i loaa ole ai.

            He nui ka mai e laha nei mawaena o na keiki opio, oia hoi k@ noha a me ka luai a ua lilo aku i luahi na keia mai ke keiki opio a J. N. Keola.  He hookahi makahiki me eono mahina kona mau la.

            E hiki mai ana i Honolulu nei iloko o ka mahina ae nei o Aug. he poe hana keaka, a ua manao ia e hookaulua iho ana lakou maanei, no kekahi mau pule.

            Ua lawe ae kekahi wahine haole i kona ola, ma o ka inu ana i ka laau make, ma Kapalakiko.  O kona hiki ana aku no ia mai ia nei aku nei, a he ano hana lapuwale kana hana.

            Ua hoi mai no ke taona nei o Wm Hopper, mai Kapalakiko mai, ma ka mokuahi Peru.

            He 72 ka nui o na hoa o ka pualikoa Hawaii.  E haule ino ana o Potugala ia Hawaii.

            He ekolu mau America opio i holo aku no Maikonisia, e hookahuli hou aku ai i ko laila poe.

            Ua hooholo iho ka Papa Ola aole e ae ia kekahi mai lepera e hele i ke awawa o Waikolu, ke ole e loaa mua ka palapala ae mai a Ambrose Hutchinson mai, ka Luna Nui ma Kalawao.

            He 41,000 ka nui o na ia o ka hebedona e pau ana i Iune la 15.

            Ua kipaku ia kekahi puaa i kaluaia a lawe ia mai e kuai i ka makeke, e Keliipio, no ka mea ua make mai mamua o ke kalua ia ana.  Auwe ka ai o kekahi poe i ka io kupapau holoholona e!

            Ua pio na mai ahulau ma Kobe, Iapana, ke mau la no nae ka mai kolela ma na wahi e ae

            Ua moe ka manao hoopii a na Iapana no ke sake a kahi wa okoa aku.

            Ke laha la no ka mai ahulau, mai eleele ma Kina i keia manawa.

            Nui ke pahaohao o kekahi poe i ka lohe ana e hoihoi ia mai ana o V. V. Akipoka i Hawaii nei, e Beritania Nui.

            O Makinile ka oi o ka aoao Repubalika ma Amerika.

            Lanakila na koa o Enelani ma na wahi a pau e kaua mai nei.  O kona mau no.

            Mai poina i ka Hale Kuai o L. B. Kerr.  He oia mau na mea emi a makamaka hou hoi o na mea kuai ma kona halekuai.

            No ka poe pena a pia i ka helehelena e loa ano ka pia aala Roma ma kahi o Hobron ma.

            Ua holo aku o Hokuao, a maluna ona i kau aku ai o Mrs. Logana no Ruk, i ka Poaha la 18.

            Ke laha la no ka ma’i ahulau, mai eleele ma Kina.

 

Kastola

 

HE LAAU HOONOHA KUP NO M OL

            Aole ke Kastola he mea okoa, aka o ka aila hoonoha no, me kona maikai ole i lawe ia ae.  Ua hiki keia ma ka makou hana hou ana a me ka hoomomona ana.  Ua like hoi me ka ai ana o ka waimeli.  Ua like no ka hopena me ko ka aila hoonoha.

            Ua ike hoi na Kauka i ke ano nui o ka aila hoonoha, ma kona ano he laau hoonoha maikai.  Hookahi wale no @na kumu i kuihe ia ai, oia ke okaikai mai, a oia wahi ano ka makou l hoopau ae, a ma o ke Kastola hoi ke waiho aku nei makou i kekahi laau hoonoha i hiki ole ke ike ia iho kekahi ano.

NA KUHIKUHI.

No na Keiki—1 a k 6 mahima            1-4 a    1-2 punaki

   “    “          6 a ka 12  “                 1-2 a    1      “

   “    “          1 a ka 5  mak.             1 a       2      “

   “    “          5 a ka 15 mak.             2 a       3      “

No ka poe oo, hookahi puna nui.

No ka hoonoha oluolu keia mau ana.

Kuaiia ma na wahi kuai a pau

Hoomakaukauia e

Ka Hui Kuai Laau o Hobrona Ma.

Alanui Moi, Honolulu.