Ka Oiaio, Volume I, Number 122, 18 June 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE 1.         HONOLULU, IUNE 18, 1896          HELU 122

OIAIO PUKA LA

HOOWALEWALEIA O KARISTO E LIKE

ME KAKOU

HAKUIA E MRS. E. G. WHITE

(Hoomauia.)

            Me ua aahu o kekahi anela o ka malamalama, ua hele aku ka enemi a hoike aku la ia ia me na olelo hoowalewale maalea i ka Hoola o ke ao nei.  Ua hoao aku oia e hoohuli ia Karisto mai ke alanui o ka hoomanawanui a me ka ehaeha o ka auamo ana i na kea hoolui a me na inea.  Ua hooia aku o Satana ia Iesu i ko ke Akua oluolu i kona hoomanawanui ana i na hoao, aka e like me ia i kaohi ai i ka lima o Aberahama ia ia e hoani iho ana e mohai i kana keiki ia Isaaka, pela hoi, ia ia e hoike ana, ua lawa ko ke Akua manao hoao i kona makaukau e kai aku ma ke alanui o ka inea a me ka hookahe koke e kai ana i ke kea, a ua hoouna mai hoi i kekahi anela e hoopakele ia ia mai kona hookeai loihi ana i hiki ai ia ia ke lanakila maluna o na anoai o ke kiuo uo ka pomaikai o ke kanaka.  O kana mau olelo ano ku i ka pololei ua lilo no he hoowalewale ia Karisto.  Ma kona ano kino kanaka i lilo ai keia mau hana he hoowalewale maoli no ia ia, a ma ko Karisto hilinai wale ana no i ka ka Makua olelo i hiki ai ia ia ke pale aku i ka mana o ka enemi.  Ua hele oia ma ka manaoio e like me kakou e hele aku ai, a ua huli ae, aia mai ka mea maalea i ka hoowalewale, ka mea i hele hoonalonalo mai me he la aole oia i ike i ka oiaio o ko Karisto ano maoli, a i pai aku ai ia ia e hana mai i kekahi hoikeana mana akua.  Ua olelo aku o Satana ua kipakuia kekahi anela mana o ka lani a ka honua nei, a o ko Karista hiki ana mai ka mea e hoike mai ana ma kahi o ke Alii o ka lani, oia hoi ua @ haule la, i haalele ia e ke Akua a e ke @.  Ua olelo aku la o Satana ina oia ke Keiki a ke Akua, ua like oia me ke Akua, a ua hiki hoi iaia ke hoike ae i ka oiaio o ia mea ma ka hana ana i kekahi hana mana.  Ua olelo aku oia, "Ina o ke Keiki oe a ke Akua, e i mai oe i keia mau pohaku e lilo i barena."  Ua olelo hopaa aku oia ina e hana o Iesu i ua mea la, e ae aku no oia i ko Karisto mana a hoopau i kona hoomau aku i kona kuleana.  Ua manaolana ka mea hoowalewale, ma ko Karisto pilikia pololi a haulehia o kona naau e pau ana kona manaoio i kona Makua, a hana iho hoi i kekahi hana mana no kona pono a lawe ae ia ia mai ka lima o kona Makua.  Ina i hana o Karisto e like me keia ina ua poloke ka papa hana hoola a ke Akua i hoolalal ai; no ka mea ua kulike ole hoi me ka me i hoomakaukauia ko Karisto hana ana i kekahi mea oia ano.  Iloko o kona noho ana ma keia honua, e hoohana hoi o Karisto i kana hana a pau no ka pomaikai wale no o ka lahuikanaka i hoopoino ia.  Ma kona ku ana ma ka aoao o ke kanaka, ua ili na luuluu o ke kanaka nana e auamo, a e hoike mai ia kakou i ke ana o ka hoohaahaa a me ka manaoio i ke Akua.  Ua hookui aku oia i ka enemi me ka olelo, "Ua palapala ia, Aole e ola ke kanaka ma ka barena wale no, aka ma na mea a pau ma ka waha mai o ke Akua."  Aole hoi ia he haua kupono i ke Keiki a ke Akua, kona iho ana iho mai kona kulana e hooiaio aku ia ia mamuli o ka makemake o kekahi enemi i haule pio, a e  wehewehe aku hoi i ke kumu o kona hoohaahaaia io iho i lilo ai i Hoola no ke kanaka.  Ina hoi na keiki a kanaka e hakai i ka Karisto hana, a hoolauna ole aku me na hana a ka enemi, e lehulehu aua hoi ko lakou mana e lanakila ai mai kana mau hoopio ana.

            Mahope o ko Satana pahua ana i kana hoowalewale e hoike ae o Karisto i kona mana nona iho mamuli o kona hoohaehae ia ana, a me kona hooweliweli ana aku hoi i kona mana oi ae, ua lawe ae o Satana i ke keiki a ke Akua mai ka waonahele aku a hoonoho iho la iaia maluna o ka winiwini o ka luakini ma Ierusalema.  Ma keia wahi o Satana i ae aku ai ia Karisto ka pololei o kona hilinai piha ana maluna o ka Makua, a i aku la hoi, ua olelo ke Akua e haawi i kona mau anela e kiai maluna ona i ole ai e kuia kona mau wawae i ke kahi pohaku, nolaila, koi aku la oia ia Karisto e hoike hou ae i kona manaoio i ka olelo a ke Akua.  I aku la oia ia Karisto "Ina o oe ke keiki k ke Akua, e lele iho oe ilalo, no ka mea ua palapala ia, E kauoha mai no oia i kona mau anela nou, e kaikai lakou ia oe ma ko lakou lima, o kuia kou wawae i ka pohaku."  Ua manao o Satana e hoouhi pu aku maluna o Karisto oiai oia ma ke kino kanaka nei, a pai pai aku la iaia e hana aku a oi mamua o ka palena o ka manaoio a kaa aku ma o ka hewa hookiekie.  Aka, iaia e hoike ana i kona hilinai piha i kona Makua, ua hoole oia i ka hoi hoi ana iaia malalo o ke ulana e kono ai i ke komo ana mai o ka ke Akua e keakea i pakele ai oia mai ka make.  Aole hoi oia e hana i ke kahi hana e koi aku ai i ka lokomaikai o kona Makua e hele mai e hoopakele iaia, a ma ia ano e hoohaule hoi i ke ana hoohalike hemolele o ka hilinai piha a me ka hoolohe i na kauoha a pau a kona Makua.

            Mahope o ka pahua ana o Satana i kena hoao e hookahuli i ko Karisto kupaa, hoololi ae la oia i kona uhi huua ano, a hoao hou aku la oia i kana bana hoowalewale hauna hope loa, hoike mmaoli aku la oia iaia iho oia maoli no ke kipi kiekie o ke ao nei, ko poo o ke aupuni o na kanaka, ke alii o ka honua nei.  Hoonoho aku la hoi oia ia Iesu maluna o kekahi mauna kiekie, ma kona mana ua hoikeike aela oia i na ano aupuni a pau e kaalo ae ana imua o kona alo.  Ua hoike aku la oia i ka nani o na aupuni o ke ao, a i aku la nona keia mea a pau, a nana hoi e hookau aku ia Iesu maluna o keia aupuni, me kona luhi ole, ehaeha ole, hoino a hoomaewaewa ole ia, ina oia e kulou mai a hoomana iaia, e hoike ae hoi i kona haahaa malalo iho ona.  Ua hoopilikia ia hoi o Iesu e ka pololi, aole ona mau hoaloha, aole ona home, aka, ua haawi ia aku la iaia na aupuni mana nui o ke ao nona no hookahi kumu.

            Aole i pau.