Ka Oiaio, Volume I, Number 121, 17 June 1896 — Page 1
| This text was transcribed by: | Mele-aina Dancil |
| This work is dedicated to: | Noa Kazutake Chamberlain |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
BUKE I. HONOLULU, JUNE 17, 1896. HELU 121
HAAWINA HELUHELU BAIBALA
______
NA HOONOHONOHO UHANE O KEIA AU.
______
1. I na la hope, i ka manawa e haalele mai ai na kanaka i ka manaoio, heaha ka lakou e hoolohe ai? 1 Tim 4:1
"Ke olelo paha mai nei ka Uhane, a i ka manawa mahope e haalele kekahi poe i ka manaoio, e malama ana i na uhane hoopunipuni a me ke ao ana a na daimonio."
2 He aha la ke ano o na la hope? 2 Tim 3:1.
"Eia hoi kau mea e ike ai; a i na la mahoe e hiki mai ana na manawa popilikia."
3 Ia manawa pehea e kue ia mai ai ka oiaio? 2 Tim 3:8 hapa mua.
"A me ka Iane a me ka Iamebere i kue mai ai ia Mose, pela hoi ua poe la i kue mai ai i ka oiaio."
4 Owai hoi o Iane a me Iamebere? Puk 7:11.
Na kanaka kilokilo a me magoi keia Aigupika i kue mei ai i na hana a Mose. A pela iho la u o i na la hope e kue ai o Satana i ka oiaio.
5 E pili ana i ka nani o ko Karisto hiki hou ana mai, pehea o Satana e hana ai? 1 Tesa 2:8, 9.
"Alaila e hoikeia mai ua Hesa la, o ka ka Haku ia e kinai aku ai me ka ha o kona waha, a e luku ai me ka olinolino nui o kona hiki ana mai O ka hiki ana mai o ua mea la mamuli no iao ka Satana hana ana, me ka mana a pau a me na hoailona a me na mea kupanaha hoopunipuni."
Mamua pono iho o ko Karisto hiki hou ana mai. e hana o Stana me kona mana a pau ma na hoailona a me na hana pahaohao i puni ai.
6 No keaha hoi oia e hoike ai i ka huhu nui ia manawa? Hoik 12:12.
" ** No ka mea ua iho mai ke diaboloi o oukou me ka inaina nui, n ka mea ua ike oia ua pokole kona manawa." He oiaio ua pokole mai kona manawa.
7 E hana io mai ana no anei na kaimonio i na hana mana? Hoik 16:14.
"He põe ufane daimonio keia e hana ana i na mea kupanaha, e hele ana hoi i na 'lii o ka honua nei a pau e hoakoakoa ia lakou i ke kaua o kela la nui o ke Akua mana loa."
8 No keaha keia hoakoakoa ana? "No ke kaua o kela la nui o ke Akua mana loa."
9 I ka wa hea e hooili ai keia kaua? Hoik 19:19.
"A ike aku la au i ka holoholona a me na 'lii o ka honua, a me ko lakou poe kaua i akoakoa e kaua aku i ka mea e noho ana maluna o ka lio a me kona pua i kaua." E heluhelu hoi i ka pauku 11-18 a me Mok 20:8,6.
10 Ia Karisto e kokoke ana e hiki hou mai e hoao ana anei o Satana a me kona mau anela e hoohalike me ko ka Haku hele ana mai me na hoailona a me na hana hoopunipuni? Mat 24:23, 24.
"Ina e olelo mai kekahi ia oukou ia manawa. E eia maanei ka Mesia, a aia mao, mai manao oukou he oiaio. No ka mea e ku ae no na Mesia wahahee, a me na kaula wahahee, a e hoike aku lakou i na hoailona nui, a me na mea kupanaha; a in a hiki e hoopunipuni hou ana lakou i ka poe i wae ia."
11 He mau hana no anei kekahi i ike ia i keia mau makahiki e hoopiha ana i kaia mau wnana i ike ia ma na olelo o na pauku i helu ia aku nei ma keia haawina: Ke ala hou ana o na Hoonohonoho Uhane."
______
KE ALA HOU ANA O KA HOONOHONOHO UHANE
______
O kekahi o na mea pahaohao loa o keia wa, e ike ia nei o ko ke kanaka ano, oia no ka hoole ana o ka hapanui o ka lahuikanaka i ka ke Akua mau hoike ana ma o na kaula a me na lunaolelo, oiai hoi e pihoihoi ana lakou ke lohe iki ia ae na olelo manao wale he leo kekahi ua pa-e mai na uhane i olelo ia na uhane o ka poe make. Iloko o na lahui a pau ua ike ia ka poe e olelo ana ua hiki ia lakou ke launa me ka uhane o ka poe make. O keia poe kai kapa ia he haka e ku ana mawaena o ka mea ola a me ka mea make, ka mea nana e hoike i ka manao o na aoao a elua. Aole kakou e manao ana he mea ano e iki i na lahui hoomaua kii e imi ana i na ike mai na uhane, oiai aole i loaa ia lakou ka hoike ana o ka ike mai ke Akua mai ma o kana mau kaula mai; aka, he mea pahaohao loa hoi ka ike ana aku i na kanaka i kapa ia lakou he poe Karistiano, a i ua lahui i oleloia he Karistiano, e huli ana e launa me na uhane, ka mea i papa ia e ke Akua ma kana olelo hemolele, (Kan. 18:9-1). Ua hiki wale no ke wehewehe ia ma ka ike ana aia hoi he mana hoonanea e pili ana i na mea na uhane e hoike mai ana e kinai ana na noonoo maikai o kanaka. Ua olelo mai o Paulo, "nawai oukou i hoowalewale mai i hoolohe ole ai oukou i ka oiaio," Gal 3:1. Oiai na Satana mai na hoowalewale, he mea no e manao ia aku ai he mau hana hoouhiuhi no ia i nalo ai kona ano maoli, oiai e hoao ana e hoike mai i ke kanaka i kona ano kelakela iho. E anana i ka hoowalewale mua loa a Satana i ke kanaka e hapai ana ia ia, "e like olua me ke Akua."
O ka ulu hou ana ae o na hana hoowalewale launa ana uhane o keia wa, penei no ia: I ka 1848, ma Hydesville, Nu Ioka, iloko o kekahi ohana ma ka inoa o Fox, aia hoi ua lohe ia iho la na kike ana i ka po ma na pou moe. Ua ike ia no ia manawa hookahi ua hiki i keia mau kikeke ka pane mai. Mai keia hoomaka liilii ana ua ulu ae keia ano hoowalewale a pahola aku a ke helu ne ko lakou nui ma na miliona o na kanaka ma America e manaoio nei i keia mau hana hoolauna uhane, a ma Europa hoi ke noho nei na 'lii aimoku me kekahi hoonohonoho uhane e hoomeamea ana he mau olelo kana mai na uhane mai o ka poe make.
He oiaio he nui na hana hoikeike mana hoowalewale e hoike ia nei i keia wa, aka o ka olelo ia mai ka Haku maia mai ua uhane o ka poe make aole he oiaio. Ma na miliona ka nui o ka poe o na ekalesia e manao nei @ Karisto i manao ia i keia mau hana hoomanamana auo hou. Ua hoike mai kekahi @@ Melebona, Australia mai, aia ke huli@@ la na hoananau o na ekalesia e launa ole na unhane a e kamailio me na uhane u@@kiki, i ka mea ola me ka mea make. Ke komo nei keia mana i waena o na baipule a me na ano o na noho'na a pau maanei, me ka lakou mau ao ana; a ma na launa kino ana me ka poe i komo aku iloko o kona mau pohihihi, me he la eia oia ke puka a makanei me ke koa, aka na uhiia paha me na aahu kohu anela mamua o kona uhi e hoike ike la ia ia iho ma America. Eia na kaa o na makahanohano ke ikea nei e ku ana no ua hora ma na ipuka hale o na makani, na hoonohonoho uhane, a me ua hoola makeneti!
E.H.G