Ka Oiaio, Volume I, Number 101, 21 May 1896 — Page 2
| This text was transcribed by: | Rosemary Mccune |
| This work is dedicated to: | Rwena Lilinoe Holaday |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
=================
KA OIAIO PUKA LA.
------------------------------------------------------------
JOHN E BUSH, Luna Hooponopono a ma Puuka
------------------------------------------------------------
HONOLULU. : : : : MEI 21. 1896.
------------------------------------------------------------
KA HOOPII A NA PUKIKI.
--
Ua waiho ia aku ka olelo hooholo a na Pukiki imua o ka Ahaolelo, a ua hoike mai ke Komite o ka Hale iaia i waiho ia aku ai ua Olelo Hooholo la. Ua olelo mai ke Komite he kupono a haua ia kekahi haua e hoopau ai i ka pilikia i hoakaka ia ma ka llakou noi, a e waiho ia ke noi ma ka Papa a hoea mai kekahi bila Kanawai no ia mea. He pahee keia mau hana, a me he la, o ka waiho ana ma ka papa oia kona moe malie ana, a hiki mai ka la e hoala ia ai ka poe moe a make i ka la hope.
He aloha makou i keia poe, i ka uwe helu aku, e i ana, o makou ka poe auamo pu mana kipi ana a pau e kinai i ke aupuni o na kakana, anoho ae hoi oukou ma kahi mana a eia makou ke hoopilikia i a nei e oukou ma ka ae ia ana e hookomoia mai na paahana Asia e kue mai ia makou ma na hana o ka aina.
Aloha no ka poe kipi, eia no ke ao mai nei e hookahuli hou, aka, malia paha he hoouwewe wale no keia a loaa aku kahi apana palena ma ka apua, alaila, pau ke kanikani ana. Ma na ano a pau e kuu aku na Hawaii i keia mau hana ia hoi, a e noho malia loa lakou.
=====
HAIMANAO HOOLE BAIBALA
--
He hiaolelo ka Julian D. Hayne i ke ahiahi Poalima, ma ka Rumi maluna ae o ka Halekuai, kihi Wae a mauka o Alanui Papu a me Hotele. He polelo pane keia i ka haiolelo a Mr. Garvin o ka ekelesia Charistinao Endeavor mauka ike o ke kihi Alanui Moi a me Ala.
He mea maopopo, he mau alakai keia na ke diabolo i kanaka, a e like me ka olelo, olelo olalau a kanaka. Aka, aole e pio ka lamaku a Karisto kukulu ai a hiki i kalawepio ia ana o na enemi a pau o ka Oiaio a ka Akua Mana. He hupo ka ike o ke kanaka imua o ka Mea nana i hana ke kanaka a me na mea e ae a pau.
He palapala ka ike oka Oiaio i hooia ia e na mea a pau e ikea nei, e pili ana i ke kanaka a me na mea e ae o keia ao.
=====
KO KAKELA MANAO.
--
Ua olelo ae o W. R. Kakela, ma kona ma hao, ua kue ka rula a ke Kuhina Kalaiaina King, e kauoha ana e kau io ke kanaka i kona hoailona kuni manamana lima nui, i ke Kumukanawai, ma ka hookoia ana o ka makemake o ke kanawai hoopaa helu ano oke kanaka. Wahi ana:
"He hana hupo kahoailona manamana lima, a aole hoi e ku ke kue ia. Aole hoi he olelo ma ke kanawai, e like me ia i hooholoia e ka Aaolelo, e kauoa ana e kau hoailona ia iho ka manamana nui ma ka palapala hoopaa, a e pili ana i ka poe kaahele o na aina e, aole he wahi hune i pili aku ia lakou."
"Eia hou hoi, ua hooi loa aku ke Kuhina Kalaiaina i konamana, ma ka hookomo ana io i na olelo no ka hoailona lima. O ke kanawai e haawi ana i ka mana i kaupalenaia i ke Kuhina aoleia e haawi ana i ke kuleana o ka mana ahaolelo, kekahi hana maopopo loa he kue kumukanawai.
"Aole keia bila e hiki ke ku ke hoao ia imua o kekahi e na Aha, a he hana ano olehoi ka hana hoailona kumi lima."
=====
AUHAU LOAA MAKAHIKI.
--
He hookahi keneta ka auhau aupuni ma ka bila kanawai imua o ka Ahaolelo, e hookau ia aku ana maluna o na loaa makahiki i oi ae mamua o kekahi helu dala, i kau ai keia auhau maluna o ka mea kuonoono, a i hiki ke hookaa i ka auhau aupuni mamuli o ka nui loa. I keia la e heluhelu ekolu ia aikeia bila kanawai.
=====
KELA A ME KEIA.
--
I keia po e weheia ai o Keena Pauahi Kula Punaho
He halawai ma Punahou i keia ahiahi.
I ka Poakahi ka mokukuna Coronet e holo ai no Iapana.
He paani kiuipopo ka ka Hoku a me ka Honolulu i keia Poaono.
He ahaaina ka na Kauka ma ka Arlington i keia ahiahi.
O Kauka Emekona ka Peresidena o ka Papa Ola i keia wa.
OKuhina Cooper, ka LoioKuhina i keia wa.
He miliona @a ko paa ka haule ma Cuba.
He $2000 ke ana haahaa o ka hoomaka ana kau e heluia a auhau ia o ka loaa makahiki. Kokua oa o S. M. Damon, Kuhina Waiwai ikeia.
Ke laha nui la ka ma'i ahulau eleele @a Kina a me Iapana. He mau ouli keia o ka mea e hiki mai ana iloko o ko kakou manawa. He tausani e hina ma kaakau a heumi tausani ma kahema, o ka mea noho maemae a malama i ko ke Akua mau kauoha ole e pa ana. Eia aku a hiki mai.
E hooholo hou ia mai ana ka mokumahu Zilanedia i Honolulu nei.
Ua hoolewa ia aku o Miss Kase Field a ka auina l o nehinei.
Ke hoomaka nei na moku o na awa Pakipika e Amerika, e lawe mahuahua mai i na ukana mai na mokuaina mawaho ae o Kaleponi.
Ua hooholo aku la hoi o Kanoii i kona lio iloko o kekahi halekuai pake I kona lawe ia ana i ka halawai olelo ae la oia aole oia i ike ua hana oia i kekahi hana i like me ia. Alaila, o ke palo iloko ona aku la ka mea i hana i ua hana la. O Kanoii nae kai hoopaiia.
E hookau ia ana he dute maluna o ke kopaa ma Amerika, ma keia hope aku, mahope o kala 1 o Iulai. Oia ka lohe.
Mai poina na makamakia i ke kuai hoopau ma kahale kuai o L. B. Kerr. He 30 i-a kalakoa paa no hookahi dala.
No ka poe pena a pia i kahelehelena e loaa no kapia aala "Ramona" ma kahi o Hobron ma
-----
KAUI HOOPAU NUI.
--
Ma na Mahele a pau o na ano mea kuai ma ka Halekuai o
L. B. KERR
ALANUI MOIWAHINE
--
He 30 i-a Kalakoa no $1.
Papale Ie Laiki 25 keneta pakahi.
12 Ia Lole Hulu hulu Pulupulu no $1
Na Lipine 18 ia no 25 keneta.
Na Lole Makalena Keokeo kikokiko a a me pohaka, 15 ia no $1
E hele a e makaala mai, a e lawe ae i na kuai holopono ana.
L. B. KERR.
ALANUI MOIWAHINE