Ka Oiaio, Volume I, Number 99, 19 Mei 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E BUSH, Luna Hooponopono a me Puuku.

 

HONOLULU.            MEI 19,1896.

 

HUAKAI NO KINA.

 

  Ma ka hora 4 ahiahi e kau aku ai o Loio Kuhina Kamika a me Kauka Wahie no Iapana a me Kina ma ka mokumahu Dorie.  E holo ana laua no ka hoomaopopo ana i ke ano o ka mai ahulau e hu mau ana ma na aina Asia i kela a me keia kau mehana, a e nana hoi i ke ano o ka hoopae limahana Asia.  E kokua ia ka laua huaki oia ka makou e kalokalo ae i mua o ka Maku@, i loaa ai he pono like ia kakou a pau.

 

V. V. AKEPOKA

 

  Ma keia mokumahu lawe leta i hiki mai ai ka lohe, ua loaa hou iho keia makamaka o Hawaii i ka mai lolo, a aia oia ke waiho la ma ka Halemai Farani ma Kapalakiko.

 

HOHENLOHE.

 

  Ua hoolahaia ae e haalele ana ka Kuhina Nui o Geremania i ka Aha Kuhina, a ua kuu ia mai hoi oia e ka Emepera.  Aole nae keia haalele mamuli o na manao maikai ole.

 

MAI BARAZILA.

 

  Ua makaukau hou ka poe hookahuli aupuni e kipi aku i ke aupuni rupubalika, e like me ia i hoao ia ai e Adimarala Mello.  Me he la, ka hana mau iho la no ia o keia aina, a kona mahaehae ana he mau aupuni elua a he ekolu hou aku paha.

 

KA NU HOU O NA AINA E.

 

  Ua hoike aku ke Komite i ka Ahaolelo o Amerika, he mea kupono e haawiia kekahi puu dala kokua i kekahi hui no ka hoomoe ana i ka laina telegarapa me Hawaii a me Iapana.  Kue na luna Senata Democarta.  Ua olelo k@ Komite he $3,400,000 ana ka lilo, a he $134,000 ka uku panee o heia puu dala.  He hui telegarapa e ae kekahi e lawe mai ana he bila na lakou e hoomoe ka laina telegarapa.

  Ke pii mau nei ko Makinele kelana holo Peresidena.

 

Ua hooholo iho na Aha Koa o ke Panalaau Mokupuni o Cuba o Sepania e hoomakeia na Biebusta i loaa aku ai ma kekahi moku Amerika, e hoao ana e hoopa e malu i na lako kaua ua kaua ako ke aupuni Amerika, i ke aupuni Sepania, a ua k@iia ka hooko ana o ka hoopi ia ike ia @a kumu o ko Amerika kaua ana.

  Ua huhu loa hoio Generala Weyler, a e mea ana e haalele i ka nolio ana ma ke poo o ka oihana puali Kaua a Kiaaina.

  Aole ke aupuni e hoopii ana ia Cecila Rhodes a me ka Hui Aferika Hema no ke komo pu ana iloko o ke kaua kipi ma ke Transovani Repubalika.

 

KELA A ME KEIA.

 

  He bana ko keia po ma ka Hotele Hawaii.

  I keia ahiahi hora 5 e holo aku ai ke Claudine no Hawaii a me Maui.

  I keia auina la e ku mai ai ka Malulani.

  Ua hiki mai o J. W. Price mai Kapalakiko me na hoa hana keaka lio o ka laua hui me Burns.

  Ua holopuiwa aku kekahi kaa bage o ka Hale Kepala Pontheon me kekahi Pukiki e kiai ana.  Ua hulihia ke kaa.  Ua lele aku ka manamana nui o ke keiki, a pakele mai ma na ano e ae.

  He mau niu kanu ka makou no ka poe makemake niu, no ko kumukuai kupono.  He niu huakoke keia, wahi a ka oleloia.

  Ua hoopai ia o Emelia no ka olelo ino, he $5, a no ka hookaa ole, e hoopaa ia ana.  Aloha no keia wahine @na wale i kona kino.

  Ua h@iia ka poe i hopuia ai e Hope Makai Nui King ma Hana no ke puhi waiona, he $350 a he ekolu mahina hoopaahao, no elua; he $300 a me 3 mahina, no hookahi, a he $100 me 3 mahina no kekahi.

    No umi makahiki, ua hoikeia ae ma ka papa helu, ua emi mai ka inu ia o na waiona ikaika a ua pii ae hoi ka uwaina.  He 43 tausani galani o ka mua, a he 97 tausani galani o ka uwaina.

  Ua ku mai ka moku Dorie i ke ahiahi o nehinei.  O keia moku ka oi o kanani a ma ka holo.  No keia moku ka averika holo o umikumamaha mile o ka hora mai Nu Ioka a me Kapalakiko.

  Ua hui ae o Samuela Alekanedero a me Hanale P. Balauwini ma ka oihana hui Kalepa Komisina ma Kapalakiko.  He mau ona miliona maopopo laua, a oiai o ka nui dala ke ana o ka holomua o na hana e holomua maopopo ana no ka laua hana.

  Mai poina na makamaka i ke kuai hoopau ma ka hale kuai o L. B. Kerr.  He 30 i-a kalakoa paa no hookahi dala.

  No ka poe pena @ pia i ka helehelena e loaa no kapia aala "Ramona" ma kahi o Hobron ma@

  Kupilikii ke kulana noho ana aupuni o Sepania a me Amerika.

  Ke olelo nei na alakai o na Pukiki he poe kauwa piliwale ka Ahaolelo i na ona mahiko.

  Ka makemake o na Pukiki e hookiia ka hoopa@ hou ana mai i na limahana Asia oiai ua piha ka aika a oi aku e noho nei i keia wa.

  E hana ia kekahi kanawai i keia kau e hoopau ia ka auhau dute ma ka uwaina o Kaleponi.

  Aole he manao ia e holo ana kekahi bila no ke kok@ la@na telegarapa.  He mau ha@ koi wale no keia a no luna Senate i komo ai ka ia i ka lakou kihene, e like ai me na mea i lohe ia no ka hoohui ana ia Hawaii nei.

  U a noi mai k@ Hilo, a me he la e nana ia ana kekahi bila kanawai i kupono ai me ka lakou noi, e ae ia aku ka pono kukulu laina alahao uwila no ia taona.  Ke holomua nei o Hilo.

  Piha ka halawai a na Pukiki, a maikai no na manao.  Aka, aole paha e hua ana.

  Ke hookolokolo nei o Lunakanawai Perry i ka hihia hookomo malu opiuma a kekahi Iapana ma Hale Dute.

  Ua hoopiiia na kanaka o ka mokupuni Tapatue no ke puhi ana i ka luakini Katolika malaila, e ke Kanikela Enelani.

 

KUAI HOOPAU NUI.

 

Ma na Mahele a pau o na ano mea kuai ma ka Halekuai o L. B. KERR ALANUI MOIWAHINE

 

He 30 i-a Kalakoa no $1.

Papale Ie Laiki 23 keneta pakahi.

12 Ia Lole Huluhulu Pulupulu no $1

Na Lipine 18 ia no 25 keneta.

Na Lole Makalena Keokeo kikokiko a me pohaka, 15 ia no $1

E hele a e makaala mai, a e lawe ae i @a kuai holopono ana.

L.B. Kerr.

ALANUI MOIWAHINE.