Ka Oiaio, Volume I, Number 98, 18 Mei 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA

 

PUKA LA OIAIO

 

Hoopukaia i ua la a pau koe ka la Sabati a me Lapule no O keneta o ka mahina.

 

BUKE 1.         HONOLULU, MEI 18, 1896.            HELU 98

 

OIAIO PUKA LA

 

NO NA AINA KAHIKO

 

NA KULANAKAUHALE I NALOWALE A

 

LOAA HOU AKU

 

oooooooo

 

Mah I II.

 

MOKUNA II

 

Ke Awa Kahiko loa o ka honua nei - Pilikia o ka pae ana aku - Ke ano o ka noho ana o ke au kahiko ma na Aina Hikina - Ke Kula o Sarona - Ke Kulanakauhale o ke 'lii Nui - Na manao mua o ka ike ana aku i ka aina - Kahi e kumakena ai na Iudaio - Kuanea a anoano ke nana aku - Na Manao aloha no ka Aina Hemolele.

 

            A e like me Ierusalema i keia wa, pela hoi na wahi a pau o ka Aina Hemolele.

            E hele mai ana lakou mai na aina a pau nona na makahiki mai ka wa kamalii a ke kanikoo, a pela hoi keia nui kanaka naau kaumaha i hele ai no keia mau makahiki loihi, i kela a me keia kene@uria, mai ka manawa mai o ka hoohiolo ia ana o ka luakini a me ke kulanakauhale e ka poe Roma.

 

            He oi keia o na hana hupo kuhihewa, he oi no hoi o ka hoomanao nui, a me ka manaoio.  E lohe ia ana hoi iwaena o ka lakou mau kanikau keia uwe helu kanaenae, "e oluolu e ka Makua e, iloko o kona lokomaikai palena ole e aloha mai i na keiki makua ole, a e houlu ulu hou aku i kana mau keiki i hoopuehuia mai ka Aina Hemolele!  E he Akua e, e hoi hou mai oe i kou Kulanakauhale! e kukulu hou hoi i kou @@ wahi hemolele, e noho ae iloko o kou hale, a e hoakoakoa mai i kou mamaka ae ana ma kou alahele, i poniia me ka Akua, ka mea ikaika ma na hana, pela hoi e kauoha ai,'

 

            A pela iho la ke ano o ka aina holookoa.  E ike ia ana ka poino a me ke panoa ma na wa hi a pau.  He ilihune ka lehulehu a he hupo he hoohemahema ia a he waiho panoa wale no ka aina, a he pelapela a kuanea na kulanakauhale.

 

            Aka hoi, he lehulehu nae o keia mau kaona i piha i na mea ohohie a manao nui ia e ka poe Karistiano naauao mamua o na kulanakauhale kahiko a kaulana o na lahui pegana.  Heaha hoi o Nineva, o Babulona, a me Thebe paha, ke hoohalike ia me Betela, Betelehama, a NAzareta paha?

 

            He nui wale ka poe i helu he mea nui ka ike ana i kahi i waiho ai ka ilina o Wasinetona, a o Napoliona paha, aka, aole mei hoi he mea oi loa aku ka hele makaikai ana i ka ilina o kekahi kanaka e like me Aberahama, o Iakoba, a o Davida paha!

 

MOKUNA. 1II

 

HUAKAI MAKAIKAI IA ZIONA.

 

Kaahele ana i ke Kulanakauhale -- Na wahi pana -- E hoopuana mai ana i na ano o ka Karisto mau olelo nane -- Hooia ana i na Wahi Hemolele - Ka Olelo Mau loa - Ka Hopena o ka Imiana Akeakamai.

 

            Aole hoi he kulanakauhale i oi aku ka laahia ma kona mau pilina moolelo e like me Ierusalema, a aole no hoi he wahi i oi aku o ka nani o ka noho ana home e like me ia.  O ka averika o kona ana mehana aia hoi mawaena o kanawalu -- kumamaha a me kanawalu-kumaono degere, a pela iho la ka like o ka oluolu o ke kau anu, e kani ana na manu a e mohala ana na pua a puni ka makahiki.

           

            E hoomanao iho oe no kekahi wa pokole aia oe iloko o ke Kulanakauhale o Davida, e ala ana hoi oe e ike i ka hoea ana mai a ka la o ke kakahiaka maluna mai o na kuahiwi o Moaba, alaila, e iho ana i kahi o ke ana i kanuia ai ka Haku, a iluna hoi i na pahale e hoopuni ana i ka Hale o ka Haku ma Moria, no ka pule kakahiaka, a e hele nanea ana ma ke alanui Via Dolorosa, a e kaalo ana hoi mawaho iho o ka Hale Hookolokolo o Pilato, a e puka ana hoi ma ka ipuka o Sana Stipani, e hele kea ana i ke Awawa o Kedorona maluna o kekahi uwapo oololi, a huli kipa ae hoi iloko o ka mala o Getesemane ma ka hema e hoomaha a e hoomanao ai hoi, e noho ana malalo o kekahi o na kumu laau hua oliva kahi ponoi paha a ko kakou Haku i pule ai i na hora hope loa o kona manawa ma keia kino me ke kaumaha lua ole, a e ohi ana paha i na pua e mamaka ae ana ma kou alahele i poniia me ka ula - koko me he la e hoailona ana i ke koko o o ka Haku i kulu ia ma ia wahi me he kulu hou la alaila hoomau aku hoi ma kau huakai hele wawae ma kela aoao ma Oliveata, ma kahi e ku la o ka Luakini o ka Hoihou ana, e hookaulua iki ana e hoomaha maluna o ka pohaku, a ka moolelo e olelo nei, o ia kahi i noho iho ai o Karisto iaia i kanikau iho ai no ke kulanakauhale o na Iudaio a kona ke akua i ike aku ai e komohia ana iloko o ka hoopai ana weliweli mahope koke iho o kona molia ia ana, a hoomau aku la hoi a hiki loa i Betane, e kipa ana i ka hale i oleloia o Simeona, ka ma'i lepera, a me ko Mere a me Maka, a me ke ana kupapau o ko laua kaikunane, o Lazaro.

 

            Alaila huli hoi mai la hoi, e hele auwana nanea hele ana ma ka ilina hoi o na Kaula, a iho aku ma ke Awawa o Kedorona a loaa aku ek Kiowai o Siloama, kahi au e hoomau iho ai i kou mau maka ia oe e kilohi iho ai i kona wai moakaka, e ake ana o ka mau ana ia e pau ai la kona luhi a ehaeha hou ana paha mahope aku, e hele kaapuni ana hoi a komo aku ma ke awawa o Hinona, e pii ana i ke kiekiena i Acaladema, ma ka moeana alopali o Mauua o ke Ao'na Hewa, ka mala ponoi hoi o ka "mahina aina koko" i kuai ia ai me na apana seleva he kanakolu a Iuda ai, ke kumukuai o ka uku hoomaewaewa o kona Haku, a malaila aku e pii ku aku ai ma na aoao nihinihi paliku o Ziona a hiki aku i kona piko poo.

 

            Aole i pau.