Ka Oiaio, Volume I, Number 95, 13 May 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA OIAIO PUKA LA.

 

JOHN E BUSH, Luna Hooponopono a me Puuku

 

HONOLULU : : : : MEi 13. 1896.

 

E HOLO ANA NO ASIA.

 

            Ma ka nui ana o ka Papa Ola i kela laaku nei ua hooholoia no ka holo ana o Loio Kuhina Kamika no Asia, me Kauka Wahie, no ka imi ana i na kumu e hiki ai ke pale aku i na ma’i luku. E holo aku ana laua ma ka mokuahi Dorie, no Yokohama Honokaona, a me kekahi mau awa e ae. E hala ana paha he elua mahina ia laua ma keia huakai.

 

HE HUAKAI HELE

 

            Ma ka holo ana aku o ka Loio Kuhina no Kina eia ka elua o kona holo ana no na sina e, wahi aka oleloia, e imi i pono a i ike e pono kana oihana a me ke aupuni, malalo o na lilo o ke aupuni. I ka wa o ke aupuni moi, o keia kekahi hana i ahewa ia ai na luna aupuni kiekie a me ke poo aupuni, i ka ae ia o na paahana aupuni e hele e hoomaha, a pela aku malalo o na lilo o ke aupuni.

            He nui na huakai o keia ano i hookoia malalo o ka apono ana o na mana e hele ana a lewa ka honua, aka, he kanalua makou i ka olelo ana ae, ua loheia a ua ike ia he wahi lihi pomaikai kai loaa ma keia mau ano hana.

            Aka, he hewa paha ka oleloia ana ae pela, oiai he au okoa keia, a he mau rula okoa ke ana o ke kanaka, kona nono ana, a me kana olelo ana. He hewa hoi ke hamama loa ae ka waha, oiai he aupuni liberala keia he aupuni repubalika, e like me Amerika.

 

NUI KA NELE HANA.

 

            Ia makou e holoholo ana i kekahi kakahiaka o ka pule i hala, ma kai o Ainahou, ua hoopahaohaoia hoi ko makou ike’na i ka ike ana aku i na uwapo ua hele paha a piha pono i na kanaka kino opiopio ikaika e imi hana ana, aole nae he loaa o ka hana.

            Wahi a kahi o lakou, aole he loaa o ka hana ia makou e lawa ae ka pule hookahi iloko o ka mahina, oia hoi he eono la iloko o iwakaluakumamaono la hana o ka mahina. He kulana pilikia keia, a he hoopilikia pu hoi i na makamaka i ka malama ana mai i na la nele.

            Aole keia kulana mai mua mai, i keia mau la nui loaa hoi no i ka aina. He mea kupanaha loa ia a nui ka waiwai komo mai iloko o ka aina nei, oia hoi la ka manawa e hekau ai o ka waiwai a ka lima o ka hapauuku, a o ka luhi a me ka pololi i ka hapa nui o kanaka.

            Aka, e hoomanawanui kakou ma na hana pono a ka Haku o Sabaota e hoolohe a wehe ae i ka pilikia o ka poe i ilihune a i pololi.

 

KA WAIU A ME KE KOPAA.

 

            Malalo o keia kumu hana ka paio wehewehe ano o na opio o Alanui Paipalapala. He mea oiaio loa, ua hoike mai lakou i ko lakou naauao ma ka wae ana i ke kumu wehewehe ano a na mea e pili ana i ka poe opiopio loa ka ai mai ka poli mai o ka makuahine kino kanaka a me makuahine kino honua.

            Mai na kuluwai mai na muliwai nunui a mai na hune lepo ae hoi ka momona o ka honua. Ke hoomaopopo nei makou eia na opiopio o Kawaiahao i ke kulana a Paulo i olelo ai kunu wa kamalii ike au e like me kamalii a ke manaolana nei makou, aole no e hala ana ka milenia a loaa aku no ka hapa hope o ka Paulo i olelo ai, oia hoi ka ike kanaka makua ana aku. E au e na opio i komo ai i ke kula a ka poe paio o na Helen.

 

KELA A ME KEIA.

 

            Eia mauka ae nei o Manamana ka hale lole o ka puali keaka Hawaii a e paani ana ma ka po Poaono ae nei, wahi a ka lohe.

            Nui ke kaua kuloko na alanui Paipalapala i ka onehinei, a hele palua no hoi na olelo oi noke ma ka olelo Hawaii a o ka lawa ole iho okoa ma ka olelo Europa, hoopau no hoi.

            Ma ka la 12 o keia mahina, ua pauaho mai la i keia ola ana o Mr. Hollister, ke poo nona ka hale-kuai ma ke taona nei ma ia inoa. I ka hora 4 o keia ahiahi e hoolewa ia ai kona kino wailua.

            I keia la e ku mai ai ke Kinau mai Hawaii mai, a maluna o na e lohea ia mai ai ka hana a ke ahi o Mukuaweoweo.

            Ma keia huakai aku nei a ka Malulani, ua piha pono oia i ka ohua me ka ukana.

            Ua mare ia o Lutanela Arthur Coyne ia Mis Annie Bruns, ma ka la 11 nei.

            Ua hala aku na ona o ka moku Coronet no kaluaopele, maluna aku nei o ka Malulani.

            Mai poina na makamaka i ke kuai hoopau ma ka hale kuai o L. B. Kerr. He 30 i-a kalakoa paa no hookahi dala.

            No ka poe pena a pia i ka helehelena e loaa no ka pia aala “Ramona” ma kahi o Hobron ma.

 

Na Lole.:

            :: Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA MEA KUPONO I KO OUKOU MAKEMAKE.

Ua loaa mai nei a’u kekahi ano piha o na

LOLE AAHU HOU LOA.

Crepon, (he like me kanikau)

            Na Lole Farani,

                        Na Lole Ulana Waihooluu Like Ole

                                    Na Lole Awiliwili Lopi Silika me Hulu hulu.

Na Lole Alabatosa,

            Na Lole Casamia a me Huluhulu

                        Na Lole Hulu Kao Lama

                                    Ka Makalena

                                                Na Lole Diminite

                                                            Na Lole Pongi

                                                                        Na Lole Satina

                                                Na Peersucker,

                                                            Na Rliss,

                                                                        Na Lole Anuunuu Crepe

Na Keokeo Manoanoa o na ano a apu, etc, etc,

Aia no hoi ma ko’u Halekuai ma

LOLE FIBFRELABBICA.

He mea i oi akupih ka ma kkoa L OE NAAUHULU.

Aole no oe i kahikoa ke ole iika hoi loaa ia oe kekahi o kuu

PALEKOKI KOHU MAMALU.

A ke halo iho hoi i ke Kaliki (Trilby) ano hou, kupono i kau e iini nui nei.

Aia hoi ma ko’u halekuai ma na Lole Moepoli i ka hikinoeau ia, a kupono o ka hana ana iho m

Adamu.

Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe.

Na Kaliki o na ano maikai loa, i hiki ke hoopuanikua ka poe aluhee. na kakini kupono no ka poe paiho a me ka poe pauhananuu o na a-u, na mikinalima, na hainaka, a pela au

E hauoli loa au e hoomaikai aku i keia mau mea nani i na Lede o Honolu.

J. J. Egan.

Alanui Papu Mei. 21. 1895.    meiit12