Ka Oiaio, Volume I, Number 92, 8 May 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

JOHN E BUSH, Luna Hooponopono a me Puuka

HONOLULU .  :  :  :  :  MEI 8, 1896/

 

NA HANA HEWA.

  I ka poe hoopono, ua lehulehu lakou i ka mahalo o ka olelo hoopai a na lunakanawai opio o ke aupuni repubalika Hawaii.

  Ma ka Aha Hoomalu o Honolulu nei, aole he manao ana iho o ka mea kolohe, e pakele ana oia.  Pela no imua o ka Lunakanawai Perry a me ka Lunakanawai Carter.  Ua manao kuhihewa kekahi poe no ka opiopio o keia poe i hoonohoia ma ka oihana e kamalii ana ka lakou lawelawe ana i ke kanawai, aka, ua ike maka kakou, a ua ike kino hoi kekahi poe, aole lakou i lawelawe i ka oihana me he mea paani la, aka, na hooko ia ke kanawai e like me ia i hana ia e ka poe kau kanawai maluna o ka poe i hana kue i ke kanawai.

  O ka hana ana iho la ia a ka Lunakanawai, he hooko pololei i ke kanawai e like me ka olelo a ke kanawai, aole hoi e like me ka makemake o ka Lunakanawai, a o kekahi kanaka paha.  Me keia na Lunakanawai e hana ai me ka pono a me ke kaulike, alaila, ike ia ka maikai a me ka maikai ole o ke kanawai, a me ke kupono e hoopau a e hooponopono hou ia paha.

  Ma na hihia opiuma, ohe la a pele aku, ke ike nei makou i ke kau ia o ka hoopai e ao aku ana i ka poe i ke kanawai, a i na ua lohe ole i ke ao mua ana, he kupono no e hoopai ia me ka hoopaahao, oiai, i na ua hiki i ke kanaka kino maikai ke noonoo no na hana o ia ano, he mea maopopo ua hiki no ia lakou ke hana kino, a ke hana ma na hana i kue ole ia e ka manao maikai o ke kanawai.

 

NA KAMALII AUWANA.

  Ua mahaloia ke aupuni i ka hooikaika e kinai i ka hoopae maluia ana mai o ka opiuma, e ka poe manao kaulike.  O kekahi keia o na mea inoino a ke kanaka e hoopaa ai, a ua kupono no ka pepehi ia ana o ke komo ana mai o keia mea ino.  Pela no ka waiona a me ka paka.  He mau kupuaino no keia, a ua pomaikai ke keiki, a kanaka paha, i hoopa ole i keia mau mea i helu ia ae la.  Aka, aole o ko ke aupuni makaala aua e kinai i na hewa a me na mea ino e hoopoino ana i ka pono a me ke ola o ke kanaka he mea ia e hoopalaheha ai na makua i na keiki opio, mai ka launa ana me na mea ino i helu ia ae la.

  He hana ka lakou, a he kuleana ko ka lehulehu, ma o ke aupuni, e nana a kau-nui aku maluna o na makua e hoopololei a e ao pono ana lakou i na keiki mai ka wa opio mai, a e hoomalu ia lakou mai ka hele auwana ana o ka po, e like me ia e ike ia nei ma na alanui a ma na wahi lealea.

 

KELA A ME KEIA.

  Aole e holo ana i ka Iwalani i kona manawa mau i ka la apopo, no ka hoomaemae ana i kona mau ipuhao mahu.

  Ua hoolewa ia aku ke kino make o Mrs. A. L. Cornwell (Conuweia,) i ka la Kapule nei.  He huakai nui a hanohano kona, aka, aole hoi oia i ike ai, e like me ka haiolelo kuhihewa o kekahi poe, he ike ae no ka poe i make.

  Ua hopuia ae kekahi eueu piko pau i ka iole no ka aihue lio ma Maui-Waena a ma Kalihi anei.  Ma Maui o Halepio kona inoa, ma Oahu nei hoi o Kahoohuwahiwa

  Ke olelo nei kekahi hoaloha o Kauka Armitage aole oia i bona ia e malama i ka maluhia.

  Ua wehe ae ka hui kanu a kalepa maia nona kekahi mala nui ma Ewa, i ko lakou hui ana, a ua hoi iho la, a o Maka Robinson a me Alika J. Campbell na hoa hui o keia wa.

  Eo i ka waapa heihei o ka hui Myrtle i ka Poaono nei ka heihei ma Ewa.

  He 14 ka nui o na kaa alahao i piha i ka ohua no Ewa a hoi mai, e ike i ka heihei waapa.

  He waapa huelo-boki ko J. A. Dower e hoolaha nei no ke kuai aku no ke kumukuai oluolu loa.  He waa lako i na mea a pau, a he hiki kupono hoi no ka ukana a me oha a mawaena o na Mokupuni o kakou, wahi ana.

  He 10,000 eke ko maluna mai o ke Claudine nei i ka la Kapule nei.

  Ua holo aku no ka hooluolu ma Kaleponi, o Mrs. Mary Moeheau Beckley, me kekahi mau keiki opio, a me ke kahu malama keiki.

  Ua ku mai ka moku-kuna Coronet mai Kapalakiko mai, he 15 la.  He moku holo lealea keia no kekahi keonimana, A. C. Curtis, e holo ana i Iapana, me kona mau hoaloha, he poe akeakamai.  He umi ona la e ku ai ma keia awa.

  Mai ia o Kamalena (Chamberlain) o ka waapa heihei o ka Healani, a hapaiia ae mai ka waapa i ka eo ana o ka heihei.

  Ua make loa ka bila hoaie i keia kau o ka Ahaolelo, o ka ka bila auhau loaa makahiki koe.  He bila maikai keia.

  Mai poina na makamaka i ke kuai @!  ku@hale kuai o L. B. Kerr.  He 30 i-a kalakoa paa no hookahi dala.

  No ka poe pena a pia i ka helehelena e loaa no ka pia aala "Ramona" ma kahi o Hobron ma

 

Na Lole.:

: : Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HEHE MAI OUKOU ILOKO O KO HALEKUAI A E HANA

AKU AU IKA KA MEA KUPONO I KO OUKOU

MAKEMAKE.

Ua loaa mai nei a'u kekahi ano piha o na

 

LOLE AAHU HOU LOA.

Crepon, (he like me kanikau)

Na Lole Farani

Na Lole Ulana Waihooluu Like Ole

Na Lole Awiliwili Lopi Silika me Huluhulu.

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

Na Lole Diminite

Na Lole Pongi,

Na Lole Satina

Na Peersucker,

Na Rliss,

Na Lole Anuunuu Crepe

Na Keokeo Manoanoa o na ano a pau, etc., etc..

Aia no hoi ma ko'u Halekuai ka

LOLE FIBFREL ABRICA.

He mea i oi akupih ka ma kkoa L OE NAAUHULU.

Aole no oe i kahikoa ke ole iika hoi loaa ia oe kekahi o kuu

PALEKOKI KOHU MAMALU.

A e halo iho hoi i ke Kaliki (Trilby) ano hou,

kupono i kau e iini nui nei.

Aia hoi ma ko'u halekuai na Lole Moepoli i ka

hikonoeau ia, a kupono o ka hana ana iho m

Adamu.

Na Pale ili o na kane i kupono hoi i ko Eva makemake, i

huki ai ka Ulua i Malamanui.  Uwese oe.

Na Kaliki o na ano maikai loa, i hiki ke hoopuanikiia ka

poe aluhee, na kakini kupono no ka poe paiho a me ka

poe pauhananuu o na a-u, na mikinalima, na hainaka, a

pela aku

E hauoli loa au e hoomakaikai aku i keia mau mea nani

i na Lede o Honolulu.

 

J. J. Egan.

Alanui Papu  Mei, 21, 1895.                meitfl2