Ka Oiaio, Volume I, Number 91, 7 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.                                             HONOLULU, MEI 7, 1896.                          HELU 91

 

OIAIO PUKA LA

------ NA -----

Keehina io Karisto La.

--------oo--------

HAKUIA E MRS. E. G. WHITE.

KE MEA E HANA AKU AI I KEKANALUA

 

(Hoomau ia).

   Aole no e nele ana na pilikia i keia mua aku i ka paio e hiki mai ana, aka e hiki no ia kakou e nana i na mea i hala a mea e hiki mai ana, a olelo, “Ua kokua mai o Iehova a hiki ia nei.”  “E like me hou mau la, pela kou malu.”  Kanawailua 33:25.  Aole e oi aku ka pilikia mamua ae o ka ikaika e haawiia mai e amo ia pilikia.  Nolaila e hapai ae kakou i ko kakou hana oiai i loaa mai, e manao ana, e like me ke kaumaha pela e loaa’i ka ikaika no ia kaumaha.

   A mahope e hoohamamaia na ipuka o ka lani i komo aku na keiki a ke Akua, a mai na lehelehe o ke Alii nani e loheia ka hoomaikai me he mele nani la, “E hele mai oukou, e ka poe i hoomaikaiia e kou Makua, e komo i ke aupuui i hoomakaukauia no oukou mai ka hookumu ana mai o ka honua.”  Mat. 25:34. 

   Alaila e hookipa ia na mea hoola panaiia ma kahi a Iesu e hoomakaukau nei no lakou.  Malila aole e halawai lakou me mea haumia o ke ao nei, na mea wahahee, na mea hoomana kii, na mea paumaele a me ia ano; aka e halawai lakou me na mea i lanakila maluna o Satana a ma ke alohaia mai ua lilo i poe kina ole.  O na ano hewa a pau, na kina a pau, na mea i hookaumaha ia lakou maanei, ua hoomaemaeia e ke koko o Kristo, a o ka maikai a me ke alohilohi o kona nani, e oi loa ana i ke alohiloho o ka la, oia ka lakou.  O ke ano maoli o Karisto, ke nani o kona ano, e kau ana maluna o lakou i oi loa aku mamua o ka nani o waho.  Aia lakou me ke kina ole imua o ka noho’lii nui keokeo, e komo pu ana iloko ka hanohano a me na kuleana o na anela.

   I ka hoomao ana i ka hooilina nani e lilo mai nona, “Heaha ka pomaikai no ke kanaka ke loaa ia ia keia ao a pau, a lilo aku kona uhane?  Heaha hoi ka kanaka e haawi aku ai i uku no kona uhane?  Mat. 16:26.  He ilihune paha ia, aia iloko ana he hanohano a he waiwai i hiki ole i ke ao nei ke haawi mai.  Ua oi loa aku ka waiwai o ka uhane i hoolaia, hoomaemaeia mai ka hewa mai, me kona ikaika hanohano a pau i hoolaa ia no ko ke Akua hana; a olioli ma ka lani i mua o ke Akua a me na anela hemolele ina i hoola ia kekahi uhane, he oluolu i puka mai ma na mele o ka lanakila hemolele.

KA PAU ANA.

------------------------

NO NA AINA KAHIKO

----------------------------

NA KULANAKAUHALE I NALOWALE A LOAA HOU AKU.

 

KA AINA O KA ISERAELA.

(Hoomauia mai.)

   Mawaena o kanakolu a me kanaha tausani ka nui o na kanaka Iudaio e noho nei ma Palesetine.  O ko lakou hapa nui mai Rusia ame Polena mai, a ua hele aku hoi ma ka Aina He molele, aole no ka hooulu ana i na pono noho ana, aka i hele aku mamuli o ka manao hai pule; e kanikau no ka nani i hala aku o ko lakou aina, a e moe pu hoi na iwi me na kupuna ke make aku.  He poe ilihune lakou, a o ko la kou ola mai na manawalea mai noia mai America ame Europa.

   Aole he maopopo o ka hopena o keia aina i ke kanaka.  Ke manao nei ka poe Iudaio e hoolilo ia Ierusalema i wahi noho aku no ka pope ke poo o ka hoomana.  Ua ohiia kekahi puu dala no kekalii hale nani no ka Pope e noho ai maluna o Ziona, kahi i mauaoia hoi e kekahi poe e lawe ia aku ai ka waiwai a me na mea a pau nani o ka Pope a me ka oihana.  Aka he mau kuko ana keia, a he okoa paha ka Rusia a me Enelani i manao ai.

 

----------------oooooooo---------------

Mah@ l II.

MOKUNA I.

MAI JAFA A IERUSALEMA.

Ke Awa Kahiko loa o ka honua nei – Pilikia o ka pae ana aku – Ke ano o ka noho ana o ke au kahiko ma na Aina Hikina – Ke Kula o Sarona – Ke Kulanakauhale o ke ‘lii Nui – Na manao mua o ka ike ana aku i ka aina – Kahi e kumakena ai na Iudaio – Kuanea a anoano ke nana aku – Na Manao aloha no ka Aina Hemolele.

 

   O Iopa, ka Jopa, o ka wa kahiko, ke awa o ke kulanakauhale o Ierusalema, ke awa kahiko loa o ka honua nei, kahi a Iona i kau aku ai me ka moku no kana huakai kaulana, a kahi hoi a Noa i oleloia ai i hoolana aku ai i kona halelana, oia kekahi o na awa pilikia loa o ka pae ana aku.

   Ua hoopomaikai ia makou e na makani maikai a me ka malie ka makou huakai ma ke Kai Waenahonua, a e kaunui aku ana hoi ko makou e pae aku ana me ka oluolu i kekahi kakahiaka ae ma Jopa, eia nae i ke aumoe ana iho o ko makou po hope loa ma ka moana, ua hoomaka hikiwawe ae la hoi kekahi ino nui, a ia makou e hookokoke aku ana i ke awa i ke kakahiaka ana ae e pa ana ka makani ino nui, a me he la hoi na ale e hooweli e poi pu iho i na waapa ohua i a-a e holo mai i ko makou moku.  He nui wale o na ohua maluna o ko makou moku i holo mai ai he poe malihini hele ma ka lakou huakai hele uo na wahi hemo lele, a he mea weliweli hoi ka ike ana aku ia lakou e hiu ia ana mai ka moku aku me he ukana la a hoolewa ia aku i ke ea, a kupono ka manawa hookuu awiwi ia iho hoi iluna o na waapa malalo ae, oiai ua hiki ole loa hoi ke hoopae ia aku lakou ma na ano e ae mamuli o ka ino nui o ke kai.  Pau aku la hoi kekahi poe i ke kau, hiki mai la i kou manawa e hiu ia ae ai me he kihene la.  O ka hookoia ana o keia mea iaia oia kekahi o na hana pohihihi i hiki ole ia’u ponoi ke olelo ae, a ke waiho nei na ka mea noonoo e hoomaopopo iho.  O ka pilikia loa, oia no ka wa e kuu ia iho ai ka ohua iluna o ka waapa iaia e auku ana iluna i lalo, i kekahi manawa e hapaiia ana e ka ale a like me ka oneki o ka moku a i kekahi minu ke iho e emi aua a nalowale malalo o malu aoao o moku.  Me ka makau a me ka haalulu a’u i kakali ai i ka wa kupono, a i ka wa o kahi waapa i pii ae me ka ale, ia wa lele koke aku la a’u; me he la he leina keia iloko o ka waha o ka make, aka, aole hoi pela ka ke Akua i rula ai.

                                                                                                Aole i pau.