Ka Oiaio, Volume I, Number 90, 6 May 1896 — Page 2
| This text was transcribed by: | Lovey Slater |
| This work is dedicated to: | Aunty Vicky Bumalog |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
KA OIAIO PUKA LA
JOHN E BUSH, Lana Hooponopono a me Paaka
HONOLULU MEI 6, 1896.
NA MAKUA O KA LAHUI
E like me ke ano o na kumu, pela ke ano o na hua, a e like hoi me ka maikai o ka malama ia ana o ke kumu pela no e maikai ai ke ano o ka hua, Nolaila, o ke ola mau ana a me ka pii mau ana o ka ikaika o ke kino a me ka noonoo ka hoopono a me ka nohoana haipule o ka lahui aia no ia me na makua. Ma ka lakou hana hoi e ko ai na haawina e pomaikai ai ka lahui kanaka. Me ka naauao wale no e hiki ai ke hooko ia keia mau hana m ka aoao o na makua. E imi ka makua i ka naauao a ike oia ia mea i hiki ai ia mai, ua, a mea paha e lilo aku ana i makua, ke hooko i ke kuleana i haawi ia mai i ke kanaka, e la Makua Lani, iaia i hoonoho mai ai i ke kanaka, kane a wahine, i mau haku maluna o na mea a pau o keia honua, a kaoha mai ia laua, e hoohua a hoolaukanaka aku i ke ao nei.
I ko ai kela hana a ka Makua Lani i kauoha mai ai i na makua kino kanaka me ka pomaikai, he mea kupono i ke kanaka, e imi aku i ka naanao o ke Akua, a me kona makemake ana ia kauoha ana. Aia ma ka ke Akua mau ao ana ka mole o ka ike ma na mea a pau. He rula paa kona, a aia ma kana mau kauoha a pau e loaa ai ka naauao i na makua. O ke kahua paa o ko ke akua aupuni oia no ke ALOHA.
Ua kauoha mai oia i na mea a pau ( )ha iaia, i ka Makua, a o na makua ma keia kino, kana i ao mai e malama i kana mau kauoka, oia no e noho me ke aloha. E ao hoi kakou i ka noho ana aloha, e ao i na keiki me ka naau aloha e like me ia i ao mai ai ia kakou. “O ka mea aloha ia’u oia ka mea malama i ka’u mau kauoha,” nolaila e ao ana kakou ia kakou iho me na keiki e hoolohe i na kauoha, a o kana mau kauoha, oia no ka rula o ka hana pono, ka hana kaulike.
O ka hewa o na makua, oia no ko lakou ao hewa i na keiki, me ka manao o ka hooluolu ana i na keiki oia ka mea e pono ai, pomaikai ai, a e lilo ai i kanaka makua, a i makua maikai aku no ka lahui. Aole ia ma hana he hana aloha, oiai he ao ana ia i na keiki e hoopaakiki mamuli o ko lakou manao kamalii, manao opioopio. E ae ana ka hapanui o na makua i na anoai kamalii o ka poe opio, a e iike me ka loaa wale a hooko wale ia o ko lakou makemake, pela no e hana aku ai ka poe hanau hou aku.
No keia mau kumu i emi mai ai ke kulana o ka lahui kanak, ma na ano a pau, a pela no e emi mau ai a hiki i kona wa e holoiia mai ai mai ke alo o ka honua mamuli o ka maikai ole o kana mau hana, kana mau ao ana, a me kona noho ana.
KA MANAO O KA MOI O ABESENIA
Ua noi leta mai ka Moi Menelek o Abesinia ia Generala Belisaria o ka pualikaua o Italia ma ka aina o kei alii, e hoihoi hou ia aku kana leta i kakau mai ia ia mamua aku, e pili ana paha i ka hooponopono ana e pau ai ke kaua. Ua like keia me ka hoopau ana mai i ka launa maikai ana, a he hoomau ana aku i ke kulana kaua mawaena o keia mau aupuni. Ua kulike hoi keia me ka makemake o Rusia a me Farani, na kumu nana e kokua a e alakai nei i keia moi, e like me kana e olelo nei e noho hoomalu mai ana o Rusia maluna o kona aupuni.
LANAKILA
Ua lanakila na heluna koa pualu o Enelani ma Matabele. Ua oleloia o ke kumu lanakila nui mamuli no ia o kela pu Maxim a na koa o Beritania.
KELA A ME KEIA
He mau mea hou kai wehe ia ae ma ka Halekuai o W. W. Dimond.
Ua kuai iho nei na keiki ona miliona, John D. a me Adolph Spreckels i ka hokahi hapa o ke alanui hao kaa uwila o Sana Mateo, Kaleponi.
Ua hooliloia aku hoi ko J. A. Cummins, (Keoni Kamaki) hapa o Ma Mahiko i Waimanalo ia W. G. Irvin koe ko Kahuku.
Aia ma kahi o H. Wichman ioaa ai ke ana makaaniani kupono no na maka.
Maikai no ka helehena o ka Moiwahine, a oluolu no hoi kona kino.
He hui kelepa huihui ka kakahi poe e kamailio nei, a o Aberahama ka Inna hooponpono. He hana kupono keia, a ua pololei ke koho ana ia Aberahama, ke kanaka hoopono.
Ua make o Antone Masline, he makuakane ohana no ka Lunakanawai Perry.
He lono nupepa kai hiki mai e ko ana ka hoopii koi poho o na kupa Beretania.
I ka la Kapule, ahiahi e hoolewaia mai ai o Mrs. Conuwela mai kona home ma Alanui Kauka a Maemae.
Ma ka hoike ana a kekahi mau nupepa mai na mokuaina Amerika Likina, ua hooholo ke Komite o ka Ahaolelo e haawiia kekahi puu dala uku makahiki no kekahi laina telegarapa me Hawaii.
Ma ka haiolelo a Countess Wachtmeister, kekahi o na haiao o ka hoomana Theosophy, ua hoike mai oia he hiki no i ke kino ke ola me ka uhane ole. O keia ke ano kuhihewa o ke au kahiko ma Hawaii nei, i aneane e nalowale loa aku.
No ka poe pena a pia i ka helehelena e loaa no ka pia aala “Ramona” ma kahi o Hobron ma.
Na Lole: Kohukohu!
Oia hoi ka mea a na lede a pau e ake ana e loaa a he meahiki wale no ke hookoia.
E HELE MAI OUKOU ILOKO O KOU HALEKUAI A E HANA AKU AU IKA KA MEA KUPONO I KO OUKOU
MAKEMAKE
Ua loaa mai nei a’u kekahi ano piha o na
LOLE AAHU HOU LOA
Crepon, (he like me kanikau)
Na Lole Farani.
Na Lole Ulana Waihooluu Like Ole
Na Lole Awiliwili Lopi Silika me Hulu
hulu.
Na Lole Alabatosa,
Na Lole Casamia a me Huluhulu
Na Lole Hulu Kao Lama
Na Makalena
Na Lole Diminite
Na Lole Pongi,
Na Lole Satina
Na Peersucker,
Na Bliss,
Na Lole Anunuu Crepe
Na Keokeo Manoanoa o na ano a pau, etc, etc,
Aia no hoi ma ko’u Halekuai ka
LOLE FIBFRELABRICA.
He mea i oi aku piha ka ma ke koa L@OE NAAU-HULU.
Aole no oe i kahikoa ke ole iika hoi loaa ia oe kekahi o kuu
PALEKOKI KOHU MAMALU
A e halo iho hoi i ke Kaliki (Trilby) ano hou, kupono i kau e iini nui nei.
Aia hoi ma ko’u halekuai na Lole Moepoli i ka hikonoeau ia, a kupono o ka hana ana iho @ Adamu.
Na Pale ili o na kane i kupono hoi i ko Eva makemake, i huki ai ka Ulua i Malamanui. Uweoe oe.
Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikipalima na hainaka, a pela aku.
E hauoli loa au e hoomakaikai aku i keia mau mea nani i na Lede o Honolulu.
J. J. EGAN.
Alanui Papu Mei 21, 1895. meili 12