Ka Oiaio, Volume I, Number 88, 4 May 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

PUKA LA KA OIAIO

Hoopukaia i na la a pau koe ka la Sabati a me Lapule no 50 keneta o ka mahina.

BUKE I. HONOLULU, MEI 4 1896. HELU. 88

 

OIAIO PUKA LA

 

NA

Keehina io Karisto La.

 

HAKOIA E MRS. E. G. WHITE.

 

KA MEA E HANA AKU AI I KE KANALUA

 

(Hoomau ia).

            Ke olioli nei Satana i ua e hiki ia ia ke alakai i na keiki a ke Akua iloko o ka hoomaloka a me ka poho o ka manao.

            Ke hauoli nei oia i na e kanalua kakou i ke Akua mana e hoola mai ia kakou. Ke makemake nei oia ia kakou e mano e pilikia ana kakou ma @a hana a ka Haku. O ka Satana hana e hoike mai i ka Haku me he mea la aole ona aloha a menemene mai. Ke wahahee nei oia i na mea pili ia ia.

            Ke hoopiha nei oia i ka uhane m@ na noonoe kuhikewa no ke Akua, nolaila i kuhihewa kakou no ke ano o ke Akua, a komo na manao kuhihewa mai a Satana mai e hooino ana i ko kakou Makua Lani, a e hoola mai ana i ke kaualua a me ka hoohalahala ia ia. Ke imi mau ne@ o Satana e hoolilo mai ka noho haipule me he mea kaumaha la. Ke makemake nei oia e manaoia he hana kaumaha a paakiki ia a i ka hoike ana o ke Karistiano ia ano ma kona noho ana, ua hoike aku oia ma kona manaoio ole i ko Satana wahahee. He nui na mea e hele ana ma ke ala o ke ao nei, i manao nui no ko lakou mau kuhihewa a me ko lakou mau mea hiki ole ke hana, a ua piha ko lakou mau naau me ke kaumaha a me ka paupauaho oiai au @a Europa, ua palapala mai kekahi kaikamahine i hana pele a ua komo iloko ka pilikia, e noi mai ana i mea hoo@ana manao.

            Ia po iho moeuhane iho la au a me he mea la aia au ma kekahi mala o ka mea nana ka mala e alakai ana iau ma kona mau alanui. E ohi ana au i na puaala e honi oluolu aua i ke ala, a aia keia kaikamahine e kuhikuhi ana iau i na laau nana e hoopilikia ana i kona hele ana. Aia oia e uwe ana a e kaniuhu ana. Aole oia e hahai ana i ke kumu alakai, aka, e hele ana iwaena o na kakalaioa a me na laau ooi “E” wahi ana, “Aole anei he mea ino ka pilikia ana o keia ma@a me na laau ooi?” Alaila olelo mai ke alakai. “E waiho ma@ie i na la au ooi a e ohi i na rose, na lilia, a me na pua nani e ae.”

            Aole anei he mau mea hoohauoli ma kou noho ana? Aole anei i kekahi mau manawa i piha kou naan me ka olioli no ke kokoke ana mai o ka Uhane o ke Akua? I kou nana ana i hope aole anei he mau aoao hoohauoli ma kou mau makahiki i hala? Aole anei i like ko ke Akua mau olelo hoopomaikai me na pua aala e ulu ana ma kapa alanui, ma keia aoao a me keia aoao? Aole anei oe e ae i ko lakou nani a me ko lakou aala e hoopiha i kou naau me ka olioli?

            E ehaeha ana oe i na kakalaioa a me na laau ooi, a i na malaila wale no kou ohi ana a haawi ana ia hai, aole anei oe e hoino ana i ka lokomaikai o ke Akua, a e hoopilikia ana i ke alanui o na mea e ae?

            Aole waiwai ke akoakoa i na hoomanao ehaeha a pau o na la i hala no na hewa a me na mea hoohoka manao, e kamailio no lakou a kaniuhu a paholo kakou iloko o ka poho o ka manao. O ka uhane i poho ka manao ua piha i ka pouli, e pale ana i ka malamalama o ke Akua mai kona uhane iho, a e hoopouli ana i ke ala o hai.

            E hooalohaloha aku i ke Akua no na mea nani ana i hoike mai ia kakou. E hoakoakoa kakou i na olelo hoopomaikai o kona aloha, i mea e nana mau ai kakou ia lakou. O ka haalele aua o ke Keiki a ke Akua i ka nohoalii o kona Makua, e hoahu ana i kona ano Akua me na aahu kanaka, i hoopakele oia i kanaka mai ka mana mai o Satana, kona lanakila no kakou, e wehe ana i ka @ani na kanaka e hoike ana no na maka o kanaka kahi a ke Akua i wehe ae i kona nani; o kanaka hewa i hoopakeleia mai ka lua meki kahi o ka hewa i hoopoho ai ia ia, a me ka hoihoi ana e hui hou me ke Akua palena ole, a me ka hoao ana mai a ke Akua ma ka manaoio iloko o ka Hoola, hooahuia me ka pono a Karisto, a hapaiia i kona nohoalii, oia na mea a ke Akua i makemake ai ia kakou e no @ ai iho.

            I na kanalua kakou i ke aloha o ke Akua, a hilinai ole ma kana mau olelo, ua hooino aku kakou ia ia a hooaha i kona Uhane Hemolele. Pehea la ka makuahine e manao ai i na e hoo@ mau au i ka@a mau keiki ia ia, me he ia aole oia i manao maikai no lakou, oiai ua pau kona ikaika a me kona ola mamuli o ke kokua ana ia lakou? A pehea la e manao ai ko kakou Makua Lani no kakou ke hilinai ole kakou i kona aloha, oiai ua haawi mai i kana Keiki hiwahiwa i o@a kakou? Ke palapala mai nei ka iunaolelo: “O ka mea i aua ole i kana Keiki po@oi, a haawi mai la ia ia no kakou a pau, pehea ia e oia ai ia e haawi loko maikai pu mai me ia i na mea a pau.” Rom. 8:32.

            He nui nae na mea e olelo ana, mamuli o ko lakou hana, i na aole i olelo maoli mai pela. ‘Aole i manao ka Haku i keia pomaikai no’u. Malie paha ua aloha aku ia hai, aole nae i aloha mai ia’u.”

            O keia mea no ka mea e pilikia ai kou uhane, no ke mea ke komo mai nei kela me keia olelo kanalua i na hoowalewale a Satana.

            Aole i pau.

 

            Ua hooemiia na lole merino a me halua ma kahi o B. F. Ehle@s (Bainaba)

            Mai poina e na hoa’loha i ke kipa ana ae ma ka halekuai o N. S. Sach.

            Mai poina i na kuai hoemi ma kahi o B. F. Ehl@s (Bainaba).