Ka Oiaio, Volume I, Number 87, 1 May 1896 — Page 2
| This text was transcribed by: | Richard Tavares |
| This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
-----
KA OIAIO PUKA LA.
-----
HOOLAHA AINA AUPUNI.
-----
Ma keia, ke hoolaha ia aku nei, o na aina a pau i hoakaka ia na ma ka Papa Kuhikuhi malalo iho, e wehe ia aku ana no ka poe makemake e noho ma na uina malalo o na hoakaka ana o Mahele VI o ke Kanawai Aina, 1895, no na Hoolimalima Hme Liilii, mai a mahope aku o Mei 4, 1896.
PAPA KUHIKUHI.
He 10 apana aina ma ka Ili o Pouhala, Waikele, Apana o Ewa, Oahu, nona ka ilihonua mai ka 1 ¾ a 3 ½ eka pakahi, a e hui puia ana me kela a me keia apana aina kula kekahi apana aina-wai (aina loi kalo), o aneane ¼ eka.
Aia hoi keia mau apana aina e pili la me ke alanui kaamahu o ka Hui Kaamahu ame Aina o Oahu, a he kokoke wale no i ke alaloa Aupuni.
O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope-Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.
E hamama ana ke Keena no ka lawe ana aku i na palapala nonoi ma ka hora 9 kakahiaka o ka Poakahi Mei 4.
J. F. Brown,
tf Agena Aina Aupuni.
-----
JOHN E. BUSH, Luna Hooponopono a me Puuku
-----
HONOLULU. : MEI 1, 1896.
-----
KE OMAMALU KAUA.
Hoomauia.
O ka ninau e pili ana i ka omalu kaua ma Europa kekahi ninau nui, a he ninau hoi e loaa ana ka haina ma kekahi kaua nui, i olelo ia e ka poe kalaiaina o na aupuni o Europa, e hiki mai ana i ka 1897. E komo ana iloko o keia kaua, me ka moakaka loa, he eono, a ehiku paha aupuni helu ekahi o Europa i kinohi, a mahope aku e om@ ia mai ai kela a me keia aupuni e ae o Europa a o Asia a me Aferika pu kekahi. O ka huina nui o na kanaka o keia mau aupuni, he 324,000,000.
Iwaena o lakou ua hiki aku i ka 74,000,000 ka huina o na kanaka i hiki ke komo i ke kana, a o ka huina nui hoi no na mokukaua he 2,000,000 a oi aku na tona e ku makaukau nei. He 1,140,000 ka nui o ma koa o Rusia i ka wa kaua ole, a he 5,780,000 i ka wa kaua nona na lilo i hiki aku i ka $160,000,000 o ka makahiki. He 560,000 ka nui o na koa o Farani i ka wa kaua ole, he 3,700,000 i ka wa kaua, a e lilo ana he $61,000,000 n ka makahiki.
He 580,000 o Geremania i ka wa kaua ole, a he 3,708,000 i ka wa kaua, no na lilo makahiki he $130,000,000. He 138,410 ka nui o na koa ku mau o Enelani ponoi, a he 1,039,760 i ka wa kana, mawaho aku o na puali kaua o Inia a me na Panalaau.
Aka, ma ka ikaika moana nae, o Beritania no hoi ka oi. He 612,280 ka huina o na tona o kona aumoku kauo e lana nei ma ka ilikai, a he 461,764 tona wale no ko Rusia a me Farani he hui ia. Ke hooikaika like nei nae keia mau maupuni e oi aku ko lana mau tona moku kaua i ka makahiki 1897 ae nei, nolaila keia kohoia o ka makahiki ia e hookui ai na lahui ikaika o ke ao nei, wahi a na kaula.
Ma ka hoiliili helu ana a kekahi loea o ke ao nei, ua olelo ae oia i kona manao, aole e emi ana ka huina o na koa ma ke kaua i ka lele mua ana malalo o 1,000,000 o na aoao paio, a ma ke ano o na mea kaua luku ola o keia wa, ua helu oia he mau haneri tausani ana ka nui o na koa e make ana ia leina mua o na puali kaua.
Ke hoomanao miho kakou i ke kulana kuee o na lahui kanaka ikaika o ke ao nei, aole anei he mea ia no kakou e hooia ai i ka oiaio o ke ko ana o na wanana no ke kaua huli a mahi i oleloia ma Daniela 12:1 Ioela 3:9;10 a me 11.
Mai ka makahiki 1844, ka hoike ana a ka hoomana la ehiku, ua hiki mai ka manawa o ka hopena, a iloko oia wa a ka la hope e naiuai mai nei, he kaua nui weliweli ke hoau mua mai maluna o ka honua mamua o hoohaniniia o na ipuhue o ko ke Akua inaina maluna o ke ao, a i hopauia ia ai hoi na enemi a pau o ka pono mahope loa aku e ka anai pau ana mai a ka nani o ke Keiki a ke Akua ia ia ehele mai ana maluna o na ao kaalelewa iloko o ka olino nani nui e hiki ole ai i ka aia ke ku hoaaono aku a manao iho e pakele oia.
He mau olelo kumu nkeia a ao ana ia kakou e hooponopono i ka noho ana, e like me ia i ao ia ai e Noa ka poe hookuli o ke au kahiko mamua o ka hiki ana mai o ka la weliweli “e hele mai ana me he umu ahi la enarna, * * e lukuia ai ka poe hookiekie a pau, a me ka pole hana ino me he maua la, * * wahi a Iehova.” Malaki 4:1.
-----
KELA A ME KEIA.
He aha mele ke malama ia ana e na Keiki o ke Kula Kamehameha i keia Poaono iho.
Ua huli hoi mai nei ka hui keaka lio mai Kaui mai.
I keia kakahiaka i ku mai ai ka mokuahi Monowai. I keia po e holo aku ai no Kapalakiko.
Eia no kea a mau mai nei ke ahi o ka lua o Pele i keia mau pule.
Ma ke kakahiaka o neihinei i hopu ia ai kekahi Pake no ka hewa Chef a.
O kahi emi o na laau a me na wahi—ala i keia wa oia no kahi o ka Hui Hobron kihi alanui Moi a me Papu.
I keia la haalele mai ai ka mokuahi Kauai i keia awa no Kauai.
He lehulehu o na poe kamaaina o ka aina nei i holo aku nei maluna o ka mokuani Malulani no ka makaikai ana i ka lo o Pele.
He 25 ia o ke dala no na lole pio kalakoa ma kahi o L. D. Kerr.
-----
Na Lole: Kohukohu!
Oia hoi ka mea a na lede a pau e ake ana e loaa a he meahiki wale n ke hookoia.
HELE MAI OUKOU ILOKO O KOU
HALEKUAI A E HANA AKU AU IKA
KA ME KUPONO I KO OUKOU
MAKEMAKE
Ua loaa mai nei a’u kekahi ano piha o na
LOLE AAHU HOU LOA.
Crepon, (he like me kanikau)
Na Lole Farani
Na Lole Ulana Waihooluu Like Ole
Na lole Awiliwili Lopi Silika me Hulu hulu.
Na Lole Alabatosa,
Na Lole Casamia a me Huluhulu
Na Lole Hulu Kao Lama
Na Makalena
Na Lole Diminite
Na Lole Pongi,
Na Lole Satina
Na Peersucker,
Na Rliss,
Na Lole Anuunuu Crepe
Na Keokeo Manoanoa o na ana a pau, etc, etc.
Aia no hoi ma ko’u Halekuai ka
LOLE FIBFRELABRICA.
He mea i oi akupih ka ma kkoa L OE NAAUHULU
Aole no oe i kahikoa ke ole iika hoi loaa ia oe kekahi o kuu
PALEKOKI KOHU MAMALU.
A e halo iho hoi i ke Kaliki (Trilby) ano hou, kupono i kau e iini nui nei.
Aia hoi ma ko’u halekuai na Lole Moepoli i ka hikon oeau ia, a kupono o ka hana ana iho m
Aole no oe i kahikoa ke ole iika hoi loaa ia oe kekahi o kuu
PALEKOKI KOHU MAMALU.
A e halo iho hoi i ke Kaliki (Trilby) ano hou, kupono i kau e iini nui nei.
Aia hoi ma ko’u halekuai na Lole Moepoli i ka hikon oeau ia a kupono o ka hana ana iho m Adamu.
Na Pale ili o na kane i kupono hoi i ko Eva ma kemake, i huki ai ka Ulua i Malamanui. Uwese oe
Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a–u, na mikinalima, na hainaka, a pela aku
E hauoli loa au e hoomakaikai aku i keia mau mea nani i na Lede o Honolulu.
J. J. Egan.
Alanui Papu Mei, 21, 1895 meitt 12