Ka Oiaio, Volume I, Number 87, 1 May 1896 — Page 1
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
PUKALA OIAIO
Hoopukaia i na Ia a pau koe ka la Sabati a me Lapule no 50 keneta o ka mahina.
-----
BUKE I. HONOLULU, MEI 1, 1896. HELU. 87
-----
OIAIO PUKA LA
-----
NA
Keehina io Karisto La.
-----
HAKUIA E MRS. E.G. WHITE.
-----
KA MEA E HANA AKU AI I KEKANALUA
-----
(Hoomau ia).
Hookahi no mea e maopopo ai i na mea a pau na mea naauao a me na mea naaupo, oia hoi ka hoao ana. Ke kono mai nei ke Akua e hoao no kakou iho i ka oiaio o kana olelo a me kana mau olelo hoopomaikai. "E hoao oukou a e ike hoi he maikai no Iehova." Halelu 34:8. Mai hilinai ma ka olelo a hai, aka e hoao no oukou iho. Ke i mai nei ia "E noi a loaa ia oukou." Ioane 16:24. E hookoia no kona mau olelo hoopomaikai. Aole i haule, aole loa e haule ana. A i ko kakou hookokoke ana ia Iesu a hauoli iloko o ka nui o kona aloha; e pau auanei ke kanalua a me ka pouli iloko o ka malamalama o kona maka.
Ke olelo mai nei o Paulo ka lunaolelo, ua ke Akua "hoi kakou i hoola, mai ka mana mai o ka pouli, a ua lawe hoi oia ia kakou iloko o ke aupuni o kana Keiki p@ nahele. Kol@ 1:13. A o na mea a pau i komo mai ka make mai iloko o ke ola, ua hiki ke hoopaa i kona sila. "He oiaio ka ke Akua." Ioane 3:33. E hiki no ia ia ke hoike, "ua pilikia au a ua kokua mai Iesu."
Ua pau na pilikia, ua maona kuu uhane, a i keia manawa o ka Baibala no ka olelo oiaio no'u mai e Iesu Karisto. Ke ninau nei anei oe no kuu manaoio ia Iesu? No ka mea he Hoola oia no'u mai ke Akua mai. No ke aha kuu hilinai ana i ka Baibala? No ka mea oia no ka leo o ke Akua i kuu uhane. E loaa no ka hoike iloko o kakou iho no ka oiaio o ka Baibala, a o Karisto ke keiki a ke Akua. Ua maopopo ia kakou aole i hahai kakou mamuli o na kaao i hakuia me ke maalea.
Ke ao mia nei o Petero i kona mau hoahanau: "E hooikaika oukou, i mahuahua ke alohaia mai, a me ko oukou ike ana aku i ko kakou Haku a Hoola hoi ia Iesu Karisto, 2Pet. 3:18. Aia a ulu ae ka ke Akua poe kanaka ma ke alohaia mai, e mahuahua mau ko lakou hoomaopopo ana i kana olelo. E ike no lakou i na mea oiaio hou aku a me na mea nani ma kana mau olelo hemolele. Pela no iloko o ka moolelo o ka ekalisia i na kau a pau, a pela aku no a i ka hopena.
"O ke ala o ka poe pono ua like ia me ka malamalama e aa ana, e mahuahua mau ana i ke awakea." Sol. 4:18.
Ma ka manaoio e nana ai kakou a i keia ao aku, a hoopaa i ka hoohiki a ke Akua no ka mahuahua ana o ko kakou ikaika ma ka noonoo, i huiia me ko ke Akua, a me ka hui maoli ana o na mana a pau o ka uhaue me ke kumu o ka malamalama. E hauoli ana kakou no ka mea e maopopo ana na mea a pau i pohihihi ia kakou, ma na hana o ke Akua e hoakakaia na mea paakiki, a ma kahi a kauaka i ike ai he huikau a me na manao ko ole, e ike ai kakou i na mea i hoonoho pono ia me ka nani maoli. "I keia wa ke ike powehiwehi nei kakou, me he aniani la. i kela wa aku, he maka no he maka. I keia wa ua ike powehiwehi au. aka, i kela wa aku, @@@ maoli aku au, e like me ka'u i ikeia @@@. "1 Kor. 13:12.
KA HAUOLI ANA @@@@ O KA HAKU.
Ua kaheaia na @@@ki a ke Akua e lilo i mau hoailona no Karisto, e hoike aua i ka lokomaikai a me ke aloha o ka Haku. E like ka hoike ana mai a Iesu i ke ano maoli o ka Makua, pela e hoike ai kakou ia Karisto i ke ao ike ole i kona aloha menemene. Wahi a Iesu: "E like me oe i hoouna mai ai ia'u i ke ao nei, pela hoi au e hoouna aku ai ia lakou i ke ao nei."
"Owau iloko o lakou, a o oe iloko o'u; ……..a i ike ai ko ke ao nei, ua hoouna mai oe ia'u, a ua aloha oe ia lakou e like me kou aloha ia'u". Ioane 17:18,23. Ke olelo nei o Paulo ka lunaolelo. "No ka mea, ua hoike akaka ia, o oukou no ka Karisto palapala a makou i hanai i ikeia a i heluheluia e na kanaka a pau." 2 Kor. 3:2: Ma kela a me keia o kana mau keiki, ke hoouua nei Iesu i palapala i ke ao nei.
I na he haumana oe na Karisto, ke hoouna nei oia he palapala ma ou la i ko ohua, ke kauhale, ke alanui au e noho nei. Ke noho nei o Iesu ou, a ke makemake nei e kamailio aku i na mea ike ole ia ia. Malia paha aole o lakou i heluhelu i ka Baibala, aole i lohe i ka leo i kamailio aku ia lakou ma kona mau aoao, aole lakou i ike i ke aloha o ke Akua ma kona mau hana. I na nae he hoailona oe no Iesu, ma ou la paha e alakaiia ai lakou e ike i kekahi o kona lokomaikai, a e lilo i mau mea aloha a hookauwa nana.
Ua hoonohoia na Karistiano he mau lamaku ma ke ala i ka lani. Na lakou e hoolele aku i ka malamalama e pa mai ana ia lakou mai a Karisto mai. He pono e lilo ko lakou noho ana a me ko lakou ano i mau mea hoike aku i ke ano o Karisto a me kana hana.
I na he mau hoailona kakou no Karisto e hoolilo no kakou i ka hookauwa ana nona i mea maikai imua o ko lakou mau maka e like me ko@@@@ maoli. O na Karistiano i hoahu mai ke kaumaha a me ka pouli no lakou iho, a ohumu a hoohalahala, o lakou no ke hoike nei i ke ano oiaio ole o ke ala Karitiano. Me he la, mamuli o ko lakou hoike ana ua oluolu ole ke Akua ina ua olioli kana mau keiki, a me ia mea ua hoike wahahee lakou i ka Makua Lani.
Aole i pau.
-----
Ua hooemiia na lole merino a me halua me kahi o B. F. Ehlers (Bainaba)
Mai poina e na hoailoha i ke kipa ana ae ma ka halekuai o N. S. Sach.
Mai poina i na kuai hoemi ma kahi o B. F. Ehlers (Bainaba)