Ka Oiaio, Volume I, Number 86, 30 ʻApelila 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

HOOLAHA AINA AUPUNI.

 

Ma keia, ke hoolaha ia aku nei, o na aina a pau i hoakaka ia ma ka Papa Kuhikuhi malalo iho, e wehe ia aku ana no ka poe makemake e noho ma na aina malalo o na hoakaka ana o Mahele VI o ke Kanawai Aina, 1895, no na Hoolimalima Home Liilii, mai a mahope aku o Mei 4, 1896.

PAPA KUHIKUHI.

He 10 apana aina ma ka Ili o Pouhala, Waikele, Apana o Ewa, Oahu, nona ka ilihonua mai ka 1@ a 31/2 eka pakahi, a e hui puia ana me kela a me keia apana aina kula kekahi apana aina wai (aina loi kalo), o aneane 1/4 eka.

Aia hoi keia mau apana aina e pili la me ka alanui kaamahu o ka Hui Kaamahu ame Aina o Oahu, a he kokoke wale no i ke alaloa Aupuni.

O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.

E hamama ana ke Keena no ka lawe ana aku i na palapala nonoi ma ka hora 9 kakahiaka o ka Poakahi Mei 4.

J. F. BROWN, Agena Aina Aupuni

tf

 

JOHN E BUSH, Luna Hooponopono a me Puuku

HONOLULU APERILA 30, 1896.

 

KE OMAMALU KAUA.

 

Ke panopano loa iho la ke poipu o ke kaua ma Europa, mawaena o na aupani helu ekahi oia mahele honua.  Ke hooilioilo nei kekahi poe i keia kau mehana ae e ulu mai ai ke kaua.  Pela io paha, aka, i ko makou manao o ka 1897 aku ka makahiki e ike ia ai ke kaua nui a na loea a me na ku@ikuhi kalaiana e hoomaka nei e ike ua hookokoke loa mai.

He mea oiaio hoi eia ke ka@a nei na aupuni nunui me na aupuni liilii, o keia ka maka mua.  Ua kaua o Kina me Iapana, na kaua aku o Farani ia Madegaseka, ke kaua nei o Italia me Abesinia, ke kaua la o Aiupika me kona lahui o ka Soudana, ke kaua nei o Sepania me kona mau kupa ma Inia Komohana, e kaua kuloko mau ana na Repubalika o Amerika Waena a me Aerika Hema, ke kaua la o Enelani ma Matabele, a he aneane koe e uluaoa holokoa kaua mai ana na Boers a me ka Orange Free State i huiia ia Enelani.

E kaua ana a e nune kaua aua ke ao holookoa.  O na aupuni liilii me kekahi mau aupuni ka mua nana e waele kahua kaua.  Malie io paha o ka wa keia e ulu mai ai ka "Ninau Hikina" ma o na hana a na lahui Mahometa ma ka Suletana, ke poo oia hoomana, a me ka Mahdi, ma Areminia a me ka Soudana, a malalo oia kumu e ala kipi ae ai na lahui Mahometa o Inia malalo o ka Emepire Beretania Nui.

Ua koho aku kekahi poe kilokilo aupuni a me na loea akeakamai, a me ua  kilo hoku iloko o keia mau makahiki i hala he mau makahiki kana huliamahi weliweli ua kokoke mai.

Ke ku pinai mai nei ka lakou hooia i keia mea, ma ka ike maopopo ana i ke kulana manao o na lahui kanaka i keia wa.  Aka, aole hoi ka hapanui o lakou i hoomaopopo i ka mea i wanana ia e hiki mai ana me ka haule ole, mai ke Akua mai, he wanana e hoike ana i na mea nu@ e hana ia ana ma keia ao, a hiki aku i ke ku ana o ke kana nui weliweli (Dan 12:1) e luk@ia ai na lahui a pau o keia ao ia lakou iloko o ke kaua nui, ma o ka nani o ke Keiki a ke Akua, o Mikaela, ke alii nui o na anela ma ia wa.  Ua ike mua ia keia mea e hiki mai ana mahope o ko ke kanaka haule aaa iloko o ka hewa.  Ke pii mau nei ka hewa a ke aneana nei e piha na ipu@ue o ko ke Akua inaina, a e ninini mai ana no oia i na poino maluna o ko ke ao i hoowahawaha i kona leo aloha i hoike ia mai e hana Keiki mai kinohi mai ma o na Kahiko a me na kaula, a me ona kino kanoka no hoi a me kana mau kauwa na apokolo a me na kahunapule a hiki i keia la.

Ke nana nei ka hapanui o ka lahui kanaka o ke ao i na olelo mai ka waha mai o ke kanaka no na mea e hiki mai ana, a o kekahi hapa uuku loa ka poe e hakilo nei i ka ke Akua mau hoike ana, no na mea e hiki mai ana a me ka hopena o ke ao.

Mai ka makahiki 1844 mai i hoala ia ae ai na hoi ana o kekahi poe haipule i ike i ka mea a lakou i haupu ai ua kokoke mai, oia hoi ka wa a ka Haku e hele hou mai ia i keia ao.

E like me ke kuhikuhi i na haipule no na wa a pau na kana olelo, ua imi iho hoi lakou @ na wanana a ke Akua, a he oiaio ua maopopo loa aia kakou i ka manawa o ka hopna e ku nei, mai ka 1844 mai, he hapa keneturia o oi iki aku o ke au o ka manawa i pau o ia manawa.

 

KELA A ME KEIA.

Ma Kau, Hawaii, ua kani hewa aku la kekahi pu a ku aku la kekahi Iapana, i ka pule i hala.  Ua hemo hou mai hoi ka poka ia Kauka Capron, a e pakee ana ke ola o ka mea i poino ia.

Ua hoohuiia a he hookahi o iss Sarah Bannister me Henry Wright ma ka berita mare, i ka po nei, ma ka home o George Lucas.

No ka maimai o ka Lunakanawai Hoomalu, ua hoomaha ia aha no hookahi la.  Ano ua hoopihana ae ka noho e kona hope a ke hooko ia la na hana o ia aha.

Ua komo aihue ia aku hoi kahi kuai kanaka o Steiner, i ka po Poalua aku la, a ua heo aku la hoi ke kolohe me $100.  Ua haupu ia he kamaaina ka mea nana keia hana, ke he@o la ka pahuhao me ka lohe ole ia.

 

Na Lole: Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA KA MEA KUPONO I KO OUKOU MAKAMAKE.

Ua loaa mai nei a'u kekahi ano piha o na lole aahu hou loa.

Crepon, (he like me kanikau)

Na Lole Farani.

Na Lole Ulana Waihooluu Like Ole

Na Lole Awiliwili Lopi Silika me Hulu hulu.

 

Na ole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

Na Lole Diminite

Na Lole Pongi,

Na Lole Satina

Na Peersucker,

Na Rliss,

Na Lole Anuunuu Crepe

Na Keokeo Manoanoa o na ano a pau, etc. etc.

Aia no hoi ma ko'u Halekuai ka lole fibfrelabrica.

He mea i oi akupih ka ma kko@ l oe naauhulu.

Aole no oe i kahikoa ke ole iika hoi loaa ia oe kekahi o kuu palekoki kohu mamalu.

A e halo iho hoi i ke kaliki (Trilby) ano hou, kupono i kau e iini nui nei.

Aia hoi ma ko'u halekuai na Lole Moepoli i ka hik@noeau ia, a kupono o ka hana ana iho m Adamu

Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima @a hainaka, a pela aku.

E hauoli loa au e hoomakaikai aku i keia mau mea nani i na Lede o Honolulu.

J. J. EGAN.

@ Papu Mei 21, 1895.            m@itt 12