Ka Oiaio, Volume I, Number 84, 28 ʻApelila 1896 — Page 2
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
-----
KA OIAIO PUKA LA.
-----
HOOLAHA AINA AUPUNI
-----
Ma keia, ke hoolaha ia aku nei, o na aina a pau i hoakaka ia ma ka papa Kuhikuhi malalo iho, e wehe ia aku ana no ka poe makemake e noho ma na aina malalo o na hoakaka ana o Mahele VI o ke Kanawai Aina, 1895, no na Hoolimalima Home Liilii mai a mahope aku o Mei 4, 1896.
PAPA KUHIKUHI.
He 10 apana aina ma ka Ili o Pouhala, Waikele, Apana o Ewa, Oahu, nona ka ilihonua mai ka 1 3/4 a 3 1/2 eka pakahi, a e hui puia ana me kela a me keia apana aina kula kekahi apana aina-wai (aina loi kalo). o aneane 1/4 eka.
Aia hoi keia mau apana aina e pili la me ka alanui kaamahu o ka Hui Kaamahu ame Aina o Oahu, a he kokoke wale no i ke alaloa Aupuni.
O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope-Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.
E hamama ana ke Keena no ka lawe ana aku i na palapala nonoi maka hora 9 kakahiaka o ka Poakahi Mei 4.
tf J.F. BROWN
Agena Aina Aupuni.
-----
JOHN E. BUSH, Luna Hooponopono a me Paika
-----
HONOLULU APERILA 28, 1896.
-----
HAULE KA HOAIE.
-----
Ma ke koho ana a ke Senate, he ehiku i ka eono, ua haule ka bila hoaie i waihoia mai e ke Aupuni. He kumu keia e haalele ai na aha kuhina o na aupuni o Europa, aka he kulana okoa no paha ko lakou a he okoa ko ke aupuni Republika o Hawaii nei.
-----
HE KUHIHEWA
-----
Ma ka makou hoolohe aku, eia kekahi poe i unuhikuhihewa i ke ano e ke kanawai e kauoha ana i na kanaka a pau e hoike aku i ko lakou mau inoa, oihana, wahi noho, lahui, a pela aku, a malalo o ia kuhihewa e manao ana e kauoha ia ana na mea a pau e hoohiki, a oia hoohiki ana, he hoohiki kupa ana ia i ka Repubalika, a he mau hana pahele keia i ka lahui Hawaii, e lilo ai he poe i hoohiki he poe kupa malalo o ke aupuni.
Ua lalau loa keia mau unuhi ana i ke ano o ka hoohiki ana aku o ke kanaka, oiai aole oia e hoohiki ana e hoolilo i kupa no ke aupuni Repubalika Hawaii, aka, e hoohiki wale ana no oia no ka oiaio o kana mau pane i na ninau a ke kanawai ma ka papa helu paihakahaka, e waihoia mai ana e pane pololei na mea a pau a e hoohiki aku he oiaio kana pane ana. Ua komo na kupa o na lahui e malalo o keia kanawai, a aole nae o ko lakou hoohiki ana he mea ia e pau ai ko lakou noho kupa ana no ko lakou one hanau ma ia hoohiki ana. He okoa loa keia hoohiki ana, a he okoa loa ka hoohiki hookupa ana. He kuko manao imi hala wale no ke kumu e lalau ai keia koho ano e ana i ka olelo moakaka loa a ke kanawai hoopaa helu kanaka ana.
-----
KELE A ME KEIA.
-----
Kue o Senata Cicila Baraunu i ka hoaie lahui.
Ua ike maopopo ke kiai ma Leahi i ka punohu ae o ka uwahi pele o Mokuaweoweo.
Eia ma kahi o Hobron e kuai ia nei na laau o kela a me keia ano.
Ua olelo ae o Senata balauwini he aka wale no ke hoohui aina, a he ekolu ona mau makahiki i hula ai imua o ko lakou maka aohe nae he ie ae, a pela mau aku ana no kana hana ma keia hope aku.
Inehinei ka mokukiaha Roanoke i holo aku ai no Nu Ioka, me 80,000 eke kopaa, i ane like me 6,000 tona.
Mai poina e na hoa'loha i ke kipa ana ae ma ka halekuai o N. S. Sach.
Mai poina i na kuai hoemi ma kahi o B . F. Ehlers (Bainaba).
He 25 ia o ke dala no na lole-pio kalakoa ma kahi o L. B. Kerr.
Na ka Iwalani i kolo aku ka moku Roanoke, a maluna aku ona i holo makaikai aku ai o Peresidena Dole, W. G. Irwin a me Godfrey Borwn.
E hull hoi aku ana o Theo. H. Davies maluna o ka Monoawai i ka la 5 of Mei.
E kuai kudala aku ana o Mr. Luce i na lako hale a me na buke o ka waiwai o W. Jas. Smith i make.
Ua kuai ia ae kekahi mau mahele o ka Hui Mahi Ko o Ewa no $160 o ka mahele, he $100 ke kumupaa.
Ua hoomaka mai ka makani a me ka ua pu kekahi, i nehinei.
Mai poina na makamaka i ke kuai hoopau ma ka hale kuai o L. B. Kerr. He 30 i-a kalakoa paa no hookahi dala.
He paikau ka ke Companie A a me B. i keia ahiahi.
He aha mele kei malama ia e na keiki o ke kula nui o Kamehameha.
No ka ua o ka ponei oia ka mea i paani ole ai ka Band.
INA OUKOU E MAKEMAKE E KUAI I KEKAHI ONA LOLE KEOKEO NO NA LA EASTER
B. F. EHLERS
Oiai ua hooemi ia ke kumukuai o keia HALEKUAI.
Na Lole:
:: Kohukohu!
Oia hoi ka mea a na lede a pau e ake ana e loaa a he meahiki wale no ke hookoia.
E HELE MAI OUKOU ILOKO O KOU HALEKUAI A E HANA AKU AU IKA
KA MEA KUPONO I KO OUKOU MAKEMAKE.
Ua loaa mai nei a'u kekahi ano piha o na
LOLE AAHU HOU LOA.
Crepon, (he like me kanikau)
Na Lole Farani,
Na Lole Ulana Waihooluu Like Ole
Na Lole Awiliwili Lopi Silika me Hulu hulu.
Na Lole Alabatosa,
Na Lole Casamia a me Huluhulu
Na Lole Hulu Kao Lama
Na Makelena
Na Lole Diminite
Na Lole Pongi,
Na Lole Anuunuu Crepe
Na Keokeo Manoanoa o na ano a pau, etec, etc.
Aia no hoi ma ko'u Halekuai ka
LOLE FIBFRELABRICA
He mea i oi akupih ka ma kkoa L OE NAAUHULU.
Aole no oe i kahikoa ke ole iika hoi loaa ia oe kekahi o kuu
PALEKOKI KOHU MAMALU.
A e halo iho hoi i ke Ka like (Trilby) ano hou, kupono i kau e iini nui nei.
Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho m Adamu.
Na Pale ili o na kane i kupono hoi i ko Eva ma kemake, i huki ai ka Ulua i Malamanui. Uwese oe.
Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima. na hainaka, a pela aku
E hauoli loa au e hoomakaikai aku i keia mau mea nani i na Lede o Honolul.
J. J. Egan.
Alanui Papu Mei 21, 1895 moilt 12