Ka Oiaio, Volume I, Number 81, 23 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I. HONOLULU, APERILA 23, 1896.

OIAIO PUKA LA

NA Keehina io Karisto La. oo HAKUIA E MRS. E. G. WHITE.

KA MEA E HANA AKU AI I KEKANALUA.

(Hoomau ia).

            E like me ka nui o kona imi ana i ka Baibala, pela e mahuahua ai kona manaoio i kona ano oiaio mai ke Akua mai, a ua kulou ka noonoo o kanaka imua o ka nani o ka hoike a ke Akua.

            O ka ae ana i ko kakou hiki ole e hoomaopopo i na mea oiaio nui o ka Baibala, oia no ka ae ana i ke kaupalenaia'na o ka ike a kanaka, aole hoi e hiki i ke kanaka me kona ike pokole e hoomaopopo i ka noonoo o ka mea ike i na mea a pau.

            No ko lakou hiki ole ke ana i na mea hohonu a pau, nolaila ke hoole nei ka mea hoomaloka a me ka mea hoole i ke Akua ia ka ke Akua olelo; aole hoi i pakele na mea a pau i manao ua oiaio ka Baibala. Ke olelo nei ka lunaolelo. "E ao hoi, e na hoahanau, o noho ka naau ino hoomaloka iloko o kekahi o oukou, i haalele ai ia i ke Akua ola." Heb. 3:11.

            He pono ke imi pono i ke ao ana o ka Baibala, imi i na "mea hohonu a ke Akua," 1 Kor 2:10, e like me ka hoike ana o ka Palapala. Oiaio, "No Iehova ko kakou Akua na mea i hunaia, aka, o na mea i hoakakaia mai, no kakou ia." Kanawailua 29:29 O ko Satana hana nae, e hookekee i ka manao o kanaka.

            Ua huiia ke ano haaheo me ka huli ana i ka oiaio o ka Baibala, a nolaila ua manao kanaka he hilahila ke hiki ole e wehewehe i na mea a pau o ka Palapala e like me ko lakou makemake. He mea hoohaahaa ia lakou ke hiki ole e hoomaopopo i na mea a pau o ka olelo a ke Akua.

            Aole makemake lakou e kali me ka hoomanawanui a hoike mai ke Akua i ka oiaio ia lakou. Ua manao lakou ua lawa ka ike a ke kanaka e hoomaopopo i ke ano o ka palapala a no ka hiki ole, ua hoole lakou i kona oiaio. He oiaio no he nui na manao i kukuluia a me na ao ana, i manaoia e kanaka ua unuhiia mai ka Baibala mai, aole nae i unuhi pono ia mai ka Babala mai a ua kue maoli i kona ano. Ua lilo keia mea i mea e kanalua ai a e hoohihia ai i na mea he nui. Aole nae no ka ke Akua olelo mai ia mau pilikia aka no ko kanaka ookekee ana.

            I na na hiki i kanaka ke hoomaopopo lea i ke Akua a me kana mau hana, alaila aole mea hou aku e imi ai, aole e ulu ana ma ka ike, aole he ulu ana ma ka noonoo a ma ka naau. Aole e noho manaana ke Akua, a no ko ke kanaka hiki ana i ka palena o ka ike a me ka loaa e pau ana kona ulu ana. E hoomaikai aku kakou i ke Akua no ka hiki ole o ia mea. He palena ole ko ke Akua ano, "kahi i hunaia o ka waiwai nui o ke akamai a me ka naauao." Kor. 2:3. E hiki no i ke kanaka ke imi aku a mau loa aku no me ka hoopau ole i na waiwai o kona naauao, kona lokomaikai, a me kona mana.

            Ke makemake nei ke Akua e mau ka weheia'na o na mea oiaio o kana olelo i keia ole ana no kona poe kanaka. Hookahi wale no alanui e loaa ai keia mea. E loaa no ia kakou i ka hoomaopopo i ka olelo a ke Akua ma ka hoomalamalama ana mai o ka Uhane nana i haawi mai ka olelo. "Aole i ike ke kanaka i na mea o ke Akua, o ka Uhane o ke Akua wale no, "No ka mea ke nana pono nei ka Uhane i na mea a pau, i na mea hohonu hoi a ke Akua." 1 Kor. 2:11,10. O ka ka Hoola olelo i kana mau houmana, oia no, "Aia a hiki mai kela, o ka Uhane oiaio, nana oukou e ao mai i ka oiaio a pau,...no ka mea e lawe no ia i ka'u, a e hoike aku ia oukou." Ioane 16:13,14.

            Ke makemake nei ke Akua i ke kanaka noonoo; a e hoikaika a hapai ae i ka imi ana i ke ano o k Baibala i ke ano noonoo o ke kamaka manua ae o na mea e ae a pau. He pono nae ke makaala kakou e hoopau i ka noonoo, no ka mea ua pili pu ia me ka nawaliwali a me ke kina o ke kanaka. Ina aole e makemake kakou e hoopouliia ko kakou ike ana i ka palapala, a maopopo ole na mea o ka Baibala, he pono ia kakou e imi maoli aku me ka manaoio o ke keiki i makaukau e imi a e noi ana i ka Uhane Hemolele e kokua mai. O ka ike ana i ka mana a me ka naauao o ka Akua, a me ko kakou hiki ole ke hoomaopopo i kona nui, he pono ia kakou e hoohaahaa ia kakou iho, a e wehe ae i kana olelo, i ko kakou hele ana imua o kona alo, me ka eehia hemolele. Aia a heluhelu kakou i ka Baibala, he pono ia kakou e hoomanao i ka oi loa aku o kona naauao i ko kakou, a he pono ke kulou ka naau a me ko kakou ano noonoo imua o ka mea nui, OWAU MAU.

            He nui na mea ano pouli a pohihihi a ke Akua e hoomaopopo lea aku ai i ka poe e imi ana. Aka ina aole i alakai ka Uhane Hemolele, e huhewa auanie ka kakou wehewehe ana i ka palapala. He nui ka heluhelu waiwai ole ana i ka Baibala, a i kekahi manawa he poho maoli no. Ina i hoohamama ia ka Baibala me ka noonoo ole a me ka pule ole; aia a pili pono ole ka noonoo a me ka naau maluna o ke Akua, a e lokahi ole me kona makemake, ua hoopouliia ka noonoo me ke kanalua; a ua hoomahuahuaia ke kanalua ma ka heluhelu ana i ka Baibala. Ua hoopio ka enemi i ko kakou noonoo, a hookomo mai oia i na wehewehe ana o ka pono ole. Aia a lokahi ole kanaka me ke Akua ma ka olelo a ma ka hana alaila, he naauao lakou a e huhewa ananei lakou i ko lakou hoomaopopo ana i ke ano o ka palapala, aole hoi he pono ke hilinai aku i ka lakou wehewehe ana.

            Aole i pau.