Ka Oiaio, Volume I, Number 78, 20 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.         HONOLULU, APERILA 20, 1896   HELU. 78

OIAIO PUKA LA

NA

 

K@ehina io Karisto La.

 

oo

 

H@K@ E MRS. E G. WHITE.

 

(Hoomau ia).

 

            He pono loa ke hoomau ma ka pule; mai ae i kekahi mea e keakea mai ia oe. E hooikaika mau i mau ka hui ana o kou uhane me Iesu. E imi mau e hele ma na wahi i maa i ka pule. O ka poe e imi oiaio ana i ke kamailio ana me ke Akua, e mau no ko lakou hele ana i ka halawai pule, e kupaa ana me ko lakou hana pono, a e imi ana me ka ikaika e ohi i na pomaikai a pau e hiki ai ia lakou. E imi no lakou i na manawa a pau e loaa mai ai na kukuna malamalama mai lani mai.

            He pono ia kakou e pule ohana; a maluna o na mea a pau mai hooki i ka pule malu; no ka mea o keia no ke ola o ka uhane. Aole e hiki ke ulu ae ka uhane ke waihoia ka pule. Aole i lawa ka pule ohana a me ka pule akea. Ma kahi malu e hoohamama i ka naau imua o ka maka o ke Akua. He pono ke loheia ka pule malu e ke Auka wale no. Aole he pono ke loheia e kekahi pepeiao e ae. Ma ka pule malu ua kaawale ka uhane mai na mea e ae, a na akahele. Me ka hoomalu, oiai he ikaika, e haha aku ka naau i keAkua. He maikai a he mau ka mana mai ka mea ike ma kahi nalo, i hamama man kona pepeiao e hoolohe i ka pule mai ka naau mai. Me ka manaoio maoli a malu, e kamailio ai ka naau me ke Akua, a hoahu ae i ka malamalama me ka ikaika e paio ai me Satana. O ke Akua ko kakou puuhonua ikaika.

            E pule ma kou rumi mehameha; a i kou hele ana i ka hana i kela a me keia la, e hapai pinepine i k@u naau i ke Akua. Pela ko Eno@ ka hele pu ana me ke Akua. Ke pii nei keia mau pule loo ole me he mea ala la i ka nohoalii o ke aloha. Aole e hiki ia Satana ke hoopio i ka mea i kupaa ma o ke Akua la.

            Aole manawa aole he wahi kupono ole ka hapai ana i ke noi i ke Akua. Aole mea hiki ke keakea ia kakou i ka pule ikaika ana i ke Akua. Iwaena o na lehulehu o ke alanui, iwaena o na hana, e hiki no ia kakou e hoouna aku i ko kakou noi i ke Akua e alakai, e like me ko Nehemia pule imua o ka Moi Aretasazeta. E loaa no kahi rumi mehameha ma na wahi a pau. He pono ke hamama mau ka puka o ka naau, a pii ku ko kakou kono ana ia Iesu e noho he hoaai mau mai ka lani mai iloko o ka uhane.

            Oiai he ea ino a haumia e hoopuni ana ia kakou, aole pono ia kakou e hanu i ka mea make, aka e hiki no ia kakou ke hanu i ke ea o ka lani. E hiki no ia kakou ke pani aku i kela a me keia ipuka i komo ole mai ai na noonoo haukae a me na noonoo nono ole a hapai ae i ka uhane me ka pule oiaio. O na mea i hamama ko lakou mau naau i loaa ke kokua a me ka pomaikai o ke Akua, e hele ana lakou me ka hemolele i oi aku i ko ke ao nei, a e mau ke kamailio ana me ka lani.

            He pono ke ike maoli aku ia Iesu, a hoomaopopo hou ae i ka waiwai o na mea a pau. He pono ke piha aka naau o na keiki a ke Akua me ka mani o ka hemolele; a i mea e ko ai keia. e imi aku kakou i na mea i hoikeia no ka lani e ke Akua.

            E hapai ae a nana ka uhane ilua’e, i haawi mai ke Akua i ea mai ka lani mai e hana ai. E hiki no ia kakou e hookokoke mau aku i ke Akua, i huli aku kakou ia ia i na wa a pau i hoowalewaleia, e like me ka huli ana o na pua i ka la.

            E waiho mau aku i kou mau nele, kou mau olioli, kou mau kaumaha, kou mau pilikia, a me kau mau mea i makau ai, imua o ke Akua. Aole e hiki ia oe ke hookaumaha aku ia ia; aole e hiki ia oe ke hooluhi aku ia ia. O ka me nana i helu i ka lauoho o kou poo aole i hoopoina i na pilikia o kana mau keki. “Ua lokomaikai nui ka Haku me ke aloha mai.” Iakobo 5:11. Ua haehae ka naau o ke aloha i ko kakou mau kaumaha, a i ka hai ana’ku no hoi. E lawe aku ia ia i na mea a pau e pilikia ai ka naau. Aohe mea oi kau i kona ikaika, no ka mea ke paa nei oia i na@ao, a ke hoomalu nei i na mea a pau. Aole mea liilii e pili ana i ko kakou pomaikai i ike ole ia e ia. Aole he wahi mea pouli e pili ana ia kakou i hiki ole ia ia ke hoomaopopo: aole pilikia i hiki ole ia ia ke hoopau. Aohe popilikia i haule maluna o kekahi mea liilii loa o kana mau keiki, aole pioloke o ka naau, aohe olioli, aole he pule oiaio o na lehelehe, i ike ole ia ia ko kakou Makua Lani, a i hoomanao ole ia oia. “Hoomaha mai no oai i ka poe naau haehae, a wahi no hoi oia i ko lakou mau eha.” Halelu 147:3. O ko ke Akua kokua ana i kela a me keia uhane, me he mea la aole uhane e ae ana i kokua ai, a i hoouna mai ai i kana Keiki hiwahiwa e hoola.

            Ke i mai nei Iesu, “I kela manawa e nonoi aku oukou ma ko’u inoa; aole au e hai aku ia oukou, no ka mea o ka Makua, oia ke aloha aku ia oukou,” Ioane 16:26,27; 15:16. “O wau kai wae aku ia oukou,… i haawi mai ai ka Makua ia oukou i ka oukou mea e nonoi aku ai ia ia ma ko’u inoa.” O ka pule ana ma ka inoa o Iesu, aole oia ka hai wale ana no i ka inoa o Iesu i ka hoomaka aua a hiki i ka pau ana o ka pule. Oia no ka pule ana mamuli o ka noonoo a me ke ano o Iesu, oiai e hilinai ana kakou i kana mau olelo hoopomaikai, a e hilinai oe i kona aloha, a hana i kana mau hana.

            Aole i makemake ke Akua ia kakou e lilo i poe noho mehameha a i man kanaka moneka paha, a hookaawale ia kakou iho mai ke ao nei, i mea e hoolaa ai kakou ia kakou iho i ka hoomana ana aku i ke Akua. He pono ke hoohalikeia ka noho ana me ko Karisto noho ana, ma ka ma@a pha a @waena paha o kanaka.

 

Aole @ pau.