Ka Oiaio, Volume I, Number 76, 16 ʻApelila 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA PUKA LA OIAIO

 

Hoopukaia i na la a pau koe ka la Sabati a me Lapule no 50 keneta o ka mahina.

BUKE I.                     HONOLULU, APERILA 16, 1896.              HELU 76

 

OIAIO PUKA LA

 

NA

K ehina io Karisto La.

 

HAKUIA E MRS. E G. WHITE.

 

KA ULU ANA AE ILOKO O KARISTO.

            Kahi i ahu ai na waiwai ana ole ia o ka mea mana loa.  I na i ole pule mau kakou me ka makaala nui, e nanea auanei kakou a kapae ae mai ke alanui pololei aku.  Ke imi mau nei ka enemi e hoopilikia i ke ala i ka noho aloha, i ole kakou e loaa ma ka pule ikaika ana a me ka manaoio i ka mana e pale aku ai i ka hoowalewale ia mai.

            E loaa ana ia kakou i ko kakou mau noi mai ke Akua mamuli o kekahi mau kumu.  Eia kekahi e ike kakou i ko kakou pilikia ke ole kokua mai oia ia kakou.  Ua ae mai oia, "E ninini aku au i ka wai maluna o ka mea makewai, a me na waikaho maluna o na aina maloo." 1 Isa a 44:3.

            O na mea e pololi ana a e makewai ana no ka pono, e hoomaopopo no lakou e hoomaonaia no lakou.  He pono ke hoohamamaia ka naau no ka mana a ka Uhane, a i na aole ia aole no e loaa ana ka pomaikai mai ke Akua mai.

            O ko kakou nele ka mea e koikoi ai ko kakou pule.  Aka he pono ke imi aku kakou i ka Haku, i loaa mai keia mau mea.  Ke i mai nei oia "E noi a e haawiia na oukou."  "O ka mea i ana ole i kana keiki ponoi a haawi mai la ia ia no kakou a pau, pehea la e ole ai ia e haawi lokomaikai pu mai me ia i na mea a pau?" 1Mar.7:7; Rom. 8:32.

            I na e malama kakou i ka hewa ma ko @akou maua naau, i na e hoopiha aku @koa i kekahi hewa i ke'a, aole e hoolohe mai ka Haau ia kakau, aka, o ka pule o ka mea mihi o ka naau pepe oia kana e hoolohe mau ai.  Aia a hoopololeiia na mea hewa a pau, alaila e manao no kakou e hoolohe mai ana keAkua i ko kakou mau pule.  Aole e hoaponoia kakou imua o ke Akua no ko kakou pono iho, o ka pono a Iesu wale no ke no @la ia kakou o kona koko no ke hoomaemae mai ia kakou he h@na no n@e ko kakou ma ka ae ana i na mea e loaa ai ka pono.

            O kekahi kumu o ka pule lanakila oia no ka manaoio.  "O ka mea e hele ana i ke Akua, e pono no e manaoio oia, he mea io no ia, a he mea hoi e ulu mai ana i ka poe i imi ikaia ia ia."  Olelo o Iesu i kana mau haumana, "O na mea a pau a oukou e noi aku ai ma ka oukou pule ana e manaoio oukou i ka loaa ana, alaila e loaa io aku no ia oukou ia."  1 Heb. 11:9; Mareko 11:24.  Ke hooia nei anei kakou i kana olelo?

            He laula a he palena ole kona olelo hoopomaikai, a he oiaio ka mea i olelo mai.  Ina aole loaa ia kakou na mea a kakou i noi, ai e manaoio aku no kakou ua lohe oia i ko kakou pule, a e ae mai no ia i ka kakou pule.  No ko kakou kuhihewa a no ko kaou ike powehiwehi, aole paha he mea e pomaikai ai kakou ke loaa ka mea a kakou i noi ai, a no kona aloha haawi mai ko kakou Makua ma ka lani i na mea kupono no ko kakou pomaikai keikie ka mea a kakou e makemake ai i na i ike aku kakou me na maka i hoomalamalamaia e ke Akua.  I na aole i hooloheia ko kakou mau pule i ko kakou ike ana, he pono ia kakou e hoopaa i ka olelo hoomaikai, no ka mea e hiki mai ana ka manawa e loaa ai ia kakou i ka kakou mea i noi ai.  Aka o ka manao e laoa mai ana na mea a pau a kakou e noi ai, he kuhihewa ia.  No ko ke Akua naauao loa aole hiki ia ia ke kuhihewa, a no kona lokomaikai aole oia e aua ana i kekahi mea kupono i na mea hele pololei.  Nolaila mai hopohopo kakou e hilinai aku ia ia, i na no ao e i loaa koke mai i@ kakou na mea a kakou i noi ai.  E hilinai ana kana olelo luli ole:  "E noi a e h@ia na oukou."  1 Mat. 7:7.

            I na kuka pu kakou me ko kakou manao kanalua a me ka makau, a i na paha imi e hoomaopopo i na mea a pau a kakou i ike maopopo ole ai mamua o ka manaoio, e mahuahua no a hohonu ae na pilikia.  Aka i na e hele kakou io ke Akua la, e hoomaopopo ana i ko kakou nawaliwali a me ko kakou pilikia, e like me ko kakou ano maoli, a me ka manaoio haahaa e hoike aku i ko kakou mau pilikia ia ia, ka mea i ike palena ole, ka mea i ike i na mea a pau, ka mea i noho aupuni maluna o na mea a pau mamuli o kona makemake a me kana olelo, e hiki no a e hoolohe no oia i ko kakou hea ana a e hoomalamalama mai i ko kakou mau naau.  Ma ka pule oiaio ua huiia ka kakou noonoo ana me ka mea palena ole.

            Aole paha e maopopo ia kakou ia manawa ka nana ana mai o ko kakou Hoola me ka menemene a me ke aloha: aka, he oiaio no.  Aole paha i ike kakou i ka pa ana mai o kona lima, aka, e kokua mai ana kona lima ia kakou me ke aloha a me ka lokomaikai palena ole.

            I ka kakou noi ana i ke aloha a me na pomaikai mai ke Akua mai, he pono ia kakou e makaukau e aloha a e kala aku ia hai.  Pehea la kakou e pule ai.  "E kala mai ia makou i ka makou lawehala ana, me kakou e kala nei i ka poe lawehala i ka makou."  1 Mat. 6:12. oiai aole i makaukau kakou e kala aku?  I na manao kakou e hooloheia ko kakou mau pule he pono ia kakou e kala like aku ia hai, e like me ko kakou manaolana e kalaia mai.

            O ka pule mau kekahi mea i manaoio e loaa ai.  He pono ia kakou e pule mau i na ua makemake kakou e ulu ae ma ka manaoio a me ke aloha.

            He pono ia kakou e "pule ikaika," @e hoomau ana ma ka pule."  "E hoomau i ka pule e makaala hoi ma ia mea me ka hoomaikai aku."  1Rom. 12:12. Kol. 4:2.  Ke ao mai nei o Petero.  "Nolaila e kuoo oukou a e kiai ma ka pule."  1 Petero.  4:7.  Eia hoi ke kuhikuhimai nei o Paulo.  "Aka, i na mea a pau e hoike aku i ko oukou makemake i ke Akua ma ka pule, a me ke noi aku, a me ka hoomaikai aku."  3Pii. 5:6.  "A o uokou la," wahi a Iuda, "e na hoaloha, e hookupaa ia oukou iho ma ko oukou manaoio hemolele loa, e pule aku ana ma ka Uhane Hemolele, e malama ia oukou iho ma ke aloha o ke Akua."  Iuda. 4  O ka pule hooki ole i a hui mau ana o ka uhane me ke Akua, a pela e kahe mai ai ke ola mai ke Akua mai iloko o ko kakou ola ana a mai ko kakou ola ana hoi aku ka maemae a me ka hemolele i ke Akua.

                                    Aole i pau.