Ka Oiaio, Volume I, Number 75, 15 ʻApelila 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA

 

HOOLAHA AINA AUPUNI.

            MA KEIA. ke hoolaha ia aku nei, o na aina a pau i hoakaka ia ma ka Papa Kuhikuhi malalo iho, wehe ia aku ana no ka poe makemake e noho ma na aina malalo o na hoakaka ana o Mahele VI o ke Kanawai Aina, 1895, no na Hoolimalima Home Liilii, mai a mahope aku o Mei 3, 1896.

PAPA KUHIKUHI.

            He 10 apana aina ma ka Ili o Pouhala, Waikele, Apana o Ewa, Oahu, nona ka ilihonua mai ka 1 3/4 a 3 1/2 eka pakahi, a e hui puia ana me kela a me keia apana aina kula kekahi apana aina-wai (aina loi kalo), o aneane 1/4 eka.

            Aia hoi keia mau apana aina e pili la me ke alanui kaamahu o ka Hui Kaamahu ame Aina o Oahu, a he kokoke wale no i ke alaloa Aupuni.

            O na palapala nonoi a pau no keia mau apana aina e noi ponoi ia mai no ia e ka mea makemake, ma ke Keena Oihana o ka Hope-Agena, ma ka Hale Hookolokolo, Honolulu, kahi hoi o na palapala kii aina e ikea ai a me kahi e loaa ai na olelo hoakaka hou aku.

            E hamama ana ke Keena no ka lawe ana aku i na palapala nonoi ma ka hora 9 kakahiaka o ka Poakahi Mei 3.

            J. F. BROWN,

tf Agena Aina Aupuni.

 

JOHN E. BUSH, Luna Hooponopono a me Puuku

HONOLULU, : : APERILA. 15 1896.

 

NA KOI MAI.

            Ke koi mai nei no na kuaaina no na kaao, a me na moolelo, e hoopuka ia aku. Ma keia makou e hooia iho ai i ka olelo a ka poe naauao oia hoi, ma ke ano o na mea heluhelu a ka lahui, e kaupaona ia ai ke ano hoi oia lahui, a e ike ia ai ko lakou kulana. He mea oiaio loa keia, a he minamina makou, i ka huli o ka hapanui o na kanaka o keia lahui mahope wale no o na kaao a me na moolelo ano ole. Ua like ka mea a ke kanaka e heluhelu ai, me ka mea ana e ai ai no ka pono kino, he ai hoi e ola ai kona uhane e pii ai kona ike a me kona naauao. I na he maikai ole ka ai, e maikai ole ana no ke ola kino, a e haahaa ana no na ak@ ana a kona naau, a ina hoi he maikai na mea ai, e pii ana kona ikaika kino, ke ola maikai a e naauao ana kana mau hana. Pela no me ka lakou mea e heluhelu ai, he ai ia nana e hooulu i ka ike e hiki ai na hana naauao, e loaa ai na haawina noonoo maikai a e ku ai i ke kulana kiekie imua o kanaka a me ke Akua.

            Me he la, o keia na ouli e hooia mai ana i ka olelo, ke emi nei kulana o keia lahui ma na mea pili kino a me na mea pili uhane. A hea la na Hawaii noonoo maikai, haalele iho i na noho'na imi pono pilikino wale no, a hoaui ae i kekahi o ka lakou mau kokua ana e hooulu hou ae i ka hoopono a me ka pono iwaena o ko lakou lahui makua. O ka leo ka makou e lohe ana he aloha aina, he makee ali i, a he aloha lahui, aka, mai ke kumu a ka welau o ka lahui, ke hakilo nei makou e ike i ka oiaio o keia olelo a me ka hoohana ia me ka manao io no ka pono o na hoakanaka.

            O ka lahui wale no o ko na aina e ka makou e ike nei i ka hooikaika e hapai ae i ka lehulehu o ko lakou lahui; he kakaikahi loa no Hawaii a me na hapa Hawaii i haawi i ko lakou nui loaa a me ko lakou manawa no ke kokua ana i na hana e pomaikai ai ko lakou lahui. Ua hiki i kekahi o na Hawaii nui o ka waiwai ke hoolilo no kona mau anoai haakei pilikino iho, he ewalu a ka umitausani a oi aku o ka mahina, no kekahi mau makahiki, aka, aole loa he hookahi wahi haawina kuonoono i lohe ia mai a ia ae, i haawiia a i hana ia no ka pomaikai o kona lahui, mawaho o na mea i hana ia paha no ka hoolawa ana i na kuko a me ka hooko ana i kona mau anoai mana kanaka.

 

HALA I KA MAKE IA KAMAAINA.

            Ua haule aku hoi o Mrs. Rebecea Howland i ka moe kau moe hooilo, i ke kakahiaka Poakahi nei, i ke kanalimakumamalima o kona mau makahiki.

            O ka hope loa oia o kona ohana ponoi, a o na kaikamahine ekolu a me na keiki a kona kaikuana kai koe iho, e kanikau aku nei nona. Aole o ka make ana a hoala hou ia ana mai ka kakou e hopo aku, aka, o ka make alua ana,

            E manaolana kakou, ua makaukau oia mamua o ka hiki ana mai o ka enemi o ke kanaka, ka make, a e lanakila aku ana oia mai ka walania o ka make a me ka paa o ka luakupapau. Aloha oia a me kona ohana mahope nei.

 

KELA A ME KEIA.

 

            Mai poina e na hoa'loha i ke kipa ana ae ma ka halekuai o N. S. Sach.

 

            Mai poina i na kuai hoemi ma kahi o B. F. Ehlers (Bainaba).

 

            Ua hapaiia ae ka ninau i ka Loio Kuhina Kamika e pili ana i ka mea i hana ia ia Frank Godfrey.

 

            Ua pii ae ke kumukuai o ke kopaa i ke $82 o ke tona ma Amerika.

 

            Ua make iho la o Mauliawa i ka ponei. Aohe he akaka o ka mai.

 

            E kuai ia ana na aina pahale a me na hale o J. T. Waterhouse, a me na wahi ma Ewa.

 

            O kahi emi o na laau a me na wai--ala i keia wa oia no kahi o ka Hui Hobron kihi alanu Moi a me Papu

 

            Aia ma ka halekuai o J. J. Egan e kuai ia nei i keia mau la, he ano kaliki hou o na wahine, a he mea maikai no hoi ke kipa ana aku o na lede e ike maka, no lakou iho.

 

Na Lole : :

            : : Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA KA MEA KUPONO I KO OUKOU MAKEMAKE.

Ua loaa mai nei a'u kekahi ano piha o na

LOLE AAHU HOU LOA.

Crepon, (he like me kanikau)

Na Lole Farani

Na Lole Ulana Waihooluu Like Ole

Na Lole Awiliwili Lopi Silika me Huluhulu.

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena.

Na Lole Diminite

Na Lole Pongi,

Na Lole Satina

Na Peersucker,

Na Rliss,

Na Lole Anuunuu Crepe

Na Keokeo Manoanoa o na ano a pau, etc, etc.

Aia no hoi ma ko'u Halekuai ka

LOLE FIBFRELABRICA.

He mea i oi aku ka maikai ko ka OLE NAAUHULU.

Aole no oe i kahiko piha ke ole i hoi loaa ia oe kekahi o kuu

PALEKOKI KOHU MAMALU.

A e halo iho hoi i ke Kaliki (Trilby) ano hou, kupono i kau e iini nui nei.

Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho m Adamu

Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikina lima na hainaka, a pela aku

E hauoli loa au e hoomakaikai aku i keia mau mea nani i na Lede o Honolul

J. J. Egan.

Alanui Papu Mei 21, 1895. meilt 12