Ka Oiaio, Volume I, Number 73, 13 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

JOHN E BUSH, Luna Hooponopono a me Puuku

 

HONOLULU APERILA 13, 1896.

 

MAI NA AINA E MAI.

MA KA MOKUAHI ALAMEDA MAI.

 

Ua hooholo iho ka Aha Elele Repubalica o Nui Hamesia i na inoa o Reed a me McKinily o laua ua noho a na Elele koho i na moho Peresidena, ke hui aku ko lakou mau Elele i ke kau ko@ a na Elele o ka Aha Hui Repubalica Nui ma keia hope aku.

Ua hooholo iho ke Komite o ko na Aina,  e, aole e waiho mai i kekahi bila no ke kokua ana i kekahi hui e kukuluia kekahi lai@a telegarapa mai Amerika a Hawaii nei i keia kau Ahaolelo.

Ua kue nui ia ae ka haawina ma ka bila haawina o 80,000 no ke kokua laina Hui Oceania ma ka Hale Ahaolelo.

 

EUROPA.

Ua pane aku o Kuhina Bonrgeois maloko o ka Aha Senate Farani ma Maraki 31, i ua ninau lehulehu a na hoa, penei iho.

Aole i hoi hope ke aupuni o Farani mai kona kulana e pili ana ia Aigupika, aka, aole nae e hiki i na Kuhina ke wehewehe i na loiua liilii e pili ana ia ninau, oiai hoomau ia ana no na kuka ana me ke aupuni o Beritania Nui.

Aole hoi i loaa mai he hoike mai ke aupuni o Kina e pili ana i ka hookohu hou ia ana iho  o Sir Robert Hart, he Luna Leta Nui, mawaho iho o kona kulana Luna Dute Awa Nui.  Aka, ina e hookohuia aku ana na haole ma na oihana aupuni, aole oia i kaualua no ka loaa ana o na mahele kupono o ia pono i na kupa Farani.

Ua haawiia mai he wa e koho aku ai ko farani poe waiwai i ka ale lahui hou a Kina, me ke ku hoopaa mai o Rusia, no ia aie, ana, no ka pau mua ana o na loaa o ke aupuni o Kina mai na loaa dute awa mai i kekahi ai@ lahui i kekahi hui hoaio Enelani a me ka hoale a ke aupuni o Kina a me rusia i kela makahiki aku nei ia Farani, na hiki ole ke hoie hou aku ka hui dala hoai lahui o Farani ke ae aku e hoaie hou malalo o na kumu a  ke aupuni Kina i makemake ai, nolaila, ua lio aku la hoi ka aie lahui hou i na hui dala o Enelani a me Geremania.

No ka ninau e pili ana i ka wehe ia ana o ka muliwai Si Kiong (Komohana) e noa i na aupuni a pau, aole hoi i hoopaa mai o Kina no ia mea ia Farani.

Aka, ina e wehe ia ana, e lilo ana no o Farani kekahi e komo pu iloko o na kuleana kalepa ana ma ia mau wahi.

Aole loa hoi o M. Bourgeois e hiki ke kamailio aku no na mea i hoike ia mai e ka Hope Kuhine Nui o Enelani, Mrs. Curzon, e pili ana i na auhau dute e kau ia ana maluna o na waiwai kalepa ama Madegaseka, a hiki aku i ka wa e hoea mai ai ka bila imua o ka Hale.  Ua hoike aku hoi ke aupuni o Farani, ua lawe ae oia ia Madegaseka nona iho.  Ua pane aku ka hapa nui i ka lakou hoike ana, me ka olelo ole ana no ia mea.

Ua hoike ia aku ke kauoha ma Isulona, Maraki 31, penei: "Ua hiki mai ke kauoha e hoomakaukau koke ia kekahi aumokukaua no ke kaua maoli ana.  Ke hookoia nei ia kauoha Ke hoopihaia nei na moku i ka ai a me na lako kaua, i na kanaka, a ko kauoha ia nei, ua aliikaua e hoi koke mai, ma ko lakou mau moku.  He hana hoomakaukau wale no keia mamua o ka hoike ana ae he mea e hoike ana ua hiki mai ke kaua maoli.  E hoomahuahua ia ana hoi na mokukaua o ka aumokukana Meditarenia, a ua holo aku hoi ka mokukaua papa elua Cecila no kekahi misiona pololei no Aferika.

 

TUREKE.

Ua hoopii aku la Luna Malama Oihana Kuhina Noho o Amerika ma Constantinople, aole e hopuia hoi na Amerika a e papaia hoi kalakou mau hana misionari e ke Kiaaina Tureke o Bitlis.  Ua ae mai ka Suletana i ma manao o ka palapala hoopii kue, a Mr. J. W. Biddle, i aponoia e Sir Philip Currie, ka Elele Nui o Beretania malaila.

Ua hoike ae o Hope Kuhina Nui Carzon, o Enelani, ua hoike mai na ano o na palapala mai Asia Uuku mai e hoomaka hou aku ana hoi na hana hoomawaewaewa a me na hana haunaele ma ia wahi i keia kau e hele nei.

 

KELA ME KEIA.

Ua ku mai ka Auseteralia i keia la.

Ua hoopae ia mai na ohua lima hana mai Kina mai, ma Kahakaaulana, ma ka Poaono nei.  Ua loaa kekahi mau ohua i ka mai puupuu, a eia lakou ke hoomal@ia nei e ka Papa Oia.

Ua hunahuna ia ke ano o kapalapala hoike ola a na'lii moku.  Nui ka huhu o ka Loio Kuhina, aka he kukaea wale iho no.

Ua halawai hou ae na Pukiki e kue aku i ka hoopae ia mai o na Pake, aka aole paha he waiwai o keia mau hana.

Ke hoi nei o Kuhina Willis, a me he la o kona hoi aku keia hoi loa.  Aole no paha e manana ana na Hawaii ia ia, mahope iho o ko lakou hoomaopopo ana i kana mau hana i keia lahui.

He 650 ka nui o na anoano o ka ipupu o kahi o L. B. Kerr. He 9 o 1355 i koho i keia helu.

 

 

L. B. KERR,

-ma-

NAE O KA HALEKUAI O MOGAN.

Alanui Moiwahine,     Honolulu H., I.

 

KE KALEPA POLOLEI MAI NA HALE HANA MAI.

 

E kuai ana i kekahi mea okoa a e kuai ai ma ka i-a ma ke kumukuai kukaa.

 

He kupono i na lede o hele mai e nana mua maa noi i ko makou puu waiwai nui mamua o ke kuai ana aku i kahi e aku.

O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE,

Na Lipine

Na Pua Papale

Na Hulu

Na L@hilihi

Na Mikialima

Na lole

Na Paku

Na Keokeo Uhi-moe

Na Kihei Huluhulu

ECT.    ECT.

L. B. Kerr,

ALANUI MOIWAHINE

Waikiki iho o ka Hale Kudala o Mogan.