Ka Oiaio, Volume VIII, Number 7, 10 April 1896 Edition 03 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

Nupepa Ka O@@@

“O KA PONO KA AIALII E OLA AI KA AINA”

 

BUKE 8.         HONOLULU, H. I. Aperila 10, 1896.           Helu 7.

 

NA

Keehina io Karisto La.

 

HAKUIA E MRS. E. G. WHITE.

 

KA ULU ANA AE ILOKO O KARISTO.

 

            Mai ae oe e alakai hewa ia mamuli o ka ka hewa mau pahele.  He nui ua aiea i hooikaika io @@ @@ pono, a i makemake e hooikaika no ke Akua, ana i alakai ai e hoopapau ma ko lakou mau hewa ponoi a me ka nawaliwali, a pela ma ka hookaawale ana ia lakou mai a Karisto mai, e lanakila maluna o lakou.  Aohe he pono ke hoolilo ia oe iho he kiko waena, a kanaiua a makau o ola ole oe.  Ke hoohuli ae nei keia mau mea a pau mai ke kumu aku o kou ikaika.  E waiho aku i ka malama ana i kou uhane i ke Akua, a @@linai aka ia ia.  E kamailio a e noonoo no Iesu.  E hoolilo loa ia ae iho nona.  E waiho aku i ke kanalua, mai hopohopo.  E olelo pu me Paulo, ka lunaolelo, “A o ke ola e ola nei au iloko o ke kino, e oiana au ma ka manaoio aku i ke Keiki a ke Akua, nana au i aloha mai, a haawi mai la ia ai iho nou.”  Gal. 2:20.  E noomaha iloko o ke Akua.  E hiki no ia ia ke malama i ka mea au i waiho aku ai ia ia.  Ina e waiho aku oe ia oe iho iloko o kona mau lima, e hoolilo oia ia oe he mea lanakila loa ma ka mea nana kakou i aloha mai.

            I ko Karisto lawe ana i ke ano kanaka, ua nakii ia ke kananka ia ia io me ka hipuu o ke aloha e hiki ole ai ke moku i ka mana o kekahi mea, koe wale no ma ke koho ana o ke kanaka.  E imi mau ana o Satana e hoowalewale ia kakou e uhaki i keia hipuu, - i koho kakou e hookaawale aku ia kakou iho ami a Karisto mai.  Nolaila he pono ia kakaou e makaala, e hooikaika, e pule, i ole e hoowalewale kekahi mea ia kakou e @o@@ i luna o ae, no ka mea aia no ia kakou ia mana.  Aka e nana mau kakaou ia Karisto, a nana kakou e hoomau.  Ma ka uaua ana ia Karisto e malu ai kakou.  Aohe mea e hiki ke kaili ae ia kakou ailoko ae e kona lima.  I ka nana mau ana ia ia, “Ua @oano hou ia makou ma ka like ana o ua aka ia, ma ka naui a mahuahua ana, a ko ka Maka nona ka Uhane,” 2 Kor. 3:18.

            Pela i loaa ai i na haumana mua ka like ana me ko lakou Hoola aloha.  I ka lohe ana o kela poe haumana i na olelo a Iesu, ua hoomaopopo lakou i ko lakou pilikia ke nele ia ia.  Ua imi, na loaa a na hahai ia ia.  Me ia pu lakou ma ka hale, ma ka papa aina, ma ke keena mehameha, a ma ka aina kula.  Aia lakou me ia me he mau haumana la me ke kumu, e loaa ana i kela a me keia la mai kona mau lehelehe main a olelo ao o ka oiaio hemo lele.  Ua nana lakou ia ai me he mau kauwa la i ko lakou luna, i ike lakou i ka lakou mea popoe hanai.  O kela poe haumana, he mau kanaka i like ko lakou “ano me ko kakou.” Iakaho 5:17.  Ua like ko kakou paio ana me ka hewa.  He pono e like ke kokuaia mai o ke Akua, i noho lakou me ka hemolele.  Ma kona ano maoli, aole no i like o Ioane, ka haumana i aloha ia, ka mea hoi i hoohalike loa me kea no o ka Hoola.  I kinohi he mea mahaoi a makemake i ka hanohano, he hikiwawe ma ka olelo a he huhu ke hoopilikiaia.  Aka i ka hoomaopopoiaua o ke Akua o Iesu ia ia ua ike oia i kona kina iho, a ua hoohaahaaia oia no ia ike ana.  Na ka ikaika a me ka hoomanawanui, ka maua a me ka menemene, ka hanohano a me ke akahai ana i ike ai i kela a me keia la iloko o ke Keiki a ke Akua i hoopina i kona uhane me ka mahalo a me ke aloha.  I kela la a i keia la na kauoia kona naa@@ o pili me Karisto, a nalowaie eia iloko o kona Haku.  Ua ae kona naau e huha a hookiekie i ka mana hooikaika o Karisto.  Ua hoohamau hou ka mana o ka Uhane Hemolele i Kona naau.  Ua hoololi ka mana o ko Kristo aloha i kona ano.  Oia no ka hope maopopo o ka hui ana me Iesu.  Aia a noho o Karisto iloko o ka naau na hooano e ia kea no holookoa.  Ua hoopio mai ko Karisto Uhane, kona aloha, i @a uhane a ua hapai ae I no noonoo a me na makemake i luna ae, i ke Akua a me ka lani. 

            I ko Karisto pii anae i ka lani, ua koe no kona uhane me kana mau haumana.  He uhane pili i kela a me keia mea, i piha me ke aloha a me ka malamalama.  O Iesu, ka Hoola, ka mea i hele pu a kamailio a pule pu me lakou, ka mea i olelo mai me ka manaolana a me ka malu i ko lakou mau naau, a oiai e puka ana mai ka olelo o ke male mai @@aa mau lehelehe mai, ua lawe ia i ka lani, a ua hoi mai ka leo o kona kamailio ana i ka puni ana o na anela he lehulehu ia ai, - “Aia hoi owau no me oukou i na manawa a pau, a hiki i ka hopena o keia ao,” Mat. 28:20.  Ua pii ae oia i ka lani ma ke aio kanaka.  Ua ike lakou aia no ia imua pono o ka nohoalii o ke Akua, he makamaka a he Hoola; e oia mau ana kona aloha menemene: e mau ana kona hui ana me na kanaka pilikia.  E hoike ana imua o ke Akua i ka waiwai o kona koko makamae, e hoike ana i kona mau lima a me kona mau wawae, me ka hoomanao ana i ke kumukuai ana i haawi ai no na mea ana i hoola ai.  Ua maopopo ia lakou, ua pii ae oia i ka lani e hoomakaukau i wahi no lakou, a e hoi hou mai ana oia a lawe aku ia lakou io na la.

            I ko lakou halawai ana mahope o kona pii anae, ua ake nui lakou e waiho aku i ka lakou mau noi imua o ka Makua iloko o ka inoa o Iesu.  Me ka eehia lakou i kulou ai e pule, me ka olelo.  “O na mea a oukou e noi ai i ka Makua ma kou inoa, oia kana e haawi ami ia oukou.  Mamua mai, aole oukou i noi mai i kekahi mea ma kou inoa: e noi a loaa ia oukou, i mahuahua ae ai ko oukou olioli.”  Ioane 16:23,24.  Ua kikoo ae lakou a kiekie ae ka lima o ka manaoio, me keia olelo ikaika “O Karisto kai make, oiai hoi, ua ala mai oiaa ua noho maka lima akau o ke Akua, a ke uwao ae la ia no kakou.”  Roma 8:34.  A i ka Pene@ebote na hiki mai ke Kokua, naua i olelo mai aia o Karisto.  “Ken oho nei ia me oukou, a iloko o oukou.”  A na olelo hou mai ia, “He pono no oukou e hele aku au; no ka mea, i ole au e hele aku, aole e hiki mai ke kokua io oukou nei; akau hele aku au, nau no ia e hooaua wai ia oukou.”  Ioane 14:17; 16:7.

            Ma ia hope mai e noho mau ana o Karisto, ma ka Uhane iloko o na naau o kona poe keiki.  Ua oi aku ko lakou pili ana me ia mamua o ka wa ana i noho kino ai me lakou.

            Ua puka aku ka malamalama o ke aloha a me ka mana o Karisto e noho ana iloko o lakou, a nolaila i ka ike ana o kanaka, “kahaha aku la ko lakou naau a hoomanao iho la lakou ua noho pu lakou me Iesu.”  Ohi. 4:13.

            E like me ko Karisto noho pu ana me kona mau hauniaua mua, pela ke makemake nei oia e noho pu kona mau keiki i keia ia, no ka mea iloko o kana pule hope me ka poe  haumana nuku e hoopuni ana ia ia, imai oia.  “Aole no lakou nei wale no kau e pule nei, aka, no ka poe hoi e manaoio mai ana iau ma ka olelo a lakou nei.”  Ioani 17:20.  Ua pule o Iesu no kakou, a ua noi aku oia i hookahi pu oia me kakou, e like me kona hookahi pu aua me ka Makua, Nani keia hookahi ana.  Ua olelo ka Hoola nona iho.  “Aole e hiki i ke keiki wale uo ke hana aku i kekahi mea.”  “O ka Makua e noho ana iloko ou, oia ke hana i na haua.”  Ioanae 5:19; 14:10.  Nolaila ina e noho aua o Karisto iloko o ko kakou mau naau, e hooikaika ana no ia, “i ka makemake a me ka hana, no kona manao aloha.”  Pilipo 2:13.

            E hana no kakou e like me kona haua ana; e hoike ao kakou i kona auo.  A pela o aloha ana ia ia a e noho ana iloko ona.

            “I aui ae kakou I na mea a pau iloko ona, oia o Karisto o ke poo.  Espeso 4:15.

 

KA HANA A ME KE OLA.

 

            O ke Akua ke kumu o ke ola a me ka malamalama a me ke olioli ma na ao a pau.  E like me na kakuaa malamalama mai ka la mai, e like me ka pua ana mai o ua kahawai mai ke kumu wai ola, pela ke k@he ana aku na pomaikai @@i ke Akua mai no na mea a pau.  A ina iloko o na naau o kanaka ke ola o ke Akua e hu ae no ia me ke aloha a me ka hoopomaikai ia hai. 

            Aia ka olioli o ko ka@@@ Hoola ma ka hapai ana a me hoo@a ana i @@@oka hewa.  No ia mea aole oia i @@@@@ @@ola, aka ua hoomanawanui i ke kea me ka manao ole i ka hilahila.  Pela no ke hooikaika mau nei na anela no ka pomaikai o hai.  Oia ko lakou olioli.  O ka mea i manaoia, he mea hoohaahaa i na naau alunu, ke kokua ana i ka poe i pilikia, ua mea ma ke kulana aialalo ae o ke ano a me ka noho ana, oia ka haua o na anela kina ole.  O ke ano o ko Karisto aloha e hoole ana ia ia iho, oia ke ano o na uhane ma ka lani, a oia kea no maoli o kona pomaikai.  O keia no ke ano o ka poe e hahai ana ia Karisto a me ka hana a lakou e hana ai. 

            Aia a hoonohoia ke aloha o Karisto ma ka naau, e like no ia me ka ala maikai aole hiki ke hunaia.  E hoomaopopoia kona hemolele e na mea a pau i halawai me ia.  O Karisto iloko o ka naau ua like me he punawai la ma ka waoakua, e kahe ana i pomaikai na mea a pau, a e hoolilo ana i na mea a pau e inu ana i ke koko e make, e makemake nui ana e inu i ke wai o ke ola.

            Ke hoike nei ke aloha ia Iesu i ka makemake e hana e like me kona hana, no ka pomaikai a ma ka hapai ana i kanaka.  E alakai ana i ke aloha, ka menemene a me ka makemake e hooluolu i na mea a pau i malamaia e ko kakou Makua ma ka lani.

            Aole i noho ka Hoola ma kea e nei me ka oluolu a me ka malama nui ia ia iho, aka ua hooikaika mau oia me ka hoomanawanui a me ka eleu paupauaho ole no ke ola o kanaka.  Mai kona hanau ana a hiki i kona make ana ma Kalivari ua hele oia iloko o ke ala o ka hoole ana ia ia iho, aole hoi i imi e hookuuia mai na hana kaumaha, na kaahelo ehaeha a me na hana hoopaupauaho.

            I mai ia oia, “Aole i hele mai ke keiki a ke kanaka no ka lawelaweia mai, aka, no ka lawelawe aku a me ka haawi aku i kona ola i kumuhoola no na mea he nui loa,” Mat 202:8.  Oia ke kumu nui o kona ola ana.  O na mea e aea pau na emi mai ka waiwai a ua kokua i keia mea.

            O kona mea ai a me kona mea inu oia ke hana i ka makemake o ke Akua a e hoopau i kona hana.  Aole i komo ka manao ia ia iho iloko o kana hana ana.

            Pela ka poe i komo iloko o ke aloha o Karisto ua makaukau lakou e hana aku, e like me ka hiki ia lakou, e komo pu hoi ua mea e ae iloko o ka haawina lani me ka mea i make no lakou i make.

            E imi lakou e hoopomaikai i ke ao nei me ko lakou ikaika a pau oia e noho ana ia nei.  Pela e ulu ae ai ka uhane i hoohauau hou ia.  Aia a hele kekahi io Karisto la na hanau ka makemake iloko o kona naau e hoike aku i na mea e ae i kona hoa makamae ana i loaa ai iloko o Iesu, aole i hiki ke hunaia ka oiaio e hoola ana a e hoolaa ana iloko a kona naau.  I na ua hoaahuia me ka pono a Karisto, a ua piha me ka olioli o ka Uhane e nohoana iloko aole i hiki ken oho leo ole.  I na ua hoao a ua ike i ka maikai a ka Haku, e hai aku no kakou.

            E like me Pilipo i kona loaa ana I ka Haku, e kono no kakou i na mea e@ae e hele ion a la.  E imi ana kakou e hoike a@u ia lakou i na mea nani o Karisto, a me na mea i ike ole ia o keia ao aku.  E nui ana ka makemake e hahai ma ke ala a Iesu i hele ai.  E nui ka iiui ana ike na mea e maliu ana ia kakou i nana lakou i ke keiki hipa a ke Akua, nana a lawe aku ka hala o ke ao nei. 

            A e hoi mai ka hooikaika ana e hoopomaikai ia hai me na pomaikai maluna o kakou iho.  Oia ka manao a ke Akua i kona haawi ana ia kakou i kekahi hapa o ka hana hoola.  Ua haawi mai oia i kanaka e komo pu me ia iloko o ke ano Akua, a ma ko kakou aoao e hoolaha aku i na pomaikai no na houkanaka.

            O keia ka hanohano kiekie loa, ka hanoli kiekie loa i hiki ai i ke Akua e waiho mai me kanaka.  O na mea i komo pu paia iloko o na hana aloha kai kokoke loa i ko lakou mea nana i hana.

            Ua hiki no paha i ke Akua ke haawi aku i ka hai ana i ka enanelio, a me ua hana aloha e ae i na anela o ka lani.  Ua hiki no paha ia ia ke koho i na mea e ae, e hooko i kona manao.  Iloko nae o kona aloha palena ole ua koho oia e hoolilo ia kakou i mau hoa hana pu me ia, me Karisto a me na anela, i hui pu kakou ma ka pomaikai, ka hauoli, ka hapaiiaua o ka uhane, ka hua o keia hana aloha.

            Ua hui pu ia ko kakou manao aloha me Karisto ma ke komo pu ana iloko o kona ehaeha.  Ua hooikaikaia ka naau o ka mea haawi me ko aloha a me ka hoole ia ia iho no ka pomaikai o hai, e hoohui ana ia ia me ka pililoa i ka Hoola o kea o nei.

            “Ua waiwai oia, a no oukou i liko nai ai ia i mea ilihune, i waiwai ai hoi oukou ma kona ilihune.” 2 Kor. 8:9.  A e like wale no me ko kakou hooko ana i ko ke Akua makemake i ka hana ana ia kakou e lilo ai ko kakou ola ana i mea e pomaikai ai.

            I na oe e hana aku e like me ko Karisto makemake no kona mau haumana, a hoohuli mai i na uhane nona, e ike no oe he pono ia oe ke komo aku iloko a ka ike hohonu ae a me ka ike i ke Akua i mahuahua ae, a e polloi a makewai oe no ka pono.  E koi aku oe i ke Akua, i hooikaikaia kou manaoio, a i inu nui ae oe ma ka punawai o ke ola.  O ka halawai ana me ke kue a me na mea hoao ka mea e huliae ai ia oe i ka Baibala a i ka pule.  E ulu ae oe iloko o ke aloha a me ka ike ana ia Karisto, a e mahuahua kou komo ana iloko o na hana waiwai.

            Ke haawi nei ka hana aloha no hai i ke ano hohonu, luli ole, a me ka nani o ko Karisto ano, a ua lawe mai i ka malu a me ka pomaikai i ke kanaka nana ia hana.  Ua hookiekieia na iini ana.  Aole wale i koe no ka molowa a me ke alunu.  E ulu ae na mea hooko i na ano aloha o Karisto a lilo i poe ikaika e hana no ke Akua.  E maopopo ko lakou ike ma na mea pili i ka uhane, e kupaa a e ulu ae ko lakou manaoio, a e mahuahua ka mana ma ka pule.  Ke kahea nei ka Uhane a ke Akua, i kona hana ana me ko lakou mau uhane, i na mea lokahi lani o ka uhane, oiai e pa mai ana kona lima.  O ka poe i hoolaa ia lakou iho no na hana aloha ne ka pomaikai o hai, o lakou ke hooko nei i ko lakou ola ponoi.

            Eia wale no ka mea e ulu ai kakou ma ka pono, oia hoi e hana me ka manao ole i ko kakou pono iho i ka hana a Karisto i waiho ai ia kakou, e kokua e like me ko kakou ikaika i ka poe nele.  Ke mahuahua nei ka ikaika ma ka hana, o ka hooikaika ana ka mea e mahuahua ai ke ola.  O na mea e hooikaika ana e malama i ke ola Karistiano mamuli o ka loaa ana o na mea e lako ai, oiai aole lakou i hooikaika ma ko Karisto hana, ua like lakou me ka poe e ai ana aole nae i hana.  O ka hope o keia ma na mea o ka uhane na like no me na mea o ke ao nei, oia hoi ka hoi i hope a me ka popo.

            O ke kanaka i manao aole e hana me kona mau lala, mahope no aole e hiki ke hana.  Pela no, e ke kanaka Karistiano i hooikaika ole me ka ikaika a ke Akua i haawi mai ai e lilo ana kona ikaika aole no e ulu ae iloko o Karisto.

            O ka ekalesia a Karisto, oia no ka hui a ke Akua i hookaawale ai no ke ola o kanaka.  O kona oihana no ia e lawe aku ai i ka enanelio i ko kea o nei.  Ka kau nei keia hana maluna o na Karistiano a pau. 

            O kela me keia mea e like me kona ikaika a me ka wa kupono, he pono ke hooko i ke kauoha a ka Hoola.  Ke hoolilo nei ke aloha o Karisto ia kakou a pau i poe aia i ka poe a pau i ike ole ia ia.  Ua haawi mai ke Akua i malamalama, aole no kakou wale iho no, aka, e haawi aku ia lakou.

            I na i ala main a haumana o Karisto e like me ka pono, e oa @au@aui ana na me e hoolaha ana i ka enanelio i ka poe pegana, iko keia la.  O na mea aole i hiki ke hele, e kokua ana lakou me ko lakou waiwai, me ko lakou aloha, a me ko lakou mau pule.  E mahuahua hoi ka hooikaika ana no na uhane ma ua aiea Karistiano.

            Aole waiwai ko kakou hele ana i na aina pegana, a haalele i na hana ma ko kakou mau home, ina malaila ko kakou hana kupono, i mea e hana ai no Karisto.  A hiki no ke hana kakou ia mea ma ka home, ma ka ekalesia, i waena o ko kakou mau hoa, a me na mea a kakou e halawai ai ma ka hana.

            O ka hapa nui o ka hana a ko kakou Hoola ma ka hale kamana o Nazareta, e hoomanawanui ana ma ka hana.  Ua kokua na anela ia ia oiai e hele pu ana me kanaka haahaa a me na kana ka hana, me ka ikea ole ia a me ka hoohanohano ole ia.  Ua like kona pono i kona hooikaika ma kona hana haahaa me ka wa ana i hoola ia i ka poe mai ma o Galilaia.  Pela no ma na hana haahaa loa a ma na wahi kiekie ole, ua hiki no ia kakou e hele pu a hana pu me Iesu.

            Ke olelo mai nei ka lunaolelo: “E na hoahanau, e noho no kela kanaka keia kanaka me ke Akua, ma ka mea ana i hea mai ai.” Kor. 7:24.  Ua hiki no i ke kanaka hana e hoonani aku i kona Haku ma kona i hana no kona kupaa ma ka pono.  Ina he haumana oiaio no Karisto, e hui pu no ia i kona ano haipule ma na mea a pau ana e haua ai, a hoike aku i ke ano o Karisto.  E hiki no i ke kanaka hana lima me ka hoomanawanui a me ka malama pono e lilo i mea hoike no ka mea i hana me ka haahaa ma na puu o Galilaia.  He pono i kela a me keia mea e hana i ike mai na mea e i kona mau hana maikai, a hoonani aku i ko lakou mea nana i hana a me ka Hoola.

            He nui na mea i hoola i ka haawi ana i ko lakou mau haawina no ko Karisto hana, no ka mea ua oi aku na haawina a me na pono o kekahi poe e ae.  Ua manaoia he pono i na mea akamai kupono wale no e hoolaa i ko lakou ikaika no ka hana a ke Akua.  Ua manaoia ua haawiia na talena i kekahi hapa i alohaia wale no, ua kapaeia ke koena mai ka hana a me ka ohi ana i na hua o ka hana.

            Aole nae pela ka hoike ana ma ka olelo naue.  I ke kahea ana o ka Haku i kona mau kauwa, ua haawi aku oia i kela kanaka i keia kanaka i kona hana.

            Me ka manao aloha e hiki ai ia kakou e hana i na hana haahaa “me he mea la no ka Haku, aole hoi no kanaka.” 1 Kol. 3:23.  I no o kealoha o ke Akua ma ka naau, e hoikeia no ma ka noho ana.  E hoopuuiia kakou e ka mea ala maikai o Karisto, a e lilo ko kakou mana i mea e hapaia ae a e  hoopomaikai.

            Aole he pono ia oe ke kali no na hana nui a me na talena oi aku mamua o kou hana ana no ke Akua, mai manao i ka olelo o ko kea e nei.

            I na ua hoike aku kou hana i kela a me keia la no kou ano maemae a me ka oiaio o kou manaoio, a ua maopopo ia hai kou hooikaika ana e hoopomaikai aku ia lakou, aole no e lilo kou hana i mea ole.

            E hiki no i na haumana haahaa a ilihune loa a Iesu e lilo, i mea e hoopomaikaiia hai.  Aole paha e maopopo ia lakou ua mea maikai a lakou e hana ai, aka e lilo ke lakou @aua i ike ole ai e lakou iho, i mea e hoomahuahua ae ai i na pomaikai a laula ae a hohonu ae, aole hoi e ike ia na hope pomaikai a hiki aku i ka la hope loa.  Aole lakou i manao aole hoi i hoomaopopoia ka nui o ko lakou hana.