Ka Oiaio, Volume I, Number 72, 10 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

NA

KEEHINA IO KARISTO LA.

HAKUIA E MRS. @ G. WHITE

KA ULU ANA AI ILOKO O KARISTO

(Hoomau ia).

            Ke malama ia nei ma ka poho o kona lima i na ao i helu ole ia o ke hoomanao nei no hoi i na pilikia o na manu liilii hauliuli ka mea e mele nei me ka makau ole.  Ua kiai mau me ke aloha a ka makua ma ka lani i na kanaka i ko lakou hele ana e hana a i ko lakou pule ana i ko lakou moe ana i ka po a i ko lakou ala ana i kakahiaka, i ka ahaaina ana o ke kanaka waiwai a i ka akoakoa ana o ke kanaka ilihune i kona mau keiki ma ka papa ai pakiko.  Aole i haule na waimaka me ko ke Akua ike ole.  Aole he wahi aka iki ana i hoomaopopo ole ai.  I na ua hoomaopopo maoli kakou i keia mea e hookukeia ka manao hookaumaha wale.  Aole e pili ko kakou ola ana me na manao hoopoho e like me keia wa, no ka mea e waihoia na mea a pau, he nui paha a he liiiii paha, ma na lima o ke Akua, ka mea nana aole i hoopiooia ma ia mea aole hoi i hookaumaha loa ia e lakou.  Alaila e loaa ia kakou ka maha a kakou i nele ai no ka wa loihi.

            E like me ka hauoli ana o kou mau maka i ka ike ana i na mea nani o keia ao, e noonoo oe i ke ao e hiki mai ana, kahi e pouli hou ole ai na maka i ka ponalo o ka hewa a me ka make, kahi e ike hou ole ia ai ka pouli o ka ahewaia.  E noonoo kou uhane no ka home o ka poe ola a e hoomanao na oi aku ka nani mamua o na mea nani loa o kou noonoo ulu wale.

            Ma na haawina o ke Akua o kela me keia ano he hapa loa ka nani ke hoohalike, ia me kona nani.  Ua ka kauia.  1 Kor. 2:9.  Aole i ike ka maka aole i lohe ka pepeiao aole hoi i komo iloko o ka naau o kanaka, na mea a ke Akua i hoomakaukau ai no ka poe i aloha ia ia.

            He nui na mea a ka mea haku mele a me ka ke kanaka noeau e olelo ai no na mea a ke Akua i hana ai, aka, ua oi aku ka hauoli o ke Karistiano @a ka mea nani o ke ao nei, no ka mea ua ike oia i na hana lima a kona Makua, a ua hoomaopopo i kona aloha ma na pua a me na laalaau a me na laau.  Aole i hoomaopopo pono ke kanaka i ke ano o na mauna a me na hahawai, ke ole ike i ko ke Akua aloha ma ia mau mea.

            Ke kamailio mai nei ke Akua ma kana mau hana, a ma ka mana o kona Uhane iloko o ka naau.  Ma na mea e puni ana ia kakou, ma na mea loli mau o kela me keia la, e ike ai kakou i na haawina e ao mai ana ina ua hamama ko kakou mau naau e hoomaopopo aku.  Ke i mai nei ka Luna haku halelu i kona ike ana i na hana a ke Akua, “Paapu ka honua i ka lokomaikai o Ieliowa,”  O wai la ka mea akamai a malama i keia mau mea.  O lakou ka i hoomaopopo i ka lokomaikai o Iehova.”  Ke kamailio mai nei ke Akua ia kakou ma kana olelo.  Ma ia olelo i hoike lea ia kona ano, a me kana hana me kanaka, a me ka hana nui o ka hoola.  Malaila na weheia imua o kakou ka moolelo o na makua a me na kaula a me na kanaka hemolele o ka wa kahiko.  He mau kanaka lakou i like ko lakou “ano me ko kakou” 1 Hal. 33:5:107:43.  Iakobo 5:17 ka mana i haawiia ia lakou, ke hoala mai nei ka uhane i hoa i ke aloha ma ko lakou mau naau i ke ahi o ke aloha ma ko kakou mau naau, a me ka makemake e hoohalikie me ko lakou ano e hele me ke Akua e like me lakou.

            Ua olelo mai Iesu no ke Kauoha kahiko a ua oi loa aku ka pili i ke Kanoha hou.  “A oia ka mea nana i hoike no’u,” 1 Ioane 5:39, ka Hoola, iloko ona i huiia ko kakou manaolana no ke ola mau loa.  A ke hoike mai nei ka Baibala holookoa no Karisto.  Mai ka mea mua i kakauia no ka hanaia ana o ka honua.

            “Aole kekahi mea i hanaia i hana ole ia e ia,” 2 Ioane 1:3. a hiki i ka olelo hopomaikai hope,”E, oiaio no e hele koke mai no au,” 3 Hoikeana 22:21, e pau ai ka ono o kou makewai.  O lakou no ka berena o ke ola mai ka lani mai.   Ke i mai nei Iesu, “a i ai ole oukou i ke kino o ke keiki o ke kanaka, a i inu ole hoi i kona koko, aole he ola iloko o oukou.”  A ua hoomaopopo oia i kana olelo penei, “o ka olelo au olelo aku nei ia oukou, he uhane ia a me ke ola.”  1 Ioane 6:52,63.  Ua kukuluia ko kakou mau kino mai na mea a kakou i ai ai a me na mea a kakou i inu ai a e like me na mea pili i ke kino, pela no ma na mea pili i ka uhane, o ka mea a kakou i noonoo ai oia no ka mea i hooikaika mai i ko kakou mau uhane.

            Ke makemake nei na anela e hoomaopopo i ke ano o ka hoola ana i kanaka, oia no ka mea e naauao ai a e mele ai na mea i hoolaia no na kau a kau o ke ao pau ole.  Aole anei he pono ia kakou e noonoo akahele a e imi ia mea i keia wa.  Ke kahea nei ka lokomaikai a me ke aloha palena ole o Iesu, ka mohai i kaumahaia no kakou, e noonoo me ke akahele a me ka eehia.  He pono ia kakou e noonoo nui ma ke ano o ko kakou Hoola aloha a me ko kakou Uwao.

            He pono ia kakou e noonoo ma ka hana o ka mea nana i hele mai e hoopakele i kona poe kanaka mai ko lakou hewa mai.  I ko kakou hoomanao ana ma na mea o ka lani, e mahuahua no ka ikaika o ko kakou manaoio a me ke aloha, a e oi aku ka loheia ana o ko kakou mau pule e ke Akua, no ka mea e mahuahua ka huiia ua me ka manaoio a me ke aloha.  E maopopo a pumehana ka kakou @ au pule.  E mahuahua ka @ n @ ana ia Iesu e hoao kakou i kela la a i keia la i kona mana e hoola a mau loa aku i na mea a pau i hele mai i ke Akua ma @na la.