Ka Oiaio, Volume I, Number 71, 9 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

John Bush, Luna Hooponopono a me Puuku

 

HONOLULU  APERILA 9, 1896

 

PILA AUHAU

 

            Ua hooholoia kekahi mau itamu o ka bila kanawai auhau kuloko. Ua hooholoia ma ka pauku elua penei: E auhau ia na eka i kanuia i ke ko i ka la 1 o Ianuari, ka raiki i ka la 1 o Mei. Ua hooholoia ka auhau kino ma ka $1, auhau kula $2; auhau alanui $2 maluna o na kane apau mai ka 17 a ke 50 makahiki.

            Ua noi o Sepata Haoking e hoololiia ma kahi e pili ana i ka auhau alanui, e ae ia hoi na kane e hana i ka auhau alanui ma ke 50 keneta o ka la, i na i makemake kekahi mea. Ua kokua o Kuhina Damon a me Senata McCan i keia hoololi.

            ua hooholoia hoi e kauia he $1 no na ilio kane, a he $3 no na ilio wahine. He auhau ana kupono loa keia, a he kumu paha e hoemi a i i ka nui o na ilio meopoli a hoopunahele a dless kekahi poe.

 

                                                UA HALA AKU MAO

 

            Ua hala aku ma kela aoao ko makou pokii a me ko makou mama aloha. Ua haalele mai ma keia ola ana ko makou pokii Stephen Kahele Kunukau, i ka la 15 March 1896.

            Ua hanau ia oia na A. H. Kumukau a me Kailaa Kumukau i ka la 19, o March 1877, ma Kanaio, Hanuaula, Maui, a ua hiki aku kona mau makahiki i ka 18, 11 malama, 25 la a kuu aku la ka luhi no ka wa mau loa.

            Aloha wale oia, o ke kanaka i hanau ia e ka wahine, he hapa kona mau la, a ua piha i ka popilikia.

            A ma ke awakea o ka la 20 o Maraki 1896, i haalele mai ai ko makou mama Kailaa Kunukau i keia ola ana, haalele maila ia makou na keiki na moopuna a me ka ohana.

            Ua hanau ia oia ma ka la 28  o Feb. 1834, mai ka puhaka mai o Kekuhaulua kane a me Kamaka wahine ma Kanaio, Honuaula, Maui, a na mare ia oia me Kumukau, i ka makahiki 1849, a mai laua mai na keiki he 15, a he 7 e ola nei. A o ka nui o kana mau moopuna e ola nei he 30, a o na kualua e ola nei he 5. Ke nui o kona mau makahiki ma keia ola ana he 62. He makuahine aloha oia he oluolu lokomaikai, heahea i na mea apau. A he, makuahine hooikaika ma ka pono o ka Haku.

            I luna i ke ao

            Kuu home mau

            He malilihini au

            Ma keia ao

            He wao akua nei

            He pilikia e

            Ka lani i luna, e

            Kuu home mau,

            Na Iehova no e haawi mai

            a nana no i lawe aku

            Hoonaniia ka inoa o Iehova

            O maua no me ke kaumaha

 

            David Kumukau     G. K. Kumukau,

            Kanaio, Honuaula, Maui,

            April 6, A.D. 1896

 

KELA ME KEIA

 

            Ua hoomaemae ia ka pa ilina ma Kawaiahao:

           

            Ua pii aku ke kopaa a ke $84 o ke tona.

           

            Ua noho ae hoi o G. Smithies he kakauolelo ma ke Keena o ka Hui                        

            Mokuahi o Poka ma.

 

            Mai poina e na hoaʻloha i ke kipa ana ae ma ka halekuai o N. S. Sach.

 

            Mai poina i na kuai hoemi ma kahi o B.F. Eblers (Bainaba).

 

            Mai poina i ka hele ae ma ka halekuai o Kerr, e kuai ai i mau lako no ke

            kino, oia i he emi na mea kuai ma ia halekuai.

 

            He aha mele ko keia po ma ka Y. M. C. A.  a ma laila e lohe ia ai ka leo o ke         kahuli leo kani, Mele Kuke.

 

            Mare ia o Miss May Cummins me Mr Charles Creighton i ka po Poakahi

            nei.

 

            He hula kai malama ia ka ma Paka Kuokoa e ka Hui Leilani.

 

            Ua lohe ia ae e hookumu hou ia ana kekahi nupepa haole, a me kekahi

            nupepa Hawaii.

 

            E pau ana ka oihana Kuhina noho o Amerika ma Hawaii nei mahope o ko

            Mr Willis hoi anaaku, wahi a ka nupepe Star o Wasinetona.

 

            Ua kuai kaokoa ia ka Halekuai lole no 10 o ka waiwai o J. T. Waterhouse ia

            E. W. Jordan.

 

            No ka loaa ole o ke kumukuai kupono ua hoopau ia ke kudala aina ma

            Manoa i ka Poakolu iho la. He elua wale no apana i kuai ia no $300 pakahi.

 

            Ke kue nei na kauka haole, na kuai waiona, a me ka kahi umiumi Iapana i ka

            laikini ia o lakou.

 

            Ua hoolaha ia mai ka papa helu hoike waiwai o na hui imi waiwai o na ano

            apau, ma ka P. C. Avataisa o keia kakahiaka.

 

            Ua hiki mai kekahi mau koi a ke aupuni Enelani no kona poe.

 

            Ke kau la ka pahi wakawaka o ke kaua ma Europa a me Aferika.

 

            Ua mare ia o Miss Aggie Gilmau ia Zachariah McKeaugue i ka Poakahi nei.

            E hoi ana laua i Waiahole e ao kula ai.

 

L. B. KERR

ma

NAE O KA HALEKUAI O MOGAN

 

Alanui Moiwahine,                             Honolulu, H.I.

 

KE KALEPA POLOLEI MAI NA HALE HANA MAI

 

E anai ana i kekahi mea okoa a e kuai ai ma ka ma a ke kumu-kuai kakaa.

 

He kupono i na leke e hele mai e nana mua maanei i ko makou puu waiwai nui mamua o ke ku a

 

O KA HOOKAHI SALA I KUAI IA MA KAHI

 O L. B. KERR. UA LIKE IA ME ELUA

MA NA HALEKUAI E AE.

 

O IA HOI UA LOAA IA OE NA LOLE

 

nona ke kumukuai Elua Dala HOOKAHI DALA WALE NO

            NA PAPALE

            na Lipine

            Na Pua Papala

            Na Hulu

            Na Lahilahi

            Na Mikinilima

            Na Lole

            Na paku

            Na Keokeo Uhi-moe

            Na Kihei Huluhulu

 

            ECT     ECT.

 

L. B. KERR

 

ALANUI MOIWAHINE

 

Waikiki iho o ka Hale Kudala o Mogan