Ka Oiaio, Volume I, Number 68, 6 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE 1.                                 HONOLULU, APERILA 6, 1896.                            HELU, 68

OIAIO PUKA LA

NA

Kuehina io Karisto La.

HAKUIA E MRS. E. G. WHITE.

KA ULU ANA AE ILOKO O KARISTO.

(Hoomau ia).

   Mae ae oe e alakai hewa ia mamuli o ka ka hewa mau pahele.  He nui ua mea i hooikaika io ma ka pono, a i makemake e hooikaika no ke Akua, ana i aiakai ai e hoopapau ma ko lakou mau hewa ponoi a me ka nawaliwali, a pela ma ka hookaawale ana ia lakou mai a Karisto mai, e lanakila maluna o lakou.  Aohe he pono ke hoolilo ia oe iho he kiko waena, a kanalua a makau o ola ole oe.  Ke hoohuli ae nei keia mau mea a pau mai ke kumu aku o kou ikaika.  E waihe aku i ka malama ana i kou uhane i ke Akua, a hilinai aku ia ia.  E kamailio a e noonoo no Iesu.  E hoolilo loa ia oe iho nona.  E waiho aku i ke kanalua, mai hopohopo.  E olelo pu me Paulo, ka lunaolelo, “A o ke ola e ola nei au iloko o ke kino, e ola’na au ma ka manaoio aku i ke Keiki a ke Akua, nana au i aloha mai, a haawi mai la ia ia iho no’u.”  Gal. 2:20.  E noomaha iloko o ke Akua.  E hiki no ia ia ke malama i ka mea au i waiho aku ai ia ia.  Ina e waiho aku oe ia oe iho iloko o kona mau lima, e hoolilo oia ia oe he mea lanakila loa ma ka mea nana kakou i aloha mai.

   I ko Karisto Lawe ana i ke ano kanaka, ua nakii ia ke kanaka ia ia iho me ka hipuu o ke aloha e hiki ole ai ke moku i ka mana o kekahi mea, koe wale no ma ke koho ana o ke kanaka.  E imi mau ana o Satana e hoowalewale ia kakou e uhaki i keia hipuu, --- i koho kakou e hookaawale aku ia kakou iho mai a Karisto mai.  Nolaila he pono ia kakou e makaala, e hooikaika, e pule, i ole e hoowalewale kekahi mea ia kakou e koho i luna e ae; no ka mea aia no ia kakou ia mana.  Aka e nana mau kakou ia Karisto, a nana kakou e hoomau.  Ma ka nana ana ia Karisto e malu ai kakou.  Aohe mea e hiki ke kaili ae ia kakou mailoko ae o kona lima.  I ka nena mau ana ia ia, “Ua hoano hou ia makou ma ka like ana o na aka la, ma ka nani a mahuahua ana, e ko ka Haku nona ka Uhane.”  2 Kor. 3:18.

   Pela i loaa ai i na haumana mua ka like ana me ko lakou Hoola aloha.  I ka lohe ana o kela poe haumana i na olelo a Iesu. ua hoomaopopo lakou i ko lakou pilikia ke nele ia ia.  Ua imi, ua loaa, a ua hahai ia ia.  Me ia pu lakou ma ka hale, ma ka papa aina, ma ke keena mehameha, a ma ka aina kula.  Aia lakou me ia me he mau haumana la me ke kumu, e loaa ana i kela a me keia la mai kona mau lehelehe mai na olelo ao o ka oiaio hemolele.  Ua nana lakou ia ia me he mau kauwa la i ko lakou luna, i ike lakou i ka lakou mea pono e hana’i.  O kela poe haumana, he mau kanaka i like ko lakou “ano me ko kakou.”  Iakobo 5:17.  Ua like ko kakou paio ana me ke hewa.  He pono e like ke kokuaia mai e ke Akua, i noho lakou me ka hemolele.  Ma kona ano maoli, aole no i like a Ioane, ka haumana i aloha ia, ka mea hoi i hoohalike loa me ke ano o ka Hoola.  I kinohi he mea mahaoi a makemake i ka hanohano, he hikiwawe ma ka olelo a he huhu ke hoopilikiaia.  Aka i ka hoomaopopoia’na a ke Akua o Iesu ia ia, ua ike oia i kona kina iho, a ua hoohaahaaia oia no ia ike ana.  Na ka ikaika a me ka hoomanawanui, ka mana a me ka menemene, ka hanohano a me ke akahai ana i ike ai i kela a me keia la iloko o ke Keiki a ke Akua, i hoopiha i kona uhane me ka mahalo a me ke aloha.  I kela la a i keia la ua kauoia kona naau e pili me Karisto, a nalowale oia iloko o kona Haku.  Ua ae kona naau e huhu a hookiekie i ka mana hooikaika o Karisto.  Ua hoohanau hou ka mana o ka Uhane Hemolele i kona naau.  Ua hoolohi ka mana o ko Karisto aloha i kona ano.  Oia no ka hope maopopo o ka hui ana me Iesu.  Aia a n@ho o Karisto iloko o ka naau ua hooano e ia ke ano holookoa.  Ua hoopio mai ko Karisto Uhane, kona aloha, i ka uhane a ua hapai ae i na noonoo a me ua makemake i luna ae, i ke Akua a me ka lani.

   I ko Karisto pii ana’e i ka lani, ua koe no kona uhane mo kana mau haumana.  He uhane pili i kela a me keia mea, i piha me ke aloha a me ka malamalama.  O Iesu, ka Hoola, ka mea i hele pu a kamailio a pule pu me lakou, ka mea i olelo mai me ka manaolana a me ka malu i ko lakou mau naau, a oiai e pu ka ana mai ka olelo o ka malu mai kona mau lehelehe mai, ua lawe ia i ka lani, a ua hoi mai ka leo o kona kamailio ana i ka puni ana o na anela he lehulehu ia ia, --- “Aia hoi, owau no me oukou i na manawa a pau, a hiki i ka hopena o keia ao.”  Mat. 28:20.  Ua pii ae oia i ka lani ma ke ano kanaka.  Ua ike lakou aia no ia imua pono o ka nohoalii o ke Akua, he makamaka a he Hoola; e oia mau ana kona aloha menemene; e mau ana kona hui ana me na kanaka pilikia.  E hoike ana imua o ke Akua i ka waiwai o kona koko makamae, e hoike ana i kona mau lima a me kona mau wawae, me ka hoomanao ana i ke kumukuai ana i haawi ai no na mea ana i hoola ai.  Ua maopopo ia lakou, ua pii ae oia i ka lani e hoomakaukau i wahi no lakou, a e hoi hou mai ana oia a lawe aku ia lakou io na la.

   I ko lakou halawai ana mahope o kona pii ana’e, na ake hui lakou e waiho aku i ka lakou mau noi imua o ka Makua iloko o ka inoa o Iesu.  Me ka eehia lakou i kulou ai e pule, me ka olelo.  “O na mea a oukou e noi ai i ka Makua ma ko’u inoa, oia kana e haawi mai ia oukou.  Mamua mai, aole oukou i noi mai i kekahi mea nia ko’u inoa; e noi a loaa ia oukou, i mahuahua ae ai ko oukou olioli.”  Ioane 16:23, 24.  Ua kikoo ae lakou a kiekie ae ka lima o ka manaoio, me keia olelo ikaika, “O Karisto kai make, oiai hoi, ua ala mai oia, a ua noho ma ka lima akua o ke Akua, a ke uwao ae la ia no k@ kou.”  Roma 8:34.  A i ka Penetekote ua hiki mai ke Kokua, nana i olelo mai aia o Karisto, “Ke noho nei ia me oukou, a iloko o oukou.”  A ua olelo hou mai ia, “He pono no oukou e hele aku au; no ka mea, i ole au e hele aku aole e hiki mai ke kokua io oukou nei; aka i hele aku au, na’u no ia e hoouua mai ia oukou.”  Ioane 14:17; 16;7.

                                                                                                            Aole i pau.