Ka Oiaio, Volume I, Number 66, 2 ʻApelila 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.         HONOLULU, APERILA 2, 1896.    HELU 66

 

OIAIO PUKA LA

 

KE KEA MAMUA O KE KALAUNU.

 

Mamuli o na manao kuhihewa i komohia iloko o n a Iudaio e pili ana i ke ano o ko Karisto aupuni, me he la na hiki ole loa ia lakou ke apo aku i ka manao, ua hiki hoi ia Karisto ke alii maluna o lakou mamuli o ke aloha aole hoi ma ka manao ikaika.  A nolaila, ia ia i olelo ae ai na hele mai oia he hoaloha na makukau lakou elu@ a ia (Luk. 4:16,29. Oiai hoi ua olelo mau aku oia ialakou e make ana oia, aole hoi kona aupuni no keia ao; (Ioane 18:36) e hele ana hoi oia i kekahi wahi e kii ana i kona aupuni; (Luk 19:10-12) a ua hoole hoopaakiki aku oia aole e ae e hooliloia i alii e lakou.  (Ioane 6:15.) ua hoopaakiki no no  nae kana mau haumana e kukulu ana o ia i kona aupuni, a hiki aku no i ka wa mahope iho o kona ala ou ana mai ka make mai, a e aneane aku ana e hoi hou i  ka lani me kona Makua.  Oih. 1:6.  Aka ua hoike aku hoi o Iesu Karisto i kana mau haumana he hana ka lakou @ hana aku ai mamua o kona kukulu ana ka oiaio o ka euanelio imua o na lahui kanaka a pau.  Oih. 1:8.  Ina aole ka ike ole maoli no o ka poe Iudaio i na olelo wanana, ina hoi ua ike iho lakou @a oleloia no Karisto oia hoi ke "Kanaka o ka pilikia" a e make ana oia mamua o kona lawe ana i ka nohoalii o kona makuakane o Davida.

Ua hoike mai hoi ke kaula Isaia i kona noho ana ehaeha ma keia ao ma mokuna 53.  Ua hoohuikau kuhihewa ka poe Iudaio i kona hele mua ana mai me ka haahaa me kona hele alua ana mai iloko o ka nani e lawe i kona aupuni.  I kona wa ma ka hoonua nei, na noho o Karisto ma ke ano Kaula, e like me ka wanana a Mose ma Kanawailua 18:15-18; Oih. 3:22,23.

I kona hoi ana ma ka lani, ua noho hoi oia ma ka nohoalii o kona makua (Heb. 10:12 he Kahuna mahope o ka papa kahuna o Melekikeka, Heb. 7:17.  I kona manawa e hele hou mai ai iloko o ka mana  a me ka nani nui, alaila oia eponiia ai he alii o na alii, he Haku o na haku; Hoik 19:16;14:14.  I kona manawa ma ka honua nei, e huli k@ aku hoi o Karisto oia i ka noho ana haahaa a me ka hoomau wana kanaka.  Ua hoao hoi o Satana e hoohuli iaia mai kana mea i manao ai, ma kona haawi ana aku ia Karisto i ke aupuni o ke ao nei a me ka nani a pau lakou.  mat. 4:8-10.  O ka uku hoi o keia lokomaikai o Satana a Karisto e hookaa aku ai oia hoi kona hoomana ana aku ia Satna.  Ma keia ano pa @a e loaa io mai ai ia Karisto ke aupuni, aka, ua lilo nae ia he mea e poino loa ai ka lahuikanaka holookoa.  No ka mea, ua hiki wale no ke kuai ia ke aupuni (Epeso: 1:14) a lukuia o Satana, mamuli wale no o ka make ana o Karisto. Heb. 2:14, 15.  A e like hoi me Karisto i kuai ai i ke aupuni ma kona hoole ana i kona mau makemake ma ke kino kanaka, a me kona haalele loa ana i na waiwai, na hanohano, a me na nanni o keia ao pela no hoi kana poe keiki e pale aku ai ia Satana, a e hoomanawanui i na ehaeha ina ua makemake lakou e noho pu me ia iloko o kona aupuni.  Roma 8:17; Oih. 14:23; Pil. 1:29.

 

HAAWINA HELUHELU BAIBALA.

 

KE AUPUNI O KE AKUA-O KARISTO KA DAVIDA KEIKI.

 

1  Owai kai loaa aku ia kakou, oia aku ana no ka Isaraela alii ma keia mua aku? Oia no ke Keiki a Davida.

2.  Owai hoi ka inoa o keia keiki e noho ana ma ka noho alii? Oih. 2:29, hapa mua a me 30.

"E na kanaka, na hoahanau, e hiki hoi ia'u ke olelo huna ole aku ia oukou no Davida ka makuaalii, * * * No ka mea, he kaula ia, a ua ike i ka hoohiki ana o ke Akua ana i hoohiki ai nona, no kekahi hua o kona puhaka ma ke kino, E HOALA MAI NO IA KARISTO E NOHO MA KONA NOHOALII."

3  Ko wai nohoalii la ka Gaberiela i olelo ai e loaa aku ana ia Karisto? Luka 1:31,32.

"Eia hoi, e hapai auanei oe, a e hanau i ke keikikane, a e kapa iho oe i kona, inoa o Iesu.  E nui auanei oia, a e kapaia @, O ke Keiki a ka Mea kiekie loa; a e haawi hoi nona o Iehova ke Akua i ka nohoalii o Davida o kona makuakane."

4  I ko Karisto wa ma ka honua nei, ua lawe anei oia i ka nohoa ii a me ke aupuni o Iseraela? Ioane 6:15.

"A ike iho la o Iesu, e kii mai ana lakou e lawe ia ia i hoolilo ai lakou ia ia i alii, hele hou aku la ia ma kekahi mauna, oia wale no."

5  I kona ninauia ana aku ina oia ke alii o na Iudaio, heaha kana i hoike mai ai oia ke ano o kona aupuni? Ioane 18:36.

"Olelo mai ia o Iesu, aole no keia ao ko'u aupuni, lua no keia ao ko'u aupuni, ina na kaua aku kou poe kanaka, i ole ai e haawi ia aku au i na Iudaio; aka hoi, aole no keia ao ko'u aupuni," Aole hoi no keia aupuni - aole e kakooia aku me na ikaika kaua, a me na ikaika o keia ao.

6  I ka manawa o na Iudaio i manao ai e lawe ana o Karisto ika nohoalii a me ke aupuni, pehea la oia i hoopololei aku ai i ko kakou manao kuhihewa? Luka 19: 11,12. (E heluhelu a ka pauku 28.)

"A i ko lakou hoolohe ana ia mea, olelo hou mai la oia i neia olelonane, no ka mea, ua kokoke oia i Ierusalema, a ua manao lakou e ike koke ia ke aupuni o ke Akua.  Nolaila i olelo mai ai oia, O Kekahi alii e hele ana i ka aina loihi aku e loaa ia ia ke aupuni, a e hoi mai."

7  "Aia mahea ke aupuni haawiia ia Karisto, a e pili ana hoi ka haawi ana me ka hana hea? Dan 7:13,14, hapa mua.

"A ike aku la no hoi au ma ka hihio ana i ka po aia hoi kekahi ua like oia me ke Keiki a ke kanaka e hele mai ana ma na aao o ka lani, a hele mai no ia i ka makamua o na la, a hookokoke lakou, ia ia imua ona.  O kona alii ana ua mau loa ia, aole ia e pau, a o kona aupuni aole ia e auhulihia.  A UA HAAWIIA MAI NONA KE ALII ANA A ME KE AUPUNI, i hookauwa nana na lahuikanaka, a me na aina e, a me na olelo e."  Aia keia mea e ike ia nei ma ka Lani, ma ka la o ka Hookolokolo (pauku 9 a me 10.)  O ka hooko ana hoi keia i ka mea i oleloia ma Luka 19:12.

8  I ka wa o Karisto i hoi ai no ka lani, heaha ke kulana ana i lawe ai? Hal 110:1; Heb. 8:1.

"Olelo mai la o Iehova i kuu Haku, E noho mai oe ma ko'u lima akau, A hoolilo iho ai au i kou poe enemi i keehina wawae nou."

"O na mea a makou i olelo ae nei, eia ka nui; pela ke ano o ko kakou kahuna nui, ka mea i hoonohoia ma ka lima akau o ka nohoalii o ka Moi ma ka lani;" He Kahuna Nui malona o ko ke Akua nohoalii.

9  He nohoalii kaokoa anei ko Karisto mai ko ka Makua mai? Hoik. 3:21.

"O ka mea lanakila, e haawi no au ia ia, e noho pu me au ma ko'u nohoalii, me au i lanakila ai, a ua noho pu me ko'u Makua ma kona nohoalii."  Oia no ka nohoalii o Davida (Luka 1:32)

10 I ka manawa hea oia e lawe ai i keianohoalii a me keia aupuni? 2 Tim. 4:1.

"Na Paulo he lunaolelo na Iesu Karisto ma ka makemake o ke Akua mamuli o ka olelo mua no ke ola iloko o Karisto" Ma kona hoea hou ana mai,-kona hiki alua ana mai. (Mat. 25:31.)

11 I kona wa e hele mai ai i kona hiki alua ana m(Hoik. 19:21-15) heaha @ kona inoa a@? Hoik. 19:16.

"A ma kona nahu a ma kona uha ua palapalaia ka inoa KE ALII O NA'LII A ME KA HAKU O NA HAKU."  Aia keia mahope o ka loaa ana mai o ke aupuni mai kona Makua. (Dan. 7:31,14.)

12 Ua lilo iho la na aina o na aupuni honua, heaha? Hoik. 11:15, hapa hope. (Dan. 2:35,44.)

"A oia ke Alii e mau loa ana i ke ao pau ole."

13 I hea aku la keia aupuni e ku ai, a pehea la ka loihi o keia aupuni e ku ai? Dan. 7,27.

"Aka, o ke aupuni, a me ke alii ana, a o ka nani o mai i na kanaka haipule o ka Mea kiekie, o kona aupuni he aupuni mau loa ia; a o na'lii a pau, e hookauwa aku, a e malama aku no hoi ia ia."  MALALO IHO O NA LANI A PAU, -oia hoi maluna o keia honua a pau.

14. O keia no anei ke aupuni i haawi ia ai @ kanaka i ka hookumu ia ana o na mea a pau? Mat. 25:34. (Heluhelu pauku 32-34.)

"Alailaa, e olelo aku ke alii i ka poe ma kona lima akau, E hele mai oukou, e ka poe i hoomaikaiia e ko'u Makua, e komo oukou i ke aupuni i hoomakaukauia no oukou mai ka hookumu ana mai o ka honua."

E. H. G.