Ka Oiaio, Volume I, Number 62, 27 Malaki 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

_______________

G. BUSH, LUNA HOOPONOPONO A ME PUUKU

_______________

HONOLULU. :  :  MRAKI 7, 1896

_______________

KA HALAWAI A KA LEAGUE AMERIKA.

_____

 

            Ua aoakoa ae na hoa o ka League Amerika ma ka ponei e kuka no ka ninau paahana Asia. Malalo o keia ninau, ua waeia he meau moho kakaolelo no na aoao elua o ka ninau, no ka pono a me ka ole o ka hoopae ana mai o ua limahana emi, o Asia, e kue ana i na limahana haole, a me ka aoao, he pono no ka hoopae limahna ana. Ma ka aoao kue, ua heluia mai na kumu kue, penei: Ua ai a ua aahu lakou i na mea a pau mai Iapana mai, a o ke dala i loaa i na paahana, e hoihoi ia ana hoi no Iapana. Heaha la ka wai wai ma keia ano hana? wahi a ke kakaolelo.  Ua laweia mai ke ku ana o na hale hookamakama, he kumu kupono e hoopania ai ke kuikahi me Iapana. Ua hoike mai na Pukiki i ko lakou kupono he paahana, no ke aha la i lawe oleia lakou ma kahi o ka lahui Iapana. No ke aha i hoolimalima oleia ai na limahana negero" He poe paahana anei kekahi i oi aku ka maikai mamua o ke ano kanaka no Haweii nei. Ma ka aoao o ke kue i na Asia, me he la, ua mama loa na kumu. He mau kumu no, a he mau kumu kupono no kekai, aka, aole i maopopo i ka haiolelo o ia aoao ke hoike mai no laila, na uhipuia ia aoao e ka aoao kakoo i ka hoopae ana mai i na limahana emi na lahui Asia mai.

 

______

KA MA'I FIVA INFLUENZA.

______

            O keia ke ano nui o na ma'i fiva o keia mau la. Penei kona ano:  "He lia a he wela; he anu ma ke poo, a he kahe nui ka wai ma ka ihu; he ula mai ka maka a wainui; maneo ka puu; ha ka leo; eha mai ka puu; he kunu maloo maneo mai, he eha a he paakiki ke hanu ae; he nawaliwali nui, ikaika ka fiva; hiaa, amoe pono ole paha; he ekolu a hiki i ka umi la, ka manawa o keia ma'i fiva.

            Ke ole makou e kuhihewa, o keia kekahi o na mea ano nui o keia mau la, a ua ulu mai hoi mamuli o na loli hikiwawe ana o ke ea, a no na ea maikai ole hoi kekahi.

            O ka lapaau maikai no keia ma'i , no ka poe nele, oia hoi, ua huluhulu i hooma-uia me ka waiwela a wahi iho i ke kino, me ka uhi ana i ma'i mai ka pa ana a ka makani e huihui koke ai; auau i ke ea mahu; hanu i ka mahu waiwela; e hoomau i ka huluhulu i ka waiwela mak kahi o ke akemama ma ka umauma a ma ke kua; a e hamo me ka wai maoli a wai i hoopauia ka huihui ino, me ua wahi wai maoli i na he kiekie ka fiva. O keia iho la na lapaau ano nui. Ina he kauka kokoke, a he hiki, o ke ao a ke kauka lapaau ka oi aku o ka maikai e hahai ia. He kupono hoi e hanuia ka mahu waiwela in a he nui ka paa mai o ka umauma a me ka puu. Ina ua paa mai ka ihu, he nui ka oluolu in a he hamoia ke kuiki aila a aila vasalina paha. O keia iho ke alakai ana a kekahi o na loea lapaau akamai. Wahi ana iho o ka ohana ia lakou iho, malalo o na alakai a ka noonoo maikai ana, a no na ma'i kukonukonu na na kanaka aku.

 

______

KELA ME KEIA.

______

 

I ka la apopo e ku mai ai ka mokuahi Belgic io kakou nei.

           

I keia auina la e ku mai ai ka Malulani io kakou nei, me na huapala maka onaona.

 

O ke Compone GDH a me NGH na puali e hookahakaha ana i keia ahiahi me na kuaua.

 

Ua halawai aku ka Bana P.G. o ke ahiahi nei me na kulupakaua o Maki Ailana.

 

Na Job Naukana e hoolawa nei kekahi mau kolamu heluhelu o ka nupapa Kuokoa e oili pulelo aku ana i keia pule.

 

He elima põe pake i hoopaiia i keia kakahiaka mo ke kue ana i na rula a ka Papa Ola, oia hoi ko kakou lawaia ana maloko nei o ka uapo.

 

Me he la e piha ana paha ke Keaka e malamaia ana ma ka Poaono e hiki mai ana, aohe hewa o ka hele wale ana malaila e hoohala mnawa ai.

 

Aole i hoikeia mai ka olelo hooholo e pili ana n na Iapana, me he la ma ka nana aku aole no e apono aku ana ke aupuni i ka ke Pukiki hoi.

 

E malamaia ana he aha hulahula ma ka Paka Kuokoa e na keiki hoehoe waapa o ka Leilani i ke ahiahi Poalua o keia mahina ae Aperila 7th.

 

I ka la hope o keia mahina e kuai kudala aku ai o W.S. Luce i na loko noho hale o A. S Willis no kona huli hoi ana aku no kona aina hanau.

 

            Ma ka auina la onehinei ke ku ana mai o ka Mikahala, mamauli o ka ino oia i ulolohiloa ai, a me he la e holo hou aku ana oia i keia auina la no Kauai e hoopiha kopaa ai.

            I ka Poakolu o keia mahina ae Aperila 9 e wehe ia ae ai he aha mele ma ka Y.M.C.A E wiki mua ae no kakou i ke kititi, mamua o ko kakou lohe pepeiao mai ia hai mai.

            Iloko o Feb. 13 i pauaho mai ai o Julian F. Pinn i keia ola ana a ninau hookahi aku la ma kela aoao o ka poepoe honua iloko o 58 makahiki o kona ola ana maluna o ka ili honua nei.

            Eia no o W.S. Luce ke hoomau nei no i ke kuai hoopoho ana i na lako a me na pono waiwai o kahi o H. W. Schmid & Co. E naue ae kaua me ka kaua sia i loaa ai na lole pumehana o ke aluna ahiahi.

 

L.B. KERR,

------ ma ------

NAE O KA HALEKUAI O MOGAN.

 

Alanui Moiwahine,     :           :           :           :           Honolulu H.I.

______

 

KE KALEPA POLOLEI MAI NA HALE HANA

 

MAI.

 

______

 

            E kuai ana i kekahi mea okoa a e kuai ma ka ma a ke kumu-kuai kukaa.

 

______

 

            he kupono i na lede e hele mai e nanan mua maanei i ko makou puu waiwai nui mamua o ke kua

 

O KA HOOKAHI DALA I KUAI IA MA KAHI

O L. B. KERR UA LIKE IA ME ELUA

MA NA HALEKUAI E AE.

 

______

 

OIA HOI, UA LOAA IA OE NA LOLE

 

nona ke kumukuai, Elua Dala HOOKAHI DALA WALE NO

NA PAPALE

Na Lipine

Na Pua Papale

na Hulu

Na Lihilihi

Na Mikinilima

Na Lole

Na Paku

Na Keokeo Uhi-moe

Na Kihei Huluhulu

 

ECT     ECT

 

L. B.  KERR

ALANUI MOIWAHINE

Waikiki iho o ka Hale Kudala o Mogan