Ka Oiaio, Volume I, Number 62, 27 Malaki 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.         HONOLULU, MARAKI 27, 1896.  HELU. 62

 

OIAIO PUKA LA

 

HOOWAHAWAHA KA ISERAELA I KE AKUA.

 

            Ua oi aku ka ike o ke Akua i ka mea kupono no ke kanaka mamua o kanaka.  I ka manawa ona i kahea ai i na Iudaio e hemo mai Aigupika mai, ua lawe ae oia ia lakou i poe keiki ponoi nana, a ua olelo paa aku e nohoaku oia i Akua no lakou. (Ier. 11:4.)  Aole wale o keia, aka, ua olelo paa aku no hoi oia, e hoopomaikai ana oia ia lakou ma na kihene a me na waihona, e hoonoho ia lakou ma kahi kiekie, maluna o na lahui-kanaka a pau o ka honua, a e haawi aku ia lakou i ka lanakila maluna o ko lakou poe enemi. (Kan. 28:11 – 4.)  Ua kauoha no hoi oia e hoonoho i kona hale mawaena o lakou, a e hele pu iwaena o lakou.  (Oih@. 26:10, 11.)

            Aka hoi, ua hoomanao ole loa lakou i keia mau pomaikai, na huli aku la mai ke Akua, a ua hoowahawaha i kona nohoalii ana maluna o lakou, a e makemake ana i alii no lakou e like me na lahui pouli o ke ao nei.  Iloko no o kei hoowahawaha o lakou i keia mau pomaikai nui kamahao, oia hoi ko ke Akua noho pu ana mawaena o lakou, a me ka hele ana mamua o lakou he alakai lanakila no lakou, eia no e nana mai no hoi i ko lakou ma@ alii.  I ka wa o Davida ma ka nohoalii, ua kauoha paa aku ke Akua e mau loa aku ana hoi kona aupuni, a e noho mau loa aku ana kana keiki maluna o ka nohoalii.  2 Sam. 7:12, 15; Hal. 89:4.  Ma ka ke kanaka ike aku ua haule keia olelo ka@oha paa, no ka mea, ua hookahulihia ia ke aupuni i ko Zezekiah nohoalii ana, ka hope o na lii Iudaio i noho ma ko Davida nohoalii o kona lalani, a ua lawe pi@ ia a noho kaukau aku malalo o ke alii o Babulona.

            I ke Akua i olelo ai no ka hookahulihia ia ana o keia aupuni, ua i ae oia, “na’u no e hookahuli, hookahuli, hookahuli ia mea; a e ola ia, a hiki mai ka mea nona ia pono, a e haawi au ia nona.”  Ez. 21:27.  Eia hoi ma keia he ekolu hulihia ana i wanana ia.  O ka hoohulihia mua oia no kana Media Peresia i ke aupuni Babulona, ka lua o ka hulihia ana o Medio-Peresia ia Helene, a o ke kolu i ka manawa o Helene i hulihia ai; ke aupuni Roma.  He kauaha makahiki mahope mai o ka make ana o Karisto ua hoopuehuia ka poe Iudaio i na wahi a pau o k@ honua, mamuli o ko lakou hana hewa, me ka ike hou @le akumahope e noho mai ana kekahi keiki a Davida ma kona nohoalii, “a hiki mai ka mea nona ia pono.”  Ua pau loa aku hoi ka Davida poe keiki koe hookahi, a oia mea hookahi ka Iesu i kamailia ai, (Mokuna 9:6, 7,) ka mea e noho la ma ka noho alii o kona Makua maloko o ka la@i. Heb. 8:1.  No hookahi ta@sani ewalu haneri makahiki a oi aku ka poe Iudaio i hoopuehu ia ai iwaena o na lahui kanaka o ke ao nei, me ko lakou alii ole.  Ua noho hoomalu hoi ke aupuni Roma, ke aupuni nana i hoopio ia lakou, a hoopuehu i ka lahui Iudaio, a ua mahelehele ia aku hoi oia iloko o na aupuni he umi.  (E nana i ka hawina heluhelu Baibala maluna o ka wanana o ka mokuna 2a Daniela.)

            I na la hoi o keia mau aupuni i mahelehele ia aku ai o Roma, iloko oia manawa e kukulu mai ke Akua o ka lani i kakahiaupuni, ka mea e noho mai ana no na manawa pau ole. Dan. 2:35, 44.

            Aole hoi keia aupuni i hoopaaia i ka poe Iudaio maoli ma ke kino, aka no na Iudaio wale no i lilo he Iudaio ma ka manaoio ia Iesu Karisto: a oia pono hoi e huii pu ana i na keiki a pau a Aberahama ma ka manaoio. Gal. 3:6, 29.

 

HAAWINA HELUEHLU BAIBALA.

 

KE AUPUNI O KE AKUA.

 

1  Mahope o ka lilo ana o ke aupuni mua, ma o Adamu la, heaha ka ke Akua i kauoha mai ai e haawi hou mai ana?  Puk. 11:5,6 (hapa mua.)

“A ma hoolohe io mai oukou i ko’u leo, a malama hoi i ko’u berita, alaila e lilo anei oukou i waiwai no’u, mamua o na kanaka a pau; no ka mea, no’u no ka honua nei a pau.  E lilo no hoi oukou i aupuni kahunapule no’u, a he lahuikanaka laa.”

Oiai hoiaia ke anpuni, ma kona ano nui ma ka lima o Satana (Ioba 9:24; 1 Ioane 5:19), ua makaukau no nae ka Haku e lawe hou aku ia Iseraela, ina e hoolohe, a mai ka poe i laweia e hoolilo hoi ia lakou i a@puni (kanaka) iloko o ke aupuni i lawe wale ia e Satana, a hiki i ka manawa o ka mea lawepio e lawepio ia ai a hoohulihia ia hoi kona aupuni.  Ier. 11:4.

2  Ua manaoio anei ka poe Karistiano he aupuni lakou i kahea ia aku mai ka pouli mai?  1 Pet. 2:9

“Aka, o oukou, he hanauna i waeia, he poe kahuna alii, he aupuni kanaka hemolele, he poe kanaka nona ponoi; i hoike aku ai oukou i ka maikai o ka mea nana oukou i hea mai, mai loko mai o ka pouli a i ka malamalama kupanaha ona.”

3  I ka wa a na Iseraela i noi aku ai e noho mai kekahi kanaka i moi no lakou, ua hoowahawaha aneilakou i ke Akua he alii no lakou?  Sam. 8:4, 5, a me hapa hope 7.

“A laila, hoakoakoa ia ae la na luna kahiko, a pau o ka Iseraela,a hele mai io Samue la la ma Rama, i mai la ia ia, aia hoi ua elemakule oe, aole i hele kau mau keiki ma kou mau aoao: ano e hoonoho oe i alii no makou, nana makou e hooponopono e like me na lahui-kanaka a pau. * * * no ka mea, aole lakou ia’u, i alii ole ai au maluna o lakou.”

Ua noho hoomaluia hoi keia lahuikanaka e ke Akua ma o na kaula la; i keia wa nae, ua makemake lakou i alii ka@aka no lakou i like ai hoi me na aupuni e ae o ka pouli kahi o lakou i kahea ia ai e hemo mai

8  I ka manawa o Davida i lilo ai he moi no lakou, heaha ka ke Akua i olelo kauoha aku ai ia ia? Hal. 89:3 (Pauku 35 – 37.)

“Ua hoohiki aku au no Davida, ka’u kauwa, e hoonoho paa loa au i kau poe mamo, a e hana no hoi au i nohoalii nou no na hanauna a pau.”

9  Ua kapaia anei ka nohoalii o Davida, oia ka nohoalii o ke Akua?  1 Oihlii. 29:23, hapa mua.

“Alaila, noho iho la o Solomona maluna o ka noho alii o Iehova, i alii ma kahi o Davida o konamakuakane, a he pomaikai kona:”

10  Owai ke alii hope i nohoalii iho maluna o ka nohoalii o Davida, a no keaha oia i hoowahawahaia ai? 2 Oihlii 36:11, (hapa mua) a me 13.

“He iwakaluakumamakahi makahi o Zedekia i kona wa i nohoalii ai. * * * Kipi no hoi oia i ke alii ia Nebukaneza, ka mea nana i kena mai ia ia e hoohiki i ke Akua; hooolea ia i kona ai, a hoopaakiki ia i kona naau i huli ole ai ia Iehova, ke Akua o ka Iseraela.”

11  Heaha, ka ke Akua i olelo ai no keia alii a me kona aupuni?  Ex. 2:25 – 27.

“A o oe, e ke alii aia hewa o ka Iseraela, ua hiki mai kona la e oki ai ka hewa.”

“Na’u no e hookahuli, hookahuli, hookahuli ia mea; a e ole ia, a hiki mai ka mea ia ia ka pono, a e haawi au ia nona.”

12  Ua noho anei kekahi o na keiki a Davida maluna o ka nohoalii o Iseraela maliope mai oia wa?  Aole.

13  He keiki no anei ka Davida e ola nei e lawe ae ai i kona nohoalii?  Isa. 9:6, 7, (hapa mua.)

“No ka mea, ua hanauia mai he keiki no kakou, no kakou i haawi mai ai he keikikane, maluna o kona poohiwi ke aupuni; a e kapaia kona inoa o Kupaiahana, Kakaolelo, o Keakuamana, o Kamakuamanaloa, o Kealiiokamalu.  Aole e pau ka mahuahua ana o kona aupuni a me ka malu, ma ka nohoalii o Davida ia a ma kona aupuni @ hoi.”  He kuleana kona i ka nohoa ii. (Ex@ 21:27.)

Hookahi heluhelu i ko@ ma keia kumumanao.

            E. H. G