Ka Oiaio, Volume I, Number 61, 26 March 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.          HONOLULU, MARAKI 26, 1896          @1

 

OIAIO PUKA LA

HE POE MALIHINI MA KA HONUA NEI.

 

  Iloko o na au a pau mahope iho o ka haule ana o ke kanaka, he noho ana malihini wale no ko ke Akua poe kanaka ma@ keia honua.

  Ua olelo ae ka Haku aole kona poe no keia honua, e like me ia aole hoi no keia ao. Ua hele mai o Karisto ma ka honua ana i hana ai, (Ioane 1:10,) aka ua hoino aku no kona poe kanaka ia ia, a ua hooliloia kona ola ana he noho ana kaumaha. Aole hoi he wahi ona e waiho ai i kona poo (Mat. 8:20.) No keaha mai ke kumu o keia? No ka mea ua hoolilo ia aku ka honua nei maloko o ka lima o ka enemi, kela mea hewa, (Ioba 9:24,) ka mea maau i ke Keiki a ke Akua. Ua hookomo aku o Satana iloko o ka naau o kanaka e hoolilo i ko Karisto noho ana i noho ana paakiki loa, no ka mea, ua hele mai oia e noho pu iloko o ke aupuni o ka noho ana pouli, e lawe aku ai hoi mailoko ae o na pouli la, ina he mea hiki, i kekahi poe mai keia ao e lilo i poe kupa no kona aupuni o ke aloha a me ka lokomaikai. No ka makemake ole hoi o Satana e lilo aku kanaka o keia aupuni i lilo mai ia ia mai a Adamu mai, ua hookaumaha aku hoi oia i ko Karisto noho ana a hiki wale i kona make maewaewa ana ma ke kea, mamuli o kona hookomo ana i kona mau manao lili a me kona inaina iloko o ka naau o na Iudaio. Oiai hoi ka Karisto poe keiki ma keia ao, aka aole nae lakou e like aku me ko keia ao, oia hoi, oiai lakou ma keia honua aole lakou e hana i na hana hewa o keia ao, a no ia kumu, ua inaina o Satana a me kana poe keiki ia lakou. (Ioane 17:14)  O keia iho la ke kulana i na wa a pau. Ua inaina hoi o Kaina i kona kaikaina, ia Abela, no kona maikai ana a no kona hoolohe i ke Akua. (Ioane 3:12.) Ina i hooko ole o  Ahela i ka ke Akua mau kauoha, alaila ua aloha o Kaina ia ia. He malihini a he noho manawa wale no o Aberahama (Kin. 23:4) ma keia honua, a aole hoi he hookahi kapuai honua aina i ona ia e ia, koe wale no kahi ilina (Oih. 7:15) i kanuia aku @ oia a me kona ohana. Ua olelo o Davida "no ka mea he malihini au me oe, he p@ noho pokole wale no e like me ko'u mau makua." (Hal. 39:12.) A ua kakau aku o Petero i kona mau hoahauau e i ana, "ke nonoi aku nei a'u ia oukou, me he poe malihini la a me he poe lewa la." 1 Pet. 2:11.

  O ka poe e hoopapau ana e imi i na hanohano, na waiwai, a me na lealea o keia ao, aole lakou iloko o ko Karisto aupuni, aka, aia no lakou iloko o ke aupuni o ke ao nei, a ua kapaia hoi lakou e
Davida, "ka poe aia e maluhia ana ma ke ao nei." Hal 73:12; a Davida hoi i pule ai e hoopakeleia mai oia mai "ka poe ma keia ao i loaa ko lakou waiwai i keia ola ana." Halelu 17:13,14. Aka nae, aole loa kekahi poe e olelo ana he hoohalike oia me ke ano o ke Akua, e loaa ana ko lakou mahele ma keia noho ana, ua heluia he lala no ko Karisto aupuni, aka, na heluia lakou he poe noho ma keia ao a aole hoi he poe malihini a he poe noho manawa wale iho no. Maluna oia poe e hiki mai no ka la ka Haku me he pahele la. (Luka 21:35). Ua olelo hoi ka apokolo Iakoba no ka poe i noho aloha me ko keia ao, o lakou na enemi o ke Akua. Iakoba 4:4. Ua heluia lakou he poe malalo o ka mana o Satana, ke akua hoi o ke ao. O ka hana a ka euanelio no keia poe, oia no "e hookaakaaia ko lakou mau maka, a e hoohuli ia lakou mai ka ponli a ka malamalama, a mai ka mana mai o Satana a i ke Akua, i loaa ai ia lakou ke kala ana o ka hala, a me ka hooilina mawaena o ka poe i hoomaemaeia e ka manaoio mai ia'u." Oih. 26:18.

 

HAAWINA HELUHELU BAIBALA.

 

KE AUPUNI O KE AKUA.

 

  1  I ka hookumu ia ana o ka honua, ia wai ke Akua i waiho aku ai i kona aupuni? Kin. 1:26 (Hal. 8:6--8.)

  "I iho la ke Akua, e hana kakou i ke kanaka e ku ia kakou, ma ka like ana me kakou iho, a e hoalii ia ia maluna o na i-a o ke kai, maluna hoi o na mana o ka lewa, maluna hoi o na holoholona laka, a maluna hoi o ka honua a pau. a maluna no hoi o na mea kolo a pau, e kolo ana ma ka honua."

  2  Ua lilo anei i ke kanaka ka hooponopono ana o ka honua? Heb. 2:8.

  Ua waiho ia aku na mea a pau malalo o ke kanaka (pauku 5--8.) aka ua loli ae i keia manawa. "Ke @ke nei kakou i keia manawa aole i waiho ia al@ @na mea a pau malalo ona."

  @awai i hoowalewale ke kanaka a lawe ae i kona aupuni? Hoik. 12:9. (hapa mua.) Kin 3:1--4; Rom 6:16.

  "Kipakuia'ku la ua deregona nui nei, oia hoi ka mookahiko i kapaia o ka diabalo." Aole wale i nele ko ke kauaka kuleana ma kahonua, aka na lilo oia i kauwa na Satana. (2 Pet. 2:19.)

  4 Heaha la ka Karisto i kapa aku ai ia Satana? Ioane 14:30 (Mokuna. 12:31:16:11; Eph. 2:2.)

  "Ma keia hope aku, aole au e kamailio nui me oukou: no ka mea, e hele mai ana ke alii o keia ao, aole e loaa ia ia kekahi mea iloko o'u."

  5 Ua olelo ia no anei he aupuni ko Satana? Mat. 12:26; (Hoik. 11:13.)

  "Ina paha o Satana e mahiki aku ia Satana, ua mokuahana oia ia ia iho, a pehea la hoi e mau ai kona aupuni?"

  6 Heaha ko Satana mana i kapaia iloko o ke aupuni? Colosa 1:13 (hapa mua.) He mana o ka pouli.

  "Nana hoi kakou i hoola mai ka mana mai o ka pouli."

  7 He hakoko no anei ka poe i lawe ola ia aku iloko o ke aupuni o ka lani me ko Satana mana? Col 1:13; Eph. 6:12.

  "Nana hoi kakou i hoola, mai ka mana mai o ka pouli, a ua lawe hoi oia ia kakou iloko o ke aupuni o kana Keiki puhahele; No ka mea, aole kakou e hakoko ana me ka mea io a me ka mea koko; aka, me na alii, na mea ikaika, na haku o ka pouli o keia ao, a me na uhane ino o ka lewa."

  8 Pehea la na koa Karistiano e lanakila ai? Eph. 6:10. (Heluhelu i ka Pauka 11--17.)

  "Eia hoi, e na hoahanau o'u, ikaika oukou ma ka Haku, a ma ka ikaika o kona mana."

  9 Aia no anei ka poe i komo aku iloko o ke aupuni o ke aloha iloko o keia ao ? Ioane 17:15.

  "Aole au e pule aku, i lawe aku ai oe ia lakou mai keia ao aku, aka, e hoopakele oe ia lakou i ka ino."

  10 No keia ao anei lakou? Pauku 14 hapa hope, (Aole lakou.)

  "A ua inaina mai ko ke ao nei ia lakou, no ka mea, aole no keia ao lakou, e like me au hoi, aole no keia ao."

  11 Mai keaha lakou i malama ia ai? Pauku 15. Gal  1:4. Aole lakou i lawe ia aku mai keia ao aku aka, ua hoopakele ia lakou.

  "Aole au e pule aku, i lawe aku ai oe ia lakou mai keia ao aku, aka, e hoopakele oe ia lakou i ka ino. Nana i haawi mai ia ia iho no ko kakou hala, i hoopakele ae oia ia kakou i keia ao ino nei e like me ka makemake o ke Akua, ko kakou Makua;"

  12 Heaha la ka Paulo i kapa ai i ka poe loko o ke aupuni o ke aloha? Heb. 11:13. (He mihi a pela aku.)

  "A make aku la kela poe a pau, iloko o ka mauaoio, aole hoi i loaa ia lakou na mea i oleloia mai, aka, i ko lakou ike ana ia mau mea i kahi loihi, ua manaoio a paulele ilaila, a ua hai aku ia lakou iho, he poe kanaka e, he poe malihini ma ka honua."

  13 Heaha ka ke ao e kapa ai i ka poe i kaheaia ma keia ao aku? Ioane 15:19.

  "Ina no ke ao nei oukou, ina na aloha mai ke ao nei i kona iho; aole nae no ke ao nei oukou aka, ua wae au ia oukou no loko mai o ke ao nei; no ia mea, ke inaina ma nei ko ke ao nei i oukou"

                    Hoomauia aku ana.

                                E. H. G.