Ka Oiaio, Volume VIII, Number 4, 20 March 1896 Edition 03 — Page 2

Ka Oiaio.

 

NUPEPA KA OIAIO.

UKU O KA NUPENA.

No ke Kope Hookahi. . . . . $ .10

No Hookahi Malama. . . . .   .25

No Ekolu Malama. . . . . .    .50

No Eono Malama. . . . . . .  1.25

No Hookahi Makahiki. . . . .2.00

            Ua hiki no i kela a me keia mea e makemake ana i nupepa na lakou, ke waiho mai i ka lakou kauoha i keia Keena, a e hooili pakahi ia aku no, me ka uku mua mai no nae.

            Uku Kanikau a me na Mele Inoa he eha keneta o ka laina

Na Olelo Hoolaha o ka elua @@@a o ka

@@@ puka @@@@. . . . . $1.50

Puka Elua. . . . . . . . . . . .      .75

Puka Ekolu . . . . . . . . . . .     .50

J. E. BUSH, Lunahooponopono a me Puuku.

 

BUKE KUAI.

-

            O ka poe akeakamai ma ka olelo a ke Akua, na wanana, a pela aku, ua hiki ke hoolawaia e like me ia malalo nei.

            “Ka Hiki Hou ana mai o Karisto, he wehewehe pokole ana o ka Wanana a ke Akua, ma Mataio Mokuna XXIV.” He 15 keneta no ka Buke hookaho o 80 aoao.

-

            “Na Wehewehe o ka Buke o Hoikeana,” ka Wanana e pili ana i ke au Karistiano a hiki i ka hopena. He 50 keneta o ke kope hookahi.

-

Ua makaukau makou e hoouna aku i keia mau hake no keia mau kumukuai, a me ka uku lawe leta, no ka poe kahi mamao, hoopili ia mai ke dala me ke kauoha.

-

“Hopena o ka Waiona.” He buke liili keia, o 16 aoao, no 5 keneta.

J.F. BUSH

 

-

POALIMA,    MARAKI 20, 1896.

-

KA BANA LAHUI.

-

            Nui ke ohohia ia o ka Bana Lahui Hawaii, e paani la ma Amerika. O ka oi loa nae o ka mele ana pu me ke kani o ka ohe. O na mele makemake loa ia, oia hoi. “Aole anei oe e lilo i ipo nohea na`u,” a o kela mele kahiko o “one, two, three.” Ina na keiki e malama i ka rula maikai a noho lokahi e pomaikai ana no lakou.

-

PIHA HAUOLI.

-

            Mamuli o ka manao kuko o kanaka, i ko lakou wa i lohe ai e hiki mai ana he elua mau moku manuwa Beritania i Hawaii nei, ua olelo koke ae la hoi lakou e hele mai ana ia mau moku e hoihoi i ke aupuni moi. Aole makou i ike he kumu io maoli kekahi e ku ai keia kuko. Ma na mea i ike ia, a i lohe ia, me he la paha e holo mai ana laua e kakoo aku i ke koi poho a ke aupuni Enelani no kona mau kupa i hoopaahao ia me ka hookolokolo ole ia ana iloko o ke kau kipi a na kamalii i hoolaha ai i ka la 6 o Ianuari 1895.

-

HOTELE REPUBALIKA.

-

            E kukulu ia ana he hotele hou ma kahi o kaukeano i ku ai, e hui pu ana me ka pa o W.G. Irwin. O ke kahua o keia hale hou, ma Alanui Beritania, Papu a me Chaplain, a hiki i ka pa o Ema Hale; he ekolu papahele ke kiekie; a he hookahi tausani ka nui o na rumi me kahi e keaka ai, e like me na hotele ma Kaleponi, a o na rumi o ka ilihonua he mau keena halekuai. E kukulu ia ana hoi kekahi hale ma ka aoao kihi mauka ma Waikiki i hana keaka lio iho nei, no keia hotele e like no me ia ke kiekie i lawa ai na rumi. He $150000 oia ka lilo no ke kukulu ana i keia hale.

-

NA NU HOU HOPE LOA.

-

            Ua ano like no na nuhou hope loa mai nei ma ka mokumahu Auseteralia o ka Poakolu me ko ka Monowai o ka Poaono nei. He okalakala ka manao o kekahi hapanui o na lahui kanaka. Me he la i ka nana aku, ke ulu nui nei ka pohihihi o na hana a ka hewa iwaena o na lahuikanaka, e like me ka olelo a ke Akua, eia ka hana nei a e kuu ia ana hoi e hana a hiki i ka manawa e pau ai o ko ke Akua hoomanawanui ana i na hana ino kue i ka pono a na kanaka. Pela iho la ke kulana o na aupuni a me na lahuikanaka he anoe maoli no, a na lilo he mea pohihihi i na kilo aupuni ke hoomaopopo i ke kumu o keia mau kuee o ko ke ao e noho nei. Ua komo ka hopohopo iloko o na loea kalai aupuni no na mea e hiki mai ana, a he hookahi wale no hana nui a lakou o keia wa, he hoomakaukau no ko kaua. Wahi ana haku manao mea hou no na nupepa, ua like o Europa me kekahi kahua hoomoana o na pualikaua o kela a me keia lahui, e pahola ana hoi keia uhane ma ka Hikina ma Asia, ma ke komohana i Amerika, a ma ka hema i na Repubalika o Amerika Hema.

            Ua wanana imua mai ka Haku e hiki mai ana kela mau mea e ikea nei i keia mau la, he mau hoailona keia na kokoke kona wa e hiki hou mai ai i keia ao. Nana ia Makaio 24, Mareko 14, a me Luka 21, aia malaila ka moolelo oiaio, ke ki nana e wehewehe i ke kulana o na mea a pau e hoea mai ana ma keia honua a hiki i ka hopena o keia noho ana o ka lahuikanaka o ke ao. Ua hooko mau ia na hoailona a ka Haku i kuhikuhi mai ai i ko ke ao nei, i kukui ma ka po a i hoailona i ke ao no ke alahele o ka lahuikanaka ma keia noho ana, a i ike pono ai lakou i na keehina a pau o ke au o ka manawa a hiki aku i ka hopena.

            Ua hala aku la ka nui o na hoailona a ka Haku i olelo ai e hiki mai ana, ua hala aku ka pouli ana o ka la a me ka mahina, a me ka helelei ana o na hoku, a eia ke hooko ia nei meia mau olelo. Luka 21:25, hapa hope a me pauku 26.

            “ * * “ a maluna o ka honua hoi ka pilikia ana o ka lahuikanaka, me ka pilihua e haalulu ana ke kai o ke kupikipikio. E maule no hoi na kanaka, i ka makau a me ka manao ana i na mea e hiki mai ana maluna iho o ka honua, no ka mea e hoonaue ia ana na mea mana ma ka lani.”

            He oiaio, ke noho pilihua nei kela a me keia lahui, kela a me keia aupuni, kela a me keia ohana. Eia ke hiki mai nei na leta a na ohana i ka poe ia anei e hoi aku e komo i ka puali kea o Italia, pela no paha mai na lahui e ae. He mau hoike keia i ke kulana kupilikii o na aupuni e noho la ma Europa. O keia ano, eia ka pahola nei a puni ke ao, eia ma Hawaii nei. Ma na nuhou hope loa, aia hoi na `lii o Europa ke hui olelo la ma na uwea telegarapa, e pili ana i ke kulana o ko lakou mau aupuni, a me ka hana kupono a lakou e hana ai. Aia o Rusia a me Farani, ke hoolala la a ke hana nei i na hana hoeueu poholalo, e pio ole ana a hiki i ke kana maoli ana, oia kana ke kana huliamahi.

-

NA OKUKU KAUA.

-

            E like me ka makou e nana mau nei i na hiona o ke kulana o na aupuni, a e hoahalike ai ia mau ouli me na olelo wanana ma ka Baibala, pela makou i kau nui aku ai e hiki mai ana i keia mau la na kulana kupilikii mawaena o na aupuni o ke ao nei, a me ka hiki ana mai o ka manawa e hooulu ae ai o ko kaua hope loa o ke ao nei, mamua o ko ka Haku hiki hou ana mai e hoola i kona poe i make i ka pono a e lawe aku ia lakou me ka poe e ola ana i sila ia me ka manaoio a me ka malama ana i kana mau kauoha he umi@@. He mea uuku keia mau mea i ka poe e hiolani ana iloko o ka nanea a me ka hoomaloka, aka, he hoohauoli hoi ka ike ana i na haawina a pau o na wanana no na la hope e akoakoa ana a e ili ana ma keia hana hope o na kanaka o ke ao nei i hoopaakiki ia na naau e like me Parao. Eia na mea hou hope, e hoola mai ana i ka mea i wanana ia e na kaula o ke Akua, a e hoola ia nei e na kahunapule a me na loea akeakamai a me na kilokilo ua kokoke mai, a o keia mau mea a pau e hoea mai ana, ma ko lakou hoomaopopo aku mai ka 1898 a ka 1900. He oiaio no hoi, ua okalakala ke kulana o na aupuni a na inaina kekahi i kekahi, a o keia kulana, ua hoola ia ae i kela a me keia manawa o na mea e ulu nei mawaena o na aupuni. Ma ka Monowai, eia na me ahou ano nui i kiki mai:

            Kaua ma Abesinia, 3000 poe i luku ia e ka poe o ia aina. Uluku ko Sepania ia Amerika no ka olelo hooholo mai ka Senate no ka ike aku i ka poe kipi o Cuba. Wawahi ia ka Hale Oihana Kauikela ma Barcelona, Sepania.

            Haalele ka Aha Kuhina o Crispi o Italia. E kuikahi ana o Rusia a me Kina, e hoole i ka hookaa ana i ke koena aie kana.

            He kaua ma Niearagua, me he ala e awaiaulu mai ana i na aupuni repubalika o Amerika Hema.

            Ke nana ia na hoomakaukau a ka poe hoolako kaua ma na wahi a pau, wahi a ka olelo, ua pouli io ka poe hoomaloka i ka olelo ao a ke Akua no ke@@@ wa, oiai ua hiki i ka maka ke ike i na hiona e hoola mai ana i ka olelo a ka Haku, e olelo ana no ka wanana a Daniela no ka hiki ana mai o ka hopena, “o ka mea heluhelu e pono e hoomaopopo iho oia.” (Mat 24:15). Pela makou e poolelo aku nei, o ka mea haipule, e kiai a e malama.

-

KA MAKEMAKE O KANAKA.

-

            “Aka, o kanaka hewa, a me ka poe hoopunipuni, e mahuahua ana ko lakou hewa, e hoopunipuni ana me ka hoopunipuni ia mai.” 2 Timoteo 3:13.

            Ina he anoai kekahi o ke kanaka i hoike ia me ka maopopo loa i oi ae i kekahi mau anoai e ae ona, e hoike ana oia ke ao holookoa ke ku nei mamua ponoi o ka ipuka o ka la e wehe ia ae o ka la holookoa o na la hope o ke kanaka, oia no ka mea a Paulo i kakau aku ai ia Timoteo, i kana keiki hiapo ma ka hoomana, e pili an ano na la hope, i helu ia ma ka mokuna 3 o ka lua o kana palapala ia Timoteo, i hoike ia ae la ma ka pauku 13: ka hoihoi ole o kanaka i na mea oiaio, aka, he hauoli loa hoi i na olelo makani a me na olelo hoopunipuni waiwai ole, e laa he @@@@ a me na olelo kuko a kohokolio manao kanaka wale. Ua hoola ia mai keia kulana ma ka heluhelu nui ia o na buke kaao a me na moolelo hoopunipuni, na lahui. Eia ke hiki mau nei kekahi mau leta ia makou nei e hoola mai an ana oi aku ke ohohia o kanaka i na kaao a me na moolelo haku wale ike no a ka mea kakau, na mea hoonanea a alakai hewa, e hapai ana i na iini holona o kanaka. He minamina makou i ka ike i ka lahui Hawaii i ka hoi hope i na mea oia ano, a manao oia ano mea heluhelu, pulelehua wale oia iho la ka io, ka waiu, a me ka m@@@ o ka lolo kanaka e hoopiha ia ai, a e hooluhi wale ia ai. Ke @@@ nei keia lahui i ka @@@@@ i ka pi@@@ i ka @@@@ pu ia e na lahui @@@@, a he mea oiaio no na pilikia io no lakou a na ilihune, aka, aole loa lakou i pilikia a i ilihune, a i poino i na lahui e ae, aka, i poino no mamuli o ka manele o ka noho ana i manele o ka lima a me ka noonoo no ka lilo mahope o na lealea kino a me na olelo hoopunipuni. Me he la, ina he olelo hoopunipuni waiwai ole ke hoolaha ia aku, a he aha lealea kekahi, a he paani kinipopo, a hana keaka paha, ua pau koke ka molowa, ke kukule, a me palaualelo o kanaka ; e moni ana oia i ka olelo hoopunipuni me he waimeli la, a e hele ana oia he mau mile e ike i na hana lealea a e makilo ma na wahi ahaaina, mamua o ka heluhelu ana i na olelo oiaio e pili ana i ko ke ao a me ka ke Akua, me ka imi ole i ola no kona noho ana kuokoa nona iho. He mea maopopo loa, ina e hoomau keia lahui mahope o na haawina hoohaahaa i ko lakou ano kanaka, e lilo ana no oia he kauwa kuapaa, a he mea hooluhi ia e na lahui i hoopono a i eleu i ka malama ana i ka noho ana hoopono e kuokoa ai. Ua ike makou i ka hewa i ka hanai ana i ka lahui i na olelo makani, i keia mau la. Ua oi aku ka pono a me ka pomaikai o ko makou hooikaika ana no ka lahui ma ke kapae loa ana i na kaao waiwai ole, a e hoopuka wale aku no i na mea hou e lohe ia ana, i mea hoonaauao i ka hoakanaka i na mea e kaalo nei ma keia noho ana, a e hoopuka aku hoi i ka olelo oiaio a ke Akua i ai no ko ke kanaka uhane. Ua like ke kanaka e heluhelu ana i na kaao hoopunipuni me ka mea e hanai ana ia ia iho i ke ahe makani a i ole i ka huakai. Ina he aloha io ko ke kanaka i kona one hanau a i kona inoa lahui, hookahi wale no alanui oi aio e hoike ia ai kona oiaio ma ia mea, oia no kona kapae ana i kona ano bepe a lawe ae hoi i ke ano kanaka makua hoopono.

-

HAIOLELO O L.A. KAKINA.

-

            Ma ka po Poalua iho la, ua halawai ae ka League Hoohui-aina, e hoolohe i na haiolelo a L.A. Thurston a me kekahi poe e ae imua o na hoa oia Hui, ma ke kumuhana “Ka Waiona” a me ka “Opiuma.” Ua hoike ae Mr. Thurston na waiwai ole ka hookapu loa ana i ke kuai waiona, a aole no oia i manao e holopono ana ka hoihi ia ana o ke kuai waiona ma ka lina o ke aupuni. Ua aho no e waiho ia ka laikini ia ana o ka waiona e like me ia, mamua o ka hoololi ia ana o ke kuai ana e like me ke kanawai e ku nei.

            “Aole kekahi moa, @@@@ e hele ana ma ke Alanui Nuuanu, e i ae ana aole he mea ino ka waiona aole kekahi mea e olelo ae ana he mea maikai ole ke kuai waiona ma Honolulu. Aole hoi ka poe kuai waiona he poe ano maikai ole. Ua lawelawe hana au me lakou a na ike he poe hoopololei no lakou. Aka, ina kakou e pii iho ma ke Alanui Nuuanu o ke ahiahi Poaono a ike i ka poe ona e kiloi wale ana i ka lakou dala, i ko lakou uku no ka hebedoma, ua hiki anei ia kakou ke hoonele ia i na manao minamina no ke ku ana o keia hewa iwaena o kakou?

            “O ka iini o ka waiona ma kekahi mau wahi aku, ua ulu nui ae hoi a lilo he mea hoopoino i na noho ana maikai o ka lehulehu, aka, aole nae i hoomahuahua ia ae ka hoemi ia ana mai o ka ino ma hookapu loa ana ia mea. Aole no hoi he mea kupono e oki loa ia kahi e loaa ai o ka waiona mai ka lehulehu ina ua ike “he kupono ia mea ia lakou.”

            He mau wehewehe ana naauao aku no kekahi a ka moopuna a ka Makua Kakina, aka, ke ole makou e kuhihewa, aole e apono ana ke kupuna i ke kahua o kana kualua e ku nei. Ua like keia manao o Mr. Kakina me ko makou i na la i hala ma kekahi ano, aka, no ko makou kanaka makua ana ae, a ko makou ike maka ana i ka nui poino, ka hooilihane, ka mokuahana, a me ka hoopilikia maoli no o keia mea, a me na mea e ae oia ano, i ke ola kino o ke kanaka, a me ke ola o kona uhane, ua loli ko makou manao i keia la, a oia ka makou e i ae, ua hiki ole ia kakou, i ae he mea hewa, he mea poino ka waiona, ke kui ma ka makamaka, a i ae e pono no ka waiona e kau ia e hana i kana hana, me ke apoepoe ole ia e kinai ia mea. Ina e kuilima ka poe a pau i ike he mea hewa, he mea make, he mea hooulu mai ka waiona i na karaima, a berita lakou e umi i keia nahesa a me kona koolua he opiuma, ke i nei makou e nawaliwali ana no oia a kona wa e lilo ai he mea hoowahawaha ia e na kanaka a pau.

-

HE AHA WEHEWEHE KUMU MANAO.

-

            I kela a me keia Poalua a me Poaha, ua malama ia kekahi aha hui a na opio Hawaii o ka Apena o Kawaiahao, ma ka hale halawai e ka poe haipule Karistiano Naauao, ma ka hora 7 ahiahi, hoike i ko lakou manao maluna o kekahi mau ninau ano nui i hooholo ia e lakou iho. Ua mahele ia kekahi o na hoa e lawe aoao, a e hoike ae i ko lakou manao noeau mahope o ke kumuhana, a pela no hoi kekahi aoao. I ka Poalua iho la, o ka lakou kumu hana, oia keia. “O heaha la ka mea oi, o ka Naauao anaei, o ke Dala anei?” I keia poaha ae e hookumu mai ana na kaka-olelo maluna o keia.” Ua oi anei ka oihana Loio maluna o ka Oihana Kahunapule.” O na alakai ma na aoao, oia hoi o Mr. Kealoalii, ma ka aoao o ka Oihana Loio, a o Mr. Kealakai, ma ka aoao o ka Oihana Kahuna.

            Ua hoohauoli ia ko makou manao i ka lohe ana i ka leo o na opio e ku haiolelo ana maluna o na kumuhana me ka naauao. He hana hooulu keia i ka noonoo o kanaa, a he hana kupono no hoi i na opio Hawaii, oiai o ka hui ana a komo pu ma ke kamailio a kaana i na kumuhana e pili ana i ko lakou pono kino a me pono uhane, oia kekahi o na hana naauao e hoopomaikai ai i ka noho ana o keia ao, a ina e alakai ia na hana me ka naau oluoolu, haahaa, a me ka uhane maikai, he mea maopopo e loaa ana no he hoomaikai mai ka Makualani mai i ka poe nana i hookumu a me ka poe e komo ana mai keia hana me na hoa pu hoi o keia hui-opiopio.

-

KE AUMOKU KAUA O ENELANI.

-

            Ma kekahi kii i paiia e kau la ma na ipuka aniani o na hale kuai nupepa a me buke, ua hiki ke ike ia ke kulana makaukau o keia aupuni no ke kaua, mamua o ka hiki ana aku i na olelo ke hoike aku e like me ia ka moakaka. Ma keia kii, ua hoike ia mai ka lalani mua o ka palekana o keia aupuni, a ke hoomaopopo ia iho, ma ka nui o na mokukana o na ano a pau, a makaukau kohu like me kekahi mau mokupuni nee o ka moana, ua ike ia ka ikaika o ke kulana o Enelani, i hiki ke olelo ia, he oiaio, oia ka pookela o na aupuni pookela o ke ao i kea wa, a mahope aku @@@@ aupuni o Rusia, o Farani, Geremania, a me Amerika, a pela aku. Iloko o keia kulana ikaika, a me ka nui o na kanaka e noho nei, i ko lakou aupuni, o ka aina kumu a me na panalaau, i piha lokahi i na manao aloha a lli no ko lakou aupuni, ua hiki a na kohu maoli no ka olelo hauoli a ke kupa Enelani, ke puana ae me ka naau ohohie, o Enelani no ka oi, ma ke ao, ma ka mana no ka hoonaauao ana i na lahui kanaka i ka malamalama o keia ao a me ka malamalama o ko ke Akua aupuni.

            He aupuni lili ia o Beritania Nui e kona mau hoa aupuni, aka, ke kaana ia lakou a pau, me he la, ua oi aku ka pono, ka pomaikai, ka holomua a me ka maluhia o ka lahuikanaka malalo o ke hae o Enelani mamua o ko na hae e ae e welo nei i ke ahe a ka makani. He mau haawina maikai no ko na aupuni e ae aka, o lakou a pau, ua hui ia a aia iloko o ke aupuni o Enelani. O keia mau wahi mokupuni uuku e ku la ma ka Akau Komohana o ka mahele aina o ka hikina poepoe honua, oia maoli no ka paionia nana e hoonaauao a e paa nei ka malamalama o ka hoomana Karistiano, a malalo hoi oia kumu i loaa ai iaia ke kulana kamahao o ka papahi olelo hoohanohano. “he moiwahine oia maluna o ke Kai,” e like paha me kela aupuni kaulana o ka wa kahiko, hoailona ia, ma ka wanana ma ke kii o ka liona, e like no me kona hoailona e kau nei i keia wa.

            Aole nae he kumu e o keia pookela ana o Enelani, hookahi wale no o kona hiipoi mau i na ao ana a ke Akua me ka hookikina ole i na kanaka malalo ona. He aina haipule o Beritania Nui, aka, he minamina makou ke olelo ae, ke hookokoke mai nei ka wa e puehu ai keia mau ano a pau, a e lilo ana hoi he okaoka, imua o ke aupuni pohaku i kalai ole ia o na lima kanaka, ke aupuni hemolele a mau loa i ke Keiki a ke Akua.

-

            Pakele ke ola o kekahi kanaka ona iaia e kuu nau ana i ka holo o kona lio, me ka manao ole ae o ka ona eia ae he kaa ke holo ae nei, ia laua i hoohuli like ae ai ma ke kihi o ke Alanui Alakea a me Moi ua pakika aku la ka lio o ke kanaka ona a holo aku la iluna o ka honua me he Manu la, a pii ia aku la oia o ka @@@ e holo pu ana me ia.

-

HOOLAHA

-

            O ka poe a pau e makemake ana e h@@@@@ @@@ lakou aina, a e kuai paha i ko lakou @@@, @@ @@@ ai ia aku nei e hele mai i ke Keena o ka o@@@ @@@@ mamua o ka hele ana aku i @@@ahi e aku.

            O ka poe makemake e noraki a hoolo paha a hele mai a na makou e kuhikuhi aku i @@@@ e loaa ai ke dala, no ka ukupanee oluolu, ma ka waiho ana mai i na hoopaa kupono no ia mea.

            1yr.

-

Makana, Makana!

E Haawiia ana kekahi

Piano Nani o Nu Enelani Mai.

-E-

L.B. KERR.

-

            Iloko o na la he 30, mai keia wa aku. E kuai ana o L.B. KERR i na LOLE O NA ANO A PAU ma ke kumukuai

KUMU LILO MUA

a e haawi ana i na mea, e kuai ana i hiki aku i ka $2.50 i hookahi kikiki e loaa ai ia lakou he hookahi koho ana no hookahi PIANO NANI O NU ENELANI e ku la maloko o ko makou Halekuai, ma alanui moiwahine.

            E loaa ana ka makana piano i ka mea koho pololei a hookokoke aku i ka pololei o ka nui o na hua iloko o kekahi ipupu e kau nei ma ko`u hale kuai.

            Mai poina, he hookahi koho ana no kela a me keia kikiki, i loaa no kela a me keia elua dala.

-

L.B. KERR,

-ma-

NAE O KA HALEKUAI O MOGAN.

Alanui Moiwahine : : : : Honolulu II., I.

-

KE KALEPA POLOLEI MAI NA HALE HANA

MAI.

-

E kuai ana i kekahi mea okoa a e kuai ai ma ka

ma a ke kumu kuai kakaa.

-

He kupono i na lede e hele mai e nana mua maanei i ko makou puu waiwai nui mamua o ke kua

O KA HOOKAHI DALA I KUAI LA MA KAHI

O L.B. KERR, UA LIKE IA ME ELUA

MA NA HALEKUAI E AE.

-

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA

WALE NO.

            NA PAPALE.

             Na Lipine

              Na Pua Papale

               Na Hulu

            Na Lihilihi.

             Na Mikiailima

              Na Lole

               Na Paku

                Na Keokeo Uhi moe

                 Na Kihei Huluhulu

                        ECT     ECT

L.B. KERR,

ALANUI MOIWAHINE.

Waikiki iho o ka Hale Ku@@@@ o M@@@@.