Ka Oiaio, Volume I, Number 55, 18 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA

 

JOHN E. BUSH LUNA HOOPONOPONO A @

 

HONOLULU,              :  :  MARAKI 18, 1896.

 

KA BANA LAHUI

           

Nui ke ohohia ia o ka Bana Lahui Hawaii, e paani la ma Amerika.  O ka oi loa nae o ka mele ana pu me ka kani o ka ohe.  O na mele makemake loa ia, oia hoi.  “Aole anei oe e @lilo i ipo nohea na`u,” a o kela mele kahiko o “one, two, three.”  Ina na keiki e malama i ka rula maikai a noho lokahi@ e@ pomaikai ana no lakou.

 

HAIOLELO O L. A. KAKINA.

 

Ma ka po Poalua iho la, ua halawai ae ka League Hoohui-aina, e hoolohe i na haiolelo a L. A. Thurston a me kekahi poe e ae imua o na hoa oia Hui, ma ke kumuhana “Ka Waiona” a me ka Opinma@.”  Ua hoike ae o Mr. Thurston ua waiwai o e @ hookapu loa ana i ke kuai waiona, a aole no oia i manao e holopono ana ka hoihoi ia ana o ke kuai waiona ma ka lina o ke aupuni.  Ua aho no e waiho ia ka laikini ia ana o ka waiona e like me ia, mamua o ka hoololi ia ana o ke kuai ana e like me ke kanawai e ku nei.

            “Aole kekahi mea, iaia e hele ana ma ke Alanui Nuuanu, e i ae ana aole he mea ino ka waiona; aole kekahi mea e olelo ae ana he mea maikai ole ke kuai waiona ma Honolulu.  Aole hoi ka poe kuai waiona he poe ano maikai ole.  Ua lawelawe hana au me lakou a ua ike he poe hoopololei no lakou.  Aka, ina kakou e pii iho, ma ke Alanui Nuuanu o ke ahiahi Poaono a ike i ka poe ona e kiloi wale ana i ka lakou dala, i ko lakou uku no ka hebedoma, ua hiki anei ia kakou ke hoonele ia i na manao minamina no ke ku ana o keia hewa iwaena o kakou?”  *  *  *  *  *

            “O ka iini o ka waiona ma kekahi mau wahi aku, ua ulu nui ae hoi a lilo he mea hoopoino i na noho ana maikai o ke lehulehu, aka aole nae i hoomahuahua ia ae ka hoemi ia ana mai o ka ino ma hookapu loa ana ia mea.  Aole no hoi he mea kupono e oki loa ia kahi e loaa ai o ka waiona mai ka lehulehu ina ua ike “he kupono ia mea ia lakou.”

            He mau wehewehe ana naauao aku no kekahi a ka moopuna a ka Makua Kakina, aka, ke ole makou e kuhihewa, aole e apono ana ke kupuna i ke kahua o kana kualua e ku nei.  Ua like keia manao o Mr. Kakina me ko makou i na la i hala ma kekahi ano, aka, no ko makou kanaka makua ana ae a ko makou ike maka ana i ka nui poino, ka hooilihune, keia mea, a me na mea e ae oia ano, i ke ola kino o ke kanaka, a me ke ola o kona uhane, ua loli ko makou manao i keia la, a oia ka makou e i ae, ua hiki ole ia kakou, i ae he mea hewa, he mea poino ka waiona, ke hui me ka makamaka, a i ae e pono no ka waiona e kuu ia e hana i kana hana, me ke apuepue ole ia e kinai ia mea.  Ina e kuilima ka poe a pau i ike he mea hewa, he mea make, he mea hooulu mai ka waiona i na @ karaima, a berita lakou e umi i keia nahesa a me kona ko@lua he opinma, ke i nei makou e nawaliwali ana no oia a kona wa e lilo ai he mea hoowahawaha ia e na kanaka a pau.

 

HE AHA WEHEWEHE KUMU-MANAO.

 

I kela a me keia Poalua a me Poaha, ua malama ia kekahi aha hui a na opio Hawaii o ka Apapa o Kawaiahao, ma ka hale halawai o ka poe haipule Karistiano Naauao, ma ka hora 7 ahiahi, hoike i ko lakou manao maluna o kekahi mau ninau ano nui i hooholo ia e lakou iho.  Ua mahele ia kekahi o na hoa e lawe aoao, a e hoike ae i ko lakou manao noeau mahope o ke kumuhana a pela no hoi kekahi aoao.  I ka Poalua iho la, o ka lakou kumu hana, oia keia.  “O keaha la ka mea oi, o ka Naauao anei, o ke Dala anei?”  I keia poaha ae e hookumu mai ana na kaka-olelo maluna o keia.  “Ua oi anei ka oihana Loio maluna o ka Oihana Kahunapule.”  O na alakai ma na aoao, oia hoi o Mr. Kealakai, ma ka aoao o ka Oihana Kahuna.

            Ua hoohauoli ia ko makou manao i ka lohe ana i ka leo o na opio e ku haiolelo ana maluna o na kumuhana me ka naauao.  He hana hooulu keia i ka noonoo o kanaka, a he hana kupono no hoi i na opio Hawaii, oiai o ka hui ana a komo pu ma ke kamailio a kaana i na kumuhana e pili ana i ko lakou pono kino a me pono uhane, oia kekahi o na hana naauao e hoopomaikai ai i ka noho ana o keia ao, a ina e alakai ia na hana me kia naau oluolu, haahaa, a me ka uhane maikai, he mea maopopo e loaa ana no he hoomaikai mai ka Makualani mai i ka poe nana i hookumu a me ka poe e komo ana mai keia hana me na hoa pu hoi o keia hui-opiopio.

 

KELA ME KEIA.

 

I ke kakahiaka o ka Poaono e ku mai ai ka Mikahala.

            Ua hala aku o Rudolp Spreckels no Wailuku Maui.

            He omaimai o V.V. Ashford e noho la ma Kapalakiko.

            Ua hiki ae ke kauoha i ka mokukaua Italia Christoforo Colombo e hoi koke aku oia.

            Ua malama a eke Pukiki i ka la i ulu ae ai ka uluaoa ma Aferika.

            O Ke Au Hou, Kaala, a me Kaena na moku e upu ia aku nei e ku mai ana i keia la.

            Ua wae ia o J. R. Judd, keiki a ka Lunakanawai Kiekie Alapaki Judd, e holo aku no ka paio heihei hoehoe waapa ma Henley Enelani, oia kekahi o na @oho o ke Kula Nui o Yale.

 

L. B. KERR,

 

ma

 

NAE O KA HALEKUAI O MOGAN.

 

Alanui Moiwahine,  :  :  :  :  Honolulu H., I.

 

KE KALEPA POLOLEI MAI NA HALE HANA

 

MAI

 

E kuai ana i kekahi mea okoa a e kuai ai ma ka i-a ma ke kumukuai kukaa.

 

He kupono i na lede e hele mai e naua mua maanei i ko makou puu waiwai nui mamua o ke kuai.

 

O KA HOOKAHI DALA I KUAI IA MA KAHI

O. L. B. KERR UA LIKE IA ME ELUA

MA NA HALEKUAI E AE.

 

OIA HOI, UA LOAA IA OE NA LOLE

 

Nona ke kumukuai Elua Dala HOOKAHI DALA

WALE NO.

            NA PAPALE,

                        Na Lipine

                                    Na Pua I`apale

                                                Na Hulu

            Na Lihilihi

                        Na Mikinilima

                                    Na Lole

                                                Na Paku

                                                            Na Keokeo Uhi-moe

                                                                        Na Kihei Huluhulu

 

ECT     ECT

 

L. B. KERR,

 

ALANUI MOIWAHINE.

 

Waikiki iho o ka Hale @Kudaia o Mogan