Ka Oiaio, Volume I, Number 53, 16 March 1896 — Page 2
| This text was transcribed by: | Desiree M. Carlbom |
| This work is dedicated to: | Olena, Kaimaliaokalenakai, & Kamo'i Harbottle |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
JOHN E. BUSH, L@ Hooponopono @ P@
HONOLULU. : : MARAKI 16. 1896.
HOTELE REBULIKA.
E kukulu ia ana he hotele kou mma kahi o kaukeano i ku ai, e hui pu ana me ka po a W. G. Irwin. O ke kahua o keia hale hou, ma Alanui Beritania, Papu a me Chaplain, a hiki i ka pa o Ema Hale; he ekolu papahele ke kiekie; a he hookahi tausani ka nui o na rumi me kahi e keaka ai, e like me na hotele ma Kaleponi, a o ua rumi o ka ilihonua he mau keean halekuai. E kukulu ia ana hoi kekahi hale ma ka aoao kihi mauka ma Waikiki i hana keaka lio iho nei, no keia hotele e like no me ia ke kiekie i lawa ai na rumi. He $150000 oia ka lilo no ke kukulu ana i keia hale.
NA OKUKU KAUA.
E like me ka makou e nana mau nei i na hiona o ke kulana o na aupuni, a e hoahalike ai ia mau ouli me na olelo wanana ma ka Baibala pela makou i kau nui aku ai e hiki mai ana i keia mau la na kulana kupilikii mawaena o na aupuni o ke ao nei, a me ka hiki ana mai o ka manawa e hooulu ae ai o ke kaua hope loa o ke ao nei mamua o ko ka Haku hiki hou ana mai e hoola i kona poe i make i ka pono a e lawe aku ia lakou me ka poe e ola ana i sila ia me ka manaoio a me ka malama ana i kona mau kauoha he umi. He mea uuku keia mau mea i ka poe e hiolani ana iloko o ka nanea a me ka hoomaloka, aka, he hoohauoli hoi ka ike ana i na haawina a pau o na wanana no na la hope e akoakoa ana a e ili ana ma keia hana hope o na kanaka o ke ao nei i hoopaakiki ia na naau e like me Parao. Eia na mea hou hope, e hooia mai ana i ka mea i wanana ia e na kaula o ke Akua, a e hooia ia nei e na kahunapule a me na lo@a akeakamai a me na kilokilo ua kokoke mai, a o keia mau mea a pau e hoea mai ana, ma ko lakou hoomaopopo aku mai ka 1898 a ka 1900. He oiaio no @oi, ua okalakala ke kulana o na aupuni a ua inaina kekahi i kekahi, a o keia kulana ua hooia ia ae i kela a me keia manawa e na mea e ulu nei mawaena o na aupuni. Ma ka Monowai, eia na mea hou ano nui i kiki mai:
Kaua ma Abesinia, 3000 poe i luku ia e ka poe o ia aina. Uluku ko Sepania ia Amerika no ka olelo hooholo mai ka Senate no ka ike aku i ka poe kipi o Cuba. Wawahi ia ka Hale Oihana Kanikela ma Barcelona, Sepania.
Haalele ka Aha Kuhina o Crispi o Italia. E kuikahi ana o Rusia a me Kina, e hoole i ka hookaa ana i ke koena aie kaua.
He kaua @ Nicaragua, me he ala e awaiaulu mai ana i na aupuni repabalika o Amerika Hema.
Ke nana ia na hoomakaukau a ka poe hoolako kaua ma na wahi a pau, walu a ka olelo, ua pouli io ka poe hoomaioka i ka olelo ao a ke Akua no keia wa, oiai ua hiki @ ka maka ke ike i na hiona e hooia mai ana i ka olelo a ka Haku, e olelo ana no ka wanana a Daniela no ka hiki ana mai o ka hopena, "o ka mea heluhelu e pono e hoomaopopo iho oia." (Mat. 24:15). Pela makou e poolelo aku nei, o ka mea haipule, e kiai a e malama.
NUHOU KUWAHO.
Ua ae o Peresidena Kruger e holo aku i Enelani.
He 13 ohana i luku hou ia iho la me Areminia.
He kaua kipi pili hoomana kai ulu ae m@ Nicaragua.
Ua haalele ka Aha Kuhina Crespi o Italia, a he aha kai ku ae me Rudini ma ke poo.
Ua olelo ae o kauka Pika ma Kapalakiko, o ka lapaau a Dr. Goto wale no ka lapaau i kupono no ka lepera.
He 3000 ka nui o na koa Italia ma Abesinia, hookahi hapanui o ka puali pu-kuniahi i lukuia lilo aku na lako kaua, a pau loa na mea ai
KELA ME KEIA.
He mau kakahiaka puanuanu keia o kakou.
I ka Poaono (Sabati) i ku mai ai ka Monowai
Ua hopu ia o Lono no kona hoeha i kona iwi aoao
Nui ka ino o keia huakai aku nei a ka Auseteralia no Kapalakiko.
Ua hopu ia e ka makai kiu D Kaapa kekahi poe paani cifa ma ke kakahiaka Poaono nei.
Ua hiki mai o L. R. Aylett me M. Kealakai maluna mai o ka Monowai, a me Miss E. M. Kea.
Maikai ka leo a me ka himeni ana a Prof. Harrell iaia i himeni ai i ke mele "Ke Kulanakauhale Hemolele."
Ua olelo ia ua hoomakaukau o "Opiuma Brown" i kekahi moku i piha i ka opiuma, a ei ae ke holo mai nei no Hawaii nei mai Vitoria mai.
Ua olelo ae o Mr. Roimg, ke kahunapule o ka ekalesia Karistiano, na ka ekalesia Katolika Roma i hoololi i ka bapetizo mai ka hooulu a ka pipi wai; pela no ka La Sabati.
Ua hopu ia na keiki lawe nupepa o ka hui o Walls Nichols & Co., no ke kuai nupepa o na aina e me ka laikini ole. Na kekahi hui nupepa no@ hoopii aku i ka Ilamuku e hopu.
Ua makana aku na limahana o ka mahiko o Waianae i ko lakou Luna Nui me hookahi uwati gula, a he pine omau no ka wahine. E holo aku ana laua no Geremania i keia mau la iho.
A keia Poahahi aku e ku mai ai na manuwa Beritania Cosmos a me Pheasant mai Vanekouwa mai. E hoomaemae ia ana kekahi o laua, hiki mai la ke kauoha e hoomakaukau a e holo mai i Hawaii nei Oia ka loh@ ma na leta.
Eia iho na opio i hoopalau ia. O. S. G. Waila opio ia Miss Mollie Atkinson Francis Gay (Palani) o Kauai ia Miss Lillie Hart, kaikamahine a C. F. Hart, ka ona o ka wiliko o Niulii, Kohala, Ernesf Mott Smith, keiki a kauka Kamika ia Miss Annie Paty, kaikamahine a John H. Paty.
L. B. KERR,
ma
NAE O KA HALEKUAI O MOGAN.
Alanui Moiwahine. : : : : Honolulu H., I.
KE KALEPA POLOLEI MAI NA HALE HANA MAI.
E kuai ana i kekahi mea okoa a e kuai ai ma ka i-a ma ke kumukuai kukaa.
He kupono i na lede e hele mai e naua mua maanei i ko makou puu waiwai nui mamua o ke kuai
O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.
OIA HOI, UA LOAA IA OE NA LOLE
Nona ke kumukuai Elua Dala HOOKAHI DALA WALE NO.
NA PAPALE.
Na Lipine
Na Pua Papale
Na Hulu
Na Lahilihi
Na Mikinilima
Na Lole
Na Paku
Na Keokeo Uhi-moe
Na Kihei Huluhulu
ECT ECT.
L. B. Kerr,
ALANUI MOIWAHINE.
Waikiki iho ka Hale Kudala o Mogan