Ka Oiaio, Volume VIII, Number 3, 13 March 1896 Edition 03 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

UKU O KA NUPENA

 

No ke Kope Hookahi              .10

No Hookahi Malama               .25

No Ekolu Malama                   .50

No Eono Malama                    1.25

No Hookahi Makahiki                        2.00

           

Ua hiki no i kela a me keia mea e makemak

e ana i nuepa na lakou, ke waiho mai i ka lakou kauoha i keia Keena, a e hooili pakahi ia aku no me ka uku mai no nae.

Uku Kanikau a me na Mele Inoa he eha keneta o ka laina.

Na Olelo Hoolaha o ka elua iniha o ka

Puka mua ana              $1.50

Puka Elua                       .75

Puka Ekolu                     .50

 

 

J. E. BUSH, Lunahooponopono a me Puuku.

 

BUKE KUAI.

 

O ka poe akeakamai ma ka olelo a ke Akua, na @@@@@@, a pela aku, ua hiki ke hoolawaia e hiki me ia malalo nei.

 

            “Ka Hiki Hou ana mai o Karisto, he wehewehe pokole ana o ka Wanana a, ke Akua, ma Mataio Mokuna XXIV.”  He 15 keneta no ka Buke hookahi o 80 aoao.

 

            “Na Wehewehe o k aBuke o Hoikeana,” ka Wanana e pili ana i ke au Karistano a hiki i ka hopena. He 50 keneta o ke kope hookahi.

 

            Ua makaukau makou ehoouna aku i keia mau buke no keia mau kumukuai, a me ka uku lawe lota, no ka poe ma kahi mamao, hooili ia mai ke dala me ke kauoha.

 

            “Hopena o ka Waiona.”  He buke liili keia, o 16 aoao, no 5 keneta.

                                                                        J.E.BUSH.

 

 

POALIMA,                                        MARAKI 13, 1896

 

EIA KE HANA NEI.

 

            Eia na loea o ka aina ke haua nei i na kanawai e like me ko lakou makemake, me kekeakea ole ia aku.  Ke hana nei na loi lihini e like me ke kuko o ko lakou naau; ke ai nei a ka hoomau nei, a ke mare a ke haawi nei no ka mare.  Pela  na moolelo o na aupuni i haule aku a i ike hoomanaoia ma ka mlelo.  He hopena ko na mea a pau o ke ao nei, aka, o ka pono o Iehova ka mea mau loa.  Ma ka hoino o Karisto i koho ai o Mose, a haalele aku hoi i ka nani o aigupika.  Pomaikai ke kanaka i like me Mose, ke kanaka maau haahaa, mahope iho o ka pau ana o kona mau kuhihewa.  He nui ka poe e kahea ia ana, he nuku nae e hemo mai ana e like me Mose e ku hoike akea ana no ka Haku, a auamo hoi i na hoohenehene i nona.  Aka, he la ko na mea a pau.

 

HE ALII AI-PAKIKO

 

            Ma na ano a pau he alii-aipakiko a noho’na akahai loa ka moi Humebata o Italia.  Wahi a kekahi mea kakau e kakau ana no kekahi mupepa, he ai akahai loa oia ma na mea a pau, koe aku ke puhi paka.  He uuku loa ke ai mai, a aole hoi ona inu, koe ka wai.  Ehoolako ana oia i ka waina a me na mea inu o na ano a nau i kana poe malihini, nona iho nae, ua lawa oia i ka wai huiui.  He kika kana mea hiaai i na la mamua, aka, mamuli o kona puhi nui, ua lilo hoi ia mea he kumu ma’i nona, a ua naka a haalulu mai ua aa; loaa hoi i ka hano, a hiamoe maikai ole, aia a paepaeia me na uluna alaila hiki ke hiamoe.  He mau pule i hala aku, i ka wa a keia mea e kaku ana, na olelo aku la kona kauka iaia i ke kumu o kona pilikia, a i ae la ka moi Humebata panei: “Mai keia la aku aole au e puhi hou ana i kekahi kika a i kekahi paka paha.”  O ka hopena o keia, ua pii koke ae la kona ola kino maikai.  He kanaka manao paakiki keia, a aole no paha he  kanalua no kona hooko ana i kana olelo paa a hiki i kona hopena.

 

MR. ROMIG MA KA MIHI

 

            Iloko o ka nui o na hana lealea a me na hui e ae o ka po Poalua nei, ua nui  no ka poe i hele ao e lohe i ka haiolek @ Mr. Romig, ma ke kumu olelo ka “mihi ana.”  Ua hoike mai ka haiolelo i ke ano o ka mihi, oia no, ke kaumaha akua, ka wehewehe ana ina hana hewa i hana ia, ka loli ana o na hana, a me ka hooponopono ana i na mea hewa i hana ia, hoihoi ana aku i na dala i koaa ma ke ano ku ole i ka pono ole, o hoihoi hou oia me ka ukupanee pu ina ua olelo oia i kekahi olelo e hoino ana i kekahi mea he pono oia e mihi koke i ka mea ana i hema hewa ai a e noi aku e kalaia mai.  Ina wahi ana ua mihi oiaoi kekahi mea, e aloha ana oia i kona hoalauna e like me kona aloha iaia iho, a e haawai ana oia i kona manawa a me kana loaa ao ke kokua ana i kekahi mea okoa aku.  Ke poe hoahanau no kekahi ekalesia e puliki ana i ka lakou dala gula a uew ae hoi ka aeka-kii e kau ana malama o ke dala; e lilo ana ia poe he diabolo mamua o ka huihui ana o ka lakou wawae.

 

            He Kahunapule pahu oolea keia ma kana hoike ana i ke ano o ka euanelio, o hooko ana i ka mea a ka Buke Nui i olelo ai, he like me ka pahi oilua ka olelo a ke akua.  he oiaio, o kona ano no ia, a o ke kanaka e hai ana i ka oiaio, aole oia e wae ana i ka oleio a ma na huaolelo ai i ka pepeiao.  Aole pela o Karisto i ao ai; aole no pela na apokolo, a e na haumana mahope mai; i keia au wale no e ikea nei ka opa ia o ka waha o ke kauwa a Karisto a e puu ai kona leo a hanapilo, i ka hoike ana no Karisto, a no Karisto i kau ia ma ke Ken no kanaka aloha ole!

 

KE AUPUNI O BABULONA

 

            O keia mau olelo mahope nei mai “Na manao wehewehe i ka Buke a Daniela, a me Hoikena,” e pili ana i ke aupuni gula, i hoailona ia ma ke poo o ke kii kanaka, kekahi mea e  hoike ana i ke ano o keia aupuni nani.

            “Ua hoike ia mai ke ano o keia aupuni ma ke ano o na mea i kuhikuhiia mai hoi ma ke kii, - ke poo gula.  Ua ku oi kelakela ae keia kulanakauhale o Babulona, ma ke kulana i oi ae i kona mau hoakulanakauhale o keia mau la.  E ku ana hoi oia ma ka mahina ai o ka Hikina; i kukuluia iloko o kekahi huina-ha like he 60 mile ka huina anapuni, a he 15 mile o ka aoao hookal@; i hoopuni ia e kekahi pa kiekie he 350 kapuai, a he 84 kapuai ka manoanoa; i mahelelheleia iloko o 676 kea, he 2 ½ mile ke anapuni huina-ha; me kona mau alanui he 50, he 150 kapuai ke akea, e holokea ana kekahi i kekahi, me ka pololei a me ka moe iliwai a he 15 mile ka loihi pakahi.  Ua kukulua kona mau 225 mile kuea aina, me na hale noho a me na malapua nani, me na mea lehulehu wale hoi iloko iho ona o na ano kamahao o ke ao nei, aka ua oi aku no nae kona kulana kamahao mamua o lakou a pau.  Aole i ikeia kekahi kulananakauhale e like me keia mamua aku ona; aole loa no hoi i ike ia kona lua mahope mai a keia wa.  Aia hoi oia e ku ana me ko ke ao ma kona mau wawae, he aloii-wahine iloko o kona nani lua ole, e kono ana hoi i ka peni a ka mea haku moolelo i noho ia e ka uhane hemolele i haawi aku ia ia i keia mau olelo hoonani “ka maikai o na aupuni, ka ui o ko Kaladie nani,” pela oia i noho ai he kulanakauhale nani kupono no kela aupuni i hoailona ia ma ke poo o ke kii i kaulana ma ka moolelo.   Pela iho la keia Babulona, me kona alii o Nabukaneza koa, opio, ikaika, a i piha hoi i na ike o keia noho ana, e noho ana ma kona noho moi.”

            O Babulona, he kulanakauhale i kukuluia ai ke towela o Babela, a malaila i hookahuli ai ka olelo a ka lahuikanaka ma ka olelo hookahi a lilo he lehulehu na olelo.  O ke ano nui o keia oelo Babulona, he huikau, a pela i pili ai ke ano o na hoomana lehulehu o keia manawa.  He huikau na hoomana, he lehulehu na kahua,  a nolaila, ua pololei ke kapaia ana he huikau, a e like me ka nani o Babulona, a hoomaka oia e haalele i ka oiaio a hoao lakou i hoopuehu ia ia, a noho mai he aupuni okoa mahope ona.  Oia ke aupuni dala.

 

KA NOHO ANA PAKIKO

 

            Ua lilo ka waiwai ana a me ke kuonoono ana o kekahi poe, he mea hoohuoi ia e ka lehulehu; a he kumu lili a hoonauki wale na kekahi poe.  O keia mau  manao o kanaka i ka poe i kuonoono a waiwai, he kumu ole, no ka mea, i na imi ia aku ka oiaio, aole i hooi ia aku ke @@hu i waiwai ai o kekahi kanaka mamua o kekahi.  Ua hamana like ka ipuka o ka imi loaa i na mea a pau, a ina e hoomau aku ka mea e hookuonoono ana i kana loaa i hooikaika ai, he mea maopopo e ulu ana no kona waihona, aka, ina e hoolilo wale ana oia mamuli o na anoai iho ona a me kana wahine a ohana paha, a e ahuai wale ana ma na mea i ku ole i ka pono o ke kino a me  ka ubaue, he mea maopopo loa, enoho mau ana ka ilihune me ia, a o ke kuko ka haawina nui makona waihona, me na manao lili a me ka hoino pu.  O keia mea, he imi waiwai, e like me ia i keia manawa, he okoa loa a he malihini i ka lahui Hawaii.  Aka, ke ano kamaaina nei nae i ka lahui ke ano o keia mea, i keia mau la.  He oiaio iaia i pohala ae nei mai kona nanea ana o ke au kahiko a hoomaopopo iho la i ke ano o ka noho ana o ke au hou, ua mele oia i na mea a pau.  Ua lilo aku la kona aina, a me kona mau pono a me ke kuleana a pau i na la @ i i ike mua i ke ano o ka noho ana apuepue e like me ka noho ana @@@ o ka lahui Asia a me Europa.

            O ka lilo ana o ka aina o kekahi kanaka-kupa e noho ai a e mahi ai, ia hai, o kona hooilihune ana no ia iaia iho a mekona ohana iho a me kona ohana aku, a lilo hoi he hana luhi ka hooikaika hou ana aku e ho hou mai ka pono mua o ka noho ana.  Aka, aole nae e hiki ke oleloia, e nele loa ana ia i ka mea e hiki ai ke ola, oiai ke ola kino mai kai mai ke Akua mai me ia.  O ke ola kino, ka waiwai i koe iho i ke kanaka mahope o ka lilo ana o kona mau pono pilikino e ae; a o keia mea, he mea hiki ole ke hooliloia, aka, he mea hiki no nae ke lilo aku ma ka ahuai a mamua waleia.

 

HE HEWA ANEI KO IESU KARISTO?

AOLE LOA!

 

HELU 2.

           

Ma ka Helu mua, ua hoike aku la i ko’u manao pane, a me na hoakaka ana e kakoo ana mamuli oia manao pane.  Aole maloko mai o ka ike a me ka akamai o ke kanaka ko’u hoole ana i ka hewa ole o Iesu Karisto ma na ano a pau; aka, no loko mai no o ka ke Akua olelo ka Palanala Hemolele; ka mea no hoi a ke hoa o ka H.K.N. i hoonohomua ai i kahua no kana hoakaka pili Hoomana e olelo ana penei;

            “Maluna o ka olelo mana a ke Akua ka Palapala Hemolelo, oia wale no, a oia hookahi ke kahua paa o ka Hoomana Karistiano Naauao.”  (E nana, Mok. 1 Helu 2, Jan. 1896) o ka Oiaio Puka LA.

            Ua maikai keia kalele ana iho o ke hoa iluna o ka Palapala Hemolele, ka hoike oiaio loa mai ke Akua mai, ka Pukuiakua hoi.  Aka, he wahi hoohuoi nae hoi ka’u i ka hoike ana ae nei o ka hoa i ke akea.  “He kanaka hewa ka o Iesu,” kekahi hoa hoi o ka Pukuiakua Nui mau loa.  A ua maopopo he kanaka ia.”

            Aole au i ike i kekahi mau puana olelo oia ano maloko o ka Palapala Hemolele; Eia ka’u mea i ike malaila.  “He kanakaeha, a ua ike hoi oia i ka popilikia; a ua hoowahawaha ia, hahauia, houia, paopaoia, a pela aku.”  Isaia 53:3,9. 49:7. Mat. 26:67. 27:30; a pela aku.

            Nolaila, ua manao iho la au, no loko mai o ka ika a meke akamai o kanaka kela manao e olelo ana.  “He kanaka hewa o Iesu Karisto ke Keiki a ke Akua.  Anoai nae paha, hemoowini ko’u wahi iko Baibala, a he huelo loa hoi ko kela poe kaulana i ka naauao o europa, oia hoi kela powe no lakou na inoa i hoikeia ma. Helu 18, i kapaia aku e ke hoa o ka H.K.N., “he poe ike moowihi..” (E nana helu 19)

Aole o’u hilahilake kapala mai au e ke hoa o ka H.K.N., “he wahi kanaka ike moowini.”  Aka, me ka manao oluolu wale no au e hapai nei i ke kamailio ana ma ko Iesu aoao, no ka hooia mau ana aku i kona hewa ole ma na ano a pau.           

            Eia hou no keia manao o ke hoa; “aole o makou hahai i ko kanaka manao, aka, i ko ka Euanelio wale no; no ka mea he lalau a he pahele ka manao o kanaka.:  (E nana helu 18).  Maikai a pololei maoli no keia manao o ua hoa nei.  Aka, no wai mai hoi kela manao o ke hoa, i pahola ae ai i ke akea e olelo ana, “He hewa ko Iesu, a ua maopopo he kanaka ia?”  No ka Euanelio mai anei, no ka manao a me ka naauao mai paha o kanaka?

            He nui no na olelo ano e a ke hoa i ike ia maloko o na mea i hoolahaia; aka, aole ua e hookuku aku ana ia mau olelo a pau ma keia kakau ana.  Hookahi a’u mea i makemake ai e kamailio aku ma ka hope o keia kakau ana; oia hoi ka Bapetizo.

            Ua hohonu a kuliu maoli no na wehewehe a me na hoakaka ana a ke hoa no ia mea he Bapetizo; ke mahalo aku nei no au i kana mau hoakaka kumu ana mai lalo mai.  A hiki mai la hoi ma kahi o ka Bapetizo e hookoia, a e lawelaweia, a hoohana aku i keia manawa; ua kanalua nuui au; aole ii pulale i ka ae a me ka hooia aku, aole no hoi i ka hoole.  Aka, ua lawe mai a lilo i kumu noonoo nui nokekahi manawa.  A i ka noonoo ana me ke akahele, loa no kahi malamalama e hiki ai ke hooholo iho i ko’u manao ma ia mea.

            Mamua o ko’u hoike ana aku i ko’u manao, e hoi hope ae au a lawe  mai i na olelo kauhana a ke hoa i hoolahaia ma ka Helu 3. Mok. 1 a penei;  “E na hoahauau a pau iloko o Karisto.  E ka lahui Hawaii......E lokahi kakou a pau loa, i hookahi Akua:

                                   I hookahi Bapetizo;

 

            Maikai no keia  poloai a ke hoa i ka Lahui Hawaii.  A ma kahi o ka Bapetizo, na loaa ia’u ke kanalua nui, e like me ka’u i hoike mau ae nei.

            Mahope o ka heluhelu akahele ana i na wehewehe naanao o ke hoa, ua hoo@ mai ia ka manao mui i a@akemakeia, a ua @@@hala ae la i ke akea; a oia iho la keia;

 

1.       “Ua pau, a ua malo aku ka Bapetizo ana ma ka wai; ua mokuaa ua hala o Ioane me kana Bapetizo.:  Aloha wale! Moku ka piko la e ke hoa kaawale!! (E nana helu 26,27).

2.       @ Bapetizo; Uhane Hemolele, ama ke Ahi; ola hoi he Bapetizo iloko o ka Pukui akua ko kiea wa. (E nana helu 20-26)

 

O keia ae la ka Bapetizo i poloai ia mai no kakou eka Lahui Hawaii, e lokahi aku kahou i ua Bapetizo la.  E na haipule Akua, a me ka poe a pau i manaole i ko kakou, Haku ia Iesu Karisto;  Eia ka leo kahea o ke hoa la, J. Kekipi; a me ka Ekalesia o Hoomaua Karistiano Naauao, ke hea; hea mai nei, e hui pu aku i kela Bapetizo iloo o ka Pukuiakua.

            No’u iho, e hoike aku i ko’u manao ma keia, oiai, ua hiki iho la i kahi o ka ii, kahi au i ninau iho ai penei;  Nawai e hapai i kela hana o ka Bapetizo aku i kanaka manaaio mai, a me Keiki, i ka Uhane Hemolele?  Na ke Kahunapule anoi o ka Hoomana Karistiano Nauao anei?

            Ina he “Ae,” ka haina e paneeia mai ana no keia ninau ae la, alaila,aole au e hui, a lokahi aku me oe e ke hoa ma ia bapetizo; a no na kumu:

1.       Aole no ke Kahuanapule ia kuleana, ke bapetizo aku i kanaka me ka Uhane Hemolele a me ke Ahi; uo ke Akua mai no ia.  Aia iho no ka ke Kahunapule e lawelawe ai, o ka bapetizo aku me ka Wai ma ka inoa o ka Pukuiakua.

2.       Ua hala loa aku la ia manao ana pela, mawaho aku o ka pololei, a me ka oiaio mau, a ua hookiekie hoi.  E lawelawe ke Kahunap@@@ ka hana a ke Akua me ka haahaa a me ke akahai, aole me ke ake aku iluna ae.  I mai la o Paulo Lunaolelo, “nawai no i kanu, ua Apolo i hookahekahe-wai; na ke Akua nae i hooulu i ka mea i kanuia e Paulo.

Pela no ke ano o ka lawelawe ana i ka oihana Bapetizo, e bapetizo me ka Wai i ka poe manaoio mai i ka inoa o Iesu, a na ke Akua no e haawi mai i ka Uhane Hemolele maluna o ka poe i bapetizoia.

O ka mahi, waele, kipahulu, kanu, hoomae mae, hoopulu-wai, e pela aku o na hanaia ma ko ke kanaka aoao.  O ka hooulu ana mai, a hoohua iho a oo, a pala, na ke Akua ia, aole na ke kanaka.  He oiao loa keia. Pela no ka oihana o ka Bapetizo, a meka i Euanelio ana.

            Ua ikeaia me ka maopopo loa. ua hoole ka Ekalesia o ka Hoomana Karisto Naauao, i ka bapetizo wai nui, wai liilii, a o kana bapetizo, he Uhane Hemolele me ke Ahi.  Ko-iuiu no iluna i ke aouli, ka oihana bapetizo o ka Hoomana Karistiano Naauao.  Ua hiki hoi; he wa la hoi keia o ka nui o ka ike a me ka naauao i wananaia e ke Kaula.

            Nui no na Hoomana Karistiano i kukuluia ma Hawaii nei, mai ka A.D. 1820 mai; no lakou na inoa;

 

 

 

            1          Hoomana         Kalavina

            1          “          “          Katolika Rom.

            3          “          “          Bihopa Euelani

4          Hoomana                     Moremona Mare Lehuleu

5          “          “                      Moremona Mar Pakahi

6          “          “                      La Ekahi

7          “          “                      Kaona

8          “          “                      Rovela

9          “          “                      Kanaihilo

10        “          “                      Maunaloa

11        “          “                      Kamakele, a me

12        “          “                      K. Naauao.

 

            He Bapetizo wai, ka ka hapa nuui loa o keia mau Hoomana, a o ka H. K Naauao wale no kai oi aku, ma ka Bapetizo Uhane Hemolele a me ke Ahi.  E hoomanaoia ma keia; aole o’u hoino manao kue i keia Bapetizo a ke hoa; a pela no hoi i ka Bapetizo wai liilii a wai nui, a me na mea like ole i lawelaweia e na aoao Hoomana e ku nei.  Aka, o ka’u mea i ike ai, a i hoomaopopo ai he pono, oia ka’u e koho ai a hana aku, me ka hoino pilikino ole aku i ka kekahi poe i manao ai oia ka pono.  Aia au ma ia kulana e oni aku nei imua.

            O na mea pono, pololei, a oiaio hoi i ikeia e a’u maloko o kela a me keia o na aoao Hoomana e ku nei i keia wa ma Hawaii nei he lawe mai no au ia mau mea na’u, me ke annohookae ole, ma ke ano o ka Hoomana.  A o na mea a’u i ike ai, a i hoomaopopo ai hoi, aole he pololei i k’ou manao, e lawelawe ia nei o kekahi mau aoaoa Hoomana, ua waiho aku noau ia mea na lakou, me ka hoino ole aku, a me ka ahewa ole aku hoi.  Pela iho la au e ku nei i keia wa.

            A o ka Ekalesia i oleloia, “ka Elelesia o ka Hoomana La Ehiku”, oia ka’u e nana aku nei.  No ka mea, oia hoi ka ekalesia i hoomaopopo aku no kekahi kanawai koikoi loa o mai, iloko o ko ke Akua mau kanawai he Uni, e hoohemahemaia nei o na aoaoa Hoomana e ae.  No ka mea, na kauoha ia mai ke Poo o ka ohana, a mo ka ohana pu a pau loa, a hiki aku i ka @@pi, a me hoki, ke akea o ke kapu oia kauawai, a kahi poe @@@ao hala, a pela aku.  No kahi wa aku.

            Me na keiki ouia hua kepau o ka nupepa KA OIAIO ko’u weliua pau ole.

Kou Oiaio

                        E. Kekoa.

 

            Ma ke S. S. Miowera i loaa hou mai ai kekahi mau waiwai hou loa, a L. B. Kerr; e hoa ka Valen@@@@ laoia pela aku.

 

MAKANA @@@@@@

E haawiia ana kekahi

 

Piano Nani o Nu Enelani Mai

E

L.B. KERR

 

            Iloko ona la he 30 mai keia wa aku.  E kuai ana o L. B. KERR i na LOLE O NA ANO A PAU ma ke kumukuai.

 

KUMU LILO MUA

 

a e haawi ana i na mea, e kuai ana i hiki aku i ka $2.50 i hookahi kikiki eloaa ai ia lakou he hookahi koho ana no hookahi PIANO NANI O NU ENELANI e ku la maloko o ko makou Halekuai. ma alamui moiwahine.

            E loaa ana ka makana piano i ka mea koho pololei a hookoko aku i ka poleilei o ka nui o na hua a hookokoke aku i ka polelei o a nui o na hua iloko o kekahi ipupu e kau nei ma ko’u hale kuai.

            Mai poina, he hookahi koho ana no kela a me keia kikiki, i loaa no kela a me keia elua dala.

 

L. B. KERR,

-ma-

 

NAE O KA HALEKUAI O MOGAN

 

Alani Moiwahaine, : : : : Honolulu, H., I.

 

E kuai ana i kekahi mea okoa a e kuai ai ma ka i a ma ke kumukuai kukaa.

 

He kupono i na lede e hele mai e nana mua maanei i ko makou puu waiwai inamua o ke kuai ana aku i kahi e aku.

 

O KA HOOKAHI DALA I KUAI IA MA KAHI O L. B. KERR, UA LIKE IA ME ELUA MA NA HALEKUAI E AE

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE,

Na Lipine

Na Pua Papale

Na Hlu

Na Lihlihi

Na Mikinilima

Na Lole

Na Paku

Na Keokeo Uhi-moe

Na Kihei Huluhulu

Ect Ect:

 

 

L. B. KERR,

ALANUI MOIWAHINE

 

Waikiki iho o ka Hale Kodala o Mogan

 

 

 

 

 

HOOLAHA!

 

            O ka poe A pau e makemake ana o hoolilo i ko lakou aina, a e kuai paha i ko lakou aina, ke poloai ia aku nei e hele mai i ke Keena o ka Oi u nei mamua o ka hele ana aku i na wahi e aku.

O ka poe makemake o moraki a hoaie paha, e hele mai a na makou e kuhikuhi aku i kahi e loaa ai ke dala no a ukupanee oluolu, @a ka waiho ana mai i na hoopaa kupono no ia mea.

1yr.