Ka Oiaio, Volume I, Number 51, 12 Malaki 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

JOHN E BUSH, L@ Hooponopono a me P@@ka

 

HONOLULU. : : MARAKI 12, 1896.

 

HE HEWA ANEI KO IESU KARISTO?

AOLE LOA!

 

Helu. 2.

(Hoomau ia).

 

            Eia hou no keia manao o ke hoa; "aole o makou hahai i ko kanaka mapao, aka, i ko ka Euanelio wale no; no ka mea, he laulau a he pahele ka manao o kanaka." (E nana helu 18). Maikai a pololei maoli no keia manao o ua hoa nei. Aka, no wai mai hoi kela manao o ke hoa, i pahola ae ai i ke akea e olelo ana, "He hewa ko Iesu, a ua maopopo he kanaka ia?" No ka Euanelio mai anei, no ka manao a me ka naauao mai paha o kanaka?

            He nui no na olelo ano e a ke hoa i ike ia maloko o na mea i hoolahaia; aka, aole au o hookuku aku ana ia mau olelo a pau ma keia kakau ana. Hookahi a'u mea i makemake @ e kamailio aku ma ka hope o keia kakau ana; oia hoi ka Bapetizo.

            Ua hohonu a kuliu maoli no na wehewehe a me na hoakaka ana a ke hoa no ia mea he Bapetizo; ke mahalo aku nei no au i kana mau hoakaka kumu ana mai lalo mai. A hiki mai la hoi ma kahi o ka Bapetizo e hookoia, a e lawelaweia, a hoohana aku i keia manawa, ua kanalua nui au; aole i pulale i ka ae a me ka hooia aku, aole no hoi i ka hoole. Aka, ua lawe mai a lilo i kumu noonoo ana me ke akahele, loa no kahi malamalama e hiki ai ke hooholo iho i ko'u manao ma la @.

            Mamua o ko'u hoike ana aku i ko'u manao, e hoi hope ae au a lawe mai i na olelo kuahaua @ hoa i hoolahaia ma ka Helu 3, Mok.1 a penei: "E na hoahanau a pau iloko o Karisto. E ka Lahui Hawaii, ......E lokahi ka kou a pau loa, i hookahi Akua; *** I hookahi Bapetizo;***."

            Maikai no keia poloai a ke hoa i ka Lahui Hawaii. A ma kahi o ka Bapetizo, ua loaa ia'u ke kanalua nui, e like me ka'u i hoike mua ae nei.

            Mahope o ka @ akahele ana i na wehewehe naauao o ke hoa, ua hoea mai la ka manao nui @ makemakeia, a ua mohala ae la i ke akea; a @ la keia:

            1. "Ua @ a ua nalo aku ka Bapetizo ana me ka wai; na moku, a ua hala o Ioane me kana Bapetizo." Aloha wale! Moku ka piko la e ke hoa kaawale! (E nana helu 26,27).

            2. H. Bapetizo Uhane Hemolele, a me ke Ahi: oia hoi, he Bapetizo iloko o ka Pukui akua ko keia @ (E nana helu 20,26).

            O keia ae la ka Bapetizo i poloai ia mai no kakou e @ Hawaii, e lokahi aku kakou i na Bapetizo @. E na haipule Akua, a me ka poe a pau i manaoio i ko kakou Haku ia Iesu Karisto: Eia ka leo kahea o ke hoa @ J. Kekipi; a me ka Ekalesia o Hoomana Karistiano Naauao, ke hea, hea mai nei e hui p@ aku i kela Bapetizo iloko o ka Pukuiakua.

            No'u iho, e hoike aku i ko'u manao ma keia, oiai, ua hiki iho la i kahi o ka @ kahi au i ninau iho ai penei: Nawai e hapai i keia hana o ka Bapetizo aku i kanaka manaaio mai, a me Keiki, i ka Uhane Hemolele? Na ke Kahunapule anei o ka Hoomana Karistiano Naanao anei?

            Ina he "Ae," ka haina e paneeia mai ana no kela ninau ae la, alaila, aole au e hui, a loka hi aku me oe e ke hoa ma ia bapetizo a no na kumu:

            1. Aole no ke K@ ia kuleana, ke bapetizo aku i kanaka me ka Uhane Hemolele a me ka Ahi; no ke Akua mai no ia.. Aia iho no ka ke Kahuu@ e lawelawe ai, o ka bapetizo aku me ka Wai ma ka inoa o ka Pukuiakua.

            2. Ua hela loa aku la ia mana a@ pela, mawaho aku o ka pololei, a me ka oiaio mau, a ua hookiekie hoi. E lawelawe ke Kahunapule i ka hana a ke Akua me ka haahaa a me ke akahai, aole me ke ake aku iluna ae. I mai la o Paulo Lunaolelo, "nawai no i kanu, na Apolo i hookahekahe wai; na ke Akua nae i hooulu i ka mea i kan@ e Paulo.

            Pela no ke ano o ka lawelawe ana i ka oihana Bapetizo, e bapetizo me ka Wai i ka poe manaoio mai i ka inoa o Iesu, a na ke Akua no e haawi mai i ka Uhane Hemolele maluna o ka poe i bapetizo.

            O ka mahi, waele,kipulu, k@, hoomaemae, hoopulu-wai, a pela aku, o na hanaia ma ko ke kanaka aoao. O ka hooulu ana mai, a hoohua iho a oo a pala, na ke Akua ia, aole na ke kanaka. He oiaio loa keia.Pela no ka oihana o ka Bapetizo, a me ka hai Euanelio ana.

            Ua ikeaia me ka maopopo loa, ua hoole ka Ekalesia o ka Hoomana Karisto Naauao, i ka bapetizo wai @, wai liilii, a o kana bapetizo, he Uhane Hemolele me ka Ahi. Koiuiu no iluna i ke aouli, ka oihana bapetizo o ka Hoomana Karistiano Naauao. Ua hiki hoi; he wa la hoi keia o ka nui o ka ike a me ka naanao i wananaia e ke Kaula.

            Nui no na Hoomana Karistiano i kukuluia ma Hawaii nei, mai ka A, D. 1820 mai: no lakou na inoa:

            1          Hoomana         Kalavi@

            2          "                       Kato@ Rom.

            3          "                       Bihopa Enelani

            4          "                       Moremona Mare Lehuleu

            5          "                       Moremona Mare Pakahi

            6          "                       La Ehiku

            7          "                       Kaona

            8          "                       Rovela

            9          "                       Kauaihilo

            10        "                       Maunaloa

            11        "                       Kamakele, a me

            12        "                       K. Naauao.

            He Bapetizo wai, ka ka hapa nui loa o keia mau Hoomana, a o ka H. K. Naauao wale no, kai oi aku, ma ka Bapetizo Uhane Hemolele a me ka Ahi. E hoomaunoia ma keia; aole o'u hoi@ kue i keia Bapetizo a ke hoa; a pela @ hoi i ka Bapetizo wai liilii a wai nui. a me na mea like ole i lawelaweia e na aoao Hoomana e ku nei. Aka, o ka'u mea i ike ai, a i hoomaopopo ai he pono, oia ka'u e koho ai a hana aku, me ka hoino pilikino ole aku i ka kekahi poe i mauao ai oia ka pono. Aia au ma ia kulana e oni aku nei imua.

            O na mea pono, pololei, a oiaio hoi i ikeia e a'u maloko o kela a me keia o na aoao Hoomana e ku nei i keia wa ma Hawaii nei, he lawe mai no @ mau mea na'u, me ke ano hookae ole, ma ke ano o ka Hoomana. A o na mea a'u i ike ai a i hoomaopopo ai hoi, aole he pololei i kou manao, e lawelawe ia nei e kekahi mau aoao Hoomana, ua waiho aku no au ia mea na lakou, me ka hoino ole aku, a me ka ahewa ole aku hoi. Pela iho la au e ku nei i keia wa.

            A o ka Ekalesia i oleloia, "ka Ekalesia o ka Hoomana La Ehiku," oia ka'u e nana aku nei. No ka mea, oia hoi ka ekalesia i hoomaopopo aku no kekahi kanawai koikoi loa o na kauoha ana mai, iloko o ko ke Akua mau kanawai he Umi, e hoohemahemaia nei e na aoao Hoomana e ae. No ka mea, na kauoha ia mai ke Poo o ka ohana a me ka ohana pu a pau loa, a hiki aku i ka bipi, a me hoki, ke akea o ke kapu oia kanawai, a kahi poe naauao kanaka e olelo nei: Ua pau ia, ua make, ua hala, a pela aku. No kahi wa aku.

            Me na keiki oniu hua kepau o ka nupepa KA OIAIO ko'u welina pau ole.

Kou Oiaio,

E. KEKOA.

 

L. B. KERR,

ma

NAE O KA HALEKUAI O MOGAN.

Alanui Moiwahine. : : : : Honolulu H., I.

 

KE KALEPA POLOLEI MAI NA HALE HANA MAI.

 

E kuai ana i kekahi mea okoa a e kuai ai ma ka i-a ma ke kumukuai kukaa.

 

He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

 

            Oia hoi, ua loaa ia oe na lole nona ke kumukuai Elua Dala HOOKAHI DALA WALE NO.

            NA PAPALE,

            Na Lipine

            Na Pua Papale

            Na Hulu

            Na Lihilihi

            Na Mikinilima

            Na Lole

            Na Paku

            Na Keokeo Uhi-moe

            Na Kihei Huluhulu

            ECT ECT.

 

L. B. Kerr,

ALANUI MOIWAHINE.

Waikiki iho o ka Hale Kudala o Mogan