Ka Oiaio, Volume I, Number 49, 10 Malaki 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I.         HONOLULU, MARAKI 10, 1896.  HELU 49

OIAIO PUKA LA

_____

NA K@ehina io Karisto La. -oo-

HAKUIA E MRS E.G. WHITE.

KA MAHI

            Ua pule ka lunaauhau i hoowahawahaia, "E ke Akua, e aloha mai oe ia'u i ka mea hewa," a ua manao oia he kanaka hewa loa oia, a pela no ka manao o na mea e ae; aka ua ike oia i kona pilikia, a me kona haawe kaumaha o ka hoahewaia a me ka hilahila, ua hele aku imua o ke Akua, e noi ana i kona aloha.  Ua hamama kona naau i ka Uhai e o ke Akua e hooko i kona lokomaikai, a hookuu mai ia ia mai ka mana mai o ka hewa.  Ua hoike mai ka pule hookiekie a haanou o ka Parisaio i kona pani ana i kona mau i ka hoopunana ana mai o ka Uhane Hemolee.  No kona kaawale ana mai ke Akua mai, aole i ike oia i kona haumia ponoi, e ku maopopo @ ana imua o ke kuna ole o ko ke Akua hemolele.  Aole 'oia i ike i kona pilikia aole no hoi i loaa iau kekahi mea.

            Ina i ike oe i kau hewa, mai kali a oi aku kou maikai ma kou hooikaika ana.  He lehulehu na mea i manao aole pono ke hele i-o Karisto la, no ka mea aole i lawa ka maikai o lakou iho.  Ke manao nei anei oe e mahuahua ae ana kou pono ma kou hooikaika ana?  "E hiki anei i ko Aitiopa ke hoano e i kona ili, a me ka leopadi i kona kiko?  alalaila o oukou, ka poe maa i ka hana hewa, e hiki ai ke hana maikai"  Ieremia 13:23.  Aia ma o ke Akua la wale no ko kakou kokua.  Aole he pono ia kakou e kali a oi aku ke koi ana, a oi aku na wa kupono, a hemolele ae ko kakou ano.  Aole hiki ia kakou e kokua ia kakou iho.  He pono ia kakou e hele io Karisto la me ko kakou ano maoli no.

            Mai hoopunipuni nae kekahi ia lakou iho me ka manao, e hoopakele ana ke Akua ia lakou, iloko o kona aloha a me kona lokomaikai, ina e hoole lakou i kona lokomaikai.  E ike'a wale no ka ino loa o ka hewa ma ka malamalama mai ke kea mai.  I ka olelo ana o kanaka no ka lokomaikai o ke Akua, aole hiki ia ia ke kipaku aku i ka lawehala, e nana lakou ia Kalivari.  No ka mea aole wahi alanui e ae e pakele ai ka lawehala, no ka mea, ina i ole keia mohai aole i hiki i kanaka e pakele mai ka mana haumia o ka hewa, a hoihoi ole ia oia i ka noho pu ana me na poe hemolele, -hiki ole ia lakou e lilo i poe lawelawe ma ko ka Uhane ola, -no keia ua lawe o Karisto maluna iho ona ka hewa o kapoe hoolohe ole, a ua ehaeha ma kahi o ka lawehala.  Ke hoike nei ke aloha a me ka ehaeha a me ka make o ke Keiki a ke Akua i ka inoino launa ole o ka hewa, a ke hoike mai nei aole he malu mai kona mana mai, aole he manaolana no ke ola kiekie ae, aia wale no ma ka hoohaahaa ana i ka uhane imua o Karisto la.

            Ke hookuu nei kekahi poe ia lakou iho, me ka olelo,  "Ua like kuu maikai me na hoahanau o na ekalesia.  Aole i oi aku ko lakou hooikaika ana no na mea e, aole i oi aku ko lakou noho malie, ko lakou noho pono ana i ko'u."  Pela e hoolilo ai lakou i ko hai hewa i mea e pale ai i ko lakou hana ole i ka pono.  Aole nae i hookuu ko hai hewa i kekahi mea; no ka mea, ua haawi mai ke Akua i kanaka he kumu hoohalike kina ole.  Ua haawiia mai ke Keiki kina ole a ke Akua i kumu hoohalike no kakou, a o na mea i hoohalahala i na hana hewa a na hoohanau o ka ekalesia, he pono ke oi aku ka pono o ko lakou noho ana a oi aku ka maikai o ko lakou ola aina.  Ina ua ike lakou i ka pono kiekie o ke Karistiano, aole anei i oi loa aku ko lakou hewa?  Ua ike no lakou i ka pono, aole nae ae aku e hana.

            Mai hoopanee.  Mai hoopanee i ka wa e haalele ai oe i kou mau hewa, a i ka imi ana i ka maemae o ka naau ma o Karisto la.  Ma keia mea ua kuhihewa na tausani o na tausani, me ka poino mau loa.  Aole a'u e olelo nui aku ana no ka pololei a me ka maopopo ole o keia ola'na; aka no kekahi pilikia nui -he pilikia aole i hoomaopopo lea ia -ke hakalia ka hoolohe ana i ka leo koi o ka Uhane Hemolele o ke Akua, ke kohoi i ka noho ana iloko o ka hewa; no ka mea oia no ke ano maoli o ia hoopanee ana.  He poho mau ka hope e ili mai ana ke noho iloko o ka hewa, ina no he uuku ua hewa la.  Ina aole e lanakila ana maluna o ka hewa, e lanakila mai ana no ka hewa maluna o kako, a hoohana aku i ko kakou poino mau loa.

            Ua manao o Adamu laua o Ewa aole he mea nui ka ai ana i ka hua i papaia, aole he poino nui e like me ka ke Akua i olelo ai.  O keia hewa liilii nae ka uhaki i ke kanawai naueue ole a hemolele o ke Akua, a ua hookaawale ia ke kanaka mai ke Akua a wehe ia na pani wai halana o ka make a me ka popilikia maluna o ko kakou nei honua.  No na kau lehulehu ua pii ae mai ka honua nei he leo kanikau mau, a ua uwe na mea a pau i hanaia me ka ehaeha pu no ko lakou hookuli.  Ua komo aku iloko o ka lani ka hua o kona kipi ana i ke Akua.  Ke ku nei o Kalivari he kia hoomanao no ka mohai kupanaha i mea panihakahaka no ka haki ana o ke kanawai o ke Akua.  Mai manao kakou he mea liilii ka hewa.

            Ua ili mai hoi maluna ou iho kela hewa keia hewa, kela me keia hoowahawaha ana, a hoole i ke aloha o Karisto; ke hoopaakiki nei i ka naau, ke hoohaumia nei i ka manao hooko, ke hoomake nei i ka naauao, ua hooemi i kou makemake e ae aku i ke koi oluolu ana o ka Uhane Hemolele o ke Akua; aole oia wale no, ua emi kou ikaika e ae aku ia koi ana.

            He lehulehu na mea e hoomalielie nei i ko lakou lunaikehala me ka manao e hiki no ia lakou e hoololi i ko lakou mau aoao hewa ke koho pela; ua hoowahawaha lakou i ke kahea ana i ke aloha, a mahope no e ala hou mai ka manao.  Ke manao nei lakou e hiki no ia lakou ke huli ae mahope o ka hoowahawaha ana i ka Uhane o ke aloha, mahope o ka hoolilo ana i ko lakou ikaika mamuli o Satana, iloko o ka minute pilikia loa e hoohuli ae i ko lakou alanui.  Aole nae he mea oluolu keia e hana aku ai.  He kakaikahi na mea e makemake ana e hoohalike me Iesu, no ka mau o ko lakou ano a me ke aoia ana a kumupaa iloko o ko lakou noho ana.

Aole i pau.