Ka Oiaio, Volume I, Number 46, 5 March 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I          HONOLULU, MARAKI 5,  1896.           HELU.  46

 

OIAIO PUKA LA

 

KA HOPENA O KA HOOLA ANA.

 

  O kekahi o na olelo oiaio eehia a nani loa i hoike ia ma ka Baibala, oia no kela olelo no ko Karisto hoi hou ana mai i keia ao nei, e hoopilha i kana hana hoola i hookumu ai. I ko ke Akua poe kanaka, ua loaa ia lakou na manaolana waiwai nui a hauoli palena ole ma ka olelo e hiki hou mai ana oia, ka hoola a me ke ola, e "hoihoi hou mai i kona poe kanaka i hoopale ia aku." O ke kumu-olelo o ka hiki hou ana mai o Karisto, oia ke ki o na puana a pau o ka Palapala Hemolele. Mai ka la mai o na kupuna mua loa o kakou i hulikua ku ai mai ka mala mai o Edena, mai ia manawa mai kekali ana aku o na keiki o ka manaoio o ka hiki hou ana mai, o ka mea i olelo ia e hele hon mai ana, e wawahi i ka mana o ka mea luku a hoihoi hou mai ia lakou i ka Paredaiso i lilo aku mai a lakou. Ua nana aku na kanaka hemolele o ke au kahiko i ka hiki hou ana mai o ka Haku iloko o kona nani, oia hoi ka hooko ia ana o ko lakou mauaolana.

  Ua ae ia hoi o Enoka, ka hiku wale no o na mamo aku mai na mea i noho ma Edena ka mea hoi no ekolu kenetaria i hele pu me keia honua, me ka paawa ole o ka noho ana me kona Akua. --na ae ia hoi oia e ike mai kahi mamao aku i ka mea nana e hoopakele aku mahope: "Ea hoi," wahi ana. "e hele mai ana ka Haku me ka umi tausani o kona poe hoano." Iuda 14:15. I ka po o kona popilikia, ua puana ae la o Ioba me ka hookanalua ole ia o kona hilinai: "No ka mea, na ike au e ola ana kuu Mea hoola, a i ka wa mahope e ku no ia maluna o ka honua. *   *   *   Oia ka'u e ike ai u no'u iho, a e ike ko'u mau maka aole ko hai." Ioba 19:25,27.

  O ka hele ana mai o Karisto e hookumu mai i ka noho ana o ka hoopono, oia ka mea nana i hooulu ae i na olelo nani kelakela o ka poe i komohia e ka Uhane Hemolele. Ua kakau hoi na haka mele a me na kaula o ka Baibala e kalele iho maluna o ia buke me na olelo lapalapa mai ka lani mai. Ua mele hoi ka Haku mele alii i ka mana a me ka nani o ko Isera la alii! "Mailoko mai o Ziona ka hemolele o ka nani, i hoomalamalama mai ai ke Akua. E hele mai ana ko kakou Akua, aole e noho wale:   *   *   *   E kahea ana oia i ka lani mailuna mai, a i la honua hoi, e hooponopono oia i kona poe kanaka. "Halelu 50:2--4 "E olioli mai ka lani, e hauoli hoi ka honua; imua o Iehova; no ka mea ke hele mai nei oia no ka mea, ke hele nei hoi, ke hele mai nei hoi e hooponopono mai i ka honua; ke hooponopono mai nei oia i keia ao ma ka pololei a me na kanaka hoi ma ka oiaio." Hal. 96:11, 13. Olelo mai la o Isaia, "*   *   *   e ala mai, e olioli oukou, e ka poe e noho ana ma ka lepo,   *   *   *   e hoolei aku no ka aina o ka poe i make!" Isaia 26:19. "E hoopau no hoi oia i ka make no ka manawa pau ole; a na ka Haku Iehova e holoi i ka waimaka mai na maka a pau aku;   *   *   *   ia la la e ololo no lakou; aia hoi o ko makou Akua keia na kakali makou iaia, a na hoola mai oia ia ia makou." Isaia 25:8,9.

 

HAAWINA HELUHELU BAIBALA.

 

KO KARISTO HIKIHOU ANA MAI

1  E hele hou mai ana anei o Karisto i keia honua ? Heb. 9:28.

  "Pela hoi o Karisto, a pau kona hoolilo hookahi ana ia ia iho i mohai e halihali aku i ka hewa o ka lehulehu, e ike hou ia oia me ka mohai ole, i ka lua o kona hiki ana mai, e ola'i ka poe e kiai ana ia ia"

2  E hoakaka i ko Karisto pii ana i ka lani. Oih. 1:9

  "A oki ae la kana olelo ana ia mau mea, e nana aku ana lakou a laweia'ku la ia iluna; a na ke ao no ia i apo mai, mai ko lakou mau maku aku."

3 E hele hou mai ana anei oia e like me ia? Oih. 1:11.

  "I mai la hoi lana, e na kanaka o Galilaia, no keaha la oukou e ku nei e nana aku ana i ka lani? O Iesu nei,l ka mea i lawe ia aku nei i ka lani, mai o oukou aku nei, pela no ia e hoi hou mai ai e like me ka oukou ike ana aku ia ia e pii ana i ka lani." Ua pii aku oia i ka lani me kona ike maka ia, a komo hoi oia a nalo aku la iloko o kekahi ao kaalelewa. Pela no oia e hele hou mai nei.

4 Owai hou ae ia kakau moolelo Baibala i hoakaka mai i kona hoi hou ana mai i ka honua? Hoik. 1:7.

  "Aia hoi ke hele mai la ia me na ao; a e ike aku na maka a pau ia ia, a o ka poe hoi nana ia i o aku; a ia ia no e uwe ai na ohana a pau o ka honua."  E hele hou mai ana oia me na ao, a e ike ana na mea a pau ia ia--e like no me ia i hoi hou ai ma ka lani.

5 Heaha ka mea kamahao e ike ia ana ke hele hou mai oia? 1 Tesa. 4:16.

  No ka mea, e iho io mai no ka Haku mai ka lani mai, me ka hooho, a me ka leo o ka luina anela, a me ka pu a ke Akua, a@o ka poe make iloko o Karisto ke ala e mai."

6 Heaha la ke hookoia ana ia mamua? 1 Tesa. 4:16 (hapa hope) a me 17. (1 Kor. 15:51,52)

  "A o ka poe meka iloko o Karisto ka ala e mai. Alaila e kaili pu ia'ku kakou ka poe i koe e ola okoa ana me lakou, iloko o na ao kaalelewa e halawai pu me ka Haku, i ka lewa; oia hoi, e mau loa ana ko kakou noho ana me ka Haku."

7 Heaha la ka Karisto i olelo ai oia ke kumu o kona hoi hou ana mai i ka honua? Ioane 14:2, (hapa hope) a me 3.

  "Ina aole pela, ina ua hai aku au ia oukou. Ke hele aku nei au e hoomakaukau i wahi no oukou. Ina e hele au a hoomakaukau i wahi no oukou, e hoi hou mai no wau, a e lawe ia oukou io'u la i noho ai oukou kekahi ma ko'u wahi e noho ai."

8 I ka manawa @hea la ka wa e loaa ai i ko ke Akua poo kanaka ko lakou haawina? Luka 14:4, (hapa hope).

  "Lalau iho la ia, a hoola ia ia, a hookuu aku la"

9 He manaolana no anei kekahi no ka poe make mawaho ae o ka hooln hou ana ? 1 Kor. 15:16--18.

  "No ka mea, ina aole ala ka poe make, ina aole i hoalaia o Karisto. Alaila, na make ka poe i moe iloko o Karisto"

  A ina e hoola ia o Karisto, ua makehewa ko kakou manaoio ana; a ke noho nei oukou iloko o ko oukou hewa, alaila, ua make ka poe i moe iloko o Karisto.

10 I ka wa hea la o Paulo i nana aku ai e loaa ana ia ia kona leialii?  2 Tim. 4:6,8.

  "No ka mea, ua makaukau au ao ka nininiia aku, a ua kokoke mai nei ka manawa o'u e hele aku   *   *   *   Ma keia hope aku e waiho mai ana no'u he lei o ka pouo, ka mea a ka Haku a ka Lunakanawai hoopono e haawi mai ai ia'u i kela la."

11 O ka manawa hea la kana i olelo ae ai, ma ka olelo, kela la? 2 Tim. 4:1, (hapa hope).

  "I kona hiki ana mai, a i kona aupuni." Ua nana aku oia no hona leialii i ka manawa o "ka poe a pau i makemake i kona Karisto ikea ana mai," i ka la hookolokolo e hoea mai ai

12 Heaha la ka ike o na lahuikauaka o ka honua i ko Karisto wa e hele mai ai? Mat. 24:30.

  "Alaila, e ikea mai ai ka hoailona no ke Keiki a ke kanaka ma ka lani; a e uwe ua lahuikanaka a pau o ka honua, aia ike lakou i ke Keiki a ke kanaka e hele mai maluna o na ao o ka lani, me ka mana a me ka nani nui."

13 Owai la ka poe e hoakoakoa ia ana. Mat. 24:31.

  "A e hoouna aku ia i ka poe anela me ka pu kani nui, a e hoakoakoa mai lakou i kona poe i waeia mai na makani eha, a mai kela aoao o ka lani a mai keia aoao hoi."