Ka Oiaio, Volume I, Number 45, 4 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

JOHN E. BUSH, LUNA Hooponopono ame Puuku

 

HONOLULU          Maraki 4, 1896

 

KA POE PUPULE

 

            Ua ulunui aku heluna o ka poe pupule, ma Farani mai 6,00o i ka 1870, maloko kekahi o pa okana o Farani, a o keia ulunui ana aa olelo ia mamulino ia o ka alekohala. Ua hoike ia no hoi no keia kumu hokahi i ulu ae na hana ino a pau i hoopoino nui ai i ke ola a me ka ikaika hooulu lahui o keia lahuikanaka i keia wa, a me na lahui e ae.

 

E HOLO ANA.

 

            Ma ka nupepa Bulletin, i hoike ia ae ai, e holo aku ana ka Makua Conrady, no ke kulanakauhale o Canataona, Kina, no ke kokua ana i ka poe i loohia i ka ma'i lepera.  Ua ulu mai keia manao aloha no na ma'i lepera.  Ua ulu mai keia manao aloha no na ma'i lepera o Canataona, mamuli o kona hoole ia aua e ka Papa Ola aole e hoi hou aku ma Molokai e noho ai me na ma'i lepera ma ka Panalaau o Molokai.  E noho ana oia ma Iapana no kekahi manawa pokole e imi ai i ka oiaio o ka lapaau ola i olelo ia ua loaa i ko laila poe lapaau no na lepera, a mailaila aku no Kina.  Ma ka Chiyroda Maru oia e holo aku ai.  Aloha no ia kauwa o ke Akua.

 

UA HIKI MAI NEI.

 

            I ka la inehinei i ku mai ai ka moluahi Chiyoda Maru i o kakou nei iloko 19 la holo mai Yokohama mai, ua lawe n@@@a oia he piha ukana no ka hui o Theo. H. D@@@es, a he poe eepa kekahi, a me ka poe i paa malalo o ka palapala aelike hana, a penei ka hoonohonoho ana:

            Huina o na Iapana a pau loa 737 na kane 599 na wahine 129, na keiki 9.  Ka poe i kepa ia malalo o na palapala aelike hana, o ko lakou huina 605, na kane 487, na wahine 113, na keiki 5, ka poe kuokoa i paa ole i ke kepa ia 132, he 112 kane, 16 wahine, a me 4 keiki, o keia ae la na mea i ikeia e piliana i keia moku, ku ke pai hana ka haawe, o ua mea, he kauwa kuapaa, a o ka hope aku o keia e holo hele ana kakou i o a ianei, e hou hele ana hoi i wahi no kakou e hoopunana ai, e like me he manu la e lewa hele ana ma o a maanei.  Oiai hoi, eia ke komo nui nei na lima hana o na aina e,me ko lakou mana nui e alai ana ia kakakou ma na ano a pau.

 

He omaima: o S. E. Bihopa.

 

            Mai e keia la o kakou, ka maile loa aku no koe.

            Mamuli o ha ukele i hookananuha ai ke Keaka a keia po Paha @ke ole e halawai me na kuia.

            Aia ka Moiwahine Liliuokalani i ka ehakai o Puaena kahi i lualai ai i keia mau la.

 

HE KULANA UILANI.

 

            Aole je wa o i ike ia ai o ka uilani o na lahui kanaka e like me keia wa, a me he la, e hooko ia ana na olelo a na kaula, a Ioela.  (Mok. 3:9) e i ana.  "E hai aku oukou i keia iwaena o na lahuikanaka, e hoomakaukau oukou no ke kaua, e hoala mai i ka poe ikaika, a hookokoke mai no kanaka ikaika a pau, e pii mai lakou; e kui oukou i ko oukou oo palau i pahikaua, a o ka oukou mau paipai ihe, a e olelo iho ka mea nawaliwali ua ikaika au.  E akoakoa oukou, e hele mai e na lahuikanaka a pau, e hoakoakoa ia oukou a puni; ilaila hoi oe e Iehova, e hooiho ilalo i kou poe kanaka."  He mea oiaio loa, ke hooliloia nei na mea a pau o ka noho ana malu no ka noho ana kaua; ke hooikaika nui nei na lahui i kamailio ia ka wanana, e alakai i na lahui liilii e hoohuihui ia lakou malalo o kela a me keia Iahui ikaika.  Eia o Rusia a me Farani ke kahea nei, ke kaikahi malu nei me Tureke, me Kina, a me Amerika, a me na lahui e ae e ku ana me ia i ka la o ke kaua nui weliweli a ke Kaula e kamailio nei.

            Pela hoi na aupuni i berita mawaena o lakou iho, oia o Geremania, Italia, Ausetulia, a me na lahui e ae paha, ma ke ano malu a kakou i ike ole ai.  Ke hoolako nei o Kina a me Iapana no laua iho.  He hoolulu mau nei o Rusia i na lahui o Kina  a me Korea e hoohaunaele mau, a he lilo aku no paha koe o Korea ia Rusia.  Pela no ia e paipai nei la Tureke, e hana ana i na hana e uluaoa aku ai o Enelani a me na lahui e ae, a lilo hoi he kumu kaua.  He wa pokole wale no ko keia mau mea e hala anei maluna o ko ke ao.  Hookahi wale no kumu o ka loihi o keia kaua, aole i piha ka manawa, e like me ka olelo i hoike ia ma Hoikeana 7:1-4, aia hoi a pau i ka hoailona ia na kauwwa o ke Akua ma ko lakou lae, aka, eia ia hana, ke hooko ia nei maluna o ka hoomana o na la hope, no ka mea, e kahea ia ana ka poe haipule o ke Akua "ka poe hoomanawanui, e malama ana i @a kauoha o ke Akua, a me ka manaoio o K@@@@@@to."

 

KELA ME KEIA.

 

            Nui ka we a me ka make ai o ka lahui Areminia.

            Ua olelo ia e hiki mai ana o V. V. Asford ma ka Monowai.

            I ke kakahiaka nui Poaha nei, ke ku ana mai o ka mokuahi Alameda.

            E lawe ia ai ana he hoololi kanawai e Caffery o Lusiana e auhau ia ke kopaa mai na aina e aku.

            Ua hoopanee ia ka Ahaolelo i ka Poalua nei no ka hoomanao ana i ka make o Hon. J. T. Waterhouse.

            Ua holo aku ka Moiwahine kane make Kapiolani a me ke 'lii Kawananakoa no Kailua Hawaii, i ka Poalua nei.

            Aole ae o ka agena o ka lainamokuahi Oceanice, e kuai aku i tikiki ohua no V. V. Ashford, mai Kapalakiko mai no Honolelu nei.

 

L. B. KERR,

 

----ma----

 

NAE O KA HALEKUAI O MOGAN.

 

Alanui Moiwahine,                                                                                              Honolulu H., I

 

KE KALEPA POLOLEI MAI NA HALE HANA MAI.

 

            E kuai ana i kekahi mea okoa a e kuai ai ma ka i-a make kumukuai kukaa.

 

            He kapono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

 

O KA HOOKAHI KALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

 

OIA HOI, UA LOAA IA OE NA LOLE nona ke kumukuai Elua Dala HOOKAHI DALA WALE NO.

 

NA PAPALE,

 Na Lipine

  Na Pua Papale

   Na Hulu

Na Lihilihi

  Na Mikiuilia

    Na Lole

      Na Paku

        Na @eokeo Uhi-moi

          Na Kihei Huluhulu

            ECT       ECT

 

L. B. KERR,

ALANUI MOIWAHINE.

 

Waikiki  ihe    ka Hale Kudala o Mogan.