Ka Oiaio, Volume I, Number 43, 2 March 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA OIAIO PUKA LA

JOHN E. BUSH, huna Hooponopono ame Puuku

HONOLULU.            MARAKI 2, 1896

KOK@A I KA HALEMAI HOOHANA@

            E haawiia ana i keia la, Maraki 2, kekahi hana Keaka lio e ke Keaka a Wirth, no ka pomaikai o ka Halemai Hoohanau. He wa kupono keia o na Hawai puni lealea e komo ae e ike i na hana lealea me ke kokou pu ana i kekahi hale kokua manawalea no ka lahui Hawaii. E kokua ana na Keiki mele Hawaii, a o Silvesta Kalama ana kekahi o na eepa hoomakeaka o na po lealea la. Mai poina.

E HOOPONO.

            He leta kai loaa mai ia makou, e noi mai ana e hoolahe ia aku maloko o ka nupepa. KA OIAIO, na hana pono ole a ka Lunakanawai apana o Hana, Maui. Ua hele aku kekahi Pake imua o ka Lunakanawai a noi aku la e hoopuka ia mai i palapala hopu no kona pepehi ia ana e kekahi mau Pake elua, a ua hoole mai la ka Lunakanawai. Ua manao oia, o ke kumu o kona hoole ana, oia no ka pili aikane ana o kahi o laua ia ia. He oiaio paha keia, aole paha. He mea pono no nae e hana ia ka pono ina poe a pau, oiai na hoonoho ia aku ka Lunakanawai i makua, no kela me keia kanaka me ke kanawai, a o kona hooko ole ana i ha pono he mea no hoi no kanaka e lawe ai i ke kanawai iloko o ka poho o ko lakou lima a hoohana aku, ma o ka hoopilikia wale ana aku ia hai.

KA HOOMANA KARISTIANO.

            Ua hoike mai ka luna-olelo euanelio, Mr. Romig, i keia mau hebedoma elua i hala, ma ka luakini Ekalesia Karistiano, i na ano o ka hoomana ana i ke Akua. Wahi ana, o ka OLELO A KE AKUA a me ka MANAOIO IA KARISTO ke kahua oia hoomana. He nui kana mau wehewehe ana, no ka pono a me ke ola, aka, aole nae mawaho aku o ka OLELO. E hele aku ka haumana a Karisto e hai ana i ka euanelio i na lahui kanaka a pau, a o ka poe e hoolohe ana i ka olelo no Karisto a manaoio, a mihi i ko lakou hewa, e bapetizo aku. O keia a o ka ahaaina a ka haku na mea ano nui, ma na lawelawe ana hoohalikelike e like me ke kauoha. He haiolelo waiwai ko ka po Kapule nei, i piha i na ao ana mai ka Baibala mai, a he mea no hoi e hoonaanao ai i ka poe e noho nanea nei e hele e hoolohe i ike ai lakou i ka mea io mai ka mea io ole.

            Aia malalo o ka hooponopono ana a H.H. Williams ka hoolewa o ke kaikamahine a James Campbell.

NA LETA.

            Aole makou i lawe i na koikoi @ na mahao @ na l@ta e hoolahe ia aku ana, me ka @@ kakau nei l@. He kapono na hoi i ka poe kahau leta no na meahou, a no na manao hoehalahala paha @@ @@@ puni, @@ luna auruni, ma na moe e ae paha, e waiho i na hoino, na peo a@ @@ino, a @ela aku, @@ mailio @@@a no ma ka mea oiaio. E kakau mai ka poe manao, me ko lakou inoa ionoi pu kekahi, i@a @@ manoa lakou e hookomo i kekahi manao ma ka i @@ @@@kapa.

 

MR. LUNAAHOOPONOPONO O KA OIAIO,

Aloha oe.-

            E oluolu oe e hoike ae ma ua kihi oha o keia Paeaina, oia hoi keia ko ka Lunakanawai hoole hoohiki palapala hopu ana ma ka la 19 o Feb. 1896. Owau o Akoi, Pake, ua pepehi ia au e Loo@ho me Ahket me ka hoomainoino ia. Ua eha au, a ua hele au e hoopii imua o ka Luna Makai, ua hookoia, aka, imua hoi o ka Lunakanawai ua hoole ia, he hana naauao ae nei keia a keia L@nakanawai. E ike mai ai oukou e na makamaka? o keia wahi Loo@ho, he kou keia e kahi Pake hoohaunaele mau o ka noho ana. He aikane keia Loo@ho na keia Lunakanawai, oia no paha kona mea i kakau ole ai’i keia palapala hopu. O kahi o keia’ Paka kona wahi noi o mau. Ua ike na mea a pau o Hana nei i keia mau hana. Owau hoi he Pake kumakahiki au aole lona au e hookipa mai ia ia.

            Owau no me ka oiaio,

            MR. AKOI.

KELA ME KEIA.

O Charles Belliner ka luna nui e ke Club Stable.

He nupepa Pukiki kai hoopuka ia ae ma ke Keena o ka Makaainana.

Piha pono ka Aha Mele a na Kula Kiekie i haewi ai i ka po Poaono nei.

Mahope aku o ka hale hoahu pauda kahi i haule ai o ka haole lele baluna.

Nui ka ma’i e laulaha nei mawaena o na keiki i keia mau la.

Mai poina i ke kuai hoemi ma kahi o Silva, Heiau o na Paikini.

E huli hoi aku ana ke Kuhina Willie no Amerika ma ka la 15 o Aperila.

Ua lilo ka Fashion Stable no $6,300 ia Gus Schumann. He $10,000 ka aie.

E haawi ana ka Puali Keaka he paani kokua mana walea no ka Home Hoohanau Kapiolani.

He maimai ko Rev. S. E. Bihopa i keia mau la, nolaila, e kaulua iho ana ke pai ana o kana nupepa.

Ua waiho aku o A. Young i kona noho Luna Nui ana no ka Hale Hana Hao Honolulu, ua paniia aku o Mr. Hedemann.

He kipu ko luna o kekahi moku kalepa i ka po Poaono nei, aole mae he mea i eha. Ua lawe ia mai e hoopaa i ka Halewai ka mea nana kapu.

Ma kahi o elua taupani kanaka i hiki ae ma ke kahua kinipopo i ka Poaono nei, e ike maka ia Prof. Burns i ka lele ma ka baluna. Ua lele ia he 6000 kapuai e ia, a e hiehie no hoi kona kulana i kona lele ana iho ilalo nei nau kona mamalu.

L.B. KERR@

NAE O KA HALEKUAI’O MOGAN.

Alanui Moiwahine,     Honolulu H.,L.

KE KAL@PA POLOLEI MAI KA HALE HANA MAI.

E kuai ana i kekahi mea okoa a e kuai ai ma ka i-a ma ke kumukuai kukaa.

He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.

O KA HOOKAHI DALA I KUAI IA MA KAHI

O L. B. KERR UA LIKE IA ME ELUA

MA NA HALEKUAI E. AE.

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE,

Na Lipia@

Na Pua @apaie

Na Hulu

Na Lahilihi

Na Mikiailima

Na Lole

Na I’aku

Na ookoo Uhi-moe

Na Kihei Huluhulu

ECT ECT.

L.B. Kerr,

ALANUI MOIWAHINE.

Waikiki iho o ka Hale Kudala o Mogan.