Ka Oiaio, Volume I, Number 41, 27 Pepeluali 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

 

KO IESU EKALESIA MA KE AO NEI, AUHEA LA IA?

NAINA-O IA NO KA EKALESIA O KA

HOOMANA KARISTIANO NAAUAO.

 

@ BAPETIZO

MOKUNA VI.

Poha ka Olino o ka Bapetizona-Ka Meahuna

Pohihihi o ka Euanelio-Ke Ki o ke

Aupuni Hiwahiwa.

MAHELE III.

Anuu Elima. ALA HOU ANA.

 

Apana Eha.

Papa    1 Ka noho'na o ke Kanaka me kona Hoa ma loko o Edena.

"           2 Ke Kanawai.

"           3 Ka Haulehia'na

"           4 Kipaku me ka nalohia o Edena Nani.

"           5 Hoino'na o PUKUIAKUA i nei Honua.

"           6 Ekels. Hook. me Papa kahuna Aarona kena hoopau ia ana.

"           7 Lawe o Logon i ke kino pilihonua oiahoi ke Turesateriala.

"           8 Kuai ia ka Honua Nei, ma luna o ka laaukea, me ke koko o ua kanaka la.

"           9 Ka hoolapanai ana i nei Honua.

"           10 Puka mai ka Edena Kahiko i naloale ai, Pupua Hou ka Honua Nei.

"           11 Hooili ia nei Honua no Karisto.

"           12 Bapetizona Hou i ka Honua Nei e like me ia i ke au Kumulipo. Ka Mua, o ka Makua, a o ke Keiki, a o ka Uhane Hemolele.

"           13 Ke  Mele Hou ana o ka Pakuiakua, hoano,hoonani ana, hoomaikai, a mahalo iho, me ka hemolele.

            E oli, e oli, e oli nui o ko ka Honua, o ia ka palena o ke ahonui ana o na haipule Karistiano! E huli, i HAIPULE KARISTIANO!

            Hoakaka: Elua ano o ke Ala Hou, ko ke kino a me ko ka uhane: E ia iho.

 

KINOHONUA.

            1-IOB. 19:25. Nokamea ua ike au e ola ana kuu Mea-hoola, a i ka wa hope, e ku ao ia ma luna o ka Honua. 26. A ma hope o kuu ili na ka ilo e hoopau i keia kino, aka ma kuu kino no au e ike aku ai i ke Akua. 27. O ia ka'u e ike aku no'u iho, a ike no kuu mau maka aole o ko hai; ua kaniuhu kuu naau i loko o'u. Hai. 16:10. Aole oe e haalele i ko'u kino i ka malu o ka make, aole hoi e waiho i ko Mea-hoano a ike i ka palahe. I Kor. 15:40. He kino anolani kahi, he kino anohonua kahi; okoa ka nani o ke kinolani, okoa ka nani o ke kinohonua.

            2-I Kor. 15:38. A na ke Akua no e haawi mai i ke kino no ia mea, e like me kona makemake iho; no keia hua keia hua i kona kino iho. Is. 26:19. E ola auanei kuu poe i make, o kuu poe i make e ala mai no lakou: e ala mai, e oli oukou, e ka poe e noho ana ma ka lepo, nokamea, o kou hua, o ka hau ia ma luna o na mea ulu, e hoolei aku no ka aina i ka poe make.

            Aole i pau.

 

MAKANANI

MA KE KIHI MAUKA O ALANUI PAPU

A ME KALEPA

 

AOLE O MAKOU MALAMA I NA KAMAA hiki ole ia makou ke hooiaio aku i kona paa, a i hiki ole ke kuai no ke kumukuai makepono a i kupono hoi no keia mau ia mamake o ka aina. I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulanano ka maikai, ka paa a me ka nani.

NO KEIA KUMUA LAKOU MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI KE KUAI HAAHAA AKU

I NA MAKAMAKA A PAU

MAI HAWAII A NIIHAU.

 

Eia ma keia kii kamaa aulii e ike ia iho ai na ano o

na kamaa NANI ma kahi o MAKANANI.

 

HE EKUA WALE NO DALA ME HAPALUA

KO KEIA KAMAA!

 

Pela iho la ke ana o ke kuai ana o na ano kamaa o ko makou hale. Nolaila, e hoomanao oukou e na makamaka mai Hawaii a Niihau i kahi e loaa ai na

Kamaa Paa, Na Kamaa Emi.

            Na Kamaa helu Ekahi o ka hiehie,

E LOAA NO MA KA

Ka Hale Kuai Kamaa o

MAKANANI

            Honolulu, Jan. 2, 1896.

 

Na Lole : :

            : : Kohukoku!

 

Oia hoi ka mea a na lede a pau e ake ana e loaa a he

meahiki wale no ke hookoia.

 

E HELE MAI OUKOU ILOKO O KOU

HALEKUAI A E HANA AKU AU I KA

KA MEA KUPONO I KO OUKOU

MAKEMAKE.

 

Ua loaa mai nei ia'u kekahi ano piha o na

LOLE AAHU HOU LOA.

 

Crepon, (he like me kanikau)

Na Lole Farani,

Na Lole Ulana Waihooluu LIke Ole

Na Lole Awiliwili Lopi Silika me Huluhulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Dininite

Na Lole Pongi,

Na Lole Satina

 

Na Peersucker,

Na Bliss,

Na Lole Anuunuu Crepe

 

Na Keokeo Manoanoa o na ano a pau, etc., etc.

 

Aia no hoi ma ko'u Halekuai ka

LOLE FIBRE FABRICA.

 

He mea i oi aku ka maikai i ko ka LOLE NAAU HULU.

Aole no oi i kahiko piha ke ole i hoi loaa ia oe kekahi o kuu

PALEKOKI KOHU MAMALU.

A e halo iho hoi i ke Kaliki (Trilby) ano hou, i kupono i kau e iini nui nei.

Aia hoi ma ko'u halekuai, na Lole Moepoli i kahikonoeau ia, a kupono o ka hana ana iho me Adamu.

Na Pale ili o na kane, i kupono hoi i oe Eva makemake, i huki ai ka Ulua i Malamanui. Uwene oe.

Na Kaliki o na ano maikai loa, i hiki ke hoopuanikiia ka poe aluhee, na kakini, kupono no ka poe paiho a me ka poe pauhananuu o na a-u, @na mikinalima, na hainaka, a pela aku.

E hauoli loa au e hoomakaikai aku i keia mau mea nani i na Lede o Honolulu.

J.J. Egan.

Alanui Papu, Mei 21, 1895 me 12.itf.