Ka Oiaio, Volume I, Number 41, 27 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

 

KA OIAIO PUKA LA.

 

JOHN E. BUSH, Luna Hooponopono @

HONOLULU.  FEBERUARI 27, 1896.

 

KA BILA OPIUMA.

 

Ua lawe ia mai he hoolaha e lawe ia mai ana he Bila Kanawai Opiuma, e laikini ia keia laau make, no na mokupuni a pau.  Eia no ke hooikaika nei ke aupuni @ kinai i keia mea ino, a ua nui no na lima i komo kno i keia hana e noho hookamani nei.  @ ka, pomaikai ka lahui, ina ke aupuni a hoole i ka hooolilo ana i keia mea i kanawai.  He hewa ka ae ana i na mea oia ano, a o ka ae ana e laikini ia ua mea hewa, ua like no ia me @a ae ana e hoonoa ia na hana hewa a pau malalo o ka pono laikini.  Ina e hiki mai ka ninau no ke koho ana ma ka hewa, a me ka pono, poho he hookahi wale no alanni pololei na luna aupuni, e ku oia no ka pono a haule mai na lani.

O Hanale Waterhouse ka hoa o ka Ahaole lo, ka hoa hookahi i hoike ae i kona kue welawela i ka "bila opiuma," a o ka nupepa Avataisa hoi ka nupepa kue ikaika.  Ma keia hana hoike ae ia o Mr. Waterhouse i kona manao kupaa a loli ole e pili ana i ke iho o keia mea, a me kona kue mau.

Ke lulu lima aku nei makou me la ma kela mea, oiai, o ka hewa he hewa ia, a o ka hana hookahi o ke Karistiano oia no ke kue i ka hewa i na wa a pau, ma na ano hapa a pau i ku i ka nono.  Minamina makou ke ae ia keia kanawai.  Aka, aole makou i kanalua ke i ae, ina no e holo ana keia kanawai i Hale Ahaoiaio aole no e kakau inoa ana o Peresidena Dole malalo o kekahi mau kumu koikoi.

 

Mai ka Bina Lahui Mai.

 

Pittsburg Peneselevania Jan. 30, 1896.

 

ka Hoike oiaio imua o ka Lahui Oiwi.

 

(H@mauia).

O ke onaona maikai imua o ko Amerika a pau, a oia hoi, e like me ka nui o ko makou poino i manao ino ia e ka opu aloha ole, pela no ko makou palekana mai ko ke Akua lokomaikai mai.

A no ka mea, eia makou a pau ke ku nei maluna o ko makou mau kapuai wawae me ka oiwi kilakila o ka lanakila.  E hoike aku ana i ko makou lahui aloha, ua loaa ka makou mau ohe dala hou o ka papa ekahi, no ka huina dala he $1,200 mai ka hui mai o C. G. Coun, a oia huina dala ka makou e imi nei no ka uku ana aku ia ia, me ko makou manaoiana no nae e loaa ana no ia makou kela mau huina dala, aole no ka makou hana maikai ana, aka mai ko ke Akua lokomaikai mai, no ka mea, he aloha ke Akua i ka poe i hoinoia no ka pono.

A e like hoi me na mea i hoolahaia no ko makou noi ana ia Minister Hatch ma Washington e kokua mai ia makou, ma keia, ke hoole aku nei makou ia mea, aole he oiaio, he mau lawena olelo wale iho no ia i luluia i ka makani, a e ohi auanei i ka puahiohio, a oiai hoi, ua haalele mai ia ko makou hoa loha maikai, Mekia Kealakai ia makou, a na hui pu aku la ole me J. H. Wilson W. Aylett a me J. Aylett no ke kue ana mai ia makou, a aia i Ki@ kahi i noho hoopili wae ai me kahi poe o laila, a pehea aku nei @ kona ola o ka noho @ elua luna i maopopo ole pehea la e loaa ai @ laua ai, oia hoi o J. Aylett, a oiai hoi, na @ mai i ko makou Puuku, Joe Aea he leka mai ia Mekia Kealakai mai penei:

Kikako, Jan. 29, 1896.

I ka Hoa'loha Oiaio,

Mr. Joe Aea

Aloa oe:-

Ua hele maua o Kimo imua o ke Kanikela Hawaii, no ka hoihoi ana ia maua i Hawaii, a e hoi ana maua @ o na lilo o ke aupuni, a ua lwe i ka hoohiki kue i ko kakou Moiwahine, i kuu@ e loaa ai ko mana kikiki.

O wau @ me ka oiaio.

@ Mekia Kealakai.

He oiaio, ke hoike mai nei na manao awahue o keia leka i ke ano oiaio o na manao kipi i kiponaia iloko o ka puuwai o Mekia Kealakai a me @ Aylett.

Aloha wale ia mau hoa i haule aku la i kapuahiauli, pau pulu aohe lau kanu, koe mai ao na opuu pua a ke onaona.

O ke @pena iho la no nae ia, a o na haawina hoi e loaa mai ana i na ano kanaka puni wale a pau, me ka manao aloha no i nei mau hoa o ka hele pu ana mai ma ka aina hanau mai, a mai ka lahui hookahi mai hoi.

He mau leka a e no kekahi o ke ano malu a J. H. Wihona a me J. Aylett i kaukau mai ai i kekahi opuu pua rose Hawaii D. Wiliokai, au e ka lahui oiwi, a o ke ano e wawahi i ko makou noho lokahi pu ana.  A aia paha oukou ke heluhelu ala ia mau leka maloko o ka nupepa Ke Aloha Aina, a makou e manao nei ua lawa paha ko oukou ike ana a me kekahi mau manao anonui i hoopukaia aku la ma ia nupepa, a me Ka Leo o ka Lahui.

A no ka oiaio o keia mau mea i hoike ia ma keia leta, ke kakau nei makou i ko makou mau inoa pakahi, i keia la 30 o Jan. 1896, ma ke kulanakauhale o Pittsburg o ka mahele aina o Paneaeleva@i.

Charles Woodford

D. Kau

H. Bennie

S. Opeka

Faustino

A. R. Aguilar

J. Kamakahiki

J. K. Pohina

D. K. Kamakaia

W. C. Kaikaana

J. Kainea

H. Paakea

S. Hiram

J. Brown

Thos. Silva

P. Anakolio

A. K. Kaiwi

J. Aea Puuku

R. Spencer

A. H. Elona

C. K. Peter

G. Apiki

J. Kahele

Kalei Montgomery

J. Kuamoo

D. Wiliokai

J.M. Bright

D. Kaleikoa

Z. Kapule

K. S. Kauai

J. Ai@

J. Akana

J. S. Kanoho

O. Palikapu

J. Kaaua

A. Libarati.

O wau no me ka haahaa.

D. WILIOKAI.

 

L. B. KERR,

-ma-

NAE O KA HALEKUAI O MOGAN.

Alanui Moiwahine,     Honolulu H., I.

 

KE KALEPA POLOLEI MAI NA HALE HANA MAI.

 

E kuai ana i kekahi mea okoa a e kuai ai ma ka i-a ma ke kumukuai kukaa.

 

He kupono i na lede o hele mai e nana mua maa noi i ko makou puu waiwai nui mamua o ke kuai ana aku i kahi e aku.

O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE,

Na Lipine

Na Pua Papale

Na Hulu

Na L@hilihi

Na Mikialima

Na lole

Na Paku

Na Keokeo Uhi-moe

Na Kihei Huluhulu

ECT.    ECT.

L. B. Kerr,

ALANUI MOIWAHINE

Waikiki iho o ka Hale Kudala o Mogan.