Ka Oiaio, Volume I, Number 38, 24 Pepeluali 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

HE PANE IA E KEKOA.

HE PONO E HOOPOLEI IA KA HOOLAHA KEKEE,

AIOLE, KA MEAPUPUAHULU.

 

            Mele. 2:7. Ke kauoha aku nei au ia oukou, E na kaikamahine o Ierusalema, ma na anatelope, a me na dia hoi o ke kula, e hooluliluli ole aku oukou, a e hoala ole aku i ka’u mea i aloha’i, a ala wale mai no ia.

 

            E ke Aloha e! e imi aku oe ia Mr. Edward Kekoa, a i na e loaa ‘ku ea, e haawi aku oe i ko makou aloha i loko o Karisto a nui loa iaia, e uwe ‘iku i loko o ka walohia me ka honi hoano.

 

            Mahalo i kou makaala! aka, he wahi kinaunau no nae kou; e nana ma lalo iho: HELU 25, BAPETIZO, MOKUA IV.  MAHELE I.

            A@@@ Akahi.  HUIKALA ANA:

           

            1 – Hoomaemae ana i na heawa; ma muli o ka hahai me ka hoike aku ma ka olelo ana.

           

            He hewa anei ko Iesu? Ae: Nokamea, he kino Tarasateriala kona; a ma muli o na kanawai o ke kina, ua maopoopo he kanaka hewa ia.

 

            O keia ma luna’e, ka makou hahaupapa ana i ka haina; nokamea, ua kukuluia ma ka loina, a me ke kanawai o na kiko, a o ka Piliolelo hoi.  E nana pono loa oe ma ua helu ‘la.

 

            A, a ia ‘ku ma lalo o ua haina ‘la, na wehewehe pananaiki, i hoomilolii nui ia, me ka mimo noeau, a me na pauku baibalakuhikuhi.

 

            He kino Taresateriala io anei ko Iesu? Ae: Nokamea, he oha na Davida ma ka kino; he he pulapula, a he mamo na Aberahama ma ke kino; he io, he koko, he iwi, a he kino pilihonua mai loko mai o Maria, a ma na kanawai pilihonua hoi.  (He okoa kona hoolohe i ke kauoha a ka MAKUA-LANI, aka, no keia Honua no ia MAKUA; a o na kanaka hoi a pau loa.)

 

            Aole makou i wehe piha i na pauku o Iesu ma ke ano pililani; a i na e wahe piha ia, he luaole kona kela, e oi paumi ana ma mua o na mea i kuluma ia oe.

 

            Ua hikiwawe kou lawe ana, me kou ahonui ole, a ike i ka hope o ka makou.

 

            Ua lawe hewa oe i ka makou wehewehe, nolaila, ua hauliki oe!

 

            Aole makou i olelo, ua hele o Iesu e hana i ka hewa; aole hoi, us hanaia ka i hewa, aole loa, pau!

 

            Na pauku kuhikuhi, e hoole ponoi ana ko Iesu waha, aole ona maikai, hemolele, a me na mea like.  E hoopau ke kuhihewa!

            Mat. 19:17.  I aku la oia iaia, No ke aha la oe e kapa mai nei ia’u he maikai?  Aohe mea maikai e ae, hookah wale no, o AKUA.  (hapa mua)

 

            Ko Iesu kino hanau kinohonua ana, he kino Kanaka Maoli no.

 

            Ioa. 1:14.  Lilo mai la ka LO@OU i kanaka, a noho pu ihola me kakou, * * * (hapa mua)

 

            Mat. 1:23.  Aiahoi, e hapai ana kekahi wahine puupaa, ae hanau mai ia i keikikane, * * (hapa mua)

 

            Hanau mai Oia ma ke kino Hewa.

 

            Rom. 8:3.  Nokamea, no ka hiki ole i ke kanawai, no koua nawaliwali ma ke kino, no ia mea, ua hoouna okoa mai la no ke AKUA i kana KEIKI ponoi ma ke ano maoli o ke kino Hewa; i @ mohai no ka hala, ua hoahewa mai la no nae ia i ka hewa i loko o ua kino’la.

 

            I mea e pono ai, eia iho ka panai; mokamea he nui na uhane makewai, i ono i na malamalama elua, a o lakou kekahi e kaupaona i keia.

 

            Rom. 8:3.  For what the law could not do, in that it was weak through the flesh, GOD sending his own Son in the likeness of sinful flesh, and for sin, condemned sin in the flesh:

He Oha o Iesu na Davi la ma ke kino.

 

            Isa. 11:1.  E kupu mai no kekahi lala mai loko mai o ke kumu o Iese, a e hua nui mai kekahi OHA o kana aa.  (Ke ike ihola anei oe i ka oha, e pili ana i ke kalo, ke kino kanaka?)

 

            E ao oe! e kue  nei i na pauku baibala, e hoikeana i ka hiohiona, ma ke ano pilikinokanaka o Iesu: ke kue nei i ka olelo a IEHOVA ONA LEHULEHU.  E mihi! E mihi koke, e hiki mai auanei ka leo o IEHOVA SABAOTA!!

 

            He okoa na pauku pililani o Iesu, a o na pauka pilikino hoi, ke hoike mai nei no ia i kona haahaa launa ole, e kipaku aku ai ko ke Ao Nei IAIA.  E akahele, o kuhihewa oe a hoino iho!

 

            Ko E. Kekoa mau kinaunau: --

1         O ka huaolelo “Ae”, ua okiia a unuhi kaokoa ia’e la; hoolilo ihola i haina piha.

2         He kiko kolona, ke kiko i kauia ma mua iho o ua hua ‘la, penei, AE:

3         Ua hookahuli oe, i ka io a me ka oiaio; o ka makou wehe na bapetizona, i loko o kou manao ponoi.

4         Ua hoolaha akea oe penei, He hewa anei ko Karisto?

 

E olelo ana, O keia ae la ka ninau i kukuluia aku.

 

Ke kolohe o E. Kekoa.

 

1         Ma @ o kela @ @ @ koa ia ana, o ka huaolelo “AE”, mai loko aku o ke kino piha o ka makou haina.  Aole pololei kau.

2         Ua huna oe i ke kiko-kolona, penei ma mua iho o ka huapalapala “AE  He kolohe ia. 

3          O ka hookahuli ana o E. Kekoa, i ka io a me ka oiaio, o ka makou wehena bapetizona, i loko o kou mauao ponoi.  He komohewa ia.

4         Aole i kukulu laula ia, ua ninau ‘la.  He ninau ia i paa ma lalo o ko makou kumuhana ponoi.

5         Ua hewa ko hua “Karisto” o Iesu ma laila.  E nana oe ma ua ninau ‘la, nui loa kou hoololioli.

 

MOOLELO EKLESIA.

 

            I ka A. D. ’93 i Maraki, ua hawanawana aheahe mai ka leo o ka Makua Lani, i kekahi mau kino kanaka i hanaia e kona lima a ke kupaianaha.

 

            Ua kikeke mai i ko lakou mau, e heahea mai ana, @, a e hoalohaloha nui ana; e hapai i ka pono Karistiano, a e hoala hou i na paia o Ierusalema Kinohi ua hookoia @ Ekalesia.

 

            Ua lokahi like, a noho ihola ma ke ano he ahanoonoo, a ua kapaia nae ka inoa he Ahakuka ma ka wa ia e kau ‘la ma luna’e, i Kaha, Mokp. Oahu.

 

            E ia na inoa:

1  J. Kekipi

2  J. K. Kaunamano

3  J. Alapai

4  S. Keawe

5  Rev. S. Kaili

6  Rev. S. Paaluhi

7  F.S. Keiki

8  L. W. P. Kauealii

 

            I loko o ka malama o Iulai 31, A. D. ’93, ua kukulu maoli ia ka ekalesia, a kana @ ka inoa, ka EKALESIA O KA HOOMANA KARISTIANO NAAUAO O KO HAWAII  PAIANA NEI.

 

E noho ana no he ahanoonoo Hou, i kapaia he Ahahooko; a nana i hooili ua inoa ‘la, no loko mai o ka Palapala Hemolele; a p la ihola.  E ia ua hoa o ua aha la:

1  L.W. P. Kanealii Lunahoomalu.

2  W. S. J. Makekau Kakauolelo.

3  J. Kekipi,

4  J. E. Kekipi,

5  Z. Kaleleku,

6  A. P. Naone,

7  W. E. Alohikea.

 

I loko o ia makahiki no, ua komo hou mai, e ia: Oswald Z. W. Waikalai, Hoapili Baker, W. A. Kiha, a me Williams Haskins Kealakai Opio.

            Ua hoihope no kekahi, ua nawaliwali no kekahi, hana ino hou mai no kekahi, a kupaa loa kekahi, hoohenehene wale mai ana kanaka ia makou, a hilahila ihola a huli aku la e huipu, a luakaha ihola me ko ke Ao Nei; a pela ihola.  Ua onipaa ke koena.

 

            I loko o na malama hope o ia makahiki no, ua hooholopaa ka Ahakuka me Hooko, e huli i Kahuapaa no ka Ekalesia, ka Bapetizona, ka Ahaaina a ka Haku, me na loina Ekalesia a pau.  Alaila hooiliia i na lala pakahi, e huli aku i ka baibala, a e nanao aku i na olelo Kahiko, i kauohapaaia e ka lunahoomalu, ua hookoia.  A e ia na buke: Baibala o ia ke alakai, ke Ki Baibala aku, wehewehe Olelo Baibala aku (Dictionary and Key of Bible), Moolelo Baibala (Story of Bible), Huli Ana Akua, Hoikehonua Palapala Hemolele, Moolelo Hoike i ka noho na o na lahuikanaka a o ka Honua Nei, Moolelo Honua (History of the World), Piliolelo kanaka me haole (English and Hawaiian Grammar) e hookuku ana i ka olelo Makauahine, i pololei hoi i ka manao maoli e hoohua ‘e ai i ka mohala.  Ua kokua ka Uhane o ke Akua.  Ua hanaia me ke nookanakamakua, me ka oiaio, a me ka onipaa.  Olelo Kahiko (Latin, Greek, Hebrew) no kekahi; no Lahainaluna mai hoi. 

 

            Loina Ekalesia: 1  I na e koho kahunapula ia kekahi, alaila e malama wale iho no i ka Iesu Karisto oihana: a, 2 Aole loa e komo, aiole, e huipu paha i ka oihana Karistano, i loko o ka paio o na hana kalai’na aupunihonua: a. I Na i kekahi manawa, ua hana aku oia, mamuli o kona manao ponoi, he mau mea nae ia i kue i na loina ma luna’e; alaila o oki koke ia ‘ku no ia, mai kona nohoka@ napule ana no keia Ekalesia.  Ua oki.

 

            O Iesu Karisto ke Keiki a ke Kanaka ke poo o keia Ekalesia.  I na he kanaka, aole ia; i na he haole, aole ia; puke, pukiki, anela a uhane e ae paha, aole loa.  Ua ao baibala ia no kekahi mau hoa o ua Ahahooko ‘la e na kumu, e ia na inoa; Pokue, Dibela, Alekenedero, Cerina, Elias Bona, H. R. Hikikoki; a he buke ki i loaa no laila mai: a o ke ano nui o ka lakou a pau, ua hewa ka io ke ko o, kahi o Iesu i komo ai.  Ua kuikahi ka poe loea a pau o ka Honua no haina: he mea okoa ke ano pili lani.  Ka makou pane no keia, pau loa.

 

            Ua ike no au i na wahi hemahema, e lae na kiko ka @ o na mamalaolelo, na kumu a me na mea like, aka, e hooponopono ia aku ana no mae.

 

            Aloha ea!

            Oswald A. W. Waikalai,

            Meaunuhi-moolelo Ekalesia

                        Alanui Pai-palapala, Feb. 4, A.D. 1896.